مصيبة فى حضانة الازهر النموذجى

[محمد بلال]

هو انا مش فاهم ... الإعتراض على إيه ؟؟ و المصيبة فى إيه ؟؟

إن حمام الولاد جنب حمام البنات ؟؟

ولا حمام الولاد بتاع الأطفال مشترك مع حمام الولاد بتاع إبتدائى؟

المصيبة ان تلاميذ 4 و5 سنوات مع تلاميذ 11 سنه بالاضافة ان دورات مياه الاولاد والبنات جنب بعض الواحد ما يعرفش ايه اللى حيحصل

[Abo_Lina]

دي بيتدفعلها فلوس ?
حرام بصراحة
حاول تنقله فعلا

[SeiffoZ]

المصيبة ان تلاميذ 4 و5 سنوات مع تلاميذ 11 سنه بالاضافة ان دورات مياه الاولاد والبنات جنب بعض الواحد ما يعرفش ايه اللى حيحصل

مع حضرتك طبعا إنهم يفصلوا الأطفل عن الكبار ..

بس حمام الولاد جنب حمام البنات ده غالبا لازم ... عشان نظام الصرف الصحى .. و عشان يبعدهم يبقى عيوب فى التصميم و تكلفه عالية ....

[Sherif Khalifa]

على اساس بسم الله ما شاء الله المدارس الحكومية هي اللى عدلة
ولا التعليم فى مصر أساسا كله عدل!

اللى حصل ملوش علاقة بالأزهر ولا بالمدرسة..دى حاجة تنظيمية المفروض تتعمل في أى مدرسة.

الموضوع مرتبط بعقليات الطلاب فى الازهر و للاسف العمل كدة القائمين على الازهر نفسة
جزء بيفلح و بيمشى فى الدراسة الاسلامية عن حب و جزء للاسف الاكبر الموضوع بيقلب بكبت و نتايجة بتظهر لما يكبر و دا انا بشوفة بنفسى مش من السمع و بس

حضرتك فى مبدأ انا مقتنع بية
عايز تحبب ولادك فحاجة متخلهاش فرض عليهم
(هل حضرتك حبيت جميع المواد الدراسية اثناء الدراسة ؟ و لا حسيت بفرض المواد دى عليك بحكم الدراسة و اتخنئت منها؟)

بس مش مقتنع انى علشان احبب ابنى فى الدين اخلية مفروض علية كدراسة مكثفة

(دا تعبير عن وجهة نظر ليس اكثر)

[m_car]

عوضنا عليك يارب

انا زهلت والله من اللى بتحكيه ده دى حاجة تخوف وممكن تتحول انه لو لقى بنت صغيرة يعمل فيها حاجة ما هو محروم

[abdo_general]

انا لما فكرت ارد علي الموضوع جيت اعمل اقتباس للردود لقيتني عملت اقتناس لاغلب الردود

فا لغيته

مش عارف ليه كله بيشتم في الازهر

مبدئيا انا كنت في ازهر نموذجي
في مدينة نصر

مش عارف الي انت قصدك عليها دي فين

بس عامة انا مش بشكر في الازهر

بس الناس الي بتقول ان الازهري بيطلع مكبوت وان حاجة اتفرضت عليه

اولا من ناحية الكبت مافيش خالص الحمدلله

ثانيا من ناتحية ان المواد بتتفرض عليه

اعتقد ان في حاجات لازم نفرضها علي ولادنا

يعني لو ابنك مش عاوز يحفظ قرءان مش ينفع اسيبه واقول ما هو شاطر في الحساب ولا الفيزياء والكيمياء والرياضة

النبي صلي الله عليه وسلم وطبعا مش محتاج اذكر قصص عن طيبته وحنيته مع الاطفال كلنا عارفينها
بس هو الي قال اضربوهم لعشر ( يعني لما يجي سن عشرة ومش بيصلي يصلي بالعافيه )

في حاجات لازم تبقي فرض

فرض عليك ان انت تبقي عارف دينك مش علشان تفتي فيه علي قد ما هو علشان ماحدش يقدر يشكك فيه

والدور دا علي البيت والمدرسة

يعني ماينفعش علشان بودي ابني ازهر اسيبه خلاص

لازم افهمه كل حاجة بيدرسها لان برضه ما اضمنش جودة التعليم

زي مانا مش ضامنها في اي مدرسة حتي لو خاصة

انا ليا اصحابي مش في ازهر في حاجات بسيطة في الدين ما يعرفوهاش وكنت بستغرب جدا

اما لو بتتكلم عن الاهمال في المدارس الازهرية هو انا كنت في ازهر نموذجي الي في مدينة نصر فا ماشفتش بصراحة اهمال للدرجادي خالص

وعامة برضه الاهمال موجود في المدارس الحكومي والتجريبي واللغات بنسب متفاوته

ومن ناحية مستوي التعليم

انا درست في ثانوي كيمياء وفيزياء واحياء ورياضة غير مود العربي والنحو والصرف وغير المواد الشرعي

باختصار كان عندنا 17 مادة

وعلي فكرة هندسة ازهر واخدة السنة دي من 96

يعنيمعدل الي بنذاكره اكتر من واحد في ثانوية بـ 6 مواد

ونفس الكتب بتاعت الكيمياء والفيزياءوالاحياء

يعني مش اقلل ولا مناهج مسطة

فا اطلق لخيالك العنان وفكر كده لما واحد يبقي دارس كل علوم الكون من علوم لغة وعلوم شرعية غير الكيمياء الفيزياء والرياضة

اكيد نوع من توسيع الفكر والمخ والرؤية

وبعد كده بتتخصص في الجامعة

فا اكيد مش بعد كل دا نقول عليه ............ تيت


وسوري للاطالة

[M.Radwan]

الموضوع مرتبط بعقليات الطلاب فى الازهر و للاسف العمل كدة القائمين على الازهر نفسة
جزء بيفلح و بيمشى فى الدراسة الاسلامية عن حب و جزء للاسف الاكبر الموضوع بيقلب بكبت و نتايجة بتظهر لما يكبر و دا انا بشوفة بنفسى مش من السمع و بس

حضرتك فى مبدأ انا مقتنع بية
عايز تحبب ولادك فحاجة متخلهاش فرض عليهم
(هل حضرتك حبيت جميع المواد الدراسية اثناء الدراسة ؟ و لا حسيت بفرض المواد دى عليك بحكم الدراسة و اتخنئت منها؟)

بس مش مقتنع انى علشان احبب ابنى فى الدين اخلية مفروض علية كدراسة مكثفة

(دا تعبير عن وجهة نظر ليس اكثر)

ثانية، مالها عقليات طلبة الأزهر؟!!
بسم الله ما شاء الله، طلبة الأزهر فى كل حتة وفى كل مجال: دكاترة وصيادلة ومهندسين ومترجمين...شركة الترجمة اللى بشتغل فيها 3/4 المترجمين فيها خريجين أزهر!

مش متفق معاك فى نقطة الكبت نهائي
على اساس ان طلبة الأزهر بيتعزلوا عن العالم الخارجي مثلا؟!
دي مش مدرسة رهبنة ولا عمرها هتكون كده.

الحاجة التانية: فى فترة منن الفترات فعلا زهقت من فرض "بعض" المواد زي مثلا مادة النحو والصرف، لان كانت بتدرس بطريقة وحشة بعيدة تماما عن التطبيق العملي
أما مواد الشريعة فسبحان الله كنت بحبها جدا ودايما درجاتي نهائية فيها ومعظم الطلبة كانوا كده.

تقدر تقولى مين فى مصر بيحب المواد اللى بيدرسها؟
هل كل الطلبة بيحبوا الفيزياء والكيماء وبيموتوا فى الرياضيات؟
التعليم لازم جزء فيه يبقى مفروض عليك، وإلا مش هتحصل حاجة منه.

دلوقتى بعد ما اتخرجت عرفت قيمة المواد دي كويس وبتمنى لو رجع بيا الزمن أدرسها بحب
يكفي انى أعرف الحلال من الحرام، واعرف استخرج الأحكام الشرعية بنفسي بدون وصاية من حد. يكفي انى اقدر اتعامل مع القرآن وكتب التراث الاسلامي كلها بطريقة صحيحة لاني درست اللغة العربية كويس. والله الواحد بيتحسر لما بيشوف معظم الطلبة خارج الأزهر مش بيعرفوا يقرأوا القرآن صح ولا يعرفوا أحكام التجويد إلا من رحم ربي.

الناس اللى عندهم الدين أول حاجة فى حياتهم وشغالين بمبدأ (دينك دينك، لحمك ودمك)، أكيد عمرهم ما هيندمو انهم دخلوا الأزهر أو دخل أحد أبناؤه الأزهر على الرغم من القصور الكبير الموجود حاليا داخل المؤسسة والتحديات اللى أصبحت أكبر منها.

[Sherif Khalifa]

انا معممتش ان كل الطلاب كدة
انا بقول جزء منهم
و الجزء الاخر متفوق زى الاخوة المعانا هنا و فى نمازج مشرفة بالفعل
بس الانا احتاكيت بيهم من الازهرين للاسف نمازج غير مشرفة بالمرة سواء ذكور او اناث
و كان السبب فى كدة القائمين على تعلمهم


بالنسبة لفرضية الدين انا متفق مع حضراتكم انة فعلا لازم يتفرض على الاولاد
بس لية من الصغر منحاولش نحببهم فية بالاقتناع و ليس الفرض

[aymanay32]

انا فكرت ان المعهد لو معملش حاجه حبعت فاكس لشيخ الازهر د. احمد الطيب وحخلى الصحافة تتدخل فى الموضوع عن طريق واحد صفحى معرفه والله المستعان

قدم فيهم بلاغ للنائب العام واتصل بجريدة المصري اليوم واحكلهم اللي حصل.. الناس ال... ده ما بتتحركش الا لما تتفضح في الجرايد.. مهم دول من نوعية اللي يخافو ما يختشوش.......

فاكس ايه اللى انته جاى تقول علية

انته تروح بنفسك و تقدم الشكوى و تطلب مقابلته شخصيا و تكسر الدنيا لحد ما تقابله و تحكيله و يتخذ اجراء يرضيك
و مش كلام و بس
ولا حد هناك يقولك كلمتين يريحوك و يمشيك و يبقى الوضع على ما هو عليه
انته دافع مصروفات امال ابو بلاش بيحصل فيه ايه
ده انا سمعت ان فى الهرم معهد ازهرى العامل بتاع المعهد تحرش بولد صغير فى ابتدائى تخيل الولد دة لو مكانش حكى لاهلة و لا اهله عرفوا كان فضل طول عمرة كدة واخد على كدة و متعود دايما يروح للفراش يتحرش بيه كل يوم لحد ما يكبر و يروح الجامعة و يتخرج و اهله فاكرين بيربوا ابنهم تربية مفيش احسن من كدة




للعلم الكلام دة مش فى الازهر و بس فى كل حته حتى المدارس الخاصة و اللغات بس الناس ما بتتكلمش و بتخاف من الفضيحة فى الحته و المنطقة و المدرسة و الشغل و اعتبارات اجتماعيه كثيرة





مش كدة ولا ايه



.