ارجو المساعده

[shadygalal669]

طب القاهره الجديده قصدك تجمع خامس مثلا و لا ايه
و دي بتبعد عن القاهره قد ايه

تجمع خامس يبعد عن ايه يعني تقصد ايه بالقاهره لو قصدك مدينه نصر يعني و المعادي فهي انا باخدها من التالت لمدينه نصر في 15 دقيقه بكون في الحي التامن

بمسك التسعين للاخر و بنزل على جامع السلام في ثواني مسكت العاشر و شارع صغير ابقي في الحي التامن جمب المنهل في وش شارع النادي الاهلي يعني مش بعيد اووي

[crazylambada]

انا بقيت تايه على العموم متشكر جدا ليكم و حنزل مره تانيه القاهره احاول افهم ايه اللي بيحصل :)

[vBulletin]

انا بقيت تايه على العموم متشكر جدا ليكم و حنزل مره تانيه القاهره احاول افهم ايه اللي بيحصل :)

تاية لية بس بص القاهرة الجديدة مش ابعد من العبور ولا الشروق لا دى قابلها وبعدين ايوة التجمع الخامس ضمن القاهرة الجديدة بس مش عارف نظام الاسعار هناك ماشى ازاى بس هو حى نضيف انت لو كنت بتدور على خدمات كتير يبقى خليك فى مدينة نصر بس مشكلتها انها بتبقى زحمة لو لا يبقى لو معاك عربية اخرج برة المدينة زى العبور والشروق والقاهرة الجديدة والقاهرة الجديدة فيها مشاريع ياما وكلها اجمل من بعد انت لو عندك الوسيط او الاهرام هتلاقى اعلانات كتير بتقول
شقق للبيع العبور الشروق التجمع القاهرة الجديدة ومليون اعلان واعلان اتصل واستفسر وشوف الدنيا هاترسى معاك على اية
وربنا يوفقك

[motoxp]

طب ممكن تساعدونى عاوز شقة فى مدينة نصر ب300 او 350 ده اخرى هدفع 100 مقدم و هقسط الباقى

ياترى ده تجيب شقه محترمة فى مدينة نصر وشارع مش ضلمة ومكسر ؟


اى مساحة مش فارق

وشكرا

[vBulletin]

طب ممكن تساعدونى عاوز شقة فى مدينة نصر ب300 او 350 ده اخرى هدفع 100 مقدم و هقسط الباقى

ياترى ده تجيب شقه محترمة فى مدينة نصر وشارع مش ضلمة ومكسر ؟


اى مساحة مش فارق

وشكرا

مستحيل ياخ moto للاسف الاسعار شدت اوى ولو لقيت بالسعر دة فى مدينة نصر تبقى شقة تعبانة اوى وصاحبها عايز يخلص منها نصحيتى ليك خليك فى التجمع لو كنت قادر عى التقسيط بس المشكلة التجمع والقاهرة الجديدة بقو غاليين بالنسبة للسعر الى بتقولة ماقدمكش بقة الا انك تشترى شقة فى الشروق او العبور وانا بسعر اقل من الى انت كاتبة وفى منطقة كويسة ومساحة كويسة

[motoxp]

طب المعادى الجديدة برضه مستحيل


وايه اخبار الشقق اللى خلف النادى الاهلى

وايه اخبار الشقق اللى فى زهراء مدينة نصر

[crazylambada]

vbulletin
انا متشكر جدا حضرتك شخصيه محترمه و الله انا دلوقتي بتكلم مع الاستاذ محمد على التجمع او العبور و ربنا يقددم اللي فيه الخير

[gebreel]

انا صاحبي عاوز يبيع شقته 110 متر في حي الواحة في مدينة نصر و طالب فيها 240000 لو عاوز اي تفاصيل ابعتلي على الخاص

[Ahmed Nouh]

عندك حق بس انا كلمت الراجل على اساس انة عايز فى المناطق دية وانا عن نفسى ارجح القاهرة الجديدة جميلة جدا وليها مستقبل مبهر بس على فكرة فى مناطقى ورا اولاد رجب ودية مستحيل تبقى ب 600 الف لانها مش على الشارع الرئيسى بتاع مصطفى النحاس لانة على السارع الرئيسى بيبقى ب 650 لو عماير قديمة ولو جديدة بتبقى 750 اقل او اكتر بسيط بس لازم تروح لواحد مايخدكش صيدة ويجبلك ال انت عايزة على قد امكانياتك
هو انا معاك فى شقق تقرف بس سيبك انت منها وبعدين المادة هيا الى بتحكم غير لما الراجل يلاقيك جاد ومستعد تدفعلةة من بكرة كل الكلام دة بيفرق بس عايز مناطق نظيفة كاالاتى عندك شارع بن قتيبة وعندك كمان شارع الغنام
فى ظهر مصطفى النحاس من عند اولاد رجب وعندك شارع ذاكر الحسين اتصدق باية انا كان عندنا شقة فى شارع الغنام دوة بعتها ب 250 الف من 7 سنين انا دلوقتى بندم كل الندم انى بعتها كانت 200 متر متشطبة على احسن مستوى وعمارة جديدة بس يلا دية ارزاق والحمد الله على كل شىء

منا بقول فعلا اللى لقيته فى حدود ال 600 ده كله فى شوارع جانبيه على مصطفى النحاس بقا من 800 وانت طالع ما شاء الله يعنى وتسمع ارقام فوق المليون عادى جدا وانت بتعمل نفسك قال يعنى هتفكر وترد عليهم

والله وقتها كنا بنتكلم مع الناس اللى شققهم فوق حدود السعر اللى عايزينه فى الحكاية دى ان فلوسنا كاش وكاملة وبكره الصبح لو يحبوا لكن اللى كان ماسك فى سعر مش عايز ينزل منه اكتر من 20 ألف مثلا وشكرا على كدا , على اعتبار ان ال 20 دول يعنى هما اللى البيعه واقفه عليهم !!!

انا شخصيا كرهت السكن فى مدينة نصر بعد التجربة دى برغم ان 70% من وقتى بقضيه هناك

شقتك دى لو لسه معاك كانت كسبتك اكتر من ثمن بيعها مش اقل من ربع وانت حاطط رجل على رجل دلوقتى

[محمد محمد]

منا بقول فعلا اللى لقيته فى حدود ال 600 ده كله فى شوارع جانبيه على مصطفى النحاس بقا من 800 وانت طالع ما شاء الله يعنى وتسمع ارقام فوق المليون عادى جدا وانت بتعمل نفسك قال يعنى هتفكر وترد عليهم

والله وقتها كنا بنتكلم مع الناس اللى شققهم فوق حدود السعر اللى عايزينه فى الحكاية دى ان فلوسنا كاش وكاملة وبكره الصبح لو يحبوا لكن اللى كان ماسك فى سعر مش عايز ينزل منه اكتر من 20 ألف مثلا وشكرا على كدا , على اعتبار ان ال 20 دول يعنى هما اللى البيعه واقفه عليهم !!!

انا شخصيا كرهت السكن فى مدينة نصر بعد التجربة دى برغم ان 70% من وقتى بقضيه هناك

شقتك دى لو لسه معاك كانت كسبتك اكتر من ثمن بيعها مش اقل من ربع وانت حاطط رجل على رجل دلوقتى

اللى عامل زي مدينة نصر دلوقتي الحي التاسع في العبور ده حتي بقي يسموا الشوارع فيها بأسم الشوارع اللى في مدينة نصر...الشارع اللى فيه المركز التجاري اسمه عباس العقاد وفيه شارغ تاني اسمه الطيران و لسة الحي في بدايته .