كفـــــــــــــــــــاية

[Dr.Karim Emam]

بسم الله الرحمن الرحيم

السلام عليكم ورحمة الله وبركاته

يا جماعة كفاية اللي بيحصل في المنتدى ده
كفاية كلام في الدين مادام هيصولنا للوضع الحالي
لأنه بالطريقة دي هيحصل انقسامات جامده جدا بين الأعضاء

أي موضوع بمجرد ذكر الحلال و الحرام فيه بيقلب خناقة و ينتهي بغلق الموضوع
و إيقاف أكثر من عضو
ده غير الكراهية و الضغينة اللي بتزيد بين أطراف النقاش الحاد

خلاص مابقاش فيه حد بيستحمل التاني
كل واحد قاعد متربص بالتاني و مستنيه يقول كلمة ماتعجبوش عشان يولع الموضوع

للأسف اللي بيحصل في المنتدى ده هو صورة مصغرة للي بيحصل في البلد كلها

يا ريت يكون فيه رقابة اكتر من الإدارة على الموضوعات الدينيه
و السيطرة على أي نقاش ديني من أوله لمنع احتداد الآراء و اشعال الموضوع
و لو إن منعها -في الفترة دي بس- هيكون أفضل

و في الآخر أود أن اوجه رسالة لكل من
ashouhdy
Islam_galal
otefa
Ahmed Samy
dr-mohamed

المسامح كريم و جل من لا يسهو أو يخطئ

و ياريت نصفي النفوس و نسامح بعض

[Dr.Karim Emam]

مفيش حد عاجبة الكلام خالص كده

[tawfic]

للاسف يا دكتور طالبت من الادراه بغلق هذه المواضيع ووضع تحذيربعدم التجاوز كما فعلو فى الاسلحه من قبل على اساس انها اخطر مليون مره من الاسلحه ولكن لم يتم الاستجابه لذالك ومن هنا ايضا اؤكد بل اجزم اذا لم يوضع حد لها لن يستطيع احد السيطره عليها وسيكون المنتدى حلقه صراع بين اخوه الوطن الواحد

[remomemo]

لا بالعكس الكلام محترم جدا
واحى حضرتك عليه
بس واضح ان فى موضوع معين حضرتك بتتكلم عنه وفى ناس وانا منهم ماقرهوش
عشان كده مش مفهوم للبعض

[ashouhdy]

@Dr_Karim Emam

اشكرك بجد ع دعوتك الطيبة و الحمد لله ع كل شىء ... عن نفسى انا مش شايل كراهية لأى شخص فى منتدانا الجميل بالعكس اوجة الشكر لكل من شارك فى المواضيع اللى اتقفلت لأن ع الرغم من أختلاف وجهات النظر الا انى استفدت بردة من أرائهم وارجو ان ميكنش فى حد شايل منى اى حاجة

وسلام حاار للأدارة بجد ممتازة فكرتنى بالحكم اللى عرف اذاى يدير مبارة ساخنة جدا حتى النهاية من غير ولا انذار :))

ولو ع التقارير اللى اتعملت فيا ياريت نخليها جوة المنتدى و خناقتنا متوصلش لأمن الدولة :)))))))))


شكرا لييك

[fadod]

بسم الله الرحمن الرحيم

السلام عليكم ورحمة الله وبركاته

يا جماعة كفاية اللي بيحصل في المنتدى ده
كفاية كلام في الدين مادام هيصولنا للوضع الحالي
لأنه بالطريقة دي هيحصل انقسامات جامده جدا بين الأعضاء

أي موضوع بمجرد ذكر الحلال و الحرام فيه بيقلب خناقة و ينتهي بغلق الموضوع
و إيقاف أكثر من عضو
ده غير الكراهية و الضغينة اللي بتزيد بين أطراف النقاش الحاد

خلاص مابقاش فيه حد بيستحمل التاني
كل واحد قاعد متربص بالتاني و مستنيه يقول كلمة ماتعجبوش عشان يولع الموضوع

للأسف اللي بيحصل في المنتدى ده هو صورة مصغرة للي بيحصل في البلد كلها

يا ريت يكون فيه رقابة اكتر من الإدارة على الموضوعات الدينيه
و السيطرة على أي نقاش ديني من أوله لمنع احتداد الآراء و اشعال الموضوع
و لو إن منعها -في الفترة دي بس- هيكون أفضل

و في الآخر أود أن اوجه رسالة لكل من
ashouhdy
Islam_galal
otefa
Ahmed Samy
dr-mohamed

المسامح كريم و جل من لا يسهو أو يخطئ

و ياريت نصفي النفوس و نسامح بعض

كريم ..شكرا لمتابعتك ،بس الواضح إن الإدارة عايزه مواضيع التناقش في الدين ديه تتفتح وتفضل مفتوحه ..لدرجه إن المواضيع بتبقي مولعه حريقه والناس مسكه في بعض وتلقي admin داخل مدي إنذار لواحد وخارج ..أو داخل يطالب بتهدئه الموضوع ..فبكده واضح انهم عايزين المواضيع تفضل مفتوحه ..بس بيحصل إن أي طرف من الاطرف بيغلط ..يقوم ياخد إيقاف وساعتها الموضوع يتقفل ..

[ashouhdy]

كريم ..شكرا لمتابعتك ،بس الواضح إن الإدارة عايزه مواضيع التناقش في الدين ديه تتفتح وتفضل مفتوحه ..لدرجه إن المواضيع بتبقي مولعه حريقه والناس مسكه في بعض وتلقي admin داخل مدي إنذار لواحد وخارج ..أو داخل يطالب بتهدئه الموضوع ..فبكده واضح انهم عايزين المواضيع تفضل مفتوحه ..بس بيحصل إن أي طرف من الاطرف بيغلط ..يقوم ياخد إيقاف وساعتها الموضوع يتقفل ..

لية ؟ ع فكرة الموضوعين اتقفلوا من غير ولا انذار او ايقاف . ومش فى وقت كبير اقل من ساعتين

[fadod]

لية ؟ ع فكرة الموضوعين اتقفلوا من غير ولا انذار او ايقاف . ومش فى وقت كبير اقل من ساعتين

إتوقف بعد ما اربعه أعضاء بعتو فيك شكوي لايقافك...ودة مش حاجه طبيعية..وكمان أنا بتكلم علي أكتر من موضوع تاني كان فيهم كلام

[ashouhdy]

يالا بسيطة مش مشكلة أكتر من كدة بكتييير وربنا بيسهل.

خلى بالك ان الادارة دول بردوا ناس ذيينا يعنى مش 24ساعة ع النت.

لكن لو جييت للحق المفروض ميكونش فى مواضيع دينية خالص لأن دة منتدى سيارات.

ملحوظة:

هم أربعة بجد ؟؟ انا كنت فاكرهم أتنين

[رزق]

أنا مع رأيك بصراحة بس في حالة مواضيع التحليل و التحريم عشان دي فعلا من أصعب الأمور وبحاول أكتب الحتة اللي جاية دي بأقل احنا ممكن لاي حد.

احنا مش مؤهلين كأفراد إن احنا نفتي فيهم وكل شخص على طرفي النقاش اقصى ماعنده لما النقاش بيشتد حيجيب كوبي وبست لراي شيخ بيؤيده وده مش صعب في وقتنا ده حتلاقي شيخ بيحلل وتاني بيحرم .

إنما مواضيع ادعية ومواضيع تانية غير متخصصة في الدين مفيش مانع من رأيي .

وياريت رأيي مايكونش ضايق حد.

وعايز اضيف مقولة أعتقد إن اللي قالها الإمام الشافعي (رأي صواب يحتمل الخطأ،ورأي غيري خطأ يحتمل الصواب)
إضافة: حتى الجملة الصغيرة دي وانا بدور عليها عشان أكتبها صح لقيت ناس بتقولك ' الراجل مقالش كده '

[ahmed-moga]

كريم ..شكرا لمتابعتك ،بس الواضح إن الإدارة عايزه مواضيع التناقش في الدين ديه تتفتح وتفضل مفتوحه ..لدرجه إن المواضيع بتبقي مولعه حريقه والناس مسكه في بعض وتلقي admin داخل مدي إنذار لواحد وخارج ..أو داخل يطالب بتهدئه الموضوع ..فبكده واضح انهم عايزين المواضيع تفضل مفتوحه ..بس بيحصل إن أي طرف من الاطرف بيغلط ..يقوم ياخد إيقاف وساعتها الموضوع يتقفل ..

مش متفق مع حضرتك يااستاذ فادي في هذا الكلام المواضيع كلها اتقفلت بل بعض منها اتحذف واكيد حضرتك تعلم ذلك جيدا لأنك كنت مشارك في اكثرها والأداره اغلقت كل المواضيع التي سوف تدعي الي مشاكل بين الأعضاء تجول كده وهتلاقي معظمها اتحذف والباقي اغلق وذلك مراعاة لشعور الأخرين يبقي اذاي الأداره عايزه مواضيع التناقش في الدين وعايزه الدنيا تبقي حريقه انا مختلف مع حضرتك في هذا الرآي وهذا التصور

[azmeralda]

الحل ان ميبقاش فى مواضيع دينية !!!!!!!!!!!!!!!!!!!!

هو ده الحل من وجهة نظركم؟

خلاص يبقى يتلغى المنتدى الأجتماعى أصلا

لأن اذا كان هيتسمح لمواضيع من نوعية واحد عايز يزنى مع واحدة صاحبها على مراته وعامل نفسه الحمل الوديع مع ان هو اللى طلب منها تروح معاه فى عربيته وبيستخدم الفاظ تخدش الحياء

واذا كان هيتسمح لمواضيع من نوعية الستات تتعدل ببوز جزمة
وسيب خطيبتك تغور فى ستيين داهية
ومراتى وشها خشب ياعم انزل وسيبها تتفلق وتتربى
والشتايم المتبادلة اللى بتولع الدنيا برضه لأن مفيش اسلوب محترم ان كل واحد يعرف انه الست بتشمل امه واخته وبنته وكل واحدة تعرف ان الرجل بيشمل ابوها ولخوها وابنها ومهما نتكلم مفيش فايدة


دلوقتى وقفت على موضوع يعرف حاجات فى الدين هو ده اللى بيولع الدنيا

اذا كان هو منتدى متخصص فى السيارات يبقى كل الأقسام التانية تتلغى

طب ما كل المنتديات اللى فى الدنيا متخصصة وفيها قسم دينى


اللى بيولع الدنيا هو ان حد يتدخل بدون علم ممكن الأدارة متسمحش لحد يكتب فى المواضيع الدينية الا اذا كان مؤهل بأنه يبعت شهادات معينة تثبت ده وبكده محدش من الأعضاء الكرام يرد ويقول انت بتألف او الكلام ده جبته منين واللى قبلنا كانوا وقافين عند الكلام الشرعى مش بيعدلوا عليه برأيهم الشخصى
وايه الغلط ان المنتدى يبقى فرصة ان اللى مش عارف حاجة يعرفها زى مبنفيد بعض فى كل حاجة تانية ولا لازم نفيد بعض فى الدنيا بس
يمكن ناخد بايد بعض للجنة ولا واسعة دى!

[otefa]

تحية علي الموضوع أولا......... شوفت أسمي فيه بالصدفة
بس أنا بصراحة مش معاك في موضوع منع المواضيع الدينية في المنتدي..........كيف تستقيم الحياة بدون دين!
ملخص الحل في نظري هوأداب الحديث والنقاش
وأولا وأخيرا زي ماأستشهدت بالأية الكريمة مرارا وتكرارا(( لكم دينكم ولي دين ))
وزي ما الأخوة قالو لو ها نمنع الكلام والمناقشات والأستشهاد بالدين في حديثنا أمال هانستشهد بايه غير كلام الله عز وجل شرط الحسني في الجدال(النقاش).............يبقي لا معني لمواضيع الا جتماعي.
وده رأي المتواضع والله أعلم........تحياتي

بسم الله الرحمن الرحيم

و في الآخر أود أن اوجه رسالة لكل من
ashouhdy
Islam_galal
otefa
Ahmed Samy
dr-mohamed

المسامح كريم و جل من لا يسهو أو يخطئ

و ياريت نصفي النفوس و نسامح بعض

صافية وزي الفل والله والحمد لله......الأختلاف في الأراء لايفسد للود قضية

@Dr_Karim Emam

اشكرك بجد ع دعوتك الطيبة و الحمد لله ع كل شىء ... عن نفسى انا مش شايل كراهية لأى شخص فى منتدانا الجميل بالعكس اوجة الشكر لكل من شارك فى المواضيع اللى اتقفلت لأن ع الرغم من أختلاف وجهات النظر الا انى استفدت بردة من أرائهم وارجو ان ميكنش فى حد شايل منى اى حاجة

وسلام حاار للأدارة بجد ممتازة فكرتنى بالحكم اللى عرف اذاى يدير مبارة ساخنة جدا حتى النهاية من غير ولا انذار :))

ولو ع التقارير اللى اتعملت فيا ياريت نخليها جوة المنتدى و خناقتنا متوصلش لأمن الدولة :)))))))))


شكرا لييك

أزيك يا شهدي باشا.........وفعلا كلنا بندخل المنتدي علشان نتبادل الأراء والخبرات من بعض سواء سيارات أو حياتية ولو فيه أي رأي أو نصيحة من عضو للتاني ففي الأغلب بهدف خير

[Dr.Karim Emam]

الحل ان ميبقاش فى مواضيع دينية !!!!!!!!!!!!!!!!!!!!

هو ده الحل من وجهة نظركم؟

خلاص يبقى يتلغى المنتدى الأجتماعى أصلا
المنتدى الاجتماعي مش دين و بس
ده بيتناقش فيه كل ما هو بعيد عن السيارات

لأن اذا كان هيتسمح لمواضيع من نوعية واحد عايز يزنى مع واحدة صاحبها على مراته وعامل نفسه الحمل الوديع مع ان هو اللى طلب منها تروح معاه فى عربيته وبيستخدم الفاظ تخدش الحياء
بلاش التهكم اللي في كلام حضرتك ده
الراجل كان في محنة و اختبار من الله عز و جل و الحمد لله بفضل الله ثم نصائح الأعضاء رجع الى صوابه


واذا كان هيتسمح لمواضيع من نوعية الستات تتعدل ببوز جزمة
وسيب خطيبتك تغور فى ستيين داهية
ومراتى وشها خشب ياعم انزل وسيبها تتفلق وتتربى
والشتايم المتبادلة اللى بتولع الدنيا برضه لأن مفيش اسلوب محترم ان كل واحد يعرف انه الست بتشمل امه واخته وبنته وكل واحدة تعرف ان الرجل بيشمل ابوها ولخوها وابنها ومهما نتكلم مفيش فايدة
لأ طبعا الكلام ده مايرضيش حد

دلوقتى وقفت على موضوع يعرف حاجات فى الدين هو ده اللى بيولع الدنيا

اذا كان هو منتدى متخصص فى السيارات يبقى كل الأقسام التانية تتلغى

طب ما كل المنتديات اللى فى الدنيا متخصصة وفيها قسم دينى


اللى بيولع الدنيا هو ان حد يتدخل بدون علم ممكن الأدارة متسمحش لحد يكتب فى المواضيع الدينية الا اذا كان مؤهل بأنه يبعت شهادات معينة تثبت ده وبكده محدش من الأعضاء الكرام يرد ويقول انت بتألف او الكلام ده جبته منين واللى قبلنا كانوا وقافين عند الكلام الشرعى مش بيعدلوا عليه برأيهم الشخصى
وايه الغلط ان المنتدى يبقى فرصة ان اللى مش عارف حاجة يعرفها زى مبنفيد بعض فى كل حاجة تانية ولا لازم نفيد بعض فى الدنيا بس
يمكن ناخد بايد بعض للجنة ولا واسعة دى!
هو ده مربط الفرس
الله يفتح عليكي

تحية علي الموضوع أولا......... شوفت أسمي فيه بالصدفة
بس أنا بصراحة مش معاك في موضوع منع المواضيع الدينية في المنتدي..........كيف تستقيم الحياة بدون دين!
ملخص الحل في نظري هوأداب الحديث والنقاش
وأولا وأخيرا زي ماأستشهدت بالأية الكريمة مرارا وتكرارا(( لكم دينكم ولي دين ))
وزي ما الأخوة قالو لو ها نمنع الكلام والمناقشات والأستشهاد بالدين في حديثنا أمال هانستشهد بايه غير كلام الله عز وجل شرط الحسني في الجدال(النقاش).............يبقي لا معني لمواضيع الا جتماعي.
وده رأي المتواضع والله أعلم........تحياتي

أنا قلت توقف المواضيع الدينية في الفترة دي بس كمحاولة لضبط النفس و عشان نعطي فرصة لكل واحد انه يراجع افكاره و اراءه مره اخري
وبعدين ترجع تاني المواضيع الدينية

و بالنسبة للإستشهاد بآيات أو احاديث دي شئ و فتح مواضيع دينيه من الأول أو تحويل اتجاه الموضوع الى الدين شئ آخر

الحمدلله إن الدعوة جابت مردود إيجابي

بس أنا عندي فكرة
ممكن الإداره تعين احد الأعضاء المشهود لهم بالتدين و حسن الخلق و يكون مضطلع دينيا و يكون زي (مفتي المنتدي)
و لو اي عضو احتاج أي مشورة دينيه يلجأ له و يأخذ برأيه عشان نضع حد للقيل و القال

[otefa]

الحمدلله إن الدعوة جابت مردود إيجابي

بس أنا عندي فكرة
ممكن الإداره تعين احد الأعضاء المشهود لهم بالتدين و حسن الخلق و يكون مضطلع دينيا و يكون زي (مفتي المنتدي)
و لو اي عضو احتاج أي مشورة دينيه يلجأ له و يأخذ برأيه عشان نضع حد للقيل و القال

أنا معاك بس متحفظ في أنه يكون مفتي(كلامه مسلم بيه).......هو يوضح ويستشهد بأيات من القران والسنة لأنه وببساطة في رأي لايوجد أنسان منزه عن الخطأ بس الموضوع ممكن يقلل من الخلاف واللبس في كثير من المواضيع
بس ماتنساش نقطة مهمة أننا موقع عام للسيارات وغير معلن له رسميا ديانة محددة ولا يجوز ذلك في نفس الوقت فتطبيق الأقتراح هايبقي صعب شوية لأنه مش موقع ديني بالأساس.