ممكن ياجماعه مساعد فى موضوع جمارك الاجهزه الكهربائيه من على النت ؟؟

[M_HaFeZ]

بافكر فى شراء كاميرا ديجيتال او كاميرا فيديو من على النت من موقع زى امازون بس الصراحه معنديش فكره الجمارك اد ايه ولا موضوع الضرائب
طبعا اللى فكر انه يشوف الاسعار هنا وبره هيعرف ليه
الكامير اللى ب 2000 جنيه بره هتلاقيها هنا فى مصر مش اقل من 3000 ان مكانش كمان 3500 جنيه
ياريت اى حد عنده معلومات فى الموضوع ده والشراء مباشره من غير موضوع ارامكس اللى لازم بتدفع مبلغ علشان صندوق بريدى وحوارات كتيره على شراء لمره واحده (يعنى اللى هتوفره فى المره هتدفعه لارامكس) انما ارامكس اعرف ان موضوعها كويس للى بيشترى علطول مش مره واحده
كمان لو فى حد عنده اى معلومات عن شراء لابتوب من على النت وياترى الجمارك والضرائب اد ايه وبلد التصنيع بتبقى ايه ؟ لانى سمعت انها بتكون 0% وفى ناس بتقول اه بس فى ضرائب وناس تانيه بتقول فيه الاتنين ... ولو فى معلومات عن الضمان فى ماركات معينه محلياً زى السونى مثلا او ماركات الكمبيوتر
فياريت اى حد عنده خبره يدلنى عليها ..
ولكم جزيل الشكر

[M_HaFeZ]

محدش عنده اى معلومه ؟؟؟

[Xpert]

لا حياه لمن تنادي ..... اشتري و اتكل علي الله و زي ما تيجي تيجي .. يأما خللي حد يجبهالك من بره و هوه جاي ...

[مدحت منيب]

الموضوع ده اتبحثت قبل كده كل تفاصيله من حوالى شهر و نص .. د عبس شويه فى الموقع ها تلا قى تفاصيل

كل حاجه..

و عموما الناس ما بتحبش ترد على موضوع مكر ر ر

[M_HaFeZ]

شكرا يابشوى وشكرا ليك يامدحت على الرد
هاحاول والله ابحث بس لو حد عنده اللينك او اى معلومه اضافيه ياريت ميتأخرش
والف شكر

[M_HaFeZ]

طيب ياجماعه لو حد يقولنا الموضوع اللى فات كان مكتوب فيه ايه
يعنى الكلمات المفتاحيه
شراء من النت ولا ايه بالظبط علشان البحث
لان شراء مش كفايه ابدا فى منتدى سيارات ولا نت طبعا