هتشارك ولا هتقاطع ؟؟

[Abdo_Eldesokey]

إحنا داخلين اليومين دول على أيام $#%$# ما يعلم بيها إلا ربنا

والسبب انتخابات مجلس الشعب ، أو بمعنى أصح .. "حرب مجلس الشعب"

واختلفت الأحزاب والقوى السياسية .. فمنهم من يرى أن المقاطعة هي الحل ، ومنهم من يرى وجوب المشاركة !

فهل أنت مع المشاركة أم المقاطعة ؟

رجاء حار .. يرجى الالتزام بآداب الحوار ، وعدم التعصب أو الإساءة لأي فئة ، وفي البداية والنهاية نحن أخوة في الدين والوطن ، واختلاف الرأي لا يفسد للود قضية

أحب أشارككم برأيي

أنا في البداية كنت مع قرار المقاطعة للانتخابات ، لأن دي معدتش انتخابات بعد إلغاء الإشراف القضائي

يعني أصبحت مجرد مسرحية تديرها الحكومة ، لكن ليس لها أي جدوى أو معنى

وتقريباً كانت جبهة القوى الوطنية اتفقت جميعها على مقاطعة الانتخابات بما فيهم حزب الوفد والإخوان

وفوجئنا من عدة شهور بحملة تلميع في صفوف حزب الوفد ، كل يوم خبر في جريدة "الأهرام" عن توقيع شخصية عامة لحزب الوفد

أنا ساعتها حسيت إن الموضوع مش طبيعي ؟؟!!

حزب الوفد مسمعناش عنه من أيام الملك .. وفجأة وبدون أي مقدمات نلاقي أخباره في جريدة الحزب الحاكم

ولم تدم حيرتي طويلاً .. لنجد بعدها بفترة أن حزب الوفد قرر المشاركة في انتخابات مجلس الشعب بكامل قوته

كده الحكاية بانت ، الحكومة عايزة معارضة صورية ، وتعمل انتخابات يبقى فيها حزبين ، ويتصوروا شوية صور ، ويقسموا الكعكة ، ويبقى شكلنا زي الفل قدام العالم

بعد قرار حزب الوفد .. حصل انقسام بين صفوف جبهة القوى الوطنية

الإخوان هيشاركوا في الانتخابات .. حزب التجمع هيشارك ببعض الأعضاء .. البرادعي يدعوا إلى المقاطعة

وبالتالي أنا رأيي اختلف تماماً دلوقتي

أنا دلوقي مع المشاركة .. ليه ؟؟

مش بغرض الفوز بكراسي أو كده .. لأ بغرض فضح النظام ، يعني لما كل الناس تروح وتنتخب الشخص الي شايفينوه مناسب ، وتيجي بعد كده تلاقي مرشح الحزب هوا الي فاز !! يبقى كده الناس كله شافت الفساد عيني عينك وحصلها ضرر منه ، وبالتالي أكون قدرت أنشر فساد الحكومة

أما لو قررنا المقاطعة في الوقت الحالي .. فالسيناريو هيكون كالتالي :

انتخابات هادئة .. ناخبين سعداء (بالعشرين جنيه) .. فيه حزب أغلبية ، وحزب معارضة (الوفد) .. وتطلع النتيجة في الآخر حزب الوطني 95 % والوفد 5 %

ويطلع المسئول الهمام يشيد بالانتخابات المصرية وجو الديموقراطية الفظييع الي كان فيها ، وتبقى كده الحكومة كسبت نقطة ، مش نقطة واحد بل نقاااط كثيرة

آسف للإطالة ومنتظر آراء حضرتكم

[maka]

انا بصراحة مريح دماغى من الحوارات دى و بطلت اشترى الجورنال حتى او اناقش احوال البلد لان دمى بيتحرق و بخش فى حالة اكتئاب و البلد من سىء لاسوء و الشباب كله متدمر من الظروف اللى عايشنها و محدش بيده حاجة يعملها و فى الاخر اللى هما عايزينه هيعملوا

حسبى الله

[Abdo_Eldesokey]

انا بصراحة مريح دماغى من الحوارات دى و بطلت اشترى الجورنال حتى او اناقش احوال البلد لان دمى بيتحرق و بخش فى حالة اكتئاب و البلد من سىء لاسوء و الشباب كله متدمر من الظروف اللى عايشنها و محدش بيده حاجة يعملها و فى الاخر اللى هما عايزينه هيعملوا

حسبى الله

والله يا بشمهندس أنا عندي نفس حالة الاكتئاب الي عند حضرتك ، وبقيت سلبي جداً ويائس

وده مبوظ مزاجي عشان بقيت أنا مش أنا

بس بحاول أكون إيجابي ، يمكن الواحد لما يعمل الي عليه يحس برضا نفسي

[maka]

انا فى الفترة الاخيرة بقيت بحاول افرفش واضحك على طول و مفكرش فى اللى بيحصل لانى بقعد افكر و مزاجى بيتقلب و اتغم

لما كنت ايجابى مخدتش غير حرقة دم مع كل طلعة نهار مع فضايح الجرايد او لما اتكلم مع احد الاصدقاء و من المناقشة تكتشف ان الكل بيعانى او لما تتصدى لحاجة غلط الناس تحسسك انك كائن غريب

انا بصراحة تعبت جدا من اللى بيحصل و فى رمضان اللى فات دخلت فى حالة كابة شديدة من كتر التفكير فى حالة البلد و المهازل اللى بتحصل و من هنا و رايح هتبع مبدا اياكش تولع ما اللى هما عاوزينه بيعملوه و بحرفية شديدة

و دى مش دعوة منى للسلبية و ربنا يوفق كل اللى بيحاول لكن ان هفصل شوية

[mrwho1982]

انا فى الفترة الاخيرة بقيت بحاول افرفش واضحك على طول و مفكرش فى اللى بيحصل لانى بقعد افكر و مزاجى بيتقلب و اتغم

لما كنت ايجابى مخدتش غير حرقة دم مع كل طلعة نهار مع فضايح الجرايد او لما اتكلم مع احد الاصدقاء و من المناقشة تكتشف ان الكل بيعانى او لما تتصدى لحاجة غلط الناس تحسسك انك كائن غريب

انا بصراحة تعبت جدا من اللى بيحصل و فى رمضان اللى فات دخلت فى حالة كابة شديدة من كتر التفكير فى حالة البلد و المهازل اللى بتحصل و من هنا و رايح هتبع مبدا اياكش تولع ما اللى هما عاوزينه بيعملوه و بحرفية شديدة

و دى مش دعوة منى للسلبية و ربنا يوفق كل اللى بيحاول لكن ان هفصل شوية

نفس الحالة اللي انا فيها

حتي في البيت كنت متابع اول باول قناة الجزيرة وكنت مشغلها علطول

يس دلوقتي بقيت مشغل قناة القران بتاعة مشاري او national geographic

وخراب يادنيا عمار يا دماغي وبضحك وعايش الحياة لاني هاعيشها مرة واحدة ومش طالبة عكننة

[sary005]

يا جماعة انا برضو عندى نفس الكئابة دية و اللى لاحظتو انى كل اللى ردو على الموضوع كلهم مكتأبين يباء الحمد لله البلد وصلت الشعب كلو للكائابة الحمد لله يارب

حسبى الله و نعمة الوكيل فيهم

[makka]

أنا دلوقي مع المشاركة .. ليه ؟؟

مش بغرض الفوز بكراسي أو كده .. لأ بغرض فضح النظام ، يعني لما كل الناس تروح وتنتخب الشخص الي شايفينوه مناسب ، وتيجي بعد كده تلاقي مرشح الحزب هوا الي فاز !! يبقى كده الناس كله شافت الفساد عيني عينك وحصلها ضرر منه ، وبالتالي أكون قدرت أنشر فساد الحكومة
-------------------------------------------------------------------------------------------
طب ايه الجديد ما الحكومة مفضوحه من زمان والفساد عينى عينك هو حد راح انتخابات مجلس الشورى وشوفت حضرتك لما سابوا بعض الحرية فى بعض الدوائر دخل كام وتمانين عضو من الاخوان المجلس ولو كانوا سابوها ديمقراطية فى بقية الدوائر كان اصبح المجلس كله اخوان لان الشارع عايز الاخوان فمتقوليش ديمقراطية ونشارك والكلام البتنجانى دا اصلاح حال مصر هيكون بثورة ونسيت اهنئ الاستاذ جمال مبارك بتولية نظارة العزبة اللى سابهاله ابوه.

[aly_hosny]

إحنا داخلين اليومين دول على أيام $#%$# ما يعلم بيها إلا ربنا

والسبب انتخابات مجلس الشعب ، أو بمعنى أصح .. "حرب مجلس الشعب"

واختلفت الأحزاب والقوى السياسية .. فمنهم من يرى أن المقاطعة هي الحل ، ومنهم من يرى وجوب المشاركة !

فهل أنت مع المشاركة أم المقاطعة ؟

رجاء حار .. يرجى الالتزام بآداب الحوار ، وعدم التعصب أو الإساءة لأي فئة ، وفي البداية والنهاية نحن أخوة في الدين والوطن ، واختلاف الرأي لا يفسد للود قضية

أحب أشارككم برأيي

أنا في البداية كنت مع قرار المقاطعة للانتخابات ، لأن دي معدتش انتخابات بعد إلغاء الإشراف القضائي

يعني أصبحت مجرد مسرحية تديرها الحكومة ، لكن ليس لها أي جدوى أو معنى

وتقريباً كانت جبهة القوى الوطنية اتفقت جميعها على مقاطعة الانتخابات بما فيهم حزب الوفد والإخوان

وفوجئنا من عدة شهور بحملة تلميع في صفوف حزب الوفد ، كل يوم خبر في جريدة "الأهرام" عن توقيع شخصية عامة لحزب الوفد

أنا ساعتها حسيت إن الموضوع مش طبيعي ؟؟!!

حزب الوفد مسمعناش عنه من أيام الملك .. وفجأة وبدون أي مقدمات نلاقي أخباره في جريدة الحزب الحاكم

ولم تدم حيرتي طويلاً .. لنجد بعدها بفترة أن حزب الوفد قرر المشاركة في انتخابات مجلس الشعب بكامل قوته

كده الحكاية بانت ، الحكومة عايزة معارضة صورية ، وتعمل انتخابات يبقى فيها حزبين ، ويتصوروا شوية صور ، ويقسموا الكعكة ، ويبقى شكلنا زي الفل قدام العالم

بعد قرار حزب الوفد .. حصل انقسام بين صفوف جبهة القوى الوطنية

الإخوان هيشاركوا في الانتخابات .. حزب التجمع هيشارك ببعض الأعضاء .. البرادعي يدعوا إلى المقاطعة

وبالتالي أنا رأيي اختلف تماماً دلوقتي

أنا دلوقي مع المشاركة .. ليه ؟؟

مش بغرض الفوز بكراسي أو كده .. لأ بغرض فضح النظام ، يعني لما كل الناس تروح وتنتخب الشخص الي شايفينوه مناسب ، وتيجي بعد كده تلاقي مرشح الحزب هوا الي فاز !! يبقى كده الناس كله شافت الفساد عيني عينك وحصلها ضرر منه ، وبالتالي أكون قدرت أنشر فساد الحكومة

أما لو قررنا المقاطعة في الوقت الحالي .. فالسيناريو هيكون كالتالي :

انتخابات هادئة .. ناخبين سعداء (بالعشرين جنيه) .. فيه حزب أغلبية ، وحزب معارضة (الوفد) .. وتطلع النتيجة في الآخر حزب الوطني 95 % والوفد 5 %

ويطلع المسئول الهمام يشيد بالانتخابات المصرية وجو الديموقراطية الفظييع الي كان فيها ، وتبقى كده الحكومة كسبت نقطة ، مش نقطة واحد بل نقاااط كثيرة

آسف للإطالة ومنتظر آراء حضرتكم

انا اؤيد معظم ال حضرتك قولتله
الا اني من البداية كنت مع المشاركة
يعني احنا منبقاش مقصرين والتقصير كله يبقى على ال بيزور ويغش
انما انت لما متنزلش ما هو لا هيزور ولا هيغش وهيبقى عمل ال عليه

بس انا بصراحة شايف ان الحزب الوطني حتى لو مزورش هينجح لسبب انك لو نزلت دواير كتيير هتلاقي الحزب منزل ال الناس عايزاه
دايرة منوف مثلا الحزب منزل احمد عز وانا للاسف الشديد كليتي في منوف
خلي واحد هناك يجيب سيرته بكلمة بطالة الناس كلها هتقوم عليه لانه عملهم البحر طحينه
بيحبوه ومقتنعين بيه جدا
عندنا في بنها اهالي بنها كلهااااااااااااااا ايدت الراجل ال الحزب بيفكر يرشحه عشان هو شخصية محبوبة يعني الحزب لو رشحه هيكسب من غير تزوير

المحتمل ان الحزب يلجا في التزوير في الدواير ال مش لاقي حد ينزلو فيها ودا عشان ميحصلش زي المرة ال فاتت ويبقى فيه نسبه حتى لو بسيطة من الاخوان والمعارضة

[factorialx]

هقاطع لإن للأسف الوفد و الإخوان فوتوا فرصه كبيره و هي عدم إعطاء شرعية للبرلمان المزور القادم

لأن كده كده الإنتخابات هتتزور

فهقاطع

و مشاركة الوفد تعزز صورة حصول صفقة مقاعد برلمانيه كما حدث مع الإخوان في الإنتخابات السابقه

[تامر.محمد]

هي في كل الأحوال هاتتطبخ للأسف

لو قاطعنا فهو محضر معارضته المستأنسة
و لو ما قاطعناش فالتزوير هايشتغل

[Abdo_Eldesokey]

انا فى الفترة الاخيرة بقيت بحاول افرفش واضحك على طول و مفكرش فى اللى بيحصل لانى بقعد افكر و مزاجى بيتقلب و اتغم

لما كنت ايجابى مخدتش غير حرقة دم مع كل طلعة نهار مع فضايح الجرايد او لما اتكلم مع احد الاصدقاء و من المناقشة تكتشف ان الكل بيعانى او لما تتصدى لحاجة غلط الناس تحسسك انك كائن غريب

انا بصراحة تعبت جدا من اللى بيحصل و فى رمضان اللى فات دخلت فى حالة كابة شديدة من كتر التفكير فى حالة البلد و المهازل اللى بتحصل و من هنا و رايح هتبع مبدا اياكش تولع ما اللى هما عاوزينه بيعملوه و بحرفية شديدة

و دى مش دعوة منى للسلبية و ربنا يوفق كل اللى بيحاول لكن ان هفصل شوية

للأسف الشخصيات الي زي حضرتك بتتعب جامد في البلد دي

انت في الأساس إيجابي ، ولما بتيأس بتتحول لسلبي ، ولما تلاقي نفسك سلبي تتعب

دائرة غير منتهية

نفس الحالة اللي انا فيها

حتي في البيت كنت متابع اول باول قناة الجزيرة وكنت مشغلها علطول

يس دلوقتي بقيت مشغل قناة القران بتاعة مشاري او national geographic

وخراب يادنيا عمار يا دماغي وبضحك وعايش الحياة لاني هاعيشها مرة واحدة ومش طالبة عكننة

يا ريتنا يا باشا عارفين نعيشها حتى

أنا دلوقتي بحاول أقنع نفسي إني أكون إيجابي ، كده كده مش طايلين دنيا ، يبقى نطول الأخرة

يا جماعة انا برضو عندى نفس الكئابة دية و اللى لاحظتو انى كل اللى ردو على الموضوع كلهم مكتأبين يباء الحمد لله البلد وصلت الشعب كلو للكائابة الحمد لله يارب

حسبى الله و نعمة الوكيل فيهم

نفسي اليأس ده يتحول لغضب

أنا دلوقي مع المشاركة .. ليه ؟؟

مش بغرض الفوز بكراسي أو كده .. لأ بغرض فضح النظام ، يعني لما كل الناس تروح وتنتخب الشخص الي شايفينوه مناسب ، وتيجي بعد كده تلاقي مرشح الحزب هوا الي فاز !! يبقى كده الناس كله شافت الفساد عيني عينك وحصلها ضرر منه ، وبالتالي أكون قدرت أنشر فساد الحكومة
-------------------------------------------------------------------------------------------
طب ايه الجديد ما الحكومة مفضوحه من زمان والفساد عينى عينك هو حد راح انتخابات مجلس الشورى وشوفت حضرتك لما سابوا بعض الحرية فى بعض الدوائر دخل كام وتمانين عضو من الاخوان المجلس ولو كانوا سابوها ديمقراطية فى بقية الدوائر كان اصبح المجلس كله اخوان لان الشارع عايز الاخوان فمتقوليش ديمقراطية ونشارك والكلام البتنجانى دا اصلاح حال مصر هيكون بثورة ونسيت اهنئ الاستاذ جمال مبارك بتولية نظارة العزبة اللى سابهاله ابوه.

كلام حضرتك مظبوط
بس لو لاحظ في آخر كلامي .. إن المفروض نشارك عشان منديش فرصة للنظام إنه يحسن صورته قدام العالم ، يعني لو الناس شاركت التزوير هيبان ، وبالتالي الناس هتحس أكتر بالظلم

ومش بعيد الحكومة تقل أدبها جامد في الانتخابات دي وتنقلب إلى ثورة شعبية .. مين عالم

[medo_2060]

من اسبوع كدا.. اتصال على البيت رديت لقيت واحده بتقولى احنا عايزين نتكلم مع حضرتك على الانتخابات.. قلت ماشى قالت ليك بطاقه انتخابيه وعارف مركزك الانتخابى قولت اه... طيب حضرتك عارف المرشحين..اه... طب هترشح مين
هنا بدات احس ان دا مكتب مرشح ولا حاجه عايز يشوف النظام قولتلها انتى بتتكلمى بالنيابه عن مين قالت شركه مستقله يا فندم قولتلها يعنى ايه قالت تانى شركه مستقله زى مايكون حد محفظهالها قولتلها عموما انا ما بنتخبش قالت طب حد عندكم مهتم قولتلها مش عايز اضيع وقتك محدش عندنا هينتخب وسلام سلام....
وفعلا انا مش هنتخب والاسباب معروفه.

[Abdo_Eldesokey]

انا اؤيد معظم ال حضرتك قولتله
الا اني من البداية كنت مع المشاركة
يعني احنا منبقاش مقصرين والتقصير كله يبقى على ال بيزور ويغش
انما انت لما متنزلش ما هو لا هيزور ولا هيغش وهيبقى عمل ال عليه

بس انا بصراحة شايف ان الحزب الوطني حتى لو مزورش هينجح لسبب انك لو نزلت دواير كتيير هتلاقي الحزب منزل ال الناس عايزاه
دايرة منوف مثلا الحزب منزل احمد عز وانا للاسف الشديد كليتي في منوف
خلي واحد هناك يجيب سيرته بكلمة بطالة الناس كلها هتقوم عليه لانه عملهم البحر طحينه
بيحبوه ومقتنعين بيه جدا
عندنا في بنها اهالي بنها كلهااااااااااااااا ايدت الراجل ال الحزب بيفكر يرشحه عشان هو شخصية محبوبة يعني الحزب لو رشحه هيكسب من غير تزوير

المحتمل ان الحزب يلجا في التزوير في الدواير ال مش لاقي حد ينزلو فيها ودا عشان ميحصلش زي المرة ال فاتت ويبقى فيه نسبه حتى لو بسيطة من الاخوان والمعارضة

أكيد فيه دوائر الحزب الوطني مسيطر فيها .. لكنهم يتعدوا على الصوابع

وفي الغالب بيكون النائب شاري الأصوات ، ده حتى عبد السلام محجوب الي المفروض إنه محبوب .. عمل احتفال في العيد ووزع تلاجات وبوتاجازات ؟؟!!

للأسف بعض فئات المصريين البسطاء أقصى طموحه 50 جنيه أو وجبة غداء ، ومتفرقش معاه مجلس شعب من مجلس أمة ، أهم حاجة لقمة العيش وخلاص ، وللأسف هوا ده الي بيخلي ناس زي دول يطلعوا

هقاطع لإن للأسف الوفد و الإخوان فوتوا فرصه كبيره و هي عدم إعطاء شرعية للبرلمان المزور القادم

لأن كده كده الإنتخابات هتتزور

فهقاطع

و مشاركة الوفد تعزز صورة حصول صفقة مقاعد برلمانيه كما حدث مع الإخوان في الإنتخابات السابقه

فيه مقولة إنجليزية شفتها في تعليق على موقع الدستور .. معلش هيا ممكن تكون فظة شوية لكن معناها كبير
"إذا تعرضت للاغتصاب فاسترخى و استمتع"

أنا شايف إن المقاطعة هيا تطبيق لهذا المثل ، لازم أفوت أي فرصة على الحزب إنه يظبط الانتخابات على مزاجه ، هو غالباً هيعمل الي هوا عايزه في الآخر بس العيار الي ميصيبش يدوش

ويا ريت لو حضرتك عندك مصادر على صفقة الإخوان في الانتخابات السابقة

تقبل تحياتي واحترامي

هي في كل الأحوال هاتتطبخ للأسف

لو قاطعنا فهو محضر معارضته المستأنسة
و لو ما قاطعناش فالتزوير هايشتغل

هوا كده كده هيبقى فيه تزوير ، بس لما يبقى قدام ناس كتير .. أكيد الوضع هيختلف شوية

مش زي انتخابات الشورى الي فاتت (كانت أول انتخابات بعد إلغاء الإشراف القضائي) .. والله المرشحين بتوع الحزب كانوا عاملين زفة للصناديق وعاملين يقولوا "الصحافة فين .. التـ........ أهو" فيه بجاحة أكتر من كده ؟؟!

لازم في الانتخابات دي يلاقوا حد يقفلهم !

[Samah AbdAllah]

كان نفسى اشارك بس للأسف يوم مارحت اعمل البطاقة الانتخابية
كان يوم مبارة مصر فى النهائى لقيت القسم خلص الفترة الصباحية
وقالولى تعالى بالليل
وبما ان القم الى انا تابعة ليه فى مكان شبه هادى جدا مروحتش بالليل طبعا
وكمن عاشن كنت بتفرج عالمبارة :-)
خليها لانتخابات الرئاسة بقا

[Khaled_Nowaihy]

الانتخابات للأسف بتتعمل تحصيل حاصل
طبخة محبوكة بيقعدوا يجهزوها وبيعتمدوا على الأغلبية الكاسحة من الجهلة والفقراء + البلطجية يدعمهم الانتهازيين والمتسلقين من المثقفين
بلا غم