حد لدية سبب منطقى لغلاء اسعار الخضروات

[elpasha009]

طيب احنا عارفين ان السودان مختلفة فحجات عن مصر ...

بس مفكرتوش تعملو استثمار لية فمصر يفيدنا ؟؟؟؟

مين قال إننا مش عاملين مشاريع تفيد مصر؟؟!!!!

لو قصد حضرتك على المشاريع الزراعية فأنا رديت على النقطة ديه في ردي رقم 12.
لكن مش معنى كده إننا مش بنعمل حاجات تفيد مصر.على سبيل المثال كل الموظفيين عندنا من مصر حتى العمالة من مصر,كل معداتنا بنجيبها من مصر معدا بعض المعدات اللي هيا أصلا مش بتتصنع في مصر,كل البذوور والتقاوي بنجيبها من مركز البحوث الزراعية - وزارة الزراعة,ده حتى كل فسح واللقائات الهامة للإخوة السودانيين بنعملها هنا في مصر يعني بنجيب سياحة لمصر.

[amro1965]

كل البذوور والتقاوي بنجيبها من مركز البحوث الزراعية - وزارة الزراعة
مهم جدا الجملة دى
البذور بنجيبها من مركز البحوث الزراعية مش من اسرائيل
وسلملى على نينو ابن بتشولح
اظن عرفنا ليش مش بنتقدم مش فى الزراعه بس وفى كل حاجة

[elpasha009]

كل البذوور والتقاوي بنجيبها من مركز البحوث الزراعية - وزارة الزراعة
مهم جدا الجملة دى
البذور بنجيبها من مركز البحوث الزراعية مش من اسرائيل
وسلملى على نينو ابن بتشولح
اظن عرفنا ليش مش بنتقدم مش فى الزراعه بس وفى كل حاجة

أنا مش فاهم حضرتك تقصد ايه بالظبط؟؟؟!!هل تقصد إن البذور اللي في مركز الزراعة جاية من إسرائيل؟؟؟

للعلم بس إسرائيل الدولة رقم واحد بعد أمريكا وهولندا في إنتاج البذور والتقاوي الزراعية.ومن أحسن الدولة اللي بتستخدم التكنولوجيا الزراعية.ومصر للأسف مليانة بذور وتقاوي وأسمدة وكيماويات من إسرائيل وتباع على الملاْ عادي جداااا وللأسف على حسب كلام المزارعين الثقة الحاجات الإسرائيلية بتدي إنتاجية عالية جداااااااااااا بس طبعا الله أعلم بمدى سلامتها للإنسان.

[vBulletin]

أنا مش فاهم حضرتك تقصد ايه بالظبط؟؟؟!!هل تقصد إن البذور اللي في مركز الزراعة جاية من إسرائيل؟؟؟

للعلم بس إسرائيل الدولة رقم واحد بعد أمريكا وهولندا في إنتاج البذور والتقاوي الزراعية.ومن أحسن الدولة اللي بتستخدم التكنولوجيا الزراعية.ومصر للأسف مليانة بذور وتقاوي وأسمدة وكيماويات من إسرائيل وتباع على الملاْ عادي جداااا وللأسف على حسب كلام المزارعين الثقة الحاجات الإسرائيلية بتدي إنتاجية عالية جداااااااااااا بس طبعا الله أعلم بمدى سلامتها للإنسان.

ههههههههههههه سلامة مين بقة دى دول بتدبح فينا هاتيجة منين السلامة دة ولو فى ايديهم كانوا ولعوا فينا وخلصوا
وريحوا نفسهم من الحيازة الاقتصادية الى بيعملوها دية دة بتوع اسرائيل دول ديابة

الحاجة الغريبة ان الدول الاوربية متكاتفة مع بعضعهم مش كل واحد بيقولك يلا يانفسى عشان المصلحة العامة وعشان كدة تلاقيهم الدول مفتوحة على بعض ومش محتاج فيزا

اما هنا سياتك كل دولة غير التانية مع ان فية دول محترمة لكن انا عاذرها لانهم مش لاقين الكلام الى جد عشان ينفذوة لانهم ممكن يكتبوا كلام وكلام وحيلنى بقة عقبال لما يتنفذ الموضوع الاقتصادى دة عايز وقفة من كلة مش من داخل الدولة بس لان من خارجها كمان وعلاقتك مع الدول العربية لانهم فى الاول والاخر اخواتك ومش غرب ولو لاقوك راجل مش هايقولو لا ادام فى مصلحة هاتعم على الكل

[aymanay32]

الكلام دة كله غلط
لان الرقعة الزراعية بتاعة الفلاحين المصريين بتقل مش بتزيد ليه لاننا بنبنى عليها او بنبورها او بنحاول نعمل عليها مشاريع تانية غير الزراعة

و بكدة الميه اللى هنحتاجها هتقل
صح ولا غلط

الميه فعلا قلت بس قلت اقل من احتياجاتنا للزراعة فمقدرناش نزرع و نسيب المحصول يموت عطشا فزرعنا حاجات تاخد ميه اقل


طب راحت فين الميه
اتحولت من بحيرت السد العالى قبل ما تدخل السد العالى
راحت توشكى

[amro1965]

اسرائيل مبتعلبش زينا
اسرائيل امريكا وغيرهم من الدول الاستعماريه زمان كان لما دوله تريد احتلال دولة بتغزوها اما الان اصبح الامر مختلف
مثله مثل تاجر المخدرات يعطيك اول وثانى شمه ببلاش وبعدها اذا اردت الشراء يجب ان تدفع مصارى ماشى شرف ماشى كرامه ماشى عرض ماشى حتى اصبح تاجر المخدرات هو السيد والشمام هو العبد
اسرائيل وامريكا اعطتك الشمه الاولى والثانية والان بدات تحصد بدون ان تلقى عليك دانه او رصاصة واحده واللى عايزاه منك بتاخذه وجزمتها فوق رقابينا
ولا نسينا بذور الطماطم الاتية من اسرائيل التى تعطى محصول وفير اول وثانى سنه وبعدها الارض تموت وتحيا بالمضدات الحيوية اقصد بالاسمده وغيرة كتير واساله يوسف والى
نحن اصبحنا يجب ان نأخذ الجرعه يوميا ولا نموت وعلشان ناخذ الجرعه بأنتظام يجب ان نجوع وتشبع اسرائيل تغلى انابيب البوتجاز وترخص لعشر ثمنها لاسرائيل وحديد واسمنت للجدار العازل وغيرة كتير واذا رفضت تمنع جرعه الحياه لك
اتمنى ان اكون وصلت لحضراتكم حقائق صغيرة للواقع المظلم اللى ببنعيش فيه
لعن الله اناس ضاع الحق بينهم

[mahgary]

كنت باجيب خضار و الست البياعة قالتلي إن الحر حرق البذور في التربة ..
و العهدة على البياعة

نفس الكلام الذى ده سمعته من بائع الخضار امس حسبى الله ونعم الوكيل على الذين هم السبب

[calipha3]

جبت الطماطم النهارده بعد طول مقاطعه علي 7 جنيه و طماطم تانيه بلدي الكيلو 4 جنيه :)
و قلت للست هاتي كيلوا واحد قالت ليه بس يا استاذ دا انت كنت بتاخد بالسبعه كيلو و الكلام ان السبب الحر هو الي بيتقال هنا برضه

[Abo_Lina]

طب أنا بألاحظ إن بعض الفواكه زي العنب مثلا بيستمر في النمو داخل التلاجة !!
يعني أجيب العنب يبقى الحباية صغيرة كده .. يقعد يومين في التلاجة ألاقي حجم الحباية تضاعف !

[makka]

مش محتاجين سبب منطقى لغلاء الاسعار احنا فى مصر يا اخواننا ممكن يكون السبب المنطقى دا اقتراب انتخابات مجلس الشعب ولا رئاسة الجمهورية ولا تاجر قام من نومه الصبح قال بيعوا النهارده الطماطم بـ10 جنيه هما مش بيقولوا عليها مجنونه.
على العموم الاسعار فى مصر اقل من دول الخليج.
مصر بتستورد قمح من السعودية عادى خالص ايه المشكلة.
احنا عندنا اراضى شاسعة جدا وقابلة للاستصلاح لكن الاراضى دى بتاعة الدولة ومبتديهاش لحد
والدى رئيس مجلس ادارة جمعية واحد من اهداف الجمعية دى امتلاك أو استئجار الاراضى بهدف استصلاحها
تجيب موافقة الوزير انه معندوش مانع الوزير يعرضها على رئيس الهيئة وهو بدوره يطلب الخرائط الخاصة وبعدين تجيبله مايثبت انها مش تابعة للجيش وبعدين ما يثبت ان مفيهاش آثار ومايثبت انها مش تابعة للاوقاف وما يثبت انها مش محمية طبيعية المشكلة تروح تلاقى الجيش بيقولك بتاعتنا والاثار تقولك بتاعتنا والبيئة تقولك دى محمية من هنا لهنا بتقدر تجيب ما يثبت انها خالية لانك بتكون متأكد من الاول انها تابعة للهيئة كل الاثباتات دى بتاخد سنين وفلوس ومجهود وفى الاخر هنبقى نعمل لجنة لتسعير الارض وفى الاخير هنبقى نعمل مزاد وجرى السنين طار فى الهوا شاشى وانت متدراشى وفى الاخير لا لجنة ولا مزاد.
اظن ان حضراتكوا شفتوا الطريق الدولى الساحلى بصوا على الجنبين بحرى الطريق وقبليه اراضى 100100 هتلاقوا فيها اراضى مستصلحة وشغاله حلو بس مساحتها صغيرة جدا طب ليه صغيره؟ محدش عارف طب الاراضى دى يتعمل عليها مزارع سمكية ملهاش حل وهتوفر آلاف من فرص العمل طب ليه مش مستغله؟

[yasmena]

وانا كمان عاوزة اعرف

[blazer]

طب أنا بألاحظ إن بعض الفواكه زي العنب مثلا بيستمر في النمو داخل التلاجة !!
يعني أجيب العنب يبقى الحباية صغيرة كده .. يقعد يومين في التلاجة ألاقي حجم الحباية تضاعف !

اه فعلا
العنب
والخيار
واكيد حاجات تانيه
ودا واضح من الهرمونات اللى مالياها

دا الفلفل الواحده بقت قد المنجايا الكبيره