عاوز أشتري كمبيوتر.. تنصحوا بإيه?

[live4love]

السلام عليكم يا أعضاء
المنتدى الكرام. أنا عاوز
أشتري كمبيوتر جديد في
حدود 3500-4500 جنيه
تنصحوني بإيه وأشتري
منين و أشتري لابتوب أو
ديسك توب وليه. دا أول
كمبيوتر ليا فرجاء ما
تبخلوش عليا بأي نصيحة.
أنا ساكن في حتة أرياف
مفيهاش dsl و لا خطوط
تليفون أرضي وطبعآ لازم
الجهاز يكون متصل
بالإنترنت فتنصحوا بإيه
في الحالة دي? نفسي في
كمبيوتر إمكانياته قوية
يشغل الأفلام و الألعاب و
يحمل من على النت بسهولة و
سرعة ويكون سريع و من غير
أعطال و لا مشاكل. أرجوكم
أفيدوني أفادكم الله و
أشكركم مقدمآ

[hazoom2006]

اولا الفرق 3500ل 4500 فرق كبير حدد الميزانيه بالظبط

ثانيا انت اللى تحدد انت محتاج ديسك توب او لاب توب حسب اانت محتاج اية

ثالثا بالنسبة للنت معرفش ازاى مفيش خطوط ارضى بس كدة لو انت عايز نت يبقى usb اتصالات مثلا ودى مكلفه جداا

[live4love]

هنقول الميزانية أربع تلاف جنيه و الusb مش غالي و لا حاجة دا بعشرين جنيه في الشهر من موبينيل. أشكرك على الإهتمام و المتابعة

[live4love]

للرفع

[vBulletin]

انتا عايز الجهاز تلعب علية العاب قوية والالعاب دية زى اية ؟؟؟؟ ولا تتفرج على افلام يعنى قولى معدل استخدامك عشان هيا مش فلوش وخلاص حرام تشترى حاجة قوية انت مش هاتستخدم امكانيتها لو عايز احاجة من الاخر زود 1700 جنية على 4000 دول ويتعملك ديسك يتحكى بية شوارع مصر و توب من االاخر مفيش لعبة هاتقف قصادة اما لو انت يادوب بتشغل افلام ونت وشوية العاب خفيفة يبقى ممكن نلم الموضوع على 2000 او
2700بشاشة
lcd

وممكن الموضوع يتلم باقل من كدة كمان بتاع 1700 او حتى 1500 او 1200 الموضوع استخداماتك هيا الى بتحدد الى انت عايزة

[live4love]

طيب لو أنا زودت الفلوس ل5000 جنيه إيه مواصفات أحسن جهاز أشتريه? و أجيبه منين? و هل اللاب توب يكون فيه نفس المواصفات بنفس السعر? والا هايبقى أغلى? و هل الديسك توب بالنسبة لواحد جديد في الكمبيوتر زي حالاتي أفضل من اللاب توب زي ما بيقولوا. و شكرآ لكل من أدلى أو سيدلي بأي نصيحة. أنا بصراحة نفسي أجرب لعبة أون لاين rpg من اللي بالعربي لكن معظم الألعاب دي محتاجة جهاز إمكانياته قوية. فتنصحوني بإيه? و شكرآ مجددآ.