مش عارف اعمل ايه؟!!!!

[Dojuar]

هاخرج عن صلب الموضوع لكن لا بد من التحذير من الاختلاط الا للضرورة القصوى
و لو راجل اتفرض عليه في شغله التعامل مع نساء بدون محرم فليتقي الشبهات بقدر ما يستطيع

يجيب مساعد معاه في العيادة أو الصيدلية و لو حتى office boy
يخلي الباب ذو زجاج شفاف مثلا

أو لو مضطر يتكلم يكون كلامه في الموضوع فقط ويكون بحساب شديد

طبعا الدكاترة ليهم في طبيب الدقي عبرة, اللي خد برائة بس بعد فضيحة و اتضح ان كان هناك دسيسة عليه

[MOSTAFABASAL]

ربنا يعينك علي الاختبار ده ... انا عندي حل بس مش عارف هينفع ولأ
حاول تزود سعر الشغل يعني حشو الدرس دا لو ب 1 قولها ب 3 كام مره هي هتتقرص م الفلوس
وطبعا وش خشب علطول وان شاء الله هتزهق

عملت كده مع اول جلسه و عادي جدا مفكرتش حتى تفاصل!!!!!!

اول ما تدخل عليك غرفه الكشف شغلها القرءان يمكن تتكثف وتحس على دمها وتنصرف (اصل دى شيطانه )

انا معظم الوقت مشغل القران وانا شغال ببقى مركز معاه و ناسي الدنيا

لو وحشه

اديها الوش الخشب

اما بقى لو حلوه









اديها رقم تليفونى
هههههههههههههههههههههه

بهزر طبعا

هى اكيد هتزهق منك بسرعه لانك زبون متعب (قصدى دكتور متعب)

والناس المريحه كتير

بس خد بالك انها ممكن تنهى الموضوع ده بمشكله كبيره جدا

حاول متجاريهاش فى اى كلام واعمل نفسك مش فاهم اى حاجه فى اى حاجه

انا على طول مع كل العيانين عامل نفسي مش فاهم حاجه في اي حاجه و لو المريض لكاك و رغاي بسيبه يتكلم و ما بردش عليه واسيبه لغايه ما يزهق و يخلص كلام و اكمل شغل

والله دا أبتلاء من ربنا وأن شاء الله ربنا يقوى أيمانك وينصرك عليها ويهديها
وأذكرك ونفسى بالحديث المأثور عن سيدنا وحبينا وشفيعنا رسول الله صلى الله عليه وسلم
(عن أبي هريرة رضي الله عنه عن النبي صلى الله عليه وسلم قال : " سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد ، ورجلان تحابا في الله اجتمعا عليه وتفرقا عليه ، ورجل دعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خالياً ففاضت عيناه " متفق عليه)
الحديث وتفسيره من موقع صيد الفوائد
إضاءات من حديث (سبعة يظلهم الله في ظله يوم لا ظل إلا ظله )

الله يباركلك على هذا الحديث بس هيه لا مال ولا جاه بتعمل كده ليه!!!!!!!!!!

زى ما الناس كلها بتقول تعامل حضرتك مع الموضوع سليم جدا وحضرتك تعاملت بذكاء كويس ان المدام عارفه الموضوع لانها لو مش عارفاه كانت هتحصل مشاكل بسبب المريضة دى.
حضرتك تكملها شغلها بمنتهى الامانة لحد ما الشغل يخلص اذا كلمتك تانى قولها انا عملت اللى عليا وضرسك سليم يا مدام اذا حسيتى بألم انا مش هبقى عارف مصدره فممكن حضرتك تجربى عند طبيب تانى رحم الله امرء عرف قدر نفسه صديقى قبل كده راح لدكتور اسنان ولما الدكتور شاف الضرس قال لصديقى الضرس دا مش بتاعى تقدر تاخد كشفك من بره. هو كده بالظبط انا عملت اللى عليا فى ضرسك مش هقدر اعمل اكتر من كده الضرس دا مش بتاعى ورشحلها استاذ كبير يقطم ضهر اهلها فى الفلوس.
والله دى نصحيتى لحضرتك يا دكتور وطبعا ما تتعملش معاها بفظاظة عشان العيادة مكان اكل عيش وست زى دى ممكن تقول كلام الله اعلم به ممكن تقول دا كان بيعاكسنى وانا رفضته ممكن تقول اى حاجه والدكتور فى الاول وفى الاخر سمعة فلازم حضرتك تتعامل بذكاء شديد وبمنتهى الحذر.

منا مش عارف اعاملها ازاي عشان كده نزلت موضوعي ليكم و هيه اصلا طفشانه من دكتور قبلي و عماله تشنع عليه عندي انوا جزار لا مش بني ادم لا كذا لا كذا انا عارف اه ان الدكتور الاولاني شغله مش اد كده بس راجل كويس و محترم و بحاول اسكتها اول ما تخوض في كلام من النوع ده لاني زي ما هسمع منها عن فلان او فلان اكيد فيه ناس تانيه هتسمع عني من فلان و فلان وكما تدين تدان

نصيحة انه يبوظ لها حاجة فى سنانها متعمد دى طبعا لأ
افرضوا اشتكت فى النقابة ولا جابت قرايبها كسروا العيادة
وبرضه انه يبقى فى حوار بينها وبين المدام مش صح منضمنش مخ الست دى عامل ازاى ولا ده ممكن يوصل لأيه ولا هى تاخده على انه ايه وبيخلى المدام تكلمها ليه فى امخاخ من اغرب ما يمكن!

ان يبقى فى حد معاهم جوه طبعا دايما حل اساسى وممكن اللى بيرد على التليفون يعرف اسمها وشكلها ودايما يقولها العيادة زحمة ومفيش مواعيد
وممكن هو يقولها ضروسك صعبة وانا مش عارف اتعامل معاها زى بعضه بقى ويوصى بواحدة دكتورة اسنان شاطرة احسن وبلاش واحد مفيش داعى نبعتها لواحد المهم يبعدها عنه بأى طريقة وبسرعة لكن المط فى الموضوع ده مش هيجيب نتيجة كويسة
والله اعلم ظروفها ايه وهى مريضة نفسيا ولا جوزها بيعمل فيها ايه وصلها لكده ربنا ينجيها ويهديها وينجيك


ويارب اى تليفون تيجى تطلبك منه يكون زى ده



ربنا هيحلها ان شاء الله والابتلاء دليل الحب المهم النجاح فى الأختبار

انا فعلا متاكد ان الست دي مريضه نفسيا عشان كده خايف منها مش عاوز اخللي فيه اي احتكاك بين مراتي و بيها الله اعلم ايه اللي مختفي في النفوس

لا ارجح رأى حضرتك ولكنى اعلم ما به من رحمة جزاك الله خيرا بها
لكنه هيفتح ابواب الله اعلم هتتقفل امتى او ازاى عارفين طبعا كلنا حكاية الراهب اللى كان قاعد فى صومعته يعبد الله ليل نهار وجاءه شبان قالوله ملقيناش أورع منك نأتمنه على اختنا الى باقى القصة وحضرتك قلت الموضوع بيبقى محتاج شيخ او طبيب نفسى وكان فيه حاجه مهمه جدا هو دكتور الاسنان فاضى للقصص دى؟ ويقعد معاها ويهدد بالمدرسة كل دا صداع هو فى غنى عنه ولو حضرتك بتتكلم عن ان دا هيبقى ثواب يبقى يكفل يتيم ثوابه اكبر وممنوش ضرر اظن ان الدكتور بيشتكى لانها عملت له صداع ورأى حضرتك مش هيزيل الصداع دا ممكن يكبره الحقيقة الطريق الى جهنم مفروش بالنوايا الحسنة.

راي حضرتك يا م/حاتم راي يحترم ولكني فعلا اخاف ان يكون بدايه الصداع الكبير لانها ممكن ساعتها تقول انت فاكرني ايه وتعيش دور الخضرا الشريفه و اطلع انا اللي غلطان ووحش وقليل الادب و بدايه التلسين بالكلام و تبويظ السمعهوربنا يسترها علينا عندنا ولاد عاوزين نربيهم

[م. حاتم السباعي]

راي حضرتك يا م/حاتم راي يحترم ولكني فعلا اخاف ان يكون بدايه الصداع الكبير لانها ممكن ساعتها تقول انت فاكرني ايه وتعيش دور الخضرا الشريفه و اطلع انا اللي غلطان ووحش وقليل الادب و بدايه التلسين بالكلام و تبويظ السمعهوربنا يسترها علينا عندنا ولاد عاوزين نربيهم

اللهم ارشدك الي ما فيه الخير و الصواب سواء لك او لها
اللهم اهديها اللهم استرها

م.حاتم السباعي

[MOSTAFABASAL]

المشكله ان عندي واحده بتقعد مع المرضي بره و بتسجل اسماءهم و بتاخد الكشوفات فقط و بخليها تدخل عليا كل شويه عشان يبقى فيه حس معايا في اوضه الكشف
انما داخل حجره الكشف انا لا اثق في اي بنت تساعدني لاني عانيت من الحكايه دي و غرمتني كتييييييييييييييييير اوي من اجهزه باظت لادوات اتكسرت لخامات باظت المشكله ان كل واحده جديده اجيبها لازم تعمل مصيبه تمشي بسببها و المشكله الاكبر ان مش لاقي حد كويس مخه نضيف لان كل اللي جاي عاوز يشتغل جاي (محتاج فلوس) مش جاي عشان (فاضي و عاوز يضيع وقتوا و ياخد فلوس) فيه فرق كبير اوي بين الاتنين وانا شخصيا بعد اللي جربتهم عاوز مؤهل عالي و طبعا عزه نفس اللي واخده البكالوريوس او الليسانس مينفعش تشتغل مساعدة دكتور يا اما بتقرف يا اما مش عاجبها المرتب ده لدرجه ان واحده قالتلي انا كان معروض عليا نفس المرتب في محل هدوم طبعا محل الهدوم احسن مع انها هتشتغل من 10 الصبح لغايه 10 بالليل طول الاسبوع وانا من 5 العصر ل 11 بالليل و يومين اجازه ومش عاجب
و عجبي

[makka]

يبقى يا دكتور زى ما قلت لحضرتك كملها شغلها وان اشتكت يبقى هو دا اللى عندك واللى هيحللها مشكلتها استاذ كبير وقولها اسم كبير قوى من الشخصيات اللى مش هيهمه المريضة وهيقلع جزمته ويديلها على دماغها ويقطم ضهر اهلها فى الفلوس وتفهمها كده ان شغلها خلص معاك.

[MOSTAFABASAL]

ان شاء الله هكمل الشغل و نشوف بأه ايه اللي جاي
وربنا يستر

[yascro]

خلى المدام ترد عليها

[Soma_Sooma]

لا حول ولا فوة الا بالله

ان لم تستح فافعل ما شئت

دة اختبار من ربنا ليك خليك قوى و ايمانك قوى

واستعيذ بالله من الشيطان وادعى ربنا انة يصرفها عنك

وتجاهلها على قد ما تقدر

ودايما لازم يكون الممرضة موجودة وقت الكشف

وبالنسبة للتليفونات

حضرتك هات خط تانى مع الخط الأول

ومتديش الرقم التانى دة لحد من العيانين

وخلى الموبايل بتاع العيادة مفتوح وقت العيادة فقط وبعد كدة اقفلة

ودة هيسلمكان شاء الله من المواقف اللى زى دى

[A.Saad]

بص بقى
هتصدها
هتقرفك اكتر
لان كبرياء الانثى هيوجعها

بين لها انك بتحب اولادك
وانك انسان متدين

[MOSTAFABASAL]

الحمد لله انا بحب مراتي و بنتى وربنا يثبتنا على الحق