حسبي الله ونعم الوكيل (علشان اغير مادة ادفع 80 جنيه !! )

[semsem_uno]

السلام عليكم يا رب نكونو في احسن حال
الموضوع بأختصار ان انا في 3 ثانوي :)
و كنت اخترت السنة اللي فاتت اني اخد اقتصاد و احصاء كمادة ادبية في علمي السنة اللي جاية
لقيت ان كده كده باخد ماس 2 فا ليه ادوش نفسي بمسائل تاني
رحت علشان احول المادة لعلم نفس و في طبعا رسوم التغيير اللي هي 10 جنيه لرقم الجلوس و 10 جنيه للمادة اللي هتتغير يعني 20 جنيه طيب تمام

افاجأ بأن المدرسة طالعة الفصل تقول اللائحة الجديدة بتاعت الوزير 50 جنيه لرقم الجلوس و 30 للمادة!!!! يا خبر ازرق يعني ادفع 80 جنيه
ده غير اللي عايزين يحولو ادبي هيدفعو كام!! و اصلا نص البلد هتحول ادبي علشان المجاميع! و باقي الناس اللي هتغير مواد !!!!!

بقي ده كلام من وزير تعليم !! هو ده التعليم المجاني ؟؟!! مش كفاية اللي اخدتوه من طلبات اعادة التصحيح !! الورقة ب100 و بتعيدو جمع الدرجات بس !!
و الناس الغلابة اللي بالنسبالها ال80 جنيه ديه 800 جنيه يعملو ايه دنا والله بسمع ونا قاعد في النادي الكناسين و الحرس بيحكو مع بعض بلاوي و كل مرة بقول الحمد لله علي النعمة اللي انا فيها !!

حسبي الله ونعم الوكيل و يا رب تجعل الفلوس لعنة في الأيد اللي هتاخدها في النهاية و انا مش مسامح علي حد واخد اكتر من حقه علشان هي اصلا مصاريف المدرسة كلها بكام علشان ادفع في تغيير مادة 80 جنيه ! ده المصاريف كلها 450 جنيه باين

مخالفات عالعربية بدون قانون و مفيش مواصلات و عيشة بتغلي و ياريتها للأحسن مش فاهم في ايه ورا كل ده !!

[semsem_uno]

اااه و كمان المدارس بنروح و خلاص ولا بنستفيد اي حاجة و نص الحصص فاضية اصلا!

[Tarek Gen 2]

مهما كان يا سمسم بصتك انهاردة هتختلف تماما كمان 7 سنين بعد ما تتخرج بسنة كدة

اللى انتا بتقوله دلوقتى ده شوف كمان 7 سنين هيبقى عامل ايه
ربنا يكون فى عون جيلك و الجيل الاصغر منك ربنا يكون معاكوا يابنى والله

فعلا اللى بيحصل دلوقتى ده كفر معرفش كمان سبع سنين هيبقى ايه المصطلح الملائم لوصفه !!!
سواء كان جمال او البرادعى او غيرهم
الحال صعب جدااااااااااااا !!

بس برضه ميسعناش فى الاخر غير قول الحمد لله على اللى احنا فيه و الرحمة من عندك يا رب

[نور القمر]

اعتصموا امام وزارة التربية والتعليم
بس ياريت المشرف يحذف مشاركتي دي بعد ما تنتشر بين الطلبة وقبل ما يعرفوا اني المحرضة

[semsem_uno]

اعتصموا امام وزارة التربية والتعليم
بس ياريت المشرف يحذف مشاركتي دي بعد ما تنتشر بين الطلبة وقبل ما يعرفوا اني المحرضة

LOL علي فكرة ده اللي المفروض يحصل بس من كل الطلبة و ده استحالة

مهما كان يا سمسم بصتك انهاردة هتختلف تماما كمان 7 سنين بعد ما تتخرج بسنة كدة

اللى انتا بتقوله دلوقتى ده شوف كمان 7 سنين هيبقى عامل ايه
ربنا يكون فى عون جيلك و الجيل الاصغر منك ربنا يكون معاكوا يابنى والله

فعلا اللى بيحصل دلوقتى ده كفر معرفش كمان سبع سنين هيبقى ايه المصطلح الملائم لوصفه !!!
سواء كان جمال او البرادعى او غيرهم
الحال صعب جدااااااااااااا !!

بس برضه ميسعناش فى الاخر غير قول الحمد لله على اللى احنا فيه و الرحمة من عندك يا رب

ده ملهوش وصف غير الأستغلال و الفجور يا باشا

[m_car]

يا بلد ما ليها الا العجب! , الوزن هو اللي اختلف ولا الميزان اللي اتقلب!

ردى هو التوقيع بتاعك

[acceleration]

انا بردو فى 3 ثانوى و رياضة 2 بس انا كنت مختار علم نفس already من السنة اللى فاتت وفعلا موضوع ال 80 جنيه ده عامل عمايله معظم الناس اللى اعرفها بتغير مواد دلوقتى ونصهم التانى حول ادبى !!!!
ده غير فعلا ال 100 جنيه بتاعت طلبات التصحيح موضوع فااااااااااااشل وسرقة كمان
فعلا انا مش عارف الناس اللى على قدها تعمل ايه بس
وياريتنا بنروح نكسب حاجة اساسا
( دخلت المدرسة السنة دى اول يوم لقيت كل تالتة ثانوى اللى كلفوا نفسهم وجم 20 بنى ادم منهم انا قلت عادى طلعت الفصل فوق ملقتش ولا بنى ادمين ولا كراسى حتى ومرحتش تانى طول الاسبوع ده )

[ahmadmidop]

يبقى انتا اكيييد اكيييييييييييييييييييييييييييييد في مصر !!!