Tweet
الحمد لله وبفضل الله قدرت إني أتخلص نهائيا وللأبد من أسوأ عادةة في حياتي ألا وهي التدخين .
أنا بدخن من أولى جامعه يعني من حوالي 17 ل 18 سنة سجاير وقرف في صدري بس الحمد لله وبفضل الله قدرت إني أبطل السجاير تماما ، والموضوع بدأ معايا بإحساس بألم خفيف زي النغزه كده في صدري من فوق الجنب الشمال وبعدين لما بطلع سلم المترو مش قادر أقولكم على النهجان اللي ببقى فيه ده لدرجة إني لو هزرت مع ولادي شويه بنهج
.
المهم قررت مع تبطيل السجاير أورح جيم علشان أخس كمان وقد كان ورحت ومش قادر أوصف أول يوم كان يوم بشع أنا روحت البيت زحف من شده التعب والألم طبعا مش متعود .
المهم هحكيلكوا على كيفية إقلاعي عن هذه العادة البشعه لعل الذكرى تنفع
اللي يقول إنه ممكن يبطل سجاير في يوم واحد يبقى لامؤخذه كداب أنا اليوم اللي أخذت فيه القرار ده عملت الآتي :-
روحت الشغل وعملت كباية الشاي المعتاده وكنت جايب معايا بحوالي 5 جنيه مسليات لب على سوداني ( أرخص من ثمن عليه السجاير ) المهم النهار لغاية الساعه 12 الظهر كده دماغي بتزززززززززززززززززن بطريقه بشعه قمت شارب سيجاره وعلى الساعه 3 العصر برضه نفس الحكاية والساعه 6 والساعه 9 يعني المجموع أربع سجائر فقط يوميا وبالنسبو ليا ده كان إنجااز بكل المقاييس .
ثاني يوم الساعه 12 ماشربتش بس شربت الساعه 3 والساعه 6 مشربتش وشربت الساعه 9 وثالث يوم ولا سيجاره إلا اليوم والحمد لله .
الموضوع يا جماعه بس عايز شوية عزيمة وإصرار وصدقوني هي مجرد عاده لا أكثر ولا أقل بس بجد بجد مش قادر أوصف إحساس النظافة اللي الواحد فيه أيوه ماتستغربوش نظاااااااافة إيدي نظيفة بدل ما كانت مصفرة ووريحتي مش وحشه كانت كل هدومي بتبقى ريحتها سجاير بشعه ونفسي حاجه تانيه خالص مع التمارين والجيم فعلا الموضوع يفرق كثييييييييييييييييير جدا جدا ، مفيش كحه الصبح مفيش حشرجه وأنا نايم بليل مفيش ألم في صدري مفيش أي حاجه ولله الحمد من قبل ومن بعد .
نصيحه لكل الأخوه المدخنين بجد بجد هتحسوا بفرق بشع أنا عارف إن الموضوع مش سهل بس والله تقدروا زي ما أنا قدرت المشكله في الشغل عارف وحرق الدم طول النهار والحل إنك تشغل نفسك بأي حاجه تانيه لب سوداني لبان ملبس وهتلاقي نفسك والله ولا في دماغك ده غير التوفير يعني أنا كنت كل يوم بشتري علبه ب 7.5 جنيه يعني الشهر ب 225 جنيه يعني السنة ب 2700 وانا بقالي 17 سنة بشرب يعني 45900
جنيه تخيلوا ضاعوا في شوية دخااااان مالهمش لازمه غير أذى صحتك وتبذير مالك يبقى حرام ولا حلال ؟؟؟
أنا بدخن من أولى جامعه يعني من حوالي 17 ل 18 سنة سجاير وقرف في صدري بس الحمد لله وبفضل الله قدرت إني أبطل السجاير تماما ، والموضوع بدأ معايا بإحساس بألم خفيف زي النغزه كده في صدري من فوق الجنب الشمال وبعدين لما بطلع سلم المترو مش قادر أقولكم على النهجان اللي ببقى فيه ده لدرجة إني لو هزرت مع ولادي شويه بنهج
.المهم قررت مع تبطيل السجاير أورح جيم علشان أخس كمان وقد كان ورحت ومش قادر أوصف أول يوم كان يوم بشع أنا روحت البيت زحف من شده التعب والألم طبعا مش متعود .
المهم هحكيلكوا على كيفية إقلاعي عن هذه العادة البشعه لعل الذكرى تنفع
اللي يقول إنه ممكن يبطل سجاير في يوم واحد يبقى لامؤخذه كداب أنا اليوم اللي أخذت فيه القرار ده عملت الآتي :-
روحت الشغل وعملت كباية الشاي المعتاده وكنت جايب معايا بحوالي 5 جنيه مسليات لب على سوداني ( أرخص من ثمن عليه السجاير ) المهم النهار لغاية الساعه 12 الظهر كده دماغي بتزززززززززززززززززن بطريقه بشعه قمت شارب سيجاره وعلى الساعه 3 العصر برضه نفس الحكاية والساعه 6 والساعه 9 يعني المجموع أربع سجائر فقط يوميا وبالنسبو ليا ده كان إنجااز بكل المقاييس .
ثاني يوم الساعه 12 ماشربتش بس شربت الساعه 3 والساعه 6 مشربتش وشربت الساعه 9 وثالث يوم ولا سيجاره إلا اليوم والحمد لله .
الموضوع يا جماعه بس عايز شوية عزيمة وإصرار وصدقوني هي مجرد عاده لا أكثر ولا أقل بس بجد بجد مش قادر أوصف إحساس النظافة اللي الواحد فيه أيوه ماتستغربوش نظاااااااافة إيدي نظيفة بدل ما كانت مصفرة ووريحتي مش وحشه كانت كل هدومي بتبقى ريحتها سجاير بشعه ونفسي حاجه تانيه خالص مع التمارين والجيم فعلا الموضوع يفرق كثييييييييييييييييير جدا جدا ، مفيش كحه الصبح مفيش حشرجه وأنا نايم بليل مفيش ألم في صدري مفيش أي حاجه ولله الحمد من قبل ومن بعد .
نصيحه لكل الأخوه المدخنين بجد بجد هتحسوا بفرق بشع أنا عارف إن الموضوع مش سهل بس والله تقدروا زي ما أنا قدرت المشكله في الشغل عارف وحرق الدم طول النهار والحل إنك تشغل نفسك بأي حاجه تانيه لب سوداني لبان ملبس وهتلاقي نفسك والله ولا في دماغك ده غير التوفير يعني أنا كنت كل يوم بشتري علبه ب 7.5 جنيه يعني الشهر ب 225 جنيه يعني السنة ب 2700 وانا بقالي 17 سنة بشرب يعني 45900
جنيه تخيلوا ضاعوا في شوية دخااااان مالهمش لازمه غير أذى صحتك وتبذير مالك يبقى حرام ولا حلال ؟؟؟
Comment