moving to the next level

[A7MED_PHARMA]

السلام عليكم ورحمة الله

شوية أفكار في دماغي ..رايحة جاية
رايحة جاية
فكرة واحدة معلقة معايا من فترة ..بس كنت متردد في طرحها
إحنا (رجالة وسيدات نايل موتورز)..الحمد لله المنتدى بتاعنا كل يوم بيتطور
كل يوم
طيب نستغل ده إزاي
يعني نتطور ونكون أكبر من منتدى سيارات
فكرة جت في دماغي
بإختصار
ممكن نفكر في مشروع كبير ..شركة أو توكيل أو أي فكرة تجارية كبرى
ويكون لها أسهم
والأعضاء (إلي يحب منهم)يشتري أسهم
ويكون له في المكسب والخسارة(لاقدر الله)
ومن خلال وجودنا على المنتدى ..وعلى الشبكة
لما أعضاء المنتدى(الكااااااام ألف).كل واحد فيهم يعمل دعاية للمنتدى في حتة مختلفة
المنتدى هيضرب نار
ومهما كان المنتج إلي هننتجه..أو المجال إلي هنشتغل فيه
هتكون أرباحه- بإذن الله- خرافية

يعني

نعمل شركة إسمها نايل موتورز ..وتكون شركة مساهمة
ونعمل أي منتج .. أو نستورد أي منتج
المهم
أصحاب المنتدى يستفيدوا .. والأعضاء(أصحاب الأسهم)يستفيدوا

حد موافقني في الفكرة دي
وطبعا يتعمل دراسة جدوى .. وكل النواحي الفنية هيتم دراستها
بس نستفيد ... ونفيد

[aly_hosny]

والله الفكرة دي انا كنت كتبتها في رد في موضوع هنا
وكان رايي حاجة تبقى تبع العربيات
يعني مركز صيانة مثلا او حاجة مشابها
بس بصراحة انا شايف الناس طلعان عينها في ادارة المنتدى ما بالك بقى بشركة

[mr_vampire]

حلوة الفكرة مبدئيا بس لو تفاصيل اكتر عن نوعية المنتج او السلعة اللي نشتغل فيها

[A7MED_PHARMA]

الفكرة إستغلال الأعضاء الكتيررررررر في المنتدى
يعني
أصحاب المنتدى...والأستاذ كريم منير
يعملوا مشروع كبير بإسم المنتدى
والأعضاء يكونوا مساهمين فيه..........وهما الممولين ليه

والمكسب حسب نسبة حاملي الأسهم

[dr-mohamed]

والله فكرة حلوة يا فارما
اعتقد ان الادارة هتكافئك عيلها بشهرين ايقاف وبعدها تتوقف عضويتك نهائي لان دي اخر مرة

بجد الفكرة ممتازة ويا ريت يتم دراستها من الادارة وتفعيلها ونقلها لحيز التنفيذ

[icehearted girl]

وهتدوني كام مقابل انكم تحطوا اسمي ع المشروع..!!...

[A7MED_PHARMA]

وهتدوني كام مقابل انكم تحطوا اسمي ع المشروع..!!...

تخيلي نعمل مشروع
ونسميه ....أسفنجة موتورز
إمسح عربيتك ...بنفسك

منتج مصري 100%

[icehearted girl]

تخيلي نعمل مشروع
ونسميه ....أسفنجة موتورز
إمسح عربيتك ...بنفسك

منتج مصري 100%

[محمد محمد]

فكرة حلوة
المقر فين؟
راس المال كام؟
نسبة مشاركة المنتدي كام؟
نسبة الأعضاء المساهمين كام؟

[medo_2060]

فكره جميله بس عايزه تفكير كتير وتخطيط اكبر كمان عشان الفكره تتنفذ صح

[A7MED_PHARMA]

لو حاجة زي كده تمت
لو إشتغلنا مثلا في حاجة تخص السيارات
أول المستفيدين منها ...هما الأعضاء نفسهم..سواء المساهمين أو غير المساهمين(أصحاب الأسهم يعني)
وتخيلوا
كام أأأأأألف عضو في المنتدى ..هيعمل دعاية للمنتج إلي هنشتغل فيه
كتيرررررررر
....
ونتسفيد كمان ماديا من المنتدى
واصحاب المنتدى يستفيدوا كمان ماديا

وتبقا شركة عملاقة كمااان ..إيه المانع؟؟

[blazer]

فكره جميله
بس صعب التنفيذ
الا لو حد فضى نفسه ليها

[mr_vampire]

فكره جميله
بس صعب التنفيذ
الا لو حد فضى نفسه ليها

مفيش حد ادرا واامن عالفكرة وتنفيذها اكتر من اللي طارحها. الدكتور احمد يشيل الليلة من اولها واخرها ويفكه من حوار الصيدلة ده. اللي موافق يرفع ايده

[A7MED_PHARMA]

مفيش حد ادرا واامن عالفكرة وتنفيذها اكتر من اللي طارحها. الدكتور احمد يشيل الليلة من اولها واخرها ويفكه من حوار الصيدلة ده. اللي موافق يرفع ايده

شغال
وأنا من موقعي هذا
أوعدكم
لو المشروع كسب .. محدش هيطول مني مليم أحمر
نياهاااااااا...وأركب إيفوليوشن 7
ههههههههههههه

..........
والله ياشباب أنا شايفها حاجة حلوة جدا
يعني لو إفترضنا مثلا
إننا هنستورد شئ خاص بالعربيات
لو أنا حبيت أشتري الحاجة دي ..هشتريها من المنتج بتاعنا
ولو حد من أصحابي هيشتري الحاجة دي...هيشتري المنتج بتاعنا طبعا

وشوفوا المنتدى فيه كام ألف عضو
وكل عضو له كام صديق
ده طبعا غير إن المنتج لو أثبت الجودة...ساعتها بجد هنضرب نااااااار
والفلوس هتبقا للركب

[azmeralda]

الفكرة فى حد ذاتها عجبتنى بس ان الناس تتفق على البنود متهيألى قدامنا سنة
وممكن حد يقول اشمعنى مجال العربيات طالما هادخل بفلوسى يبقى عايز ادخل فى حاجة افهم فيها مجاله يعنى بدل ما يقع