الفئران

[A.Saad]

اللى مركب سلك على الشباك والفار بياكله
سلوك الشبابييك فيه استانلس
المونيوم
بلاستيك
صلب
ده المربعات الصغير اوى ده الفار بياكله عادى

فيه نوع بقى مش بيقدر ياكله بيكون خرومه اوسع شوية وعلى شكل معين مش مربع وبتلاقيه ناشف اكتر
عيبه انه بيسمح بدخول الناموس
لو حد عنده ناموس ممكن يركب الاتنين فوق بعض
بس كمية الهوا المارة من الشباك هتقل شوية

العضو الفاضل اللى ولاده بينسوا الشباك مفتوح والفئران بتدخل
ممكن يركب السلك فى اطار خشب ويثبته فى حلق الشباك
كدة هوة مش متحرك ومش هيتفتح

[AshTurbo]

اللى مركب سلك على الشباك والفار بياكله
سلوك الشبابييك فيه استانلس
المونيوم
بلاستيك
صلب
ده المربعات الصغير اوى ده الفار بياكله عادى

فيه نوع بقى مش بيقدر ياكله بيكون خرومه اوسع شوية وعلى شكل معين مش مربع وبتلاقيه ناشف اكتر
عيبه انه بيسمح بدخول الناموس
لو حد عنده ناموس ممكن يركب الاتنين فوق بعض
بس كمية الهوا المارة من الشباك هتقل شوية

العضو الفاضل اللى ولاده بينسوا الشباك مفتوح والفئران بتدخل
ممكن يركب السلك فى اطار خشب ويثبته فى حلق الشباك
كدة هوة مش متحرك ومش هيتفتح

السلك الخفيف الرمادي أو الأسود ده كنت مركبه عندي والفئران أكلته فعلاً جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي ) أنا جبت الأبيض عشان بيسمح بمرور ضوء أكبر من الألوان التانية وفعلاً ركبته على كل الشبابيك خاصة شبابيك المنور والجنينة ولكن ولاد اللذين لما لقوا مفيش أمل من الشبابيك دخلوا من الشفاطات بتاعة المطبخ والحمام بقوا بيزقوا الريش الحديد ويدخلوا يعني غصب وأقتدار المهم أنا عاوز أقضي على الفصيلة كلها يعني فكرت أرمي جبنة بالسم في الجنينة وفي مناور الفيلل اللي جنبي بحيث يموتوا كلهم بس السم هو المشكلة مفيش سم بيحوق فيهم .

[A.Saad]

السلك الخفيف الرمادي أو الأسود ده كنت مركبه عندي والفئران أكلته فعلاً

جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي )

أنا جبت الأبيض عشان بيسمح بمرور ضوء أكبر من الألوان التانية وفعلاً ركبته على كل الشبابيك خاصة شبابيك المنور والجنينة ولكن ولاد اللذين لما لقوا مفيش أمل من الشبابيك دخلوا من الشفاطات بتاعة المطبخ والحمام بقوا بيزقوا الريش الحديد ويدخلوا يعني غصب وأقتدار المهم أنا عاوز أقضي على الفصيلة كلها يعني فكرت أرمي جبنة بالسم في الجنينة وفي مناور الفيلل اللي جنبي بحيث يموتوا كلهم بس السم هو المشكلة مفيش سم بيحوق فيهم .

روح لحداد خليه يعمل لك قفص صاج على مقاس الشفاط ويخرمه اخرام صغيرة كتير
ويكون مقاسه على مقاس الفريم الخشب بتاع الشفاط ولا هايعرفوا ياكلوه
بس الاخرام ماتكونش كبيرة يعنى قطرها نصف سم بس

جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي )

فيه منه صلب كمان

[Khalid_Mostafa]

السلك الخفيف الرمادي أو الأسود ده كنت مركبه عندي والفئران أكلته فعلاً جربت بقى البلاستيك اللي قولت عليه شكل الفتحات فيه على شكل معين في منه ألوان ( أبيض - أخضر - برتقالي ) أنا جبت الأبيض عشان بيسمح بمرور ضوء أكبر من الألوان التانية وفعلاً ركبته على كل الشبابيك خاصة شبابيك المنور والجنينة ولكن ولاد اللذين لما لقوا مفيش أمل من الشبابيك دخلوا من الشفاطات بتاعة المطبخ والحمام بقوا بيزقوا الريش الحديد ويدخلوا يعني غصب وأقتدار المهم أنا عاوز أقضي على الفصيلة كلها يعني فكرت أرمي جبنة بالسم في الجنينة وفي مناور الفيلل اللي جنبي بحيث يموتوا كلهم بس السم هو المشكلة مفيش سم بيحوق فيهم .

فيه حل لطيف و صديق للبيئة ومش حيكون مشكلة بالنسبالك بما انك عندك حديقة....جيب قطة واوعدك انك مش حتشوف اي فار تاني ولا حتي الي بييجي في توم اند جيري

[AshTurbo]

روح لحداد خليه يعمل لك قفص صاج على مقاس الشفاط ويخرمه اخرام صغيرة كتير
ويكون مقاسه على مقاس الفريم الخشب بتاع الشفاط ولا هايعرفوا ياكلوه
بس الاخرام ماتكونش كبيرة يعنى قطرها نصف سم بس



فيه منه صلب كمان

هو انا عملت حاجة مؤقتة بالفعل عشان يهدوا شوية وقفلت الشفاطات من برة ومن جوة على قد ما قدرت وأنشاء الله هأشوف حداد يعمل القفص الحديد اللي قولت عليه وأشكرك على أهتمامك .

[AshTurbo]

فيه حل لطيف و صديق للبيئة ومش حيكون مشكلة بالنسبالك بما انك عندك حديقة....جيب قطة واوعدك انك مش حتشوف اي فار تاني ولا حتي الي بييجي في توم اند جيري

قصدك أجيب قطيع قطط مش قطة دول كانوا أكلوها بس أنا فكرت فعلاً في الحل دة وجبت قطة زي دي كدة بالظبط

ولكن الظاهر أنها قطة زينة ماتعرفش ايه نظامها مش تخصص فئران ولا حاجة مش عارف بصراحة كل اللي أعرفه أن القطة دي جابتلي العصبي وكانت كل شوية تطلع على ضهري وأنا نايم وأصحى ألاقيها نايمة في حضني أتخض وانط من على السرير يعني كانت وباء من الآخر فكنت بحبسها وتفضل تنونو فتصعب عليا فأطلعها فتقرفني تاني فأحبسها وهكذا وطبعاً كنت بسيبلها اللبن والأكل بتاعها عشان مأخدش ذنب ولكن قلت على أيه دة كله وروحت أديتها لبنت خالتي هدية في عيد ميلادها .

[aymanay32]

هات قطة بلدى تكون عفية و شديدة و متعودة على اكل الفئران و الجوع و متوحشة او تعلمها انته فى البيت التوحش

[abogogo]

السلك اللى على شكل معين اسمه سلك " بقلاوه " وبيكون مجلفن عشان ما يصديش انا مركبه في شبابيك المنور واكتشفت انهم بيدخلوا من مدخنة السخان الغاز ازاي مش عارف بس صعقت لما لقيت فار في الحمام ولما شفني هرب الى داخل السخان الغاز كنت هولع السخان بس افتكرت ان حرام عليا لو حرقته لان اللى بيعذب بالنار الله عز وجل أخيرا جبت فهد قط بلدي دكر مطلع عيني وبقى فرد رخم في الاسرة سايب الفئران وحاطت دماغة مع العصافير وكتير انزله من فوق القفص بيحاول يفتحه المشكلة مش عارف بيطلع على القفص ازاى وبرضه مش عارف اسربه ازاي

[abokoko]

اخوتى الافاضل

انا برضه بكرر وبسأل عن الاجهزه الكهربائيه اللى مفروض
انها بتطلع اصوات وموجات تزعج الفئران وتجبرها على الفرار

حد عنده خلفيه عن انواع مؤثره وعن تجربه

[AshTurbo]

ياسيدي وعن تجربة لسة واحد صاحبي النهاردة قالي أنها عنده في البيت والفئران بتعدي عليها وجنبها عادي جداً وقالي أنها أختراع فاشل وضحك على الذقون لو كانت بتشتغل كويس كنت جبت منها 5 - 6 وشغلتهم بس للأسف مسمعتش حد أشتراهم اللي ممكن حد يفيدنا بيه هو أسم سم يكون قاااااتل حاجة بتجيب من الآخر .

[abo_hosni]

أول حاجة، الوقاية

ثانيا لو مضطر و عندك فأر في البيت فعلاً، المصيدة هي الحل. مافيش أحسن من سماع صوت باب المصيدة و هو بيقفل و تروح تلاقي الفأر مستنيك في المصيدة و انت و مزاجك يا ترميه من البلكونة يا تقتله
شخصياً كنت بأقتلهم غرقاً في جردل مملوء بالماء أغطس فيه المصيدة على بعضها و هي دقيقة و نصف.
نصيحة تانية الفأر اللي اتمسك ما يباتش في المصيدة، حصلت مرة فأر صغير اتمسك بالليل و الوقت متأخر رحت سايب المصيدة في البلكونة للصبح على ما رجعت لقيت أسلاك المصيدة مفارقة و الفأر خرج!!!!!! أكيد أهله الأقوياء جداً ساعدوه و هربوه

أبو جوجو: سخانات الغاز لها حل بسيط جداً و انت بتركب الماسورة اللي فوق دي حط فيها مصفاة

[A.Saad]

بص يا فندم .. كان في اعلان بيجي في التلفزيون عن شركه بترش و كده مش فاكر اسمها افريقيا الالمانيه حاجه كده يعني المهم اتصلت بيهم جيه الراجل رش الشقه كلها 3 غرف و حمام و مطبخ بالبلكونه بتاعته و بيرش المراتب و الملل بتاعت السرير و تحت السراير و الدواليب و البلكونات و الملابس المركون في الدولاب و الغريب ان فعلا اللي بيرشه رحته بتفضل ساعتين بس وبعد كده بتروح و ملالي زجاجه 2 ليتر من المبيد اللى بيرشه و اداني قاتوره عليها ضمان 6 شهور لو اي حشره او فار دخل المنزل هيجي ويرش المنزل تاني مجانا لمده 6 شهور

انا كنت جايبه عشان النمل كان مجنني الصراحه و لما الناس مشيت فعلا قعد فوق ال8 شهور مشفتش دبانه ولا نموسه ولا نمله و فار و في صراصير اللى بتطير دي كان بيجي يدخل من الشباك ميكملش يا اما يطير بره او يقع قدام الشباك و الازازه ال2 ليتر دي حطيتها في بخاخه كده و بيقيت ارش منها على سور البلكونه و الشبابيك و بعدين في الاخر خلصت و ابتدي دلوقتي مثلا بشوف نمله او اتنين و دخل عندي فار واحد بس ده كله بعد الرش ب8 شهور او اكتر كمان

وكل ده كان ب140 و انا اديت الراجل اللى بيرش 10 جنيه كمان عشان يملي الازازه و اكراميه يعني عشان تعب و رش السجاد و رش كل حاجه يعني الحساب 150 و خدهم ومشي و دلوقتي بقلب البيت على الفاتوره عشان نمرة الشركه مش لاقيها و هموت و اجبهم تاني

المبيد بتاعهم كان شبه اللبن كده بس كان فظيييييييييع

عند حضرتك تليفونهم ؟؟