quest net network marketing

[ahmedsamir5edr]

حد سمع حاجه عن الشركه دي ؟؟؟


و الأرباح الخياليه اللي بتعملها ؟؟


أنا كنت مع شاب قريبي و لما لقيت معاه قرشين .. سألته من أين لك هذا ؟؟ قعد يشرحلي شويه .. بس في الأخر حسيت أني تايه

[Mzeid]

نفس الحوار و الله كأنك بتقرأ أفكاري كنت عايز أعمل موضوع عن الحكاية دي
لأن الحكاية دي منشرة جدا اليومين دول عندي في طنطا
الحكاية و ما فيها أنها شركة توزيع و تسويق منتجات
و حضرتك بتشتري منتج من عندهم و بعدين تخلي 2 أصحابك يعملوا نفس الموضوع و هكذا و لما تجمع 6 أشخاص متفرعين منك 3 يمين و 3 شمال بيدفعولك 250 دولار لأنهم بيحسبوا على كل ستة ب 250 يعني مثلا لما يكون متفرع منك 18 واحد بيدفعولك 750 دولار
الموضوع دة مكنتش مقتنع بيه لحد ما لقيت الناس كلها داخلة فيه هنا و فيه ناس قبضت فعلا و انا أتاكدت فعلا
الشركة دي بتبيع ساعات و مجوهرات
أقراص بتعمل حاجات كدة زي اسورة سابونا دي
شركة سياحية بتعمل رحلات لأماكن مختلفة
شركة اسمها inVoice بتاعت اتصالات
شركة تانية بتعمل ميداليات دهب و بتوزع المنتجات الخاصة بكأس العالم

أقل سعر لحاجة عندهم 620 دولار يعني بتدفع في الإجمالي 4050 جنيه علشان تشترك في الموضوع دة

[Ahmed Selim]

سمعت عنها قبل كده من واحد كان معايا فى الشغل و كان بيقول شعر فيها.

بس موضوع ال network marketing أنا فاكر ان كان فيه فتوى بتحريمه لأنه بيوصل لمرحلة معينة اللى مشتركين جداد فيه مش بياخدوا ولا أبيض و لا أسود علشان بيكون وصل لنقطة تشبع.

و الله أعلم

[YoussefMostafa]

كان ليا تجربة ف الnetwork marketing مع شركة اسمها tiens

وبصراحة قفلت اوي من الموضوع ده

بالنسبة ل tiens منتجات تعبانة باسعار عالية جدا

ده غير كدب المحاضرين اللي بيكلموا عن الشركة

يعني مثلا اتعملي دعوة للشركة ورحت اشوف ايه النظام ولقيت المحاضرين اد ايه بيشكروا ف الشركة وانها واخده مركز اول ف ال mlmia

وبعد مدفعت الفلوس وبعديها بكام شهر حسيت ان المشاكل زادت وناس كتير انسحبت

ف روحت اكلم مع المحاضر لقيتو بيعملي دعوة لشركة quest قولتلوا مش حضرتك قولت ان tiens واخدة مركز اول قالي يا باشا ده كلام عشان الشغل

انا سمعت الكلمة ده وكان نفسي اولع فيه ومن ساعتها قفلت م المجال ده خالص

انا معرفش ايه نظام quest بالظبط اللي اعرفة انهم بيشتغلوا ف الدهب و الفضة والمنتجات هناك غالية ف مش سهل اي حد يدفع تعملوا دعوة ويدفع 4500 جنيه بسهولة

انا حبيت احكي تجربتي مش اكتر

[ahmedsamir5edr]

شكرا علي المعلومات ..
كلام مظبوووط

ماشي جامد أوي اليومين دوووول

بس quest من النت حسيت أنها شركه عملاقه

[beautiful0mind]

صديقى فالشركة دى وسافر ماليزيا وحضر مؤتمر هناك وكان موجود هناك وفود من جميع أنحاء العالم حتى الجزائر والمصرين اتصوره مع الجزائر والجزائرين اتصورة مع العلم المصرى وشوفت فديوهات ....الموضوع ضخم جدا جدا ..........

صحبى ما شاء الله دلوقتى الموضوع ده فارق معاه اوى ......وفى ناس مشاهير مصرين فالبزنيس ده كتير .......

لو حبين تسألة اى سؤال اسأله وانا هجبلكم الاجابه ....هو قادر يرد علية بمنتهى الوضوح ....وفى موضوع هنا بيتكلم عن الشركة دى

[Mzeid]

انا أعرف أن أول واحد دخل في الموضوع دة في مصر فاضل له على الهدف المالي اللي هو 3000 دولار في اليوم مكسب حاجة بسيطة
لأنه بيجي عندنا طنطا يوم السبت من كل أسبوع بيعمل لقاء مجمع لكل الناس اللي شغالة في الشغل دة

[rockana]

ارجوكم ارجوكم ارجوكم
اوقفوا المهازل اللى بتحصل في بلادنا دي
الشركات دي بعد سنه واحده بتختفى من السوق بعد ما تاخد اموالنا
فى شركه صينيه فتحت فى مصر اسمها شنيلا
بتشتري منتج عبيط ب 1200 جنيه و يقولك دا للمساج و الهبل و يتعمل نفس السيناريو
و فتحوا اكتر من فرع فى المعادي و مدينة نصر و بنها
و بعدها بكام شهر اختفوا تماما تماما
وللاسف انت بتدبس اصحابك اللى واثقين فيك
والشركه بتنصب عليك و تختفى
فاكرين بزناس
حد يعرفلها خرم ابره دلوقتي ؟؟
كانت اكبر شركه فى مصر من 12 سنه و طلعلها فتاوى و شيوخ و حركات ودلوقتى ولاااا الهوا ولا حد فاكرها اصلا

[Mzeid]

ارجوكم ارجوكم ارجوكم
اوقفوا المهازل اللى بتحصل في بلادنا دي
الشركات دي بعد سنه واحده بتختفى من السوق بعد ما تاخد اموالنا
فى شركه صينيه فتحت فى مصر اسمها شنيلا
بتشتري منتج عبيط ب 1200 جنيه و يقولك دا للمساج و الهبل و يتعمل نفس السيناريو
و فتحوا اكتر من فرع فى المعادي و مدينة نصر و بنها
و بعدها بكام شهر اختفوا تماما تماما
وللاسف انت بتدبس اصحابك اللى واثقين فيك
والشركه بتنصب عليك و تختفى
فاكرين بزناس
حد يعرفلها خرم ابره دلوقتي ؟؟
كانت اكبر شركه فى مصر من 12 سنه و طلعلها فتاوى و شيوخ و حركات ودلوقتى ولاااا الهوا ولا حد فاكرها اصلا

كويست نت لما لقيت الموضوع انتشر كدة عملت بحث عليها على النت و الشركة شغالة من 1998
و منتجاتها بتباع كمنتجات فردية
واحد صاحبي داخل في الحوار دة و كان شاري ساعة منهم و كان في اسكندرية في كارفور فحب يفصل الساعة و يعرف عاملة كام دخل محل و الراجل هناك شافها و قاله عاملة حوالي من 5 ل 6 آلاف و الراجل كان عايز يفتح الساعة علشان يشوف الماكينة بيقوله ممكن تجيب أكتر
دة غير إن نظام ال iN VoICE دة موجود و فيه ناس بتشتريه فعلا و والد واحد صاحبي اشتراه علشان عنده أعمال كتيرة و بيستخدم التليفون كتير

[rockana]

كويست نت لما لقيت الموضوع انتشر كدة عملت بحث عليها على النت و الشركة شغالة من 1998
و منتجاتها بتباع كمنتجات فردية
واحد صاحبي داخل في الحوار دة و كان شاري ساعة منهم و كان في اسكندرية في كارفور فحب يفصل الساعة و يعرف عاملة كام دخل محل و الراجل هناك شافها و قاله عاملة حوالي من 5 ل 6 آلاف و الراجل كان عايز يفتح الساعة علشان يشوف الماكينة بيقوله ممكن تجيب أكتر
دة غير إن نظام ال in voice دة موجود و فيه ناس بتشتريه فعلا و والد واحد صاحبي اشتراه علشان عنده أعمال كتيرة و بيستخدم التليفون كتير

والله انا ما اقصد الا خير
انا باحكي اللى شوفته بعنيا

[Mzeid]

والله انا ما اقصد الا خير
انا باحكي اللى شوفته بعنيا

و الله عارف أن حضرتك نيتك خير

بس أنا برضه بحكي اللي وصلتله و عرفته

لأن 99% من الحوارات دي اللي هي الحاجات اللي بتجيب الفلوس كدة سواء نت او غيره بتكون حاجات غير جدية

[ahmedsamir5edr]

شكرا علي التفاعل و الموضوعات ..
بس لو حد يعرف أكتر عن Invoice ??

[Abohmaid]

يا جماعه انا باشوف كمية المبيعت اللى بتتشحن يوميا لمصر من عند الشركه دى ومعظمها منتجات ليست اساسيه فى حياتنا يعنى لما الناس تبعت تجيب ساعات لقل ساعه ب 600 دولار تخيلوا كمية العمله المحوله من بلدنا للخارج فى اشياء لا تثمن ولا تغنى من جوع

حسبنا الله ونعم الوكيل فى ناس مش لاقيه تاكل

[doctor_eid]

السلام عليكم
دي اسمها بالإنجليزي Pyramid Scheme / Scam
يعني عملية نصب هرمية
و كانت موجودة زمان حتي بدون بيع و لا شراء
يعني اشترك ب 10 دولار و هات كام واحد يشترك ب 10 دولار الفرد و لما توصل مش عارف كام واحد تحت منك تبتدي تقبض
و المنتجات اللي بيبيعوها غالبا كلام فاضي و حاجات غير اساسية و بالتاكيد باغلى من سعرها
و اكتر واحد او مجموعة بتكسب هم اللي على او بالقرب من قمة الهرم
اما اللي بيلبس في الحيطة هم اللي في القاع لما ما يعرفش يلبس العمة لناس غيره
و اعتقد انها حرام في حرام حتى بتشغيل المخ و بدون فتاوى
بيقولوا الأمريكان
" If it is too good to be true...........It is too good to be legal"

[zkralla]

السلام عليكم
دي اسمها بالإنجليزي pyramid scheme / scam
يعني عملية نصب هرمية
و كانت موجودة زمان حتي بدون بيع و لا شراء
يعني اشترك ب 10 دولار و هات كام واحد يشترك ب 10 دولار الفرد و لما توصل مش عارف كام واحد تحت منك تبتدي تقبض
و المنتجات اللي بيبيعوها غالبا كلام فاضي و حاجات غير اساسية و بالتاكيد باغلى من سعرها
و اكتر واحد او مجموعة بتكسب هم اللي على او بالقرب من قمة الهرم
اما اللي بيلبس في الحيطة هم اللي في القاع لما ما يعرفش يلبس العمة لناس غيره
و اعتقد انها حرام في حرام حتى بتشغيل المخ و بدون فتاوى
بيقولوا الأمريكان
" if it is too good to be true...........it is too good to be legal"

+1111111111111111111111111111111111111111111111111 11111111111111111111111111111111111111111111111111 111111111111111111111111111