اسباب الفساد فى الجهاز الحكومى

[aymanay32]

تعرفوا لقيت ايه هوه السبب فى الفساد فى الحكومة فى مصر بعد تفكير اخذ منكى وقت طويل

لقيت السبب حاجة محدش فكر ممكن تكون هيه السبب


مين يقول السبب ايه؟





.

[Khaled_Nowaihy]

عاوز تقول سبب واحد ؟
انا ما لاقيتش غير مثل بيقول
مولد وصاحبه غايب

[Dr_Mido]

انا عندى مثلين

المال السايب يعلم السرقه

وقالو لفرعون ايه فرعنك قلك ملقتش حد يلمنى

[aymanay32]

قصدى مش امثال
انا قصدى ايه الوزارة او الوحدة الحكومية التى تسببت فى الفساد فى الحكومة كلها
يعنى التى ادت الى افساد فى الوزارات كلها

[Dr_Mido]

إذا كان رب البيت بالدف ضارب .. فشيمة كل أهل البيت راقص

[aymanay32]

السبب الرئيسى هو الجهاز المركزى للتنظيم و الادارة
مين يقدر يقول ليه

[Adham]

غياب الرقابة

[Abo_Lina]

غياب الرقابة

[windofchange]

ليه ياباشا؟

[Dr_Mido]

السبب الرئيسى هو الجهاز المركزى للتنظيم و الادارة
مين يقدر يقول ليه

عمو عمو ااقول انا


علشان بسم الله ماشاء الله لا عندة تنظيم ولا ادارة

[aymanay32]

الجهاز المركزى للتنظيم و الادارة
هو الجهة المتحكمة فى ترقيات الموظفين و تحديد الاجور و المرتبات و البدلات و هى التى تنتج القوانين و القرارات و المنشورات
و لان العملية ملخبطة فتطلع منشورات و بعد كدة كتب دورية تتعارض معها و بعد كدة قرار يتعارض مع الاثنين
و هذا لتعدد الجهات المنتجة للاوامر
و هى الجهه التى توافق على منح الدرجات للترقية و الموافقة على موازنة الاجور بالدولة و جهاتها كلها
و طوال الفترة اللى فاتت منذ انشاؤها قامت بتنشيفها على الموظف الحكومى فاصبح دخلة من الوظيفة الحكومية لا يكفى الموظف نفسة و حظرت علية اى وسيلة للعمل الشريف بعد مواعيد العمل الرسمية طبقا للقانون 74 لسنة 1978
و هكذا اتزنق الموظف فى الوظيفة الحكومية و ما كان عليه الا ان يحقق الفرق فى الدخل من مقر عمله
فمن يجد خرم ابرة ليسطو منه على فلوس مبيسيبوش
و كانت الادارات التى تتعامل مع الموظف ادارة شئون العاملين و لان ليس لها تعاملات مع الجمهور فبدات تاخذ الفرق فى الدخل لها من العاملين بها و تلعب بالقرارات و المنشورات و الكتب الدورية كما يحلو لها ففلان ممكن نطبق عليه القرار دة و فلان اللى دفع نشيل القرار و نشير فى الموافقة على الكتاب الدورى اللى لغاه القرار و فلان نطبق عليه المنشور اللى لغاه القرار و الكتاب الدورى
اما فلان فنطبق عليه المادة بتاعة القانون مع تفسير نصفها فقط لصالحه و ما نشيرش الى باقى المادة لانها ليست فى صالحة


و بهذا كان الموظف الحكومى اقل مرتب فى الدولة و حتى ياخذ حقه فى الحياه لابد له من ان يكون فاسدا
و كان فسادة بسبب الجهاز المركزى للتنظيم و الادارةو تحطيمه للموظف معنويا بتاخيير ترقياته او ماديا بمرتب ضئيل و علاوات ترقية و علاوات دورية ضئيلة
مما افقده الامل فى الوظيفة انها تتحسن الاحوال فاتجه الى الفساد فى كل مكان
حتى الاماكن السيادية لانها بردوا مربوطة بالموازنة الوظائف الممسوكة بواسطة الجهاز المركزى للتنظيم و الادارة


و اقولكم حاجة تانية لو حد قريبك جاله عقد فى دولة عربية فى الخليج مثلا تلاقى بيسالوا العقد دة مع الحكومة و لا القطاع الخاص فاذا كان مع الحكومة يفرح اوى لان الموظف الحكومى هناك مرتباته اكبر من القطاع الخاص و كمان امتيازاته اكثر و يعتبر العمل الحكومى امنية كل موظف عكس بلدنا الغالية اللى الموظف الحكومى نهاية كل فاشل سواء فى التعليم او المجتمع او الحياه العاطفية او النفسية او الاجرامية حتى

ده لو مجرم شوية هيقف يلم الكارته و يعمل فردة على بتوع الفاكهه و الخضار و مش هيوافق ابدا يتعين فى الحكومة بالكام ملتوش اللى من ايام عبد الناصر زى ما هما ما اتغيروش

بالمناسبة
عبد الناصر الذكرى بتاعته كانت من كام يوم
الله يرحمه
مش كان ساب الملك زى ما هوه فى مصر و كان طرد الانجليز و بس و كنا فضلنا دولة واحدة احنا و السودان

[A7MED_PHARMA]

الامبالاة

علشان الموظف الفاسد..مش فارقة معاه البلد
غير كده كمان
فلوس سهلة ..مع إنها فلوس حرام
بس بيحللوها لنفسهم

[youssefmustang]

محدش مؤمن فيهم بالجنة والنار وانه له اخرة ده سبب
السبب التانى عدم ترهيب اى مسؤل او محاكمة وزير او حتى امين شرطة مش هنقول وزير
تالت سبب حل اى مشكلة بالفلوس حتى لو فيها ظلم لصاحب الحق
رابع سبب وده اهمهم ان الشعب راضى بالظلم والفساد اللى بقى متعود عليه لدرجة انى حاسس لو جه رئيس تانى وحاول انه يصلح فى قيم واخلاق الشعب ممكن الشعب ينمرد عليه ويقول ده احنا كنا فى نعمة قبل كده
والله المستعان وربنا يهدى
اخوكم يوسف

[Adham]

الشعب راضى بالظلم والفساد اللى بقى متعود عليه لدرجة انى حاسس لو جه رئيس تانى وحاول انه يصلح فى قيم واخلاق الشعب ممكن الشعب يتنمرد عليه ويقول ده احنا كنا فى نعمة قبل كده

دة حقيقي

لأن الفاسدين و المرتشين بقوا اكتر من 90% من المجتمع

[himatros]

مش غشاب الرقابة

كوسة الرقابة