حد معاه nokia n 97 mini ?

[amir]

حد معاه النوكيا n97 mini
انا بفكر اشتريه و بقارن بينه و بين الe72
انا مش عاجباني الزراير الصغيره بتاعه ال e72 غير حجمه طبعا
ايه النصايح يا شباب علشان موبيلي الحالي باظ و محتاج اشتري بسرعه
سمعت عن سامسونج ويف الجديد بس مش عارف سعره كام لأني مش عايز ازود عن 2000 او 2000 و شويه
و شكرا

[amir]

انا قريت مواضيع الاجتماعي لغايه صفحه رقم 38
ممكن حد يساعدني

[Dr.Karim Emam]

شوف المواضيع دي
http://www.nilemotors.net/Nile/170591-n97-mini.html
http://www.nilemotors.net/Nile/130994-n95-96-97-a.html
http://www.nilemotors.net/Nile/178846-x6-s8500-wave.html

[amir]

شكرا يا دكتور كريم
بس هو اول لينك اللي مكنتش شوفته
بس المواضيع دي مفيهاش برضو كلام كفايه
بس شكرا ليك
و اديني مستني

[Dr.Karim Emam]

طيب شوف ده كمان
http://www.gsmarena.com/compare.php3?idPhone1=2921&idPhone2=2831

[michohat]

معايا نوكيا n 97 mini
هوا كجهاز جميل وحلو و مفرقش في الاستخدام معايا عن ال نوكيا 6670 غير فى انه فيه gps مجاني نفعني مره لما كنت تايه فى المنوفية
هوا معايا من شهر مارس اللى فات ولحد دلقوتي لسه مش اتعمقت فيه قوي و فيه حاجات بحتار علشان اجيبها واقعد ادور عليها لحد ما اجيبها بس بعد ده اكون عارف مكانها
بس مشكلتي الكبيرة انى اتعودت على استعمال التاتش فبقي كل مره امسك جهاز عادي بزارير اقعد ادي اوامر عن طريق الشاشة
كنصيحه اذا كنت هتستخدم امكانيات الجهاز كلها هاته وان كان لا شوف جهاز يكفي ليك احتياجاتك وبس

[amir]

متشكر ليك جدا و الله
انا عارف جي اس ام ارينا و شفت فيدو علي اليو تيوب و كل حاجه
(علي فكره جي اس ام ارينا ساعات بتتحيز جامد لموديل علي حساب موديل مش موضوعنا هنا بس حبيت اوضح)
انا مكنتش ناوي اغير الموبيل اصلا لأن الموديلات اللي في السوق حاليا ممله و مفيش حاجه مميزه و تحفه
و كنت بحاول امشي الحال لغايه ما موبيلات جديده تنزل
انما موبيلي الحالي اعلن العصيان الصريح لتالت مره و كنت مغيرله فلاته و حاجات تانيه و الدي باد بايظه كمان (nokia 6500 slide (
و ده تاني موبيل من نفس الموديل الاول كان الفضي و ده كان الاسود
و للاسف فرق شاسع بين نوكيا الاول اللي كان فلنندي و النوكيا الحالي بتاعي اللو هو صيني
اديه قعد سنه و كام شهر و انهار تماما
التاني بيعته لواحد صاحبي و زي الفل لغايه ما اتسرق منه و هو برضو سليم
مع ان العيب اللي في الاتنين هو البطاريه و السخونه اللي في الضهر مع المكالمات بالذات الطويله
انما كنت بستريح لموديلات عيله ال6 الاف خصوصا السلايد
و نازل في السوق 6700 سلايد و كنت هنوي عليه بس مش موجود فيه جي بي اس و كمان سيمبيان ممل و بروسيسور مش خارق فمستحرم الفلوس فيه مع ان الكاميرا كويسه بالاتنين ليد فلاش

فبفكر في النوكيا n97 mini كبديل بشاشه اكبر من ال e72 و زراير بينها مساحه معقوله نوعا ما
و في نفس الفئه السعريه في السامسونج ويف برضو
محتاج بس شويه دردشه من اللي معاه الموبيل من ناحيه يستاهل ولا ايه

[amir]

معايا نوكيا n 97 mini
هوا كجهاز جميل وحلو و مفرقش في الاستخدام معايا عن ال نوكيا 6670 غير فى انه فيه gps مجاني نفعني مره لما كنت تايه فى المنوفية
هوا معايا من شهر مارس اللى فات ولحد دلقوتي لسه مش اتعمقت فيه قوي و فيه حاجات بحتار علشان اجيبها واقعد ادور عليها لحد ما اجيبها بس بعد ده اكون عارف مكانها
بس مشكلتي الكبيرة انى اتعودت على استعمال التاتش فبقي كل مره امسك جهاز عادي بزارير اقعد ادي اوامر عن طريق الشاشة
كنصيحه اذا كنت هتستخدم امكانيات الجهاز كلها هاته وان كان لا شوف جهاز يكفي ليك احتياجاتك وبس

جميل قوي فينك بس من امبارح الفجريه!!!
قولي بقي
هل الزراير كويسه في الكتابه ولا فعلا زي ما شفت علي اليو تيوب استخدامها غلس؟
جربت تفتح بي دي اف عليه و هل الكتب بتفتح بكامل مساحه الشاشه؟
هل السلايدر فيه مشاكل حاليا بعد الاستخدام ولا زي ما هو؟ (اصلي من بعد ال6500 سلايد و تغيير الفلاته و بوظانه تاني بقيت قلقان من السلايدر مع اني بحبه جدا)
البطاريه في المتوسط بتقعد قد ايه؟
هل استخدام الموبيل بيتأثر بالعرق اللي بيكون موجود مع المكالمات (اخوك في العادي وشه بيكون زي الدش ساعات)
بيهنج او في مشاكل بانت ليك؟
تنصح بيه ولا بالنوكيا e72 علي اساس البروسيسور الاعلي (600 vs 343 )
ايه رأيك ما دام انت بتحب التتش قوي كده بينه و بين السامسونج ويف؟

[amir]

hi
i wonder why you didnt reply me i was waiting for you
sorry for using english my keyboard broke down and i am using the onscreen one

[amir]

انا دورت اونلاين عن النوكيا ن97 ميني لاقيت ناس كتير بتشتكي من التهنيج و مشاكل كتير من ناحيه البطاريه و الذاكره
يا ريت الي يعرف حاجه يرد و يساعدني

[crazylambada]

بص البطاريه بتقعد يومين بصراحه مجربتش الاستخدام الجامد ليه بس بصراحه عمره ما عجز معايا حتى بيبقى شرطه و اصور بيه او اتكلم منه مش زي n73 يفصل مني كل شويه
التهنيج مهنجش مني غير مره
الشاشه بتاعته رغم انها ريسيستنس الا انها مش ممله و استخدامها كويس

اكتر حاجه عجباني في الموبايل السوفت وير بتاعه اعتمادي لدرجه كبيره جدا
لدرجه انك ممكن توصله بالكمبيوتر و تستخدم الداتا اللي عليه و في نفس الوقت تتكلم منه عادي مش اوف لاين
غير كميه الابلكيشن و الجامز و الجي بي اس و ال wi fi اللي بيلقطه كويس جدا استخدام النت فيه تحفه و الاوفي بصراحه مظبطاه اوي

توكل على الله و جيبه و مش حتندم هو فيه منه تلات الوان اسود و نحاسي و ابيض
احلاهم النحاسي انا جيبته و ربنا يوفقك فيه

العيوب....
بص هو داخل دلوقتي في شهرين اللي واجهني هنج مره واحده و الجاك بتاع الشحن مختلف شكله بيضاوي يعني تنسى الطخين و الرفيع و لو فيه اي استفسار

[hesham_tawfiq]

التليفون معايا من فبراير وبصراحه مش عاجبنى حاليا

عمر البطاريه يومين بالكتير - بيسخن لما بيتشحن او لما بتشغل اى تطبيق زى الجى بى اس اوالنت

بيهنج منى كتيرحاليا مع انومكنش كده فى الاول

الميزه الوحيده فى نوكيا حاليا الخرائط المجانيه من ovi غيركده انا هغير لسامسونج اوسونى اريكسون فى اقرب فرصه

[amir]

جميل قوي فينك بس من امبارح الفجريه!!!
قولي بقي
هل الزراير كويسه في الكتابه ولا فعلا زي ما شفت علي اليو تيوب استخدامها غلس؟
جربت تفتح بي دي اف عليه و هل الكتب بتفتح بكامل مساحه الشاشه؟
هل السلايدر فيه مشاكل حاليا بعد الاستخدام ولا زي ما هو؟ (اصلي من بعد ال6500 سلايد و تغيير الفلاته و بوظانه تاني بقيت قلقان من السلايدر مع اني بحبه جدا)
البطاريه في المتوسط بتقعد قد ايه؟
هل استخدام الموبيل بيتأثر بالعرق اللي بيكون موجود مع المكالمات (اخوك في العادي وشه بيكون زي الدش ساعات)
بيهنج او في مشاكل بانت ليك؟
تنصح بيه ولا بالنوكيا e72 علي اساس البروسيسور الاعلي (600 vs 343 )
ايه رأيك ما دام انت بتحب التتش قوي كده بينه و بين السامسونج ويف؟

طيب وبخصوص النقط دي

[amir]

وادي لينك من نوكيا فيه شكاوي الناس من موضوع الشاشه البيضاء و التعليق فيها وكتابه نوكيا بس عليها
الموضوع ده يقلق فعلا ايه رايكو معلش بقي تاعبكو معايا بس مش عايز اشتري حاجه والاقيها بايظه و التوكيل مالوش لازمه من خبرات سابقه

Nokia Support Discussions - N97 Mini Start Up Problem - Nokia Support Discussions

[michohat]

جميل قوي فينك بس من امبارح الفجريه!!!
قولي بقي
هل الزراير كويسه في الكتابه ولا فعلا زي ما شفت علي اليو تيوب استخدامها غلس؟
جربت تفتح بي دي اف عليه و هل الكتب بتفتح بكامل مساحه الشاشه؟
هل السلايدر فيه مشاكل حاليا بعد الاستخدام ولا زي ما هو؟ (اصلي من بعد ال6500 سلايد و تغيير الفلاته و بوظانه تاني بقيت قلقان من السلايدر مع اني بحبه جدا)
البطاريه في المتوسط بتقعد قد ايه؟
هل استخدام الموبيل بيتأثر بالعرق اللي بيكون موجود مع المكالمات (اخوك في العادي وشه بيكون زي الدش ساعات)
بيهنج او في مشاكل بانت ليك؟
تنصح بيه ولا بالنوكيا e72 علي اساس البروسيسور الاعلي (600 vs 343 )
ايه رأيك ما دام انت بتحب التتش قوي كده بينه و بين السامسونج ويف؟

الزراير مش استخدمتها كتير معظم استخدامى عن طريق الشاشة ولما استخدمتها تنظيمها زي لوحة الكمبيوتر
مش جربت افتح ملفات pdf عليه
السلايد مش استخدمتة كتير زى ما قولت بس بيفتح بعنف شوية
البطارية بتقعد معايا لحد اقصي 4 ايام لان استخدامي له معدوم واقلها يوم او يومين لو شلت تطبيقات كتير
اظن ان استخدام تاتش الموبايل بيتأثر بالعرق اه علشان كده جبت معاه سماعه بلوتوث و بستخدمها دايما مع سماعه سلكية
هوا كان فى الاول كل كام يوم بيهنج لحد مابطل من نفسة و كان فيه عيب سوفت وير خاص بتخصيص النغمات لكنهم حلوه فى اخر اصدار (بس ظهر دلوقت عيب تاني وهو النغمة وهيا بترن بتعلى وتطوي مع نفسها)
والجهاز بيسخن عند الشحن او تشغيل تطبيقات عاليه زي ما الزميل
فيه برضه عيب كنت بلاحظه فى الاول خاص بالرسائل
انا خليت الجهاز يحفظ الرسائل على كارت الذاكرة فكل كام يوم الاقى الجهاز رجع من نفسة وخلاها يحفظها على التليفون
مش تحط الجهاز فى الشمس انا لفيت لحد ما جبت له كفر جلد نظامه حلو بيحافظ على الشاشة ومش يجرحها

اول جهاز تاتش كان ده و كان السبب فى انى انسي التعامل مع الزراير فانا مش حبيت التاتش ده انا اتعودت عليه بس

الجهاز صعب تشوف شاشتة وانت واقف فى الشمس لازم تكون ف ظل علشان تشوف

ميزة فيه انك ممكن تشحنه من الكمبيوتر عن طريق كابل ال usb (عاوز اجرب اوصله على الاف ام ترانسميتور اللى ف العربيه اشوفه يشحن ولا لا )

انا دورت اونلاين عن النوكيا ن97 ميني لاقيت ناس كتير بتشتكي من التهنيج و مشاكل كتير من ناحيه البطاريه و الذاكره
يا ريت الي يعرف حاجه يرد و يساعدني

بص البطاريه بتقعد يومين بصراحه مجربتش الاستخدام الجامد ليه بس بصراحه عمره ما عجز معايا حتى بيبقى شرطه و اصور بيه او اتكلم منه مش زي n73 يفصل مني كل شويه
التهنيج مهنجش مني غير مره
الشاشه بتاعته رغم انها ريسيستنس الا انها مش ممله و استخدامها كويس

اكتر حاجه عجباني في الموبايل السوفت وير بتاعه اعتمادي لدرجه كبيره جدا
لدرجه انك ممكن توصله بالكمبيوتر و تستخدم الداتا اللي عليه و في نفس الوقت تتكلم منه عادي مش اوف لاين
غير كميه الابلكيشن و الجامز و الجي بي اس و ال wi fi اللي بيلقطه كويس جدا استخدام النت فيه تحفه و الاوفي بصراحه مظبطاه اوي

توكل على الله و جيبه و مش حتندم هو فيه منه تلات الوان اسود و نحاسي و ابيض
احلاهم النحاسي انا جيبته و ربنا يوفقك فيه

العيوب....
بص هو داخل دلوقتي في شهرين اللي واجهني هنج مره واحده و الجاك بتاع الشحن مختلف شكله بيضاوي يعني تنسى الطخين و الرفيع و لو فيه اي استفسار

التليفون معايا من فبراير وبصراحه مش عاجبنى حاليا

عمر البطاريه يومين بالكتير - بيسخن لما بيتشحن او لما بتشغل اى تطبيق زى الجى بى اس اوالنت

بيهنج منى كتيرحاليا مع انومكنش كده فى الاول

الميزه الوحيده فى نوكيا حاليا الخرائط المجانيه من ovi غيركده انا هغير لسامسونج اوسونى اريكسون فى اقرب فرصه

اهم حاجه نفعتنى الخرائط المجانية دى كنت تايهه ووصلتنى لاقرب مكان اعرفه