الزبالة في شوارعنا

[mahmoud_afifi]

طالما الموضوع اتفتح يبقى ان شاء الله في أمل في التغيير للأحسن. لعل احد الاعضاء يبقى مسؤول ويمسك مكان في المحافظه :)

نفسي مصر تنضف بقى ومانسيبش فرصه للدول المتخلفه الي شايفه نفسها علينا دي انها تتكلم نص كلمه.

[salmabash]

يا جماعة معظم الناس ملتزمة ونفسها فى النظافة ... لكن نعمل ايه مع الحكومة اللى بتاخد على فانورة الكهرباء 5 جنيه على الأقل للزبالة وبرغم كده بندفع كمان للزبال ؟؟؟
لما ادفع 5 جنيه شهرياً غصب عنى واشوف عربية الزبالة بتيجى مرة واحدة كل شهر بعد تكوين جبل الزبالة حول الصندوق ... ويا ريتهم بيشيلوها كلها
وفى نفس الوقت اشوف شوارع تانية عمال النظافة بيكنسوها بفرشاة البلاط والشوارع بتلمع من النظافة با حس انى باخد على قفايا من الحكومة النظيفة دى

، بس دة امر واقع و مش حيتغير طول ما البشر موجودين علي وجة الارض علشان النفاق و الخوف من ضياع الرزق هو من طبع البشر

خلينا نعمل اللي علينا و لما نتغير يمكن ربنا يساعد بس اكيد ان حضرتك من القلة الملتزمة لان الاغلبية مش ملتزمة و دة واضح من اللي بيبقي راكب عربية اخر موديل و يرمي زبالتة من شباكها ، مش والله عيب و حرام دة

[salmabash]

طالما الموضوع اتفتح يبقى ان شاء الله في أمل في التغيير للأحسن. لعل احد الاعضاء يبقى مسؤول ويمسك مكان في المحافظه :)

نفسي مصر تنضف بقى ومانسيبش فرصه للدول المتخلفه الي شايفه نفسها علينا دي انها تتكلم نص كلمه.

اكيد فية امل ، المهم نبتدي بس و كلنا عارفين ان نقط المية بتفتت الصخور و لو كلنا عايزين البلد تبقي نظيفة اكيد حيحصل

[mahmoud_afifi]

اكيد فية امل ، المهم نبتدي بس و كلنا عارفين ان نقط المية بتفتت الصخور و لو كلنا عايزين البلد تبقي نظيفة اكيد حيحصل

يارب ان شاء الله وشكرا على فتح الموضوع المهم ده

[salmabash]

يارب ان شاء الله وشكرا على فتح الموضوع المهم ده

انا اللي متشكر لانك شاركت و انت اللي بتديني الامل اننا كلنا عايزين التغيير دة ، نتقابل تاني ان شاء الله و البلد انظف شوية

[mahmoud_afifi]

انا اللي متشكر لانك شاركت و انت اللي بتديني الامل اننا كلنا عايزين التغيير دة ، نتقابل تاني ان شاء الله و البلد انظف شوية:e_braces[1]:

هههههههههه , ان شاء الله . انا عن نفسي لو اكلت حاجه او استعملت منديل بسيبه في العربيه لغاية لما اقف وارميه في الباسكت او اخده معايا الشقه ارميه فوق. مش مشكله العربيه تتوسخ شوية بس المهم نظافة الشارع.

[م. حاتم السباعي]

لا انكر اني كنت بارمي الحاجات اللي زي الكانز و ورق السنداوتشات بس في طرق السفر الصحراوية حتي جاء يوم كنت مسافر فية مع دكتور مهندس وقال لي ليه كده سيب الحاجات دي انا ان شاء الله لما نوصل هرميها فقلت له داحنا في الصحراء يعني انا برميهم علي جانب الطريق وشوية والهوا هيخدهم بعيد في الصحراء ولكنه صمم علي رأيه الله يباركله ويكرمه ومن يومها يعني الكلام ده مر عليه حوالي 13 سنة وانا لا ارمي حتي المنديل لا في الصحرا ولا حتي في البحر اللهم بلغه مني السلام واكرمه كما اكرمتني علي يديه
وانا رأيي ان الموضوع ده للاعلام دور فيها اكيد لانه بيشكل ثقافة المجتمع وبرامج زي العلم والايمان و حتي عالم الحيوان اتوقع انهم شكلوا لمن هم في مثل سني يعني 18 سنه ههههههههه لا لا لا الكدب حرام اقصد 28 سنة هههههههههه يا عم قلت الكدب حرام اهه عاجبكم كده اخر كلام والله 37 سنة ونصف اتوقع برامج هادفة مثل هذه يمكن تشكل وجدان امة بأثرها فاللهم اكرمنا بمن يتقي الله في شبابنا حتي نتعلم جميعا بأن النظافة من الايمان

م.حاتم السباعي

[mahmoud_afifi]

ده حلقة من خواطر 6 لأحمد الشقيري برنامج مشهور جدا ومفيد جدا ويفيد موضوع حضرتك


http://www.youtube.com/watch#!v=c-eVN-UfMyE&feature=related
اتمنى اني ماكنش عقدتكم بالي في المقطع ده

[LAMBOZ]

يا جماعة ياريت محدش يقول معظم الناس واغلبية الناس نضيفة وكلام مليان خيال...فين الكلام ده...ده مش معظم الناس ولا حتى عدد قليل..ده عدد قليل جدا...وده منعكس على اللي بنشوفه...أنا كنت مصور فيديو كده من فترة كبيرة ..تقريبا من السنة اللي فاتت...ياريت حد يقولي إزاي الشارع كده واغبيتنا نضاف وبنرمي الزبالة في مكنها وإزاي مقبلتش لحد دلوقتي غير اتنين مقتنعين إن مينفعش نرمي الزبالة و بيطبقوا ده ...أكيد احنا مش اغلبية ولا كتير ...احنا شوية ...وشوية جدا

وأنا بحيي الأخ اللي لم من سكان العمارات ونضاف الشارع بتعهم بجد ..بغض النظر عن الناس اللي اندارابط هههههه...

وطبعا مع الأستاذ اللي قال ال 3 حلول وياريت كلنا نعمل الحاجات دي ونشوف هيحصل إيه..أعتقد دي حاجة محتاجة تجربة.
دي صورة مصورها ...

http://img38.imageshack.us/img38/948/23092009292r.jpg

وده الفيديو
Yfrog Video : yfrog.com/mt23092009023z


ياريت بقى تقوللي هل ده منظر ناس اغلبيتها نضيف وبيرمي الزبالة :D ...الكلام ده اوهام ومسكنات بناخدها عشان نرمي الغلط على حد تاني غيرنا ...الشارع ده يدل إن إذا كان فيه 100 واحد ...فا 90 واحد منهم رمة ذبلتو في الأرض.

لما ييجي الزبال هيشيل إيه ولا إيه ولا إيه وهياخد وقت اد إيه عشان يشيل كل ده ؟ الغلط ركبنا من سسنا ليرسنا.ياريت نفوق كلنا ونهتم بنفسنا عشان ننضف ونتطور وكل واحد يتغير ويغير عياله وينبهم على كده ...وصادقوني هنشوف مستقبل مختلف واللهِ.

ياريت كله يتفرج على الفيديو و الصورة...

اسف على الكتابة بس معنديش عربي وباكتب ببرنامج مرن.

[salmabash]

يا جماعة ياريت محدش يقول معظم الناس واغلبية الناس نضيفة وكلام مليان خيال...فين الكلام ده...ده مش معظم الناس ولا حتى عدد قليل..ده عدد قليل جدا...وده منعكس على اللي بنشوفه...أنا كنت مصور فيديو كده من فترة كبيرة ..تقريبا من السنة اللي فاتت...ياريت حد يقولي إزاي الشارع كده واغبيتنا نضاف وبنرمي الزبالة في مكنها وإزاي مقبلتش لحد دلوقتي غير اتنين مقتنعين إن مينفعش نرمي الزبالة و بيطبقوا ده ...أكيد احنا مش اغلبية ولا كتير ...احنا شوية ...وشوية جدا

وأنا بحيي الأخ اللي لم من سكان العمارات ونضاف الشارع بتعهم بجد ..بغض النظر عن الناس اللي اندارابط هههههه...

وطبعا مع الأستاذ اللي قال ال 3 حلول وياريت كلنا نعمل الحاجات دي ونشوف هيحصل إيه..أعتقد دي حاجة محتاجة تجربة.
دي صورة مصورها ...

http://img38.imageshack.us/img38/948/23092009292r.jpg

وده الفيديو
yfrog video : Yfrog.com/mt23092009023z


ياريت بقى تقوللي هل ده منظر ناس اغلبيتها نضيف وبيرمي الزبالة :d ...الكلام ده اوهام ومسكنات بناخدها عشان نرمي الغلط على حد تاني غيرنا ...الشارع ده يدل إن إذا كان فيه 100 واحد ...فا 90 واحد منهم رمة ذبلتو في الأرض.

لما ييجي الزبال هيشيل إيه ولا إيه ولا إيه وهياخد وقت اد إيه عشان يشيل كل ده ؟ الغلط ركبنا من سسنا ليرسنا.ياريت نفوق كلنا ونهتم بنفسنا عشان ننضف ونتطور وكل واحد يتغير ويغير عياله وينبهم على كده ...وصادقوني هنشوف مستقبل مختلف واللهِ.

ياريت كله يتفرج على الفيديو و الصورة...

اسف على الكتابة بس معنديش عربي وباكتب ببرنامج مرن.

مش ممكن كمية الزبالة في الفيلم دة ، حاجة تحزن و الله ،

انا فعلا حاسس من اسلوب كتابتك انك خلاص مش طايق البلد لاني للاسف من كتر السلبيات نفسي اعيش في بلد تانيه اهلها بيتعاملوا احسن مننا بس دة مش حل
الحل اننانغير البلد دي و بعد كدة حيبقوا هما اللي عايزين ييجوا عندنا

بس انا الحقيقة مش معاكوا في نقطة واحدة بس مع اني نفسي اعملهل ، الا و هي الصعايدة اللي بيضربوا الناس لاننا كدة مابنحلش المشكلة و لكن بننقلها للشارع اللي جنبنا و دة متهيألي مش حل كويس بل علي العكس بنأذي الجيران اللي جنبنا

[salmabash]

ده حلقة من خواطر 6 لأحمد الشقيري برنامج مشهور جدا ومفيد جدا ويفيد موضوع حضرتك


http://www.youtube.com/watch#!v=c-eVN-UfMyE&feature=related
اتمنى اني ماكنش عقدتكم بالي في المقطع ده

للاسف اللينك فتح علي ال you tube كله مش علي الحلقة دي فمش عارف اشوفه ، هي الحلقة الكام علشان ادور عليها

[salmabash]

لا انكر اني كنت بارمي الحاجات اللي زي الكانز و ورق السنداوتشات بس في طرق السفر الصحراوية حتي جاء يوم كنت مسافر فية مع دكتور مهندس وقال لي ليه كده سيب الحاجات دي انا ان شاء الله لما نوصل هرميها فقلت له داحنا في الصحراء يعني انا برميهم علي جانب الطريق وشوية والهوا هيخدهم بعيد في الصحراء ولكنه صمم علي رأيه الله يباركله ويكرمه ومن يومها يعني الكلام ده مر عليه حوالي 13 سنة وانا لا ارمي حتي المنديل لا في الصحرا ولا حتي في البحر اللهم بلغه مني السلام واكرمه كما اكرمتني علي يديه
وانا رأيي ان الموضوع ده للاعلام دور فيها اكيد لانه بيشكل ثقافة المجتمع وبرامج زي العلم والايمان و حتي عالم الحيوان اتوقع انهم شكلوا لمن هم في مثل سني يعني 18 سنه ههههههههه لا لا لا الكدب حرام اقصد 28 سنة هههههههههه يا عم قلت الكدب حرام اهه عاجبكم كده اخر كلام والله 37 سنة ونصف اتوقع برامج هادفة مثل هذه يمكن تشكل وجدان امة بأثرها فاللهم اكرمنا بمن يتقي الله في شبابنا حتي نتعلم جميعا بأن النظافة من الايمان

م.حاتم السباعي

،واللة لو عملت مع اصحابك و اهلك زي هو ما عمل معاك و كلنا عملنا كدة حنوصل للي احنا عايزينه

[mahmoud_afifi]

للاسف اللينك فتح علي ال you tube كله مش علي الحلقة دي فمش عارف اشوفه ، هي الحلقة الكام علشان ادور عليها

مع اني لسه مجرب ادوس على اللينك وفتح عادي بس على العموم ده اسم الحلقه :
خواطر 6 - الحلقة 22 [ جزيرة الزبالة ]


بجد لازم تشوفها

[kemoelord]

حضرتك ليه مجبتش سيرة الشعب؟! أنا كنت عايش في الكويت ومفيش قانون زي ده .والشوارع نضيفة الحمد لله.الفكرة في الناس...يعني مثلا هو هلاقي كام ظابط في الشارع عشان يديني مخالفة؟!ماأنا ممكن ارمي زبالة من البلكونة أو من العربية أو وأنا ماشي ومحدش يشوفني .هيحصل إيه ساعتها ؟ هي هي ...أنا مع حضرتك إن ده حل جميل بس قبل الحل ده لازم نبدأ بنفسنا...مافي قانون ضد السرقة والنصب والقتل والمرور والركن والسرعة وكل حاجة ..هل كل الحاجات دي مش بتحصل؟وجود قانون مش الحل الوحيد

عشان إذا كان هو الحل كان زمانك شفت شوارع القاهرة حاجة تانية بعد قانون المرور الجديد مثلا.بس اللي حصل انهم مقدروش يسيطروا على الناس برده ولسة تقريبا 90% من الشعب بيمشي على مزاجه ومش في باله أي قانون ولا أي حاجة ...وده عشان مش في كل شارع ولا كل وقت ولا كل مكان في ظابط..وده طبيعي في كل حتة.

الحاجة اللي هتحل المشكلة دي إننا نغير نفسنا وبعد كده نقول بقى عايزين قانون عشان في قلة من الشعب ماشية غلط مش كلنا ماشيين غلط.

يعني مثلا أنا هسأل حضرتكم كام سؤال.

كام واحد بيشيل جزمته معاه ويحطها في مكانها المخصص جوه الجامع؟
كلنا بنشوف منظر الجوامع عامل إزاي من برة ...

كام واحد لما بيخلص أكل مثلا من أي مطعم وجبة سريعة بيشيل الكل بتاعه يرميه وميسيبوش على الطرابيزة ويقوم ويبقى منظرها يقرف ويكره الواحد في الكل اللي هو شايله ورايح يقعد مكانه؟؟

كام واحد بيتكلم بحترما؟؟ده احنا حتى لما بنطب مساعدة من حد بنطلبها بطريقة زبالة ...مثلا : إذا عايز تعرف طريق بتاع مكان ...بنقول " بقولك إيه يا كابتن. بقولك إيه يا باشا ...اسمع عايز أروح كذا ...إلا هو كذا منين..

مش مثلا نقول " إذا سمحت. ..من فضلك ....معلش حضرتك بس أروح كذا منين ..."

دي شوية سلوكيات جت على بالي دلوقتي ....واحنا بنعملها بطريقة غريبة ...بالإضافة للسواقة والزبالة وكده ...

لاااازم نغير نفسنا يا جماعة واللهِ ده هو الحل.

+111111111111111 حضرتك كلامك مظبوط 100 % وانا بؤيدك لكن الناس هنا لازم يتفرض ويتحطلها قوانين وقواعد تمشي عليها علشان احنا هنا مش في الكويت ولا في الخليج الي الناس هناك ابسط مثل بيلتزموا بقواعد المرور وبيحترموا بعض اثناء القياده في الشوارع,, واي نعم هنلاقي برضه تجاوزات من معظم الناس لكن ده لا يمنع من ان الزباله هتقبل بنسبة كبيرة وللاسف والله كل حاجة او عاده او تصرف سئ تقوم بيه الناس ده ناتج عن غياب التوعيه ونسبة الامية والجهل العاليه بجانب السلبية واكرر السلبيه الشديدة والي اصبحت ترعببببببببببب ومش عارف هتوصلنا لفين , يعني على سبيل المثال اوقات كتير بتحصل حاجات في الشارع الي انا ساكن فيه كمشكلة الزبالة الي احنا بنتكلم عليها او الانتشار الغير طبيعي للكلاب فبقف في البلكونه واقول يعني مفش واحد عنده دم وبيفهم عاوز يتصرف فبقوم متصل بالجهات المختصه من اجل حل المشكله وايضا الحكومة مشتركه معانا في الجرائم دي لانهم ساعات بيبقوا متواجدين والله وولا حياة لمن تنادي ,,, ربنا يرحمنا من الي احنا فيه ويهدينا

[LAMBOZ]

مش ممكن كمية الزبالة في الفيلم دة ، حاجة تحزن و الله ،

انا فعلا حاسس من اسلوب كتابتك انك خلاص مش طايق البلد لاني للاسف من كتر السلبيات نفسي اعيش في بلد تانيه اهلها بيتعاملوا احسن مننا بس دة مش حل
الحل اننانغير البلد دي و بعد كدة حيبقوا هما اللي عايزين ييجوا عندنا

بس انا الحقيقة مش معاكوا في نقطة واحدة بس مع اني نفسي اعملهل ، الا و هي الصعايدة اللي بيضربوا الناس لاننا كدة مابنحلش المشكلة و لكن بننقلها للشارع اللي جنبنا و دة متهيألي مش حل كويس بل علي العكس بنأذي الجيران اللي جنبنا

فعلا حضرتك أنا مش طايق أعيش هنا ابدا,,عارف حضرتك...أنا من 3 سنين بظبط كنت بتخانق عشان أنزل مصر وكنت عملت مشاكل كبيرة جدا مع أهلي وتقريبا يعني محصلش قبل كده واتخنقت معاهم في حاجة اد الموضوع ده اد ماأنا كنت واخد فكرة خيالية عن مصر وإني هعيش مرتاح وسط أهلي وولاد بلدي وهاخد حقي مش زي ماكنت عايش برة وأكيد زي ماحضرتك عارف كل بلد أهلها مش بيحبو أي حد دخيل عليهم وخصوصا إذا كان زي المصريين اللي عيشين برة ...بجد حاجة تحزن وتكسف لحد ما بقى لما حد يحب يدياك ويشتمك يقولك "يا المصري " حاجة بجد تحزن..المهم.. بعد ماجيت اتصدمت صدمة رهيبة وواللهِ حولت اغير اللي اعرفهم كلهم بس فشلت..مفيش أي فيده..ربنا يسترها علينا يارب ويرحمنا من نفسنا قبل أي حاجة تانية.

ياريت كل الناس تتفرج على الفيديو يا جماعة وبالذات اللي بيقولوا معظمنا نضاف واكتريتنا بيرموا الزبالة في مكانها.