يا خبر !!! ايه اللي حصل في المنتدى امبارح ده؟؟؟

[Ahmed A Rahman]

بالصدفة البحته دخلت على قسم الشكاوى والمنازعات

ايه ده

12 شكوى في يوم واحد

امبارح



هو ايه اللي حصل امبارح ؟؟؟؟

كنا مبنشوفش الشكاوى الا نادرا دلوقتي 12 شكوى في يوم

يعني فيه 24 عضو من اخوانا وقعوا مع بعض, معظمها في الاجتماعي

ليه ؟؟؟؟؟؟؟؟

هل صبرنا بقى قليل ؟؟؟

هل اعصابنا تعبانة ؟؟؟
كلنا بنعتبر المنتدى دا بيتنا وليا حق اني اقلق لما اعرف ان حصل 24 خناقة امبارح في بيتي

هل الاجتماعي حيفضل كده ؟؟ يبقى اقترح اعادة تسميته قسم والكاظمين الغيظ

هو مش الرسول مقالش على ليلة القدر لما شاف اثنين بيتخانقوا
لو شاف 24 واحد بيتخانقوا في منتدى عربيات من الاساس حيقول ايه

ايه رأيكم؟؟؟؟

ملحوظة:
1. انا اقر بكامل حق الاعضاء بالحق في الشكوى خصوصا عند الشعور بالظلم أو الاهانة وبس استخدمت الصورة عشان ادي مثال مش اكثر

2. انا معرفش معظم الشاكيين ولا المشكو في حقهم وللجنة فض المنازعات الحق الكامل في الحكم بينهم ومعظم الشكاوى لسه مقريتهاش

3. فكرت اني احذف اسامي الاعضاء من الصورة بس اولا واخيرا الصفحة متوافرة على المنتدى

كل الموضوع ان الموضوع خضني

[محمد محمد]

وفيه مواضيع الأعضاء المشاركين فيها كلهم تقريبا موقوفين.

[Ahmed A Rahman]

دي كده مبقتش مواضيع دي تبقى مجزرة

[newuser2009]

من حق اي حد انه يشتكي
ومعنى انه اشتكى انه لجأ للاسلوب المحترم
بدلا من الدخول في خناقات
و المصارين في البطن بتتخانق :)
و بنفكر الناس بالايه المكتوبه فوق كل صندوق مشاركه

*=== (( ما يلفظ من قول إلا لديه رقيب عتيد )) ===*

[rockana]

اعتقد ان في مشكلتين فى منتدانا
1- الناس فعلا بتعتبره بيتها فا عاوز يكون على راحته
2- معظم الناس هنا على مستوى عالى من الاخلاق ( طبعا مع حدوث بعض الانفلاتات منهم ) وطبعا محدش هايعرف ياخد حقه لو حد سخر منه غير بالشكوى او الحل الاخر و هو الرد بالمثل
فا الحمد لله انها شكوى وبس

[Ahmed A Rahman]

من حق اي حد انه يشتكي
ومعنى انه اشتكى انه لجأ للاسلوب المحترم
بدلا من الدخول في خناقات
و المصارين في البطن بتتخانق :)
و بنفكر الناس بالايه المكتوبه فوق كل صندوق مشاركه

*=== (( ما يلفظ من قول إلا لديه رقيب عتيد )) ===*

اعتقد ان في مشكلتين فى منتدانا
1- الناس فعلا بتعتبره بيتها فا عاوز يكون على راحته
2- معظم الناس هنا على مستوى عالى من الاخلاق ( طبعا مع حدوث بعض الانفلاتات منهم ) وطبعا محدش هايعرف ياخد حقه لو حد سخر منه غير بالشكوى او الحل الاخر و هو الرد بالمثل
فا الحمد لله انها شكوى وبس

كلامكو صح طبعا

بس انا مش معترض على الشكاوى

انا معترض على الخناقات

[mrwho1982]

للعلم سبب المشاكل

ماحدش بيغلط نفسه مع ان لاوالله انا لما احس ان انا غلطان بقول انا غلطان ومابحبش حد يشيل مني


مرة كتبت موضوع لقيت بتهاجم فيه تجنبت المشاكل وطلبت من الادارة حذف الموضوع واشتريت دماغي

وده سبب قلة دخولي للمنتدي الاجتماعي ولسبب مرضي

دول سببين لقلة دخولي المنتدي

[Abdo_Eldesokey]

يا دكتور المنتدى هنا أنا شايف إنه انعكاس لواقع المصريين ، ويوضح حالة الاحتقان الي الناس عايشة فيها

والمتنفس الوحيد هنا في المنتدى ، وبالتالي تحس إن لهجة الحوار في الآونة الأخيرة بقت عنيفة شوية وده راجع للعيشة الي الناس عايشاها

[zaza_lanos]

المشكلة فى المراقبين

هو ده الحل

وحياة الغابة تحت مظلة القوانين

[maka]

انا للاسف اسمى محطوط فى لوحة الشرف دى هههههههههههههه

مش كلهم شكاوى والله يا دكتور - عن نفسى -

و اغلب الشكاوى بخصوص موضوعان : بتاع دكتور العوا , و موضوع فريد شوقى

[a_samy]

ربنا يهدى الجميع...بس هو فين قسم الشكاوى ده؟؟؟؟؟؟؟؟؟

[ahmedsamir5edr]

أنا واحد منهم

[Abo_Lina]

ربنا يهدى الجميع...بس هو فين قسم الشكاوى ده؟؟؟؟؟؟؟؟؟

طوالي أول دخلة يمين ..


ربنا يصبر لجنة فض المنازعات ..و يوفقهم للقرار السليم
أعتقد موسم دخول المدارس بما يحمله من تغييرات و ضغوطات ساهم في زيادة الشكاوي

[a_samy]

طوالي أول دخلة يمين ..


ربنا يصبر لجنة فض المنازعات ..و يوفقهم للقرار السليم
أعتقد موسم دخول المدارس بما يحمله من تغييرات و ضغوطات ساهم في زيادة الشكاوي

[أحمد كمال]

ايه ده ايه ده

اسمي مكتووووووووووووب؟