المجتمع المصرى الى اين

[casperinoo]

الحمد لله ..ربنا هيكملها علي خير ان شاء الله ...
وكمان سنه هنرجع للمواضيع القديمه السلبيه وهنقول الحمد لله ان البلد اتغيرت للاحسن ..

[A.Saad]

المجتمع المصرى الى التحرير لان الاوضاع دى كانت نتيجتها ثوره مباركه

ثورة لم تنقذه من الهاوية

[hobiko]

لا ان شاء رغم حقد الحاقدين و تأمر الخونة ....... الثورة دى حتنقذه

[dr-mohamed]

انا بردو عايز اعرف ايه الل ىهيحصل 12 ديسمبر 2012 ويا ابو مريم ربنا يخلي لك مريم الاول يا سيدي كل اللى بتقوله والله الواحد بيفكر فيه وفي اوقات بفكر اخد ولادي وارجع بلدنا في الارياف اعيش فيها على الاقل هابقي مطمن على ولادي اكتر من القاهرة خلاص حاسس ان ممكن في لحظة تنفجر انتفاضة الجياع او المعتقدين انهم مضطهدين وللاسف الشديد الانتفاضة دي لن تصيب اصحاب الكومباوندات لانهم في امكانهم البعيدة محصنين لانفسهم وبعضهم طياراتهم جاهزة لنقلهم خارج البلد اللى هيحصل اننا احنا الطبقة اللى المفروض انها متوسطة وهي لم تعد كذلك اللى هنروح في الرجلين ما بين مطرقة الجياع من جهة وسندان الكومباوندات وساكنيها من ناحية اخري

أكثر ما أخشاه الآن ان تكون ثورة الجياع ما زالت في الطريق
وللاسف لم يتغير تفكيري في العودة للريف بل زاد أكثر وأكثر

[magid1010]

لا ان شاء رغم حقد الحاقدين و تأمر الخونة ....... الثورة دى حتنقذه

لا مش حتنقذه لسبب بسيط ان سلوك الشعب واحد ما فيش تغير اللى متعود يمشى غلط اصبح ده الطبيعى بتاعه يبص ما يلاقيش العسكرى يمشى مخالف و يركن فى نص الشارع والسلوك واحد محدش خايف على مستقبل البلد و الناس اللى كانو فى التحرير دلوقتى نجوم فى الفضائيات البلد بتنهار اقتصاديا قولى حصل تنشيط للسياحه ابدا الناس خايفه تيجى حصل تشجيع للاثتثمارات ابدا الكل خايف يستثمر