يا ريت معلومات عن تلفزيونات lcd قبل ما اشترى

[atamim]

السلام عليكم ورحمه الله و بركاته

كنت بلف فى السوق اتفرج على تلفزيونات lcd لقيت انواع كتيرة و ماركات كتيرة

يا ريت الى اشترى شاشة 32 بوصة او ما يقاربها يقول لى على الفرق فى الاسعار (من الارخص اولا ) و الخواص و شكرا جزيلا لكم

علما ان الريسيفر بتاعى فية فتحية usb ممكن استخدمها لو التلفزيون ما فيهوش

[newuser2009]

سامسونج ماركه محترمه جدا
و شارب كمان بس انا ما جربتهاش
وفي باناسونيك

[kamalsalem]

هحاول انقلك شوية الخبرة اللي عندي

اولا 32 بوصة ده ارخص حل فعلاً واهنيك عليه...

1- التليفزيون ده بيعوز مسافة قدامة حوالي 3متر عشان تاخد منه احسن اداء
2- مفيش فرق في التكنولوجيا بتاعة الصورة بين ال LCD وال LED... دي خدعة... الفرق في الاضاءة المستخدمة عشان الصورة تنور.. الLED اضاءته اعلى وبالتالي بتحس صورته مشرقة اكتر
3- عمر الشاشات دي كلها دلوقتي متقارب... بس حاول تشتري حاجة متكونش متجمعة في الصين
4- نسبة التباين مهمة... دي اللي بتحدد الشاشة ممكن تعرض كم الوان قد ايه.. جمببب بعض من غير غلوشة... او يعني كل pixel واضحة قد ايه... اوصل لأعلى نسبة تباين في حدود امكانياتك المادية
5- كام صورة في الثانية... التليفزيون العادي زماااان كان 25 صورة في الثانية... دلوقتي في نوعين من الlcd, نوع عادي بيعرض من 60 الى 100 صورة في الثانية.. وده حلو جداً.. وفي من 150 ل 200 صورة في الثانية.. ده صورته غريبة شوية وبتعوز شوية تعود لأن كل حاجة تتفرج عليها هتحسها متصورة في بير سلم زي الفيديوهات بتاعة المنازل كده.. اتفرج على الاتنين جمب بعض في كارفور او بي تك وخد اللي صورتة مريحاك
6- موضوع الusb مش مهم قوي.. مش ال usb اللي يحدد اختيارك
7- متشتريش شاشة كبيرة زيادة عن اللزوم.. اسأل الاول على المساحة اللي هيتحط فيها ايه انسب مقاس ليه.. عشان لو كبيرة قوي هتجيت نتيجة عكسية
8- اتأكد انها FULL HD مش HD READY واتأكد انها بتشيل لحد 1080P يعني الشاشة فيها 1080 خط ملون وبيتعرضوا كل مرة مش مرة ومرة

لو افتكرت حاجة تانية هقولك ان شاء الله وربنا معاك في الاختيار.. ونصيحة تانية من ناحية الماركات.. ابعد عن LG خليك يا سوني يا سامسونج

[atamim]

8- اتأكد انها full hd مش hd ready واتأكد انها بتشيل لحد 1080p يعني الشاشة فيها 1080 خط ملون وبيتعرضوا كل مرة مش مرة ومرة

لو افتكرت حاجة تانية هقولك ان شاء الله وربنا معاك في الاختيار.. ونصيحة تانية من ناحية الماركات.. ابعد عن lg خليك يا سوني يا سامسونج

شجرا جيلا لك و يا ريت توضح اخر حاجتين

ال full hd مش hd ready اى الفرق بالظيت؟ و لية ابعد عن lg ؟؟؟

يا ريت توضيح اكتر فى النقتطتين دول باستفاضة لان الى كنت حشتريت lg hd ready و سعرة 2450 جنية 32 بوصة فيا ريت توضح لى الموضوع

[kamalsalem]

1- HD Ready يعني التليفزيون بيقبلللل انه ياخد وصلة HD من dvd او بلايستيشن مثلاً.. لكن مكوناته الداخليه مش بتعرض صورة HD بجد.. يهني كل الفكرة انه بيعرف يقرى من كابل HD ويديك صورة نضيفة شوية.. عايز دليل؟ في تليفزيونات دلوقتي من ام مدفع وبتاخد وصلة hd.. دي اسمها hd ready.. وانا عندي واحد منهم
2- full hd يعني شاشة عندها القدرة على عرض 1080 خط ملون.. مرتين رايح جاي وده معنى الp الي هي يعني progressive... مصر يعني انه يعرض الخط ده كأنك بتعيد على كتابة بالقلم مرتين في كل كلمة... 120 مرة في الثانية... متخيل كم التكنولوجيا؟ اكيد ده هيكون على حساب السعر
3- عن تجربة مع lg عند اكتر من حد عمره قليل.. ولو نسيته شغال على قناة اللوجو بتاعها ثابت.. هتلاقي اللوجو ده اتحرق في الشاشة وبقيت شايفه علاطول.. عمرك سألت نفسك ليه اللوجوهات بتاعة القنوات دلوقتي علاطول بتلعب وشكلها يتغير وتروح يمين وشمال؟ عشان متفضلش في مكان واحد ف تتحرق على الفيلم الداخلي بتاع الشاشة

[grumby78]

1- HD Ready يعني التليفزيون بيقبلللل انه ياخد وصلة HD من dvd او بلايستيشن مثلاً.. لكن مكوناته الداخليه مش بتعرض صورة HD بجد.. يهني كل الفكرة انه بيعرف يقرى من كابل HD ويديك صورة نضيفة شوية.. عايز دليل؟ في تليفزيونات دلوقتي من ام مدفع وبتاخد وصلة hd.. دي اسمها hd ready.. وانا عندي واحد منهم
2- full hd يعني شاشة عندها القدرة على عرض 1080 خط ملون.. مرتين رايح جاي وده معنى الp الي هي يعني progressive... مصر يعني انه يعرض الخط ده كأنك بتعيد على كتابة بالقلم مرتين في كل كلمة... 120 مرة في الثانية... متخيل كم التكنولوجيا؟ اكيد ده هيكون على حساب السعر
3- عن تجربة مع lg عند اكتر من حد عمره قليل.. ولو نسيته شغال على قناة اللوجو بتاعها ثابت.. هتلاقي اللوجو ده اتحرق في الشاشة وبقيت شايفه علاطول.. عمرك سألت نفسك ليه اللوجوهات بتاعة القنوات دلوقتي علاطول بتلعب وشكلها يتغير وتروح يمين وشمال؟ عشان متفضلش في مكان واحد ف تتحرق على الفيلم الداخلي بتاع الشاشة

عزيزي احب اوضح كام حاجه في كلامك
اولا لا يوجد فرق كبير في الصوره يبرر الزياده السعريه الكبيره بين ال hd ready و ال full hd في المقاسات من 37 بوصه فما دون وده مش كلامي ده كلام خبراء في المجال ده .
ثانيا موضوع اللوجو ومايسمى plasma screen burn-in دي عيب من عيوب شاشات البلازما الناتج عن وجود جزء او كل من الصوره ثابت لمده تزيد عن 20 دقيقه في المتوسط وهذا العيب غير موجود اساسا في lcd
دمت بصحه

[grumby78]

وفيما يختص بشاشات lg فهي عن تجربه لي ولجميع عائلتي فهي شاشات ممتازه ومصنفه عالميا من افضل صانعي البلازما و lcd وتجمع في مصر بكفاءه كما يتم تجميع شارب وتوشيبا وسوني ايضا في مصر والضمان ممتاز ..
والفقره دي انا خدتها من دليل شراء للناس اللي بتقارن مابين hd ready و full hd في المقاسات دون ال 42 كمان وبتقول ان الفرق مش واضح ولايبرر فرق السعر اما 42 فاكتر فالفرق في الصوره واضح :
As a general guideline, if you are getting a HDTV set which is less than 42 inch, you won't be able to notice the resolution difference between a HD Ready set vs a Full HD set. Thus, you will be able to get almost the same visual enjoyment at a lower budget if you buy a HD Ready HDTV (720p) instead.

For screen size 42 inch or greater, going for a Full HD (1080p) will be a better choice as at such big screen size, the pixel difference will be more visible.

[ashraf122]

lg ممتازة ، انا لسة مشترى 42 بوصة lgبقالى شهرين والحمد اللة ممتازة بس المهم دراسة الاوبشن اللى فى الموديل قبل الشراء من موثع الشركة ولا تعتمد على شرح البائع

[DR.M]

Excellent
Mr.Kamal Salem

[atamim]

lg ممتازة ، انا لسة مشترى 42 بوصة lgبقالى شهرين والحمد الله ممتازة بس المهم دراسة الاوبشن اللى فى الموديل قبل الشراء من موثع الشركة ولا تعتمد على شرح البائع

طيب يا ريت السعر و تشرح لنا الاوبشنز الى فيها

كمان بكام 32 بكام؟

[mr_kenawy]

lg الافضل , عندى lh 70 42 بوصة اكثر من ممتازة , و عمرى ما سمعت عن حد اشتكى من اى جهاز lg سواء تلفزيونات او ثلاجات او غسالات بل على العكس تحس ان منتجاتهم فى كوم و السوق كله فى كوم ثانى.

[MaZaGAngeE]

عندي سوني من 5 شهور كده تقريبا و بالمقارنة مع ال جي و سامسونج
سام اعلى و اوضح شاشة بعديها ال جي بعديها باناسونيك و بعدها سوني
للأسف معرفتش كده غير بعد ما اشتريت و جربت الفروقات بنفسي
و فعلا البياع بينصح و بيرشحلك النوع اللي نسبته في المبيعات أعلى و بيقول اي هجايص عشان يبيعلك النوع و الموديل اللي هوه هيستفيد منه اكتر

[atamim]

عندي سوني من 5 شهور كده تقريبا و بالمقارنة مع ال جي و سامسونج
سام اعلى و اوضح شاشة بعديها ال جي بعديها باناسونيك و بعدها سوني
للأسف معرفتش كده غير بعد ما اشتريت و جربت الفروقات بنفسي
و فعلا البياع بينصح و بيرشحلك النوع اللي نسبته في المبيعات أعلى و بيقول اي هجايص عشان يبيعلك النوع و الموديل اللي هوه هيستفيد منه اكتر

طيب يا ريت توضح لنا اى الفروقات الى حسيت بيها فعلا

[AshTurbo]

Panasonic

[MaZaGAngeE]

طيب يا ريت توضح لنا اى الفروقات الى حسيت بيها فعلا

أول فرق ان سوني موديل قديم و ده اللي خلاه يبقى بنفس سعر سامسونج و ال جي
تاني فرق ان شاشة سوني أقل لمعان و بريق منهم مش عارف ليه
تالت حاجة الموديل اللي جبته اتش دي مش العادي بس مفيش فتحة فلاشة

بس لو نفس الموديلات اكيد سوني احسن بس فرق سعر كبير يتعدى ال 1500 جنيه لسوني