لغز فقر ورفاهيه المصريين فى مصر

[أشرف فتحى]

المصريين مش كهنه ولا بيستعبطوا........

المقال شايف مصر القاهره واسكندريه ومارينا وبورتو سخنه ومدينتى والرحاب .......

مصر مش بس شارع فيصل ولا الدقى والقصر العينى.....

لف شويه واتفرج قبل ما تتكلم....

انا نزلت قرى فى المنوفيه والشرقيه معندهومش حتى الميه النظيفه والصرف الصحى...

يادوب ممكن تقول عليهم عايشين......

النهارده وصلت واحد فى طريقى بييجى من قريه من قرى الفيوم كل يوم عشان يشتغل شيال...

يعنى على حد تعبيره رزقه على دراعه ولو تعب يوم مش هيلاقى يأكل عياله..مش يديهم دروس ب 10000 جنيه...

المقال مع احترامى لصاحب الموضوع سطحى جدا....وحسيت ان اللى بيكتبه بيكتبه وهو قاعد فى الشاليه فى مارينا....

إنزل على الارض واتكلم....

اتفرج على الطماطم اللى ب 8 جنيه

وسندوتش الفول اللى 1.75 جنيه..

بيقول مهو على كده وكل البيوت فيها لحمه وكيلو اللحمه ب 70 جنيه...

أنت بتتكلم على انهو بيوت؟؟؟

الراجل اللى مرتبه 600 جنيه ..المحاسب اللى معاه مؤهل عالى.....

عايش ازاى وايجار شقته 250 جنيه والكهرباء والميه 50 جنيه لانه معندوش تكييف

يتبقى من مرتبه 300 جنيه

بيركب الاتوبيس كل يوم رايح جى ب 2 جنيه

يتبقى 250 جنيه

ده أهو اسمه مؤهل عالى وبيشتغل مش عاطل.....هيركب سيراتو إزاى؟؟؟؟؟؟؟؟؟

هو بس أخد اللى على السطح وساب اللى فى الـــقـــــاع......؟!!!!!!

[mahamedaraby]

نظره على مصر اقتصاديا بحسب تقرير عالميه فترتيب مصر اقتصاديا اعلى دوله عربيه اقتصاديا غير مصدره للبترول مصر ترتبيها بعد الامارات عالطول وشوف الامارات فين واحنا فين

مشكلتنا اننا كتير اوى يعنى ممكن فى ساعه واحد تشوف اللى معاه مرسيدس s500 واللى بتشحت منه فى الاشاره و اللى داخل الجامع واللى داخل الديسكو كل ده موجود

[PoweRPassioN]

والله الواحد تعب من كتر التفكير ف البلد العجيبه دي
بس كل اللي ممكن توصله بالعقل كدا ان
((توزيع ثروات البلد فيه ظلم فظييييييييييييع))
ودا السبب مش النتيجه
بمعنى أن تم تسهيل الاستثمار للكبار فكبروا زياده وزادت ثرواتهم ومعاهم ناس قريبه منهم بشكل او بأخر "شرعي او غير شرعي"
والمواطن العامل .. الموظف .. الطبيب .. المهندس .. الخ صاحب الدخل الشبه ثابت تجرع كأس المراره من النتايج المتمثله في الارتفاع الجنوني للاسعار نتيجه زياده الطلب من الناس اللي ارتفع دخلها بشكل غير عادل حتى لو كان شرعي
والموضوع تفاصيله كتيييييييييييييييييير بس دي كانت فكره عامه
وربنا يستر على الجميع

[Mzeid]

طيب يا جماعة كلكم معاكم حق
بس لما تلاقي واحد امامك من مظهره و شكله تقول أنه من مستحقي الصدقة و تفاجأ بيه بيطلع علبة سجاير مارلبورو

[i_Am_Legend]

تبقى محشية كليوباترا فرط_شعب غريب._
على فكرة أنا مش بدخن_ومرتبى ما بيكملش لنص الشهر.

[الغزالى]

يا بلد معادنه نفسها ,,, يا كل حاجة وعكسهاااااااااااااااا ,,
هيا دى مصرنا

[Conspirator]

عارفه ســـواد العــسل .. أهو ده اللى حالك ليه وصل .. إزاى قوليلى مكمله .. وكل ده فيكى حصل
يا بلد معانده نفسها .. يا كل حاجة وعكسها .. سامحينى أنا صبرى انتهى ومش هشوف فيكى أمل

[AbO_FaRaH]

لا تعليق

[alaa74]

المصريين مش كهنه ولا بيستعبطوا........

المقال شايف مصر القاهره واسكندريه ومارينا وبورتو سخنه ومدينتى والرحاب .......

مصر مش بس شارع فيصل ولا الدقى والقصر العينى.....

لف شويه واتفرج قبل ما تتكلم....

انا نزلت قرى فى المنوفيه والشرقيه معندهومش حتى الميه النظيفه والصرف الصحى...

يادوب ممكن تقول عليهم عايشين......

النهارده وصلت واحد فى طريقى بييجى من قريه من قرى الفيوم كل يوم عشان يشتغل شيال...

يعنى على حد تعبيره رزقه على دراعه ولو تعب يوم مش هيلاقى يأكل عياله..مش يديهم دروس ب 10000 جنيه...

المقال مع احترامى لصاحب الموضوع سطحى جدا....وحسيت ان اللى بيكتبه بيكتبه وهو قاعد فى الشاليه فى مارينا....

إنزل على الارض واتكلم....

اتفرج على الطماطم اللى ب 8 جنيه

وسندوتش الفول اللى 1.75 جنيه..

بيقول مهو على كده وكل البيوت فيها لحمه وكيلو اللحمه ب 70 جنيه...

أنت بتتكلم على انهو بيوت؟؟؟

الراجل اللى مرتبه 600 جنيه ..المحاسب اللى معاه مؤهل عالى.....

عايش ازاى وايجار شقته 250 جنيه والكهرباء والميه 50 جنيه لانه معندوش تكييف

يتبقى من مرتبه 300 جنيه

بيركب الاتوبيس كل يوم رايح جى ب 2 جنيه

يتبقى 250 جنيه

ده أهو اسمه مؤهل عالى وبيشتغل مش عاطل.....هيركب سيراتو إزاى؟؟؟؟؟؟؟؟؟

هو بس أخد اللى على السطح وساب اللى فى الـــقـــــاع......؟!!!!!!

أشرف باشا إزيك وأخبارك إيه

أولا أنا نقلت الموضوع دة وكتبت فى نهايته إنه منقول وكمان ختمت بسؤال وهو هل المصريون فعلا عايشين فى رفاهيه ؟
يعنى طرحت الموضوع للمناقشه .
ولم أتطرق لوجه نظرى ولم أذكر من قريب أو من بعيد إتفاقى مع ما كتب فى المقال .

وعلى فكرة هختلف معاك بخصوص رأيك فى المقال إنه سطحى جايز سطحى فى المعنى لكنه مش سطحى فى مضمونه لأن دة فعلا رأى كتير من المصريين المغتربين ، معظمهم شايفنا كدة ومعظمهم بيتصور إننا بنهول وبنضحم من مشاكلنا وظروف بلدنا ، يمكن عندهم حق فى جزئيه مثلا شايفين الشوارع مليانه عربيات أحدث موديل إلخ .....
لكن أنا متفق معك فى طرحك للجانب الاخر الخفى وهو تردى الأوضاع لعدد وكم كبير من أفراد الشعب فى بلدنا وإرتفاع الاسعار الجنونى بلا رابط أو ضابط وضيق ذات اليد لكتير من الناس على كافه المستويات التعليميه سواء زوى المؤهلا العليا أو المتوسطه أو حتى الغير متعلمين وسوء وتدنى الخدمات الصحيه أو بمعنى تانى إنعدامها وإذهب للمستشفيات الحكوميه لترى الصورة والوجه الحقيقى لحال كتير من الناس .
تخيل إننا بنتكلم عن ناس مش لاقيه تاكل أو مش لاقيه قوت يومها وهى صحيحه يعنى سليمه فما بالك لو الناس دى مريضه كمان .

الحال صعب وبيزيد صعوبه وللأسف مفيش حد بيحاسب حد .
مشكلتنا بإختصار

مفيش عدل والظلم بقى هو السائد

مفيش رحمه والتجبر على الناس بقى هو الغالب

مفيش إحترام والبلطجه بقت هى المبدأ

لو إنصلح الرعى لأنصلحت الرعيه

دى مش نظرة تشاؤم لكنها إقرار للواقع اللى إحنا عايشين فيه

أكيد موجود ناس كتير محترمه ولسه عندها مبادئ لكن الوضع بقى صعب .

ربنا يرحمنا .

[makka]

لكن أنا متفق معك فى طرحك للجانب الاخر الخفى وهو تردى الأوضاع لعدد وكم كبير من أفراد الشعب فى بلدنا وإرتفاع الاسعار الجنونى بلا رابط أو ضابط وضيق ذات اليد لكتير من الناس على كافه المستويات التعليميه سواء زوى المؤهلا العليا أو المتوسطه أو حتى الغير متعلمين وسوء وتدنى الخدمات الصحيه أو بمعنى تانى إنعدامها وإذهب للمستشفيات الحكوميه لترى الصورة والوجه الحقيقى لحال كتير من الناس .
-----------------------------------------------------------------
متفق مع حضرتك اجمالا اما تفصيلا معلش الجانب دا مش خفى يمكن الاغنياء مش بيشوفهم لانهم مش عايزين يشوفوهم طبعا الحكومة مبتشوفهمش ومش عايزه تشوفهم بس الغنى عذره ايه؟ الغنى مبشوفهمش عشان مايشلش همهم وطبعا المقال سطحى حتى ولو كان ساخر فهو سطحى هو شاف العربيات عشان هيا ماشيه فى الشارع لكن ماشفش الناس المطحونة فى شغلها.
انت راجل غنى وعندك شركة قولى كده بتدى مرتبات كام حضرتك؟ بتقول هو سوق العمل كده 500 جنيه طيب الموظف اللى انت بتديله 500 جنيه مبيصعبش عليك؟ طيب انت محترم وبتديله 1000 جنيه هيدفع بيهم قسط ايه ولا ايه

[alaa74]

لكن أنا متفق معك فى طرحك للجانب الاخر الخفى وهو تردى الأوضاع لعدد وكم كبير من أفراد الشعب فى بلدنا وإرتفاع الاسعار الجنونى بلا رابط أو ضابط وضيق ذات اليد لكتير من الناس على كافه المستويات التعليميه سواء زوى المؤهلا العليا أو المتوسطه أو حتى الغير متعلمين وسوء وتدنى الخدمات الصحيه أو بمعنى تانى إنعدامها وإذهب للمستشفيات الحكوميه لترى الصورة والوجه الحقيقى لحال كتير من الناس .
-----------------------------------------------------------------
متفق مع حضرتك اجمالا اما تفصيلا معلش الجانب دا مش خفى يمكن الاغنياء مش بيشوفهم لانهم مش عايزين يشوفوهم طبعا الحكومة مبتشوفهمش ومش عايزه تشوفهم بس الغنى عذره ايه؟ الغنى مبشوفهمش عشان مايشلش همهم وطبعا المقال سطحى حتى ولو كان ساخر فهو سطحى هو شاف العربيات عشان هيا ماشيه فى الشارع لكن ماشفش الناس المطحونة فى شغلها.
انت راجل غنى وعندك شركة قولى كده بتدى مرتبات كام حضرتك؟ بتقول هو سوق العمل كده 500 جنيه طيب الموظف اللى انت بتديله 500 جنيه مبيصعبش عليك؟ طيب انت محترم وبتديله 1000 جنيه هيدفع بيهم قسط ايه ولا ايه

طبعا وجهه نظر حضرتك تحترم ولكن أنا قصدت بالجانب الخفى بالنسبه للمغتربين مش بالنسبه الاغنياء الموجودين فى مصر ، وكمان قصدت بقولى المقال مش سطحى كونه مش سطحى فى المضمون لأنه فعلا بيوضح وجهة نظر كتير من المصريين المغتربين فى الخارج عن حال المصريين المقيمين فى مصر .

وأكيد حضرتك كنت تقصد توضح مثال بقولك (انت راجل غنى وعندك شركه .....)

لأنى راجل عادى والله ومعنديش شركه ولا حاجه .

[makka]

ايوه يا افندم مثال والله وربنا يزيدك ويديك
بخصوص المغتربين هما ليه اغتربوا ؟ اكيد لانهم كانوا عايشين فى الجانب الخفى اللى مش عايزين يشوفوه لكن انا لو حالى ماشى وبقدر اعيش عيشه كريمة واركب السيراتو سواء كاش او اقدر ادفع قسط 2500 جنيه وعايز اسافر اشتغل بره انا شايف انى مش سليم عقليا فى الحالة دى خصوصا وان اللى سافر بره حرم نفسه من اهله ومن بلده.
فاكيد اللى بيسافر بيسافر عشان مينزلش للطبقة دى او عشان يطلع من الطبقة دى يعنى فى جميع الاحوال الطبقة دى بتبقى امام عينيه وشايفها وخايف من انه يبقى عضو فيها.

[احمدعبدالعزيز]

للاسف المقال دة
بيتكلم عن وش القفص بس
وسايب الباقى
واللى ميعرفش يقول عتس

+1000000000000000

[lonedoctor]

عارفه ســـواد العــسل .. أهو ده اللى حالك ليه وصل .. إزاى قوليلى مكمله .. وكل ده فيكى حصل
يا بلد معانده نفسها .. يا كل حاجة وعكسها .. سامحينى أنا صبرى انتهى ومش هشوف فيكى أمل

الغريبة انك انت اللى كاتب الكلام ده بالرغم من انتماءك لطبقة اللى راكبين سيراتو
هاهاهاها
معلش سامحنى باهزر معاك

[الصيداح]

ده اسمه ستر وحلم الله علينا

كل اللي ممكن يؤمن بهذه المقولة وبصحتها فلذلك لأن كل اللذين في المنتدى هنا غالبا أصحاب سيارات أو من نعتبرهم الطبقة المتوسطة في الشعب وهم على كثرتهم قلة في وسط فقراء ومعدومي الشعب
انزل الأرياف وأشباه المدن وأنت سترى الفقر الحقيقي
والله هناك أناس من حالهم ينفلق الحجر
لكنها مقالة جميلة وجزاكم الله كل خير