إعـــــــلان

Collapse

.

,
See more
See less

طلب راي و مشوره من اصحاب الخبره

Collapse
X
 
  • Filter
  • الوقت
  • Show
Clear All
new posts

  • طلب راي و مشوره من اصحاب الخبره

    بسم الله الرحمن الرحيم
    ف البدايه انا مش ليه اوي علاقه بالمنتدي يعني مش بدخل عليه تقريبا .....انما واحد من اصحابي اشار عليه بان اكتب عن مشكلتي هنا او ال انا بعملها مشكله (ع رايه) لان الناس هنا حسب ال قالهولي تفكيرهم كويس و عاقلين وعندهم خبره وان شاء الله الاقي حل عندكم

    انا طالب بسنه رابعه بكليه الطب شخص يمكن عنده حب فظيع للتخطيط لبكره المهم عشان مش اطول انا كشخص حاطط ليه هدف من فتره اني هعمل المعادله الامريكيه و اخد نيابتي ف امريكا -عارف بالمناسبه انها صعبه ومكلفه و مش مضمونه- و يمين شمال انا مش هقعد ف مصر ان شاء الله مش عشان انا بكرهها بس عشان مصر مش هتقدر تكفي الطموح ال عندي ومش هتقدر تشبعه (فامريكا او كندا او المانيا احد وجهاتي ان شاء الله )......طب فين المشكله ؟؟ المشكله ان انا بحب بنت زميلتي من 2 ثانوي وهي ف كليه اداب نفس سني تقريبا "21 سنه "طبعا انا عاوز اخطبها قدام ع الامتياز لكن ف نوع من الخوف جوايا ان مقدرش اعمل ال 2 مع بعض ان اخطبها ع الامتياز معناها ان سننا بقي 26 سنه و قدامي سنه جيش مثلا (ربنا يستر ومخدش ضابط احتياط) ولسه التكليف ......خوفي ان المعادله لازم اخدها ف خلال 3 سنين من التخرج لكن ده معناه مصاريف كتيره بجد و اكيد الدكاتره عارفين تكاليف ده قد ايه و ف نفس الوقت اكون بجهز عشان اتجوزها وده معناه حمل عليه و علي الوالد والواحد شايف انه حرام ياخد حقه و حق اخواته بردو لان المعادله تكاليفها مش سهله

    خايف بجد يجي اليوم ال اضطر اختار فيه بين حلمين حلم البنت ال بحبها و حلم ان اسافر امريكا اكمل حياتي هناك
    فانا عاوز رايكم اعمل ايه هل استني للامتياز و اشوف الوضع هيبقي ايه ولا اسيب البنت من دلوقتي عشان مش اظلمها معايا و لا اعمل ايه؟؟؟؟؟

  • #2
    هوا انتو مش بتحبوا بعض
    هيا رأيها ايه

    عارفه باللي بتفكر فيه ولا مش عارفه؟

    لو هيا موافقه يبقي طبعا توكل علي الله وخلص كليه الطب وشوف موقفك من الجيش وفي سنه الامتياز اقرا فاتحه ولبس دبل

    بعدها تسافر واكيد يعني مش حتروح امريكا ولا كندا 3 سنين تقعد تدرس بس
    ممكن تشوفلك شغل

    واما امورك تستقر هناك تنزل بقي ان كنت حتكتب كتابك وتاخدها وتمشي

    ده رايي واستني رأي باقي الاعضاء بردو

    Comment


    • #3
      هي عارفه طبعا ....المعادله اول جزء ونص ف مصر و الجزء و نص الفاضلين امتحانهم ف امريكا .... الشغل ممنوع بالنسبه لينا هناك خصوصا ان بعد تاني امتحان بندخل ف حاجه اسمها match ودي محتاجه السفر من ولايه لتانيه عشان الانترفيو ....كمان الفكره بس ف السن لان معني كده انه ممكن متجوزهاش قبل ال 30 و بما ان فلوس هتنصرف ع المعادله يبقي مفيش حاجه هتتبقي للصرف ع التجهيز للجواز
      ال بساله هل اصلا التفكير ف الجواز من اساسه غلط قبل ما اخلص و احط رجلي بره عشان مظلمش بنات الناس معايا

      Comment


      • #4
        منين شخص طموح اوي كدا ومنين عاوز تتنازل عن حلم من اتنين انت عايشلهم؟؟

        انا شايفة بالتخطيط السليم ممكن تحقق الاتنين مع بعض في امكانيات محدودة.... واستعين بالله

        وطبعا فكر مرة واتنين وعشرة وحدد انت فعلا امكانياتك ايه وتقدر تعمل ايه ومتخليش عواطفك تغلب ع الموضوع
        [CENTER][COLOR="Magenta"]لآ تتشآئموآ . .آلحيآة آبسط ممّآ نتوقع رآئعه بكُل تفآصيلهآ
        لن نطيَل آلمكوُث فيهآ . . !
        فلمآذآ آلكدَر ؟!
        وهُنآك ربّ آلبشر
        إن عصينآ ستر وإن تبنآ غفر
        إبتسمَوآ..و آحسنوآ آلظن بآلموُلىَ لتنآلوُآ مآتمنيَتُم
        ابتسم وعيش احلى حياه[/COLOR][/CENTER]

        Comment


        • #5
          طالما بتحبك هتقف جمبك

          لو متاكد من النقطه دي كمل طموحك وانتا مغمض

          النقطه التانيه

          انك طول ما انتا ضميرك نضيف وقلبك ابيض

          ربنا هيرزقك ويديك من حيث لا تحتسب

          انتا انوي بس واخطبها في الاول وهيا هتيجي برزقها

          وهتلاقي ربنا بييسرلك الامور

          بس خلي دايما ضميرك ونيتك صافيه لربنا

          A.Yakout
          [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

          Comment


          • #6
            نصيحة ليك من اخ دكتور

            مستقبلك اهم من الحب والكلام الفاضي
            بس طبعا ما تجرحهاش ولا تظلمها

            وانت طالما متردد بين الحاجتين دول يبقى كفة مستقبلك هيا اللي لازم تغلب

            Comment


            • #7
              المفروض انت متسألناش السؤال ده!!
              السؤال ده يتسأل ليها هيا..عرفها كل ظروفك وكل الاحتمالات في أسوأ الأحوال بمافيها انكو ممكنت ممتجوزوش غير في سن ال30!! وفهمها الموضوع كله بالتفصيل ووضحلها انه مش سهل وانها ممكن تيجي على نفسها في الأول لكن بعد كده هتزهق لما تلاقي صاحباتها اتجوزو وشالو بيبيهات وهي لسا مخطوبه..
              بعد ما تحكيلها وتفهمها كل حاجه خيرها وشوف هيا هتختار ايه واللى هيا هتختاره هيبقى ده قرارك

              Comment


              • #8
                شايف حاجتين
                1-ان الامر فى يد والدك تماما لانه هو اللى هيصرف فلازم تحط خططتك على امكانياته هو
                2-عموما و فى مجتمعنا بالذات صعب جدا جدا من هنا لبكرة الصبح ان البنت تستنى لسن ال30 او حتى ال26 بدون جواز ، دى نقظة مهمة جدا لازم تاخدها فى اعتبارك
                و خلى اهدافك زى ما بيقولو smart
                specific
                measurable
                achievable
                realistic
                timed
                و ربنا يوفقك :)
                [RIGHT][COLOR=darkgreen]أحمد محمد صبرى[/COLOR][/RIGHT]
                [CENTER][COLOR=darkgreen][SIGPIC][/SIGPIC][/COLOR][/CENTER]
                [CENTER][COLOR=darkgreen][B]يا رب تفهم يا تتح[/B][/COLOR][/CENTER]
                [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

                Comment


                • #9
                  هو انا يجماعه والله سالتها وفهمتها وهي عاوزه تكمل عادي معايا ....لكن انا ببص ان البنات عامه العاطفه بتغلب عندهم وانا بحاول احكم عقلي فعشان كده بستشيركم

                  Comment


                  • #10
                    خلاص ياباشا كمل وانت مغمض
                    بس طبعا لازم يكون فيه خطوبه وقرايه فتحه
                    وبرده لازم يكون والدك عامل حسابه في المصاريف الماديه وكده.. ومتقولش هيصرف كتير لو هو بامكانه يصرف ميصرفش ليه؟ وكل هيبقى دين في رقبتك رده ليه لو عايز وقت متقف على رجليك
                    لكن انك تحبها من تانيه ثانوي وفيها مواصفات كويسه وكمان هي فاهمه ظروفك وبتقولك ان عايزاك وبعد ده كله تسيبها صدقني هتعيش طول عمرك حاسس ان في حاجه ناقصاك
                    وبالتوفيق

                    Comment

                    Working...
                    X