الزحمة دى ملهاش حل ولا اية

[م. عصام مهنى]

انا اتخنقت
كل يوم الزحمة بتزيد عن اللى قبله ، مش عارف اعمل ايه ، من يوم ما المدارس فتحت الواحد كل يوم بتاخر عن الشغل بالنص ساعة و الساعة انزل بدرى مش نافع انزل متاخر مش نافع دا حتى الشوارع الجانبية اللى الواحد بيهرب فيها من الشوارع الرئيسية بقت ازحم من الشوارع الرئيسية والناس بتتصرف بغباء ولا الاتوبيسات بتاعت المدارس اللى بشوفها فى الشارع الساعة تسعة صباحا ومعاها اولاد رايحين المدرسة طيب الحصص الاولى بتروح عليهم بيعملوا ايه .
البلد بقت خانقة وكل حاجة من السئ للاسوء . ارحمنا يارب ............ اعمل اية

[أبو إياد]

الظاهر ان الموضوع ده هو اللى شاغل تفكير كل الناس انا باصحى الساعه 6 وميعاد شغلى 8.15 وباردو زحمه مووووووووووت واخرها امبارح واحد زنقنى وكسرلى قاعده المرايا ربنا يسامحه اعمى النظر العربيات ماشيه جنب بعض ولا البنى ادمين ده لقدر الله لو حصل حاجه وحد حب ينزل من العربيه مش هايعرف يفتح الباب ولو مالزقتش فى اللى قدامك يجى واحد يدخل ادامك واللى وراك حاضن فيك حاجه تقرف بجد ولا مرور نافع ولا شوارع نافعه ولا نظام نافع ولا بنى ادمين ادميين
كله بينزل فى وقت واحد وكله بيروح فى وقت واحد علشان الونس تقريبا

[kh_talaat]

اذا كنت بتتكلم على فيصل فالزحمة فيه ملهاش حل فعلا خصوصا الصبح

[ahmedsamir5edr]

و الله أنا حلي بقي ان معادي الساعه عشره .. بصلي الفجر و أنزل .. أوصل مشواري ( 25 كم ) .. و أنزل أجري شويه علي النيل .. أرجع أفطر .. ممكن بعد كدي أقرأ اي حاجه .. لحد الميعاد

العيب الوحيد أنك بتصلي العشاء في السرير

[SeaShark]

انا اتخنقت
كل يوم الزحمة بتزيد عن اللى قبله ، مش عارف اعمل ايه ، من يوم ما المدارس فتحت الواحد كل يوم بتاخر عن الشغل بالنص ساعة و الساعة انزل بدرى مش نافع انزل متاخر مش نافع دا حتى الشوارع الجانبية اللى الواحد بيهرب فيها من الشوارع الرئيسية بقت ازحم من الشوارع الرئيسية والناس بتتصرف بغباء ولا الاتوبيسات بتاعت المدارس اللى بشوفها فى الشارع الساعة تسعة صباحا ومعاها اولاد رايحين المدرسة طيب الحصص الاولى بتروح عليهم بيعملوا ايه .
البلد بقت خانقة وكل حاجة من السئ للاسوء . ارحمنا يارب ............ اعمل اية

جيت علي الجرح والله

انا الاسبوع اللي فات في يومين كده اعدت حوالي 45 دقيقة عشان بس اخرج من المربع بتاعنا هو اتوبيس مدرسة واحد يدخل الشارع و شكرا كده الشارع اتقفل.
و اعدت ييجي 10 دقايق مرة عشان اعرف بس اخرج من تحت البيت يعني عشان بس اطلع العربية من مكانها
والله انا زهــــــــــــــــــــــــــــــــــقـــــــــــــ ــــــــــت و مش قادر استحمل الزحمة و الارف ده الواحد بءي شايل هم الخروج من البيت.
الصيف زحمة بالليل و الواحد مش بيعرف يتحرك من مكانه و الشتاء زحمة الصبح و الواحد مش عارف حتي يروح شغله

ده غير بءي لما ارجع بعد الظهر و عشان اركن لازم اعد الف و ادور حولين نفسي لحد ما حد يحن عليا و يخرج و يفضي مكان.
والله فعلا ربنا يصبرنا علي ما بلانا الواحد مبقاش عارف يستمتع بأي حاجة في حياته في البلد دي.

[م. عصام مهنى]

طيب ممكن يغيروا مواعيد العمل شوية
مواعيد العمل تتاخر شوية يعنى العمل اللى يبدا 8.30 يبقى 9.30 واللى 9 يروح 10

[zakiali]

الحل هو الهروب من البلد دي بأقصي سرعه قبل ما يحصلنا منها حاجه وحشة

[hazemhany]

الحل الوحيد ان الجامعات والمدارس تتقسم نصفين ويبقي فيه فترة مسائية كده نبقي قسمنا الحمل ع الصبح والليل انما مش البلد كلها تبدا الساعة 8 حرام يعني ...وبالنسبة لي انا المحاضرة الاولي دي ضايعة خالص وبوصل ع اخر 5 دقايق فيها حرام ده ولا حلال..

[mhkash]

الحل هو الهروب من البلد دي بأقصي سرعه قبل ما يحصلنا منها حاجه وحشة

هو ده الحل الوحيد - بس صعب جدا - نظرا للمعامله السيئه اللى الواحد بيلاقيها - [OVERLINE]كمصري [/OVERLINE]- فى اي مكان فى العالم دلوقتي