ادعو الجميع لحضور عقد قراني ( الدعوه عامه " الكل يجي")

[totaman]

ايه القلب الجامد ده كلك كرم وزوق على الحركة دى

حد يعزم منتدى بحاله على كتب كتاب ههههههههههههههه

جهز نفسك بقى وحوش من دلوقتى انت اللى جبته لنفسك

الف مبروك ياباشا وعقبال الليلة الكبيرة ان شاءالله

للاسف انا من اسكندرية ومعرفش الزقازيق دى فين اساسا ولا عمرى رحتها

يلا ياسيدى وفرتلك كيس ملبس وشيكولاتاية ههههههههههه

[michohat]

الله يبارك فيكم كلكم يا رب
ويارب اللى مش عملها يعملها واللى عملها ربنا يسهل له و يرزقه الخير
انا اتشرف بان اخواني يكونوا معايا يشاركوني فرحتي
و دعواتكم لي لان لسه بكتشف كل يوم ان فى حاجات لسه مش خلصت و مش كامله

يا باشا اللي هيجي مش هياخد كيس ملبس احنا لسه مش وصلنا لمرحله السبوع لسه شوية يعني

عاوز الكل يشرفني بالحضور وكلام بجد مش دعوه او عزومه مراكبية

الا بالحق عاوز اخد رايكم فى اسبوع العسل ( كان قبل الاوكازيون شهر ) محتار اقضية فين الغردقه (عارفها وكنت شغال فيها وليا فيها اصحاب فى شركات سياحه ممكن يخدموني ) او شرم الشيخ ( عمري ما زرتها ومعرفش فيها حد ولو رحت هيكون عن طريق شركه سياحه ) ولا دهب ( نفس موقف شرم الشيخ )
كنت نفسي اطلع عمره بس الزواج جاي فى توقيت مينفعش فيه اطلع عمره

[tabeb]

الف مبروك يا مجدي
بارك الله لكما وبارك عليكما وجمع بينكما في خير
كذا واحد قضي شهر العسل في شرم الشيخ وما اتبسطوش

[michohat]

جايلي اكتر من عرض من شركات السياحه
عروض الغردقة
قرية السمكه
SAMAKA HOTELS
4 نجوم (موجوده على طريق القري )افطار وعشاء بحوالي 380 للغرفه الدبل ( ميزة لي اصدقاء فى القرية )
قرية Panorama Bungalows Hurghada
Panorama Bungalows Resort Hurghada
4 نجوم ( تبعد 20 كيلو عن مطار الغردقة ) 4 نجوم افطار غداء عشاء جميع المشروبات 400 للغرفة الدبل
عروض دهب
قريه Penguin
Penguin Village - Dahab-Budget Hotel -Cheap Accommodation-PADI Dive Center-Excursions-Egypt
لسه معرفش رينج الاسعار (المسئول عن القرية صديق صديق )

[michohat]

نظرا لظروف الازدحام اخيرا تم الاستقرار على الجامع وتم اختيار جامع اخر
الميعاد : يوم الجمعه الموافق 08/10/2010 عقب صلاه العشاء
المكان : جامع الزراعه خلف ديوان المحافظة وايضا خلف مبني امن الدولة وبجوار النيابه الادارية بمحافظة الشرقية مدينه الزقازيق الجامع موجود مكانه قبل جامع الفتح
الحدث : عقد قران اخوكم ( Michohat)
مستنيكم

[michohat]

شكرا لإدارة المنتدي والسيد المشرف على سرعه الاستجابه وإدراج التعديل

[egyptawy2010]

جايلي اكتر من عرض من شركات السياحه
عروض الغردقة
قرية السمكه
SAMAKA HOTELS
4 نجوم (موجوده على طريق القري )افطار وعشاء بحوالي 380 للغرفه الدبل ( ميزة لي اصدقاء فى القرية )
قرية Panorama Bungalows Hurghada
Panorama Bungalows Resort Hurghada
4 نجوم ( تبعد 20 كيلو عن مطار الغردقة ) 4 نجوم افطار غداء عشاء جميع المشروبات 400 للغرفة الدبل
عروض دهب
قريه Penguin
Penguin Village - Dahab-Budget Hotel -Cheap Accommodation-PADI Dive Center-Excursions-Egypt
لسه معرفش رينج الاسعار (المسئول عن القرية صديق صديق )

d
الف مبروك وربنا يتمم بخير

طيب ممكن تقولى عروض لشرم فى الفترة من 26 -11

[michohat]

معرفش لان لسه مفيش عروض شرم جت لي
من الواضح ان الغردقه افضل صفقه هنا

[michohat]

السلام عليكم ورحمه الله وبركاته
احب افكركم بميعاد بكره ان شاء الله يا تري مين قال جاي