حمار سواقة !!!

[Donzi]

دة اسم مسلسل كارتوني كوميدي جديد بس بصراحة جامد قوي و اعتقد بما ان احنا منتدى متخصص في العربيات و السواقة فا احنا ممكن نعمل اتفاقية مع صناع المسلسل دة على ان احنا نديهم خلاصة خبراتنا و مغامراتنا في شوارع المحروسة بالذاااااااااااات مع حمير السواقة - اللي هما مش كتير ولا حاجة يعني - بمقابل مادي محترم

دي الحلقة الاولى

[youtube]http://www.youtube.com/watch?annotation_id=annotation_509637&v=KdZoxrm3Jt 8&feature=iv[/youtube]

و ادي الحلقة التانية

[youtube]http://www.youtube.com/watch?v=87s_qJmPQCQ&feature=player_embedded#![/youtube]



و في كمان جروب على فيس بوك باسم المسلسل

.

[amr.elsayed]

[blazer]

ههههههه
جااااااااااااامد
رايح فين فاضل ليك 5 دقايق ضرب :d

[Donzi]

دة احنا لو قعدنا نحكيلهم على مواقف مش هايلاحقو

[mahmoud_afifi]

معلش الحلقه الاولى مش ظاهره عندي ممكن اللينك تاني ؟

[amr.elsayed]

طيب يا دونزى كل واحد فينا ممكن يقول على خطأ ارتكبه وهو سايق (مافيش حد مابيغلطش) احكيلنا عن موقف حصل معاكى
علشان الاعضاء يتشجعوا ويحكوا عن البلاوى اللى بنعملها كلنا
ما هو الشارع ملغبط من مين ما هو مننا احنا .. لعل وعسا نطلع من موضوعك باستفادة كبيرة عن بعض الاخطاء اللى بنقع فيها

[Donzi]

معلش الحلقه الاولى مش ظاهره عندي ممكن اللينك تاني ؟

حضرتك تؤمر يا فندم

YouTube - 7mar Swa2a 000 طظ€ظ…ظ€ظ€ط§ط±ط³ظ€ظ€ظˆط§ظ‚ظ€ط©


يا رب يكون ظاهر المرة دي مع انو كان ظاهر في الموضوع بس مش عارفة ايه اللي حصل

[Donzi]

طيب يا دونزى كل واحد فينا ممكن يقول على خطأ ارتكبه وهو سايق (مافيش حد مابيغلطش) احكيلنا عن موقف حصل معاكى
علشان الاعضاء يتشجعوا ويحكوا عن البلاوى اللى بنعملها كلنا
ما هو الشارع ملغبط من مين ما هو مننا احنا .. لعل وعسا نطلع من موضوعك باستفادة كبيرة عن بعض الاخطاء اللى بنقع فيها

طب ليه الاحراج دة بس و كمان انا اول واحدة و بعدين تعودوا تقولوا سواقة بنات بقى و بتاع

امري لله

هاقول على افظع غلطة ارتكبتها - من ضمن غلطات مش كتير اوي والله - و كادت تؤدي الى كارثة بس ربنا ستر الحمد لله

كنت ماشية على الدائري اتجاه المعادي و لما النزلة بتاعة الاتوستوراد قربت خدت يمين شوية شوية لحد ما بقيت في تاني حارة من اليمين و كان قدامي ب 3 متر كدة موتوسيكل في الحارة اللي اقصى اليمين و لما النزلة قربت سيادتو افتكر انو عاوز يكمل علطول و كسر شمال بسرعة و جه قدامي و انا كنت ماشية 100 او 110 مثلا ، فا علشان افاديه كسرت الدريكسيون يمين اوي من غير ما ابص في المرايا ولا يحزنون و فجاءة سمعت صوت إييييييييييييييييييء فرامل جامدة جدا

اتاري كان في عربية تويوتا كورولا في الحارة اليمين دي ورايا و بيني و بينها اقل من ربع متر، الراجل كان هيطير من على الكوبري فعلا لو مكنش لحق يفرمل جامد

الراجل بقى جه و رايا - وكنا خلاص وصلنا النزلة - و وعرض العربية قدامي و وقف و نزل و قعد يهلل و يزعق وانا قعدت مكاني ساكتة يدوبك فتحت الازاز و اعتذرتلو و فهمتو انا عملت كدة ليه و سيبتو يطلع غلو كلو و كل اللي يعدي يقولو حصل خير حصل خير اتوكل على الله و ابقي سوقي براحة يا بنتي

لحد ما الراجل هدي و ركب عربيتو و مشي و انا مشيت و عديت والحمد لله بعد ما دمي و دم الراجل نشف و كل دة من بتاع الموتوسيكل منو لله و طبعا غلطتي اني مبصتش في المراية

شفت انا شاطرة ازاي

.

[yasserelsayad]

جامد اوى الكرتون دا

انا قبل كدا عملت حركة بس كانت هتدخل الشارع كله فى بعض
كنت بليل على 11 كدا نازل من على المحور بجرى انا وواحد صحبى .. كان لسه المطب اللى اول ماتنزل دا مش موجود ..
المهم كان فى عمود نور مطفى وعامل ظل فى الارض وكان ساعتها كان فى موضة فى اكتوبر كل يوم بيعموا مطب جديد وانا بقى مكنتش واخد بالى وافتكرته مطب ورحت دايس فرامل على الاخر وراح طبعا صحبى من غير تفكير عمل زى بالظبط ... ولكم ان تتخيلوا بقى صوت فرامل العربيات اللى ورانا بقى عامل ازاى :) والشارع كله وقف على اساس بقى ان فيه مطب قدمنا ... ساعتها كل لما كان حد يعدى من جنبى كان بيشتمنى :) حتى صحبى ... lol

[Mzeid]

جامد اوى الكرتون دا

انا قبل كدا عملت حركة بس كانت هتدخل الشارع كله فى بعض
كنت بليل على 11 كدا نازل من على المحور بجرى انا وواحد صحبى .. كان لسه المطب اللى اول ماتنزل دا مش موجود ..
المهم كان فى عمود نور مطفى وعامل ظل فى الارض وكان ساعتها كان فى موضة فى اكتوبر كل يوم بيعموا مطب جديد وانا بقى مكنتش واخد بالى وافتكرته مطب ورحت دايس فرامل على الاخر وراح طبعا صحبى من غير تفكير عمل زى بالظبط ... ولكم ان تتخيلوا بقى صوت فرامل العربيات اللى ورانا بقى عامل ازاى :) والشارع كله وقف على اساس بقى ان فيه مطب قدمنا ... ساعتها كل لما كان حد يعدى من جنبى كان بيشتمنى :) حتى صحبى ... Lol

أنت بتقول فيها

أنا والدي مرة دخل 3 أو 4 عربيات في بعض بسبب أنه مكنش معاه فرامل و كان جاي من طنطا لإسكندرية

[eslam_wega]

مرة كنت ماشى فى الشارع الكبير الى فى المنصة بتاعة السادات وكنت بدور على يوترن عشان الف وارجع وبعدين وقفت فى اشارة ولقيت صنية صغيرة قولت تمام الف بقا من الصنية دى وفعلا الاشارة فتحت ووصلت للصنية وبلف بقا وكله تمام مرة واحدة القى اية لقيت رصيف فى وشى هههههههههههه مسكت فرامل جامد اترى الصنية دى مقفولة يعنى فيها رصيف فى النص كان معيا صاحبى ساعتها وكنا هنموت من الدحك

ومرة كنت بجرب عربية ولدى رينو كليو ومعرفش بقا انها مش ثابتة زى عربيتى واول مرة اركبها وطبعا سواقتى كلها غرز وكلام من دة بس لما يكون الوقت متاخر بالليل خالص وطريق محترم المهم كنت ماشى فى صلاح سالم وباخد غرز بس على خفيف خالص ومرة واحدة لقيت نفسى سخنت وكنت فوق الكبرى وماشى 100 110 وواخد الحارة الشمال وعربية قدام منى راحت رميت يمين جامد جدا ودى حركة بعملها ديما لما تكون الحرة التانية فاضية خالص وبروح رجع شمال سنة بسيطة عشان العربية تحكم نفسها ومعرفش بقا انا الكليو دى ثبتها مش حلو
واذى بيا العربية بتعوم جامد بس فى مكنها وحسيت انى هقع من فوق الكبرى من يومها لما اركب اى عربية مش ثابتة امشى فى خط مستقيم والسرعة القصوى 90 او 100 وعرفت قيمة العفشة الرياضية رغم انها مش حلوة فى المطبات

[Donzi]

جامد اوى الكرتون دا

انا قبل كدا عملت حركة بس كانت هتدخل الشارع كله فى بعض
كنت بليل على 11 كدا نازل من على المحور بجرى انا وواحد صحبى .. كان لسه المطب اللى اول ماتنزل دا مش موجود ..
المهم كان فى عمود نور مطفى وعامل ظل فى الارض وكان ساعتها كان فى موضة فى اكتوبر كل يوم بيعموا مطب جديد وانا بقى مكنتش واخد بالى وافتكرته مطب ورحت دايس فرامل على الاخر وراح طبعا صحبى من غير تفكير عمل زى بالظبط ... ولكم ان تتخيلوا بقى صوت فرامل العربيات اللى ورانا بقى عامل ازاى :) والشارع كله وقف على اساس بقى ان فيه مطب قدمنا ... ساعتها كل لما كان حد يعدى من جنبى كان بيشتمنى :) حتى صحبى ... Lol

+11111111111111

جامد اوي الموقف دة تخيل لو كانو خبطو في بعض كانو عملو فيك ايه

الحمد لله عديت على خير بس خالي بالك لحسن المرة اللي جاية تعكس و تقول دة مش مطب تلاقيه ظل بس و تلبس انت في الاخر

[yasserelsayad]

+11111111111111

جامد اوي الموقف دة تخيل لو كانو خبطو في بعض كانو عملو فيك ايه

الحمد لله عديت على خير بس خالي بالك لحسن المرة اللي جاية تعكس و تقول دة مش مطب تلاقيه ظل بس و تلبس انت في الاخر

لا ما انا كنت هجرى وش .. امال اطحن يعنى

[MoHaMed HaMeD]

ههههههههههههههههههه جامد جدا التوبك ده

[mahmoud_afifi]

حضرتك تؤمر يا فندم

YouTube - 7mar Swa2a 000 ط.ظ€ظ…ظ€ظ€ط§ط±ط³ظ€ظ€ظˆط§ظ‚ظ€ط©


يا رب يكون ظاهر المرة دي مع انو كان ظاهر في الموضوع بس مش عارفة ايه اللي حصل

متشكر جدا لزوق حضرتك , وتعبناكي معانا

و الفيديوهات حلوه جدا
وعجبتني فكرة ان احنا نتواصل مع الي عملوا الكرتون ده عشان الواحد بيحصل معاه شوية مواقف ولا الافلام الهندي والله