بكرة النكد بكرة ............ الرحمة !!!!!

[زينة الله]

رفقا بنا أيها السادة
كلنا يعيش هذه الأيام حالة من الضيق و السخط ،،،،،،،،
لعلها ضغوط الحياة ...أرتفاع الأسعار و تدنى الخدمات و الأخبار السيئة التى نسمعها يوميا .........الخ الخ الخ
حتى أصبح لدينا أحساس أن القادم اسوأ لا محالة و أن بكرة النكد بكرة ........
و الكل يشمر عن سواعده و أى خناقة أحنا فى الخدمة !!!!!!

لذلك فقد ترون معى احتياجنا إلى هدنة من النكد رحمة بنا
هذه ليست دعوة للاستكانة و السلبية و لا دعوة للتهييس و تغييب العقل (و أسفاه على عقلى الذى تاه)
ولكنها دعوة لمواجهة الأمور و التفاعل بشئ من الرفق و المودة و الهدوء و المرح أيضا فى حدود الألتزام
( و الرسول (ص) كان لا يرى الا باسماً )

لأننا نحتاج للمرح ليعيد إلينا التوازن النفسى و المعنوى و ليعيننا على تحمل أعباء الحياة و ضغوطها
فهل توافقونى الرأى ؟؟؟؟؟؟؟؟؟؟؟؟؟؟

مع تمنياتى للجميع بحياة سعيدة موفقة فى رضى الله عز و جل
و لكم منى كل التحية و الود و الأحترام

[M.almaghraby]

والله يا بشمهندسة انا حاسس نفس الكلام دا

و معاكي فيه 100%

لكن الواحد صعب يبطل يفكر في اللي جي و يخاف منه ..... خصوصا فالظروف دي

للاسف الناس بقت مهمومة بشكل غير مسبوق

[GMakram]

نحتاج للمرح ليعيد إلينا التوازن النفسى و المعنوى و ليعيننا على تحمل أعباء الحياة و ضغوطها
فهل توافقونى الرأى ؟؟؟؟؟؟؟؟؟؟؟؟؟؟

مع تمنياتى للجميع بحياة سعيدة موفقة فى رضى الله عز و جل

و لكم منى كل التحية و الود و الأحترام

اولا صباح الخير....احيكى على الفكره اللطيفه دى بس اعتقد ان المرح مش هيعيد التوازن النفسى او المعنوى ولكنه ببساطه هينسينا المشاكل وهيغيبنا(بتشديد الياء) عن ما نواجهه فى حياتنا اليوميه....المرح ليس الا وسيله لتفجير الطاقه المكبوته بداخلنا مما نراه فى حياتنا اليوميه ولكنه ليس حل من وجهه نظرى

تحياتى

[M.almaghraby]

اولا صباح الخير....احيكى على الفكره اللطيفه دى بس اعتقد ان المرح مش هيعيد التوازن النفسى او المعنوى ولكنه ببساطه هينسينا المشاكل وهيغيبنا(بتشديد الياء) عن ما نواجهه فى حياتنا اليوميه....المرح ليس الا وسيله لتفجير الطاقه المكبوته بداخلنا مما نراه فى حياتنا اليوميه ولكنه ليس حل من وجهه نظرى

تحياتى

لا يا باشا المقصود مش كدا

المقصود هو الابتسام والتفاؤل فالحياة عامة .... ازالة التوتر الي احنا ابتلينا بيه دا ,, تخفيف الميول العدوانية الي بقت منتشرة فالمجتمع

[M.Radwan]

سأل رسول الله -صلى الله عليه وسلم- عن التطير (التشاؤم) يجده الرجل في نفسه فقال : ” ذاك شيء يجده أحدم في نفسه فلا يصدنكم ” قال تعالى :” إن يمسسك الله بضرّ فلا كاشف له إلا هو وإن يردك بخير فلا رادّ لفضله"

[زينة الله]

اولا صباح الخير....احيكى على الفكره اللطيفه دى بس اعتقد ان المرح مش هيعيد التوازن النفسى او المعنوى ولكنه ببساطه هينسينا المشاكل وهيغيبنا(بتشديد الياء) عن ما نواجهه فى حياتنا اليوميه....المرح ليس الا وسيله لتفجير الطاقه المكبوته بداخلنا مما نراه فى حياتنا اليوميه ولكنه ليس حل من وجهه نظرى

تحياتى

أنا لا أقصد الضحك من أجل تغيب العقل و نسيان المشاكل و لكن أقصد التفاعل مع الأمور بروح خفيفة بعيدا عن التعقيد و الكآبة فالدواء المر يكون مغلف بالسكر حتى نتحمله و الكآبة لا تحل مشاكل و لكن نعمل ما علينا و نسلم الأمر لله و نرضى بقضاءه

لا يا باشا المقصود مش كدا

المقصود هو الابتسام والتفاؤل فالحياة عامة .... ازالة التوتر الي احنا ابتلينا بيه دا ,, تخفيف الميول العدوانية الي بقت منتشرة فالمجتمع

بالضبط يا دكتور هذا ما أقصده
و كذلك ممكن مناقشة العديد من المواضيع بروح خفيفة حتى لا تتفاقم الأمور و تصل لمنازعات
فالمشاكل لا تحل بالقسر و التعنت و لكن بالتفاهم و الود

[Soma_Sooma]

موضوع جميل و بيدعو للتفائل

وانا معاكى طبعا فكل كلامك

بس اغلبنا بيضحك و هو مكسور من جوه

[GMakram]

لا يا باشا المقصود مش كدا

المقصود هو الابتسام والتفاؤل فالحياة عامة .... ازالة التوتر الي احنا ابتلينا بيه دا ,, تخفيف الميول العدوانية الي بقت منتشرة فالمجتمع

كلامك جميل جدا....ولكنه مع كل اسف كلام وبس....انا مقصدش انقد او اقلل من قيمه الكلام ولكنه مش حل عملى لما نواجهه من احساس بالقهر وخوف من المجهول المتمثل فى بكره....ممكن تقولى ازاى ممكن (نزيل التوتر اللى ابتلينا به ده على حد تعبيرك) بطريقه عمليه وبكررها بطريقه عمليه تعالج مش مجرد كلام وتساعدنا كمان على التفاؤل؟ حددلى طريقه تقدر تخفف بها الميول العدوانيه اللى بقت منتشره فى المجتمع ولنأخذ على سبيل المثال سائقى الميكروبصات اللى بقوا واقع مرير فى مجتمعنا؟ سيدى الفاضل انا لا اقصد بتاتا استخف او اقول ان كلامك غلط....لكنه غير مناسب لطبيعه مجتمعنا
ملحوظه اخيره....لو حصل فى يوم وتقابلنا ستجدنى انسان مرح لأقصى مرحله ومتفائل لدرجه تدعو من احادثه للأنبهار فلا تنخدع بكلامى وتتخيلنى انسان مهموم او كئيب...انا فقط احب التفكير والتعامل مع الحياه بطريقه عمليه بحته

تحياتى

أنا لا أقصد الضحك من أجل تغيب العقل و نسيان المشاكل و لكن أقصد التفاعل مع الأمور بروح خفيفة بعيدا عن التعقيد و الكآبة فالدواء المر يكون مغلف بالسكر حتى نتحمله و الكآبة لا تحل مشاكل و لكن نعمل ما علينا و نسلم الأمر لله و نرضى بقضاءه

اسف لو كان خاننى التعبير فى استخدام كلمه تغيب العقل ولكن ما كنت اقصده ان استخدام التفاؤل كوسيله لحل المشاكل هو مجرد حل مؤقت لن يحل ما عجزنا عن حله عبر سنين...يمكننا التعامل مع الامور فعلا بروح خفيفه بعيدا عن التعقيد فى حاله حدوثها بشكل معقول وفى حدود احتمال الانسان ولكن عندما تزيد المشاكل وتبقى فوق طاقه البشر هنا بيحدث التوتر....ده اللى اقصده سيدتى وانا ارى ان التعامل مع الواقع المرير والبحث عن حل عملى نعالج به احساس الخوف من المجهول والتوتر والعدوانيه هو ما نحتاجه

اخيرا... تعقيبا على مثالك الذى ذكرتيه (فالدواء المر يكون مغلف بالسكر حتى نتحمله) افتكر لو بتتكلمى على التفاؤل والمرح فى التعامل مع الواقع يبقى يكون احسن لو استخدمتى كلمه المسكن المر بدل الدواء المر :)

تحياتى

[a_samy]

أوافقك وبشده.

[shiko85]

اغلبنا بيضحك و هو مكسور من جوه

[GMakram]

موضوع جميل و بيدعو للتفائل

وانا معاكى طبعا فكل كلامك

بس اغلبنا بيضحك و هو مكسور من جوه

+11111111111

[زينة الله]

سأل رسول الله -صلى الله عليه وسلم- عن التطير (التشاؤم) يجده الرجل في نفسه فقال : ” ذاك شيء يجده أحدم في نفسه فلا يصدنكم ” قال تعالى :” إن يمسسك الله بضرّ فلا كاشف له إلا هو وإن يردك بخير فلا رادّ لفضله"

عليه أفضل الصلاة والسلام

موضوع جميل و بيدعو للتفائل

وانا معاكى طبعا فكل كلامك

بس اغلبنا بيضحك و هو مكسور من جوه

حتى لو كنا مكسورين يا سومة بردوا لازم نضحك و نعلى على أحزانا وهمومنا
بس و أحنا واعيين بنعمل أيه و نقول أيه
و المثل الصينى يقول " الضربة التى لا تميتنى لابد أن تزيدنى قوة "
و المثل المصرى يقول " فوت على عدوك مهيش و لا تفوتش عليه مكرش "

اسف لو كان خاننى التعبير فى استخدام كلمه تغيب العقل ولكن ما كنت اقصده ان استخدام التفاؤل كوسيله لحل المشاكل هو مجرد حل مؤقت لن يحل ما عجزنا عن حله عبر سنين...ده اللى اقصده سيدتى وانا ارى ان التعامل مع الواقع المرير والبحث عن حل عملى نعالج به على احساس الخوف من المجهول والتوتر والعدوانيه هو ما نحتاجه

اخيرا... تعقيبا على مثالك الذى ذكرتيه (فالدواء المر يكون مغلف بالسكر حتى نتحمله) افتكر لو بتتكلمى على التفاؤل والمرح فى التعامل مع الواقع يبقى يكون احسن لو استخدمتى كلمه المسكن المر بدل الدواء المر :)

تحياتى

أنا معاك نبحث عن حل عملى و دواء ناجع و ليس مسكن و لو أن أحيانا نحتاج التسكين بقدر معين مع العلاج و لكن نبحث عن هذا الحل و العلاج بدون تشنج ،
هل تستطيع معدتك أن تهضم طعاما و هى متقلصة و متشنجة و أى تفاعل كميائى تتغير نتائجه حسب ظروف التجربة ،
كذلك باقى أمور حياتنا إذا تعاملت معها أو أخذت فيها قرار تحت الضغوط سوف تقع فى الأخطاء و تزيد المشاكل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
مدموازيل يا ......فندم مش سيدتك هههههههههههه

أوافقك وبشده.

توافق مين أنا ( صاحبة الموضوع ) و لا المشاركة اللى قبلك
لو أنا أشكرك يا فندم

[ASKAFRAWY]

طبعا موضوع رائع بس عن تجربة شخصية...الضحك والتفاؤل بيكون احساس لحظى او وسيلة هروب من كتر الضغوط...انا احيانا بحس انى على وشك الانفجار و برضه بحاول اهرب بالهزار و تغيير الاماكن والخروج مع الاصدقاء...لكن مع اول فرصة بنفرد فيها مع نفسي يبدأ الاكتئاب يسيطر تانى و تبدأ مشاكل النوم والارق و الخوف...للاسف متغيرات الحياة من اسوأ الى الاسوأ هى الخلتنا نفكر كدة ونحس بالحزن والاختناق...وياريت يكون فى مسكن للالام دى...لان تقريبا معظم الشباب بيهربوا من الواقع بتعاطى بعض انواع المكيفات...التى تعطى احساس وهمى بالسعادة...ياريت فعلا يكون فيه حل
انا اول واحد محتاج للموضوع دة...

[thedeveloper87]

لو عايزين نتكلم عن الواقع؟؟ الواقع إن صعب نبتسم ونشوف كمية الفساد والغلاء والزحام الرهيب اللي حوالينا ده

يعني إليكم بعض المواقف اليومية:

- رايح مشوار بالمواصلات: مواصلات غير آدمية وزحمة و"خش ياكابتن جوا!! العربية فاضية!" واستنى الأوتوبيس ساعة وساعتين.
- رايح مشوار بالعربية: هاتك يا زحمة للصبح ، ويا سلام لو رايح وسط البلد أو التحرير أو الدقي أو الحتت الزحمة دي ، ويا سلام لو رايح حتة ماعرفهاش ومشيت في شارع عكسي (ولا فيه يافطة ولا حاجة) ويطلعلي حرامي ... قصدي ظابط ويقوللي ماشي عكسي ليه؟ ولا أتوه وسط البلد وأقف كل شوية علشان أسأل أنا رايح فين ولا فيه يفط ولا نيلة.
- أنا ساكن في مدينة نصر أول شارع مكرم عبيد ، علشان أروح آخر الشارع عندي (لو الطريق فاضي ياخد 5 دقائق بالعربية) ، ممكن أروح في ساعة إلا ربع أو ساعة كمان!!! ولا كأني مسافر
- نازل السوق اشتري خضار وفاكهة: كيلو الطماطم ب 7 جنيه!! كيلو الفاصوليا البيضة ب 11 جنيه!! حتة فرخة ماتكملش 1 ونص بحاجة وتلاتين جنيه!!
- أكل رغيف ، ألاقي فيه رمل وطوب وخشب وشغال والحياه حلوة ، أكل رز وألاقي زلطاية عادي خالص
- كل يوم افتح النت علشان اشوف الأخبار ألاقي أخبار تعكنن وتحرق الدم.
- رايح أي مصلحة حكومية لا بد وإن أدفع المعلوم علشان حاجتي تخلص.

أنا مش عايز أكمل علشان مازودش الهم والغم علينا كلنا ، ولكن صعب إني أتجنب الاكتئاب ، الواحد مجبر .... حتى جدتي لما بتيجي تضحك بتضحك وهيا مكشرة تخيلوا :d

[زينة الله]

كيفية حل المشاكل

يا جماعة حل المشاكل يكون بالأخذ بالأسباب و تحليلها و محاولة البحث عن الحلول و البدائل و عند الوصول لحل عدم التراخى فى تنفيذه بكل الحزم ، أما الخوف فيورث الضعف و الإكتئاب

و الصبر فى الشدائد و الثقة فى الله تعالى و الإيمان و كذلك التكافل الإجتماعى والتراحم تعين المرء على تحمل النكبات و إن صبرتم أجرتم وأمر الله نافذ و إن ما صبرتم كفرتم و أمر الله نافذ

و الرسول الكريم يقول " بشروا ولا تنفروا "
و " تفألوا بالخير تجدوه "
كمان أثر الحالة النفسية عظيم جدا فى شفاء المرضى و إمكانية التفكير السليم و الوصول إلى حلول معقولة

لكن كل هذا الكم من الكآبة شئ صعب أنا والله بقيت أشوف ناس شكلها محترم ماشية فى الشارع بتكلم نفسها أو بالأحرى بتتخانق و بصوت عالى مع أشخاص غير موجودين بالمرة