إعـــــــلان

Collapse

.

,
See more
See less

30 دقيقة كل يوم ... صدقني مش حتندم ! سميه اكسير الصحة و الشباب لو عايز :)

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    30 دقيقة كل يوم ... صدقني مش حتندم ! سميه اكسير الصحة و الشباب لو عايز :)

    الـــــــــــــسلام عليكم !

    حبيت بس اشارك معاكم تجربة ... بمكن سمعتوها و اتحكى عنها 10000 مرة بس برده التكرار ... للشطار :)


    ---

    انا داخل على 27 سنة ... طولي 178 سم ... و وزني ماشاء الله كان وصل 94 كجم يوم مقابلة الفطار بتاعة المنتدى .. يعني كرش و قاعدة و حتى وشي مليان على طولي و على حجمي .

    طبعا انا مكنتش كدة .. ايام الكلية ( 7-8 سنين فاتوا ) كنت تقريبا نفس الطول ولكن وزني لم يتعدي في اي حال من الاحوال 75 كجم !

    القعدة طول اليوم لو في البيت او في الشغل ... مفيش اي نوع نهائي من انواع الرياضة .. اكل من برة بنسبة 80% من الاسبوع .. و توصل للي انا وصلتله و اكتر .. , و طبعا لما اشتريت العربية من 5 سنين .... !

    حتي يا اخي لما الحمد الله ربنا هداني و بقيت اصلي في المسجد .. المسجد تحت البيت !

    و القهوة و سنينيها و الشيشة و بلاويها ..

    المهم من فترة غير قليلة .. جالي وجع رهييييييييييييييييب جدا في العمود الفقري ... مش وجع دلع .. وجع مكنتش عارف اقوم من السرير او حتى البس هدومي ..

    رحت عملت كشف و X-ray

    الراجل الدكتور .. هزاني ... والله هزأني .. و مقدرتش افتح بقى ..

    قالي اقسم بالله لو مش شايفك قاعد قدامي الان و ببص على ال Xray بتاعة منطقة الرقبة و الكتف ... لاقول ده واحد عنده لا يقل عن 45 سنة !!!

    وكتبلي 6 ادوية تقريبا ! !

    طبعا اهلي كانوا فرحانين بيا جدا ... تحولت اصبحت شاب في سن الشيخوخة !

    و المشكلة ان الواحد لم يتعظ .. و اول مابقيت كويس ... نسيت الموضوع تماما !

    طب اعمل ايه :)

    --

    المهم .. اتكشفت على حقيقتي من اسبوع .. عندما طلب بعض الاصدقاء اننا نروح نلعب كورة في النادي الي بدخله مرة واحدة كل سنة علشان اجدد الكارنيه بس .( النادي الاهلي في مدينة نصر ).

    رحنا ... وكانت الفضيحة ... ( انا كنت لعيب كورة بس من زمان اوي يعني ... 15 سنة فاتت ولا حاجة )

    نزلت بقى متوقع اني ابهدل الدنية ... وفعلا بهدلت الدنية .. بعد 10 دقائق جري ... وقعت على الارض .. مغما عليا تماما ....

    حتقولوا مش واكل ؟؟؟ لا واكل و فاطر و متغدي ..

    المهم بعد مالاصدقاء فوقوني .. لقيت نفسي شبه معدوم !

    و اصدقائي حتى الاكبر مني ( بس معظمهم رياضين او بيمارسوا هواية فيزيائية :) )
    بيجروا .. رايح جاي و تنطيط و ضرب و هتك يا لعب ...

    وانا الاصغر سنا . قاعد على العارضة بتاعة الجون .. بتفرج ... و بشجع ...

    ساعتها بس ... كنت حنفجر .... كرهت نفسي !

    ليه اعمل كدة ؟؟؟؟ انا عندي 26 سنة ولا 27 .. ومش قادر اجري مع ناس عندها 35 و مخلفة و مبتهدلة !

    طبعا لعبت تاني ... 15 دقيقة .. ,ونفسي انقطع ..

    من ساعتها حلفت بكل حاجة في حياتي ... اني يوميا حروح النادي اجري او امشي في التراك 30 دقيقة على الاقل ....

    الكلام ده كون يوم الخميس الي فات ...

    يعني انهاردة انا تميت اسبوع .. والحمد الله كدة كملت6 ايام متواصلة ... 30 - 45 دقيقة كل يوم مابين مشي او جري خفيف حولين تراك النادي ....

    طبعا مش حقول حصل معجزة ! وخسيت 30 كجم ! اتصل الان 19999 شركة البطة المرتاحة للياقة و السباحة !

    بس يكفيني اني لعبت كورة تاني امبارح ... لمدة 45 دقيقة كاملة دون ان اسقط ... دون ان اغمي عليا ...
    طبعا 45 دقيقة و نفسي انقطع بعدها ..

    بس تعالوا نحسبها ...

    اثار جلوس بدون رياضة من سنة 2000 الى 2010 = 10 سنوات
    اثار تدخين شيشة من نفس المدة = 10 سنوات
    اثار جلوس امام الكومبيوتر ان كان عمل او دراسة او ترفيه = 10 سنوات
    اثار نوم اقل او يساوي 5 ساعات يوميا = 10 سنوات
    اثار اكل زبالة من الشارع بمعدل 5 ايام في الاسبوع لمدة = 10 سنوات ...

    كل الاثار دي .... الي خلتني راجل عجوز ... ب6 ايام مشي فقط .. اتغلبت على 50% منها !!!
    بدون دايت بدون حتى تبطيل الشيشة ( لو اني بفكر ابطل )


    حتقولي انا كدة كدة مش فارق معايا رياضة و مش حلعب كورة .. حقولك سيبك من الكورة !

    بقيت اصحى الصبح ... مبسوط !!! ايوا مبسوط !

    حاسس اني فايق ... عايز افطر .. عايز اروح الشغل او المشوار الي انا رايحه .. مش متضايق وقرفان و بسب في الدنيا ... و بسب في الشغل و رايح متاخر و بشتم الناس في الشارع و وسع يابني !

    بلاش !!

    على الاقل لما بجري او بمشي كل يوم 45 دقيقة ... بستحرم اروح اكل برة بعدها ... بستحرم اروح اشيش حتى .. اقول لأ خلينا نضاف انهاردة ... بروح البيت طبعا تعبان شوية .. النتيجة ان الساعة 11 بتيجي ببقى بسقط خلاص ... بقيت انام الساعة 12 بالكتير بدل من الساعة 3 يوميا !


    بلاش !!

    شفت النادي ! اتعرفت على ناس جديدة .. شميت هواء نضيف .... غيرت جو !


    بلاش دي !!

    طول الاسبوع ده المدام كانت معايا بتمشي هي كمان .. اي نعم هي الحمد الله لا تعاني من اي اثار او مشاكل مثلي و لكنها بتهوى المشي عامة ...

    45 دقيقة يوميا بنتكلم و احنا بنمشي مع بعض ... حاجة مكناش بنعملها الا واحنا قاعديت ادام التلفزيون او خارجين ... على الاقل سيبك من الرياضة .. بس فتحت باب حوار معاها يوميا 45 دقيقة !


    كلللللللللللللللللللل الفوائد دي من 30 دقيقة مشي فقط في 6 ايام ..

    ومش لازم النادي يعني للي حيتحجج .. لو جنبك جنينة ... حتى فاضية ... خرابة ... شارع واسع او طريق سفر مثلا ... !

    جرب .. مش حتندم .. حتقولي ياعم انت معاك المدام مشجعاك !

    خد صاحبك ! اخوك ! قريببك ! زميلك ! ز ميلتك ! خطيبتك ! والدتك والدك !

    بلاش ! خد موبايلك ... اي بوداك ... اي فوناك ... اي زوقاك يا اخي !

    خد اي حاجة .. وجرب ! انا كنت فاكر ان الموضوع اشتغالة ....

    بالمناسبة في 6 ايام خسيت 3 كجم بدون دايت .. و بدون ماابطل اي حاجة .. ولا دايت فواكه .. ولا دايت مجفف و لا دايت امه جلمبو .

    و ان شاء الله ناوي استمر ... ولو عرفت كمان حزود المدة ... !

    قوم ! فز! مش حتندم .. او في الواقع حتندم لو قعدت بس قدام المنتدى طول اليوم .. جاتك ال !!

    ولا بلاش :)

    ربنا يديكم و يدينا الصحة و يبعد عنا الامراض جميعا يارب .
    الكلمات الدلالية (Tags): اكسير, الزيت, الشباب, حتندم, حقيقة, دول, سميه, صدقني, عايز
  • #2
    موضوع ممتاااااااااااااااااااز

    بجد كتر خيرك انا حالة مشابهة ليك بالملي بس انا مابدخنش ولا بشيش

    بجد كتر خيرك وموضوع ممتاز وشكرا علي الافادة

    بس لي سوال انت بتجري في نادي ايه
    انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

    Comment

    • #3
      جيت على الجرح بالظبط
      EGYPT

      Comment

      • #4
        يا باشا متشكرين على النصيحه الغالية ، ربنا يديدم عليك الصحة ، بس مقولتناش عملت اية فى الشيشة
        [B][FONT=Tahoma][COLOR=darkgreen][COLOR=darkgreen][FONT=Tahoma][B]يا نفس لا تقنطي من زلةٍ عظمت إن الكبائر في الغفران كاللمم [/B][/FONT][/COLOR][/COLOR][/FONT][/B][FONT=Tahoma][COLOR=darkgreen]
        [B][COLOR=darkgreen][FONT=Tahoma][B]لعل رحمة ربي حين يقسمها تأتي على حسب العصيان في القسم [/B][/FONT][/COLOR][/B]
        [B][B][COLOR=darkgreen][FONT=Tahoma]يارب [/FONT][/COLOR][COLOR=darkgreen][FONT=Tahoma]الطف بعبدك في الدارين إن له صبراً متى تدعه الأهوال ينهزم[/FONT][/COLOR][/B][/B]
        [/COLOR][/FONT]

        Comment

        • #5
          شكرا على الموضوع الرائع
          [RIGHT][COLOR=darkgreen]أحمد محمد صبرى[/COLOR][/RIGHT]
          [CENTER][COLOR=darkgreen][SIGPIC][/SIGPIC][/COLOR][/CENTER]
          [CENTER][COLOR=darkgreen][B]يا رب تفهم يا تتح[/B][/COLOR][/CENTER]
          [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

          Comment

          • #6
            الله ينور عليك
            انا 30 سنة والحمد لله رياضى وحتى بعد الزواج كنت مواظب على الرياضة (كورة) مرتين فى الأسبوع
            وطبعا للأسف بشيش من زماااااااااااااااااان
            بس مكنتش حاسس بأى حاجة لغاية لما فيه فترة انشغلت فيها وبقيت اكسل العب
            وبعده فترة وبعد اول مجهود طبعا بقيت بخخخخخخخخخخخ تعب وارهاق جاااامد

            والحمد لله رجعت تانى للرياضة وظبطت كل حاجة
            [SIZE=3][COLOR=navy][gdwl]
            [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
            [/gdwl][/COLOR][/SIZE][SIZE=4][COLOR=navy][/COLOR][/SIZE]
            [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

            Comment

            • #7
              طيب انا الحمد لله مش بتخن كتير بس وزني ذاد 5 كيلو السنه اللي فاتت وبعد ما كانت بطني متقسمه بقت فيه بشاير كرش
              بس انا بعمل الأتي
              باكل كتيير
              بشرب حاجات ساقعه كتير
              مش بعمل اي تمارين
              مش بمشي (من باب العربيه لباب الشقه لباب الشغل حتي السلم فيه اسانسير والشقه في الدور الأول)
              طول النهار قاعد قدام الجهاز وفي البيت نفس النظام

              زمايلي في الشغل بيحسدوني علي اللي انا فيه عشان مش بتخن بس مش عارف هو انا كده عندي حاجه غلط؟ مع اني الحمد لله مش بشتكي من اي حاجه

              Comment

              • #8
                المشاركة الأصلية كتبت بواسطة mrwho1982 مشاهدة المشاركة
                موضوع ممتاااااااااااااااااااز

                بجد كتر خيرك انا حالة مشابهة ليك بالملي بس انا مابدخنش ولا بشيش

                بجد كتر خيرك وموضوع ممتاز وشكرا علي الافادة

                بس لي سوال انت بتجري في نادي ايه
                الله يكرمك . في النادي الاهلي بمدينة نصر .

                المشاركة الأصلية كتبت بواسطة pharaoh مشاهدة المشاركة
                جيت على الجرح بالظبط
                و الله انا كنت زيك . . ولسة مفرتش كتير يعني دول كلهم 6 ايام بس صدقني جرب مش حتندم .

                المشاركة الأصلية كتبت بواسطة haythamkmal مشاهدة المشاركة
                يا باشا متشكرين على النصيحه الغالية ، ربنا يديدم عليك الصحة ، بس مقولتناش عملت اية فى الشيشة
                العفو ..

                والله لسة منوتيش بس عامة .. انا عمري مابنزل مخصوص علشان اشيش .. يعني لو خرجنا في حتة و فيه مكان فيه شيشة ممكن اشيش .. بس مش بنزل مخصوص علشانها .. مش ادمان يعني الحمد الله .
                ممكن يعدي عليا اسبوعين من غير ماشيش مش بحس ان في حاجة نقصاني يعني .

                المشاركة الأصلية كتبت بواسطة ams مشاهدة المشاركة
                شكرا على الموضوع الرائع
                العفو و شكر لمرورك الكريم .

                المشاركة الأصلية كتبت بواسطة mido777 مشاهدة المشاركة
                الله ينور عليك
                انا 30 سنة والحمد لله رياضى وحتى بعد الزواج كنت مواظب على الرياضة (كورة) مرتين فى الأسبوع
                وطبعا للأسف بشيش من زماااااااااااااااااان
                بس مكنتش حاسس بأى حاجة لغاية لما فيه فترة انشغلت فيها وبقيت اكسل العب
                وبعده فترة وبعد اول مجهود طبعا بقيت بخخخخخخخخخخخ تعب وارهاق جاااامد


                والحمد لله رجعت تانى للرياضة وظبطت كل حاجة
                والله كفاية الراحة النفسية الصباحية ... بحس اني نشيط كدة مش كسول زي الاول ...

                المشاركة الأصلية كتبت بواسطة shaddadfalcon1 مشاهدة المشاركة
                طيب انا الحمد لله مش بتخن كتير بس وزني ذاد 5 كيلو السنه اللي فاتت وبعد ما كانت بطني متقسمه بقت فيه بشاير كرش
                بس انا بعمل الأتي
                باكل كتيير
                بشرب حاجات ساقعه كتير
                مش بعمل اي تمارين
                مش بمشي (من باب العربيه لباب الشقه لباب الشغل حتي السلم فيه اسانسير والشقه في الدور الأول)
                طول النهار قاعد قدام الجهاز وفي البيت نفس النظام

                زمايلي في الشغل بيحسدوني علي اللي انا فيه عشان مش بتخن بس مش عارف هو انا كده عندي حاجه غلط؟ مع اني الحمد لله مش بشتكي من اي حاجه
                صدقني انا كنت زيك .. و كنت باكل اكل " خرتيت " مش فيل .. و عمري مازدت خالص .. لكنها تراكمية يا عزيزي .. يعني حتلاقي نفسك زي الفل و مش بتزيد ... و بعد 4-5 سنوات حتلاقي نفسك فيل :) ( مش قصدي طبعا انا بهرج ) .


                ابدا حتى بالمشي علشان على الاقل لو مزيدتش .. تحرق الي انت بتاكله و بتحافظ على ليقاتك .

                Comment

                • #9
                  مبروووك يا كريم باشا و إن شاء الله تكمل و تحافظ على نفسك من الأمراض دى كلها ... عقبالى كده أنا كمان بعد ما أخلص إمتحانات ... أنا ناوى إن شاء الله بجد ضرورى السنة دى.
                  [CENTER][SIZE=3]رأيي صواب يحتمل الخطأ ,ورأي غيري خطأ يحتمل الصواب[I]. [/I][/SIZE][SIZE=1]الإمام الشافعى[/SIZE][/CENTER]

                  Comment

                  • #10
                    أنا نفسي أعمل إلي إنت عملته ، أنا تقريباً نفس حالتك مع اختلاف اني 33 سنة و بطلت رياضة من سنه 1998 ،، و طبعاً فيه شيشة بس مش أدمان ، يعني مره ، أخري مرتين بلكتير في الأسبوع حسب الخروج مع أصحابي
                    و النادي أقل من 5 دقائق مشي من البيت.
                    [CENTER][SIZE="4"]{‏وما خلقت الجن والإنس إلا ليعبدون ما أريد منهم من رزق وما أريد أن يطعمون‏}[/SIZE]

                    اجتهادك فيما ضمن لك و تقصيرك فيما طلب منك.............. دليل على انطماس البصيرة منك.[/CENTER]

                    [CENTER]
                    [SIGPIC]http://www.nileup.com//uploads/images/domain-bcd1856737.jpg[/SIGPIC][/CENTER]

                    Comment

                    • #11
                      موضوع حلو قوي .... وكلامك استفزني اقوم اجري دلوقتي بس المشكلة اني في الشغل

                      بجد فعلا شكرا ليك مشكلتنا دايما في الرياضه هي الكسل لكن لو حد شجعنا او اتعودنا عليها هتبقى سمه في حياتنا وهتبقى زي الأكل والشرب


                      طب انت سمعت عن كرنفال العجل

                      مجموعة من الشباب على الفيس بوك بيتقابلوا كل يوم جمعة من 7- 11 صباحا ويلفوا البلد بالعجل كرياضة جماعية

                      الموضوع دة اتكلم عنهم بأستفاضه اكتر

                      نايل موتورز - NileMotors.net
                      http://www.nilemotors.net/Nile/184653-a.html
                      [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                      Comment

                      • #12
                        تحياتى ليك

                        موضوع ممتاز واصرارك انك تكمل شىء عظيم

                        ستة ايام فرقو كتير جدا - اشكرك مرة تانية انت شجعت ناس كتير جدا
                        [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                        [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                        [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                        [/CENTER]
                        [/CENTER]
                        [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                        [CENTER] _______________[B]
                        [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                        [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                        [/CENTER]
                        [B][COLOR=Blue][B][SIZE=2]
                        اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                        _______[COLOR=Blue]_______________
                        [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                        Comment

                        • #13
                          هقولك على حاجة اى حد لما يبطل رياضة اى كانت ويعود فى البيت كام شهر ونزل يلعب رياضة هيكون مش قادر ياخد نفسة وحرقان فى صدره ده عادى مده يومين او تلاته وبعد كده بيلعب عادى

                          تخيل معايا كدة عربيه بقالها 10 سنين مرفوعه مبتستخدمهاش خالص واول ماتستخدمها تخش بيها رالى على طول بدون اى تظبيط فيها

                          الف سلامة على صحتك واستمر على الرياضة
                          [CENTER][SIZE="3"]I Need A Job[/SIZE][/CENTER]

                          Comment

                          • #14
                            حضرتك بكلامك جيت علجرح

                            انا بقالي اسبوعين تقريبا مكتئبة جدا

                            فين ايام مش هقول زمان لانها كانت لحد السنة اللي فاتت

                            كان همي كله وارفي بطلعه فلتمرين حتي ونا صيمة

                            وكنت ببقي مفرفشة طول اليوم بدون مبرر فعلا

                            واتلكك علشان امشي

                            كنت بمشي من الجيزة للقصر العيني يوميا واحيانا برجع مشي ملقصر للهرم

                            دلوقتي الكسل بيجيب كسل والخمول بيجيب خمول وحسيت اني بقيت سلبية زيادة عن اللزوم
                            [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
                            لن نطيَل آلمكوُث فيهآ . . !
                            فلمآذآ آلكدَر ؟!
                            وهُنآك ربّ آلبشر
                            إن عصينآ ستر وإن تبنآ غفر
                            إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
                            ابتسم وعيش احلى حياه[/COLOR][/CENTER]

                            Comment

                            • #15
                              اجمل احساس في الدنيا لما كنت ببقي طالع من صالة الجيم ولاعب باي وتراي او بنش او رجل
                              ساعتها كنت ببقي ماشي في الشارع حاسس اني لو دخلت في حيطه هكسرها

                              اياميها كنا بنبقي بيت وكنت بشيل شيكارة الأسمنت ال 50 كيلو كانها كيلو سكر

                              من كام شهر جيت اشيل واحده لقيت نفسي مش قادر ارفعها وشيلتها بالعافيه بصراحه زعلت قوي علي نفسي وقتها

                              انا نفسي اروح اشيل حديد زي الاول بس مكسل ومش لاقي حد يشجعني

                              Comment

                              السابق 1 2 template التالي
                              Working...
                              X