مساعده من المهندسين في المنتدى

[sara2001]

مطلوب مني مساعدة طالب في تقديم دراسه لفكره مفيده للمجتمع
الفكره دي عباره عن مشروع سكني بنظام الاستديو
الدراسه تشمل بحث مكون من 2000 كلمه او سطر تقريباً
تصميم قطعة ارض عليها المشروع السكني وخدماته
تقديم ماكيت للمشروع
ارفاق صور ومساقط افقيه لوحدات سكنيه بنظام الأستديو
طبعاً شويه وهتقتلوني خلاص ..... استنوا قبل ما تضربوا
المساعده اللي انا عايزاها هي

ترتيب عناصر البحث بطريقه علميه
يعني مش عارفه يبدأ بإيه ويشمل ايه ؟
انا قلتله بعض الخطوط العريضه : مقدمه - وصف المشروع - الهدف من المشروع -
النتائج المرجوه من تنفيذ المشروع .......
بس اعتقد في حاجات كتير تانيه ناقصه بس مش في بالي دلوقتي

الحاجه التانيه كنت عايزه اعرف إذا كان في مشاريع سكنيه في مصر
منفذه بطريقة الاستديو ؟
انا ما لقيتش على النت غير مشروع هرم سيتي لاوراسكوم
ولسه بدور على صور ومساقط للمشروع

ياريت لو حد عنده فكره يساعدني في الموضوع ده
والف الف شكر مقدماً

[mr_vampire]

ماباليد حيلة (انا تحكم الي مش مدني) بس قلت ادخل اشجع اللعبة الحلوة واكون اول المشاركين يمكن ربنا يبعت.

[shiko85]

انا كنت عايز اساعد بس للأسف انا مهندس طيران

[محمد عز]

انا هضيف بعض الافكار اللى بيها المشروع يبقى متكامل بس ده هيتطلب إضافى بعض اللوح البسيطة.

1- مقدمة (تشمل ايه سبب المشروع ، لمحات عامة عن المشروع)

2- مكان المشروع (هوا فين بالظبط ومعاه خريطة بسيطة بتوضح مكان المشروع)

3- تفاصيل عامة عن المشروع (طبيعته ، فكرته ،المكونات الرئيسية، المنطقة المحيطة بالمشروع وطبيعتها.... )

4- التفاصيل الفنية

4.1 مسقط المشروع الكلى ويوضح اماكن الخدمات وتوزيع الاستخدمات والانشطة (مجرد اسيكتش لغرض توضيح الاستخدمات المختلفة للمشروع)

4.2 توزيع الكثافات فى المشروع

4.3 مخطط المشروع الكامل (المخطط العام اللى بيضم كافة الانشطة)

4.4 بعض الاسقاطات لمستوى العين يوضح بعض تفاصيل الجميليه

4.5 اللاند سكيبينح

4.6 لو يقدر يعمل تحليل للشمس (Solar Analysis) وازاى قدر يستفيد منها فى المشروع

4.6 شبكة الطرق واتجاهات الحركة

4.7 اماكن ركن السيارات

4.8 المشاه واماكن العبور ورصيف المشاه وقطاع عرضى للطريق يوضح اماكن المشاه (يوفر عرض مناسب يكفى ل 2 مشاه ) وطبعا الاشجار اللى هتجذب الناس للمشى وتوفرهم بيئه مناسبه


5 ملخص المشروع

ده تصور منى للمشروع ، يفضل طبعا مهندس معمارى لان هيكون رؤيته احسن منى لانى مهندس طرق

[eng/muhamad]

انا سكالوريوس مدنى السنه دى
بس معلش ممكن اعرف حضرتك فى سنه كام و فى جامعه ايه ؟؟؟؟
اصل انا شايف الدكتور اللى طالب الحاجات دى مفترى شويه
و هحاول اساعد ان شاء الله

[kar!m]

و أنا كمان كهربا مش مدنى .. بس فكره رائعه بصراحه.

[sara2001]

ماباليد حيلة (انا تحكم الي مش مدني) بس قلت ادخل اشجع اللعبة الحلوة واكون اول المشاركين يمكن ربنا يبعت.

انا كنت عايز اساعد بس للأسف انا مهندس طيران

متشكره جدا لذوقكم وكفايه نية المساعده

انا هضيف بعض الافكار اللى بيها المشروع يبقى متكامل بس ده هيتطلب إضافى بعض اللوح البسيطة.

1- مقدمة (تشمل ايه سبب المشروع ، لمحات عامة عن المشروع)

2- مكان المشروع (هوا فين بالظبط ومعاه خريطة بسيطة بتوضح مكان المشروع)

3- تفاصيل عامة عن المشروع (طبيعته ، فكرته ،المكونات الرئيسية، المنطقة المحيطة بالمشروع وطبيعتها.... )

4- التفاصيل الفنية

4.1 مسقط المشروع الكلى ويوضح اماكن الخدمات وتوزيع الاستخدمات والانشطة (مجرد اسيكتش لغرض توضيح الاستخدمات المختلفة للمشروع)

4.2 توزيع الكثافات فى المشروع

4.3 مخطط المشروع الكامل (المخطط العام اللى بيضم كافة الانشطة)

4.4 بعض الاسقاطات لمستوى العين يوضح بعض تفاصيل الجميليه

4.5 اللاند سكيبينح

4.6 لو يقدر يعمل تحليل للشمس (solar analysis) وازاى قدر يستفيد منها فى المشروع

4.6 شبكة الطرق واتجاهات الحركة

4.7 اماكن ركن السيارات

4.8 المشاه واماكن العبور ورصيف المشاه وقطاع عرضى للطريق يوضح اماكن المشاه (يوفر عرض مناسب يكفى ل 2 مشاه ) وطبعا الاشجار اللى هتجذب الناس للمشى وتوفرهم بيئه مناسبه


5 ملخص المشروع

ده تصور منى للمشروع ، يفضل طبعا مهندس معمارى لان هيكون رؤيته احسن منى لانى مهندس طرق

متشكره جدا لحضرتك
التفاصيل دي مهمه جدا وممكن كمان يضيف دراسه مبسطه لإقتصاديات المشروع
بس في بعض البنود هيبقى صعب عليه انه يكتب فيها لأنها عايزه متخصص
زي موضوع تحليل الشمس ودراسة شبكة الطرق

انا سكالوريوس مدنى السنه دى
بس معلش ممكن اعرف حضرتك فى سنه كام و فى جامعه ايه ؟؟؟؟
اصل انا شايف الدكتور اللى طالب الحاجات دى مفترى شويه
و هحاول اساعد ان شاء الله

البحث ده مطلوب من طالب في المدرسه مش في الكليه

و أنا كمان كهربا مش مدنى .. بس فكره رائعه بصراحه.

شكرا يا افندم
هي فكره حلوه بس متعبه حبتين
مش عارفه هي فكرة الطالب ولا المدرس

[rockana]

للاسف انا مهندس ولكني نظرت للموضوع نظره مختلفة تماما
يعنى ايه اعمل مشروع سكني بنظام الاستوديو
يعنى ايه اعمل شقق 58 متر - صافى 44 متر
يعني ايه اعمل شقق 63 متر - صافى 50 متر
يعنى ايه اعمل فيلا دورين و مساحتها الكليه 67 متر ... لا و كمان عامل جنينه 3 متر
ارض الله واسعه و لما اجي اعمل مشروع انمي بيه مجتمعي اعمل مشروع معرفش لو جبت اطفال يناموا فين و يعيشوا ازاي
طيب استمحيكم عذرا
انا لو جبت ولد و بنت محتاج افصل مابينهم يعنى حجرتين للاطفال كدا ال 63 و 58 و الفيلا 67 مش نافعين
طيب انا جبت طفل واحد بس و ((( حبيت اجيب طفل تاني ))) ((( او حبيت اعمل اي حاجه تانيه ))) طفلى الاول يروح فين علشان اعرف اجيب التاني (على اساس ان الطفل الاول عنده سنتين مش 4 ولا 5 )

[ghazy12]

البحث ده مطلوب من طالب في المدرسه مش في الكليه

طالب في مدرسه..!!!!!!!!!!!!!!!!!!!!!! ازاي..!!!!!!!!!!!

ده مشروعين التخرج بتوعي ايام الكليه مافيهومش كل التفاصيل و الطلبات دي..!!!

عموماً بما ان الموضوع لطالب في المدرسه... يبقى الافضل يكون الموضوع بسيط
و مافيهوش اي تعقيدات ولا تفاصيل كتييير, لان ده مش مشروع تخرج, و كل التعب
اللي هتتعبوه هيكون في مقابل 7-8 درجات مثلاً في الاخر...!!! يبقى حرااااااام بجد

ممكن تكون النقاط الاساسيه في البحث كالاتي...

1- مقدمه عامه عن المشروع
2- الهدف من المشروع
3- مراحل المشروع
4- اجراءات تمهيديه للتنفيذ
5- خطوات التنفيذ مع رسومات او صور بسيطه لكل مرحله
6- النتيجه النهائيه مع صوره للمشروع بعد الانتهاء من التنفيذ
7- ملخص عام لكل ما سبق

كل اللي قلته ده يكون نقاط عامه و سريعه و بايجاز تام, لان اللي هيستلم البحث
و اللي هيقرأ (ده لو قرأ اصلاً) مش متخصص او فاهم فعلاً الخطوات دي بالتفصيل ولا لأ..؟؟

اللوحات تكون بسطه, و اشبه للكروكي, و بدون تفاصيل كتييير...

و ربنا يوفقه و يقدره على شئ هو في الاساس اكبر من سنه و تفكيره في رأي...

و انا موجود لاي استفسار...

تحياتي...

[نور القمر]

ده يعني الهدف منه ايه بالنسبة لطالب !!
عشان يهيأوهم نفسيا انكم لو طلتم استوديو في المستقبل تبوس ايدك وش وضهر
معلش خرجت عن الموضوع بس متغاظة بصراحة من فكرة الاستوديو عموما ولما لقيتها مطلوبة من طالب اتغاظت اكتر

[remomemo]

مدرسة ايه دى اللى فيها مساقط افقية انا مش مصدقة بصراحة ؟؟؟؟ بس مبسوطة جداااا من اللى حاطط المشروع ده ههههههههههه
البحث اللى حضرتك طالباه ده بحث يشمل جزء عملى تصميم وحده استوديو متعدد الاغراض عشان عائلة تعيش فيه زى المجمعات السكنية اللى فى اوروبا (او اللى اتعملت فى المانيا بعد الحرب )
الاول ممكن يتكلم عن مشكلة اسكان محدودى الدخل فى مصر والمغتربين لانهم المستفيد الاول من فراغات الاستوديو وممكن يتقبلوها
بعد كده يقدم مقترح للمواقع , كوقع مقترح منه للمجمع السكنى ده
بناء عن الموقع يذكر السبب بتاع اختياره وايه المشكلة اللى هعهايحلها يعنى مثلا المجمع ده مجاور لجامعة فاهيستاجره طلاب واساتذة مغتربين عن المدينة ده مثال طبعا (لازم البحث يكون مرتبط بمشكلة بيقترح لها حل والحل ده هو نتيجة او توصيات البحث )
هو محتاج يدور على
multi purpose space design
بس فى السكنى لانه هايلاقى نماذك كتيير اوى سواء كانت مبانى متكاملة او فراغات داخلية كتوزيع للوحدة السكنية او مقترحات للفرش متعدد الاستخدام
ممكن عشان تلاقى نماذج كويسة ما تكتبيش فى السيرش ستوديو اكتبى
loft
لو حابة تدورىى على اثاث متعدد الاستخدام اكتبى
multi- use furniture
ده هايديكى نماذج اثاث تنفع فى الفراغات الضيقة يعنى سفرىة تتقلب غرفة نوم وهكذا
وبالتوفيق ان شاء الله

[eng/muhamad]

شئ لا يصدقه عقل
انا كنت بقول لو دكتور اللى طالب الكلام ده يبقى مفترى
لكن لو مدرس فعلا اللى طالب ده يبقى حاجه تانيه :b4_592::b4_592::b4_592:

[محمد عز]

طالب فى المدرسة!!!!!!!

انا كنت فاكرك بتتكلمى عن طالب فى كليه الهندسه

ياخسارة الوقت اللى ضيعته

[sara2001]

للاسف انا مهندس ولكني نظرت للموضوع نظره مختلفة تماما
يعنى ايه اعمل مشروع سكني بنظام الاستوديو
يعنى ايه اعمل شقق 58 متر - صافى 44 متر
يعني ايه اعمل شقق 63 متر - صافى 50 متر
يعنى ايه اعمل فيلا دورين و مساحتها الكليه 67 متر ... لا و كمان عامل جنينه 3 متر
ارض الله واسعه و لما اجي اعمل مشروع انمي بيه مجتمعي اعمل مشروع معرفش لو جبت اطفال يناموا فين و يعيشوا ازاي
طيب استمحيكم عذرا
انا لو جبت ولد و بنت محتاج افصل مابينهم يعنى حجرتين للاطفال كدا ال 63 و 58 و الفيلا 67 مش نافعين
طيب انا جبت طفل واحد بس و ((( حبيت اجيب طفل تاني ))) ((( او حبيت اعمل اي حاجه تانيه ))) طفلى الاول يروح فين علشان اعرف اجيب التاني (على اساس ان الطفل الاول عنده سنتين مش 4 ولا 5 )

ده يعني الهدف منه ايه بالنسبة لطالب !!
عشان يهيأوهم نفسيا انكم لو طلتم استوديو في المستقبل تبوس ايدك وش وضهر
معلش خرجت عن الموضوع بس متغاظة بصراحة من فكرة الاستوديو عموما ولما لقيتها مطلوبة من طالب اتغاظت اكتر

الموضوع بإختصار وببساطه هو مشروع لخدمة المجتمع
وهيتم تقييم المشاريع في الخارج
علشان احكم التوجه ده سببه مقصود او مجرد فكره لحلول عمليه من وجهة نظر طالب
لازم اعرف مين صاحب الفكره هل هو المدرس ام الطالب؟ وده حقيقي مش عارفاه
بس انا بفترض سلامة النيه من الموضوع
نظرة الأجانب للإستوديو تختلف جذريا عن نظرتنا له في مصر
هناك ده شىء متعارف عليه ومنتشر جدا وموجود دلوقتي في الإمارات
الفكره انه لا يشتري سلعه لا يحتاجها
بمعنى انه لو هو طالب هيحتاج ايه من شقه غرفتين ومطبخ و....و....
يكفيه استوديو في هذه المرحله العمريه من حياته
وبعد كده ينقل في مكان اكبر حسب متطلباته
ده غير ان الإسكان بنظام الإستوديو فكر مختلف تماما عن الإسكان التعاوني اللا آدمي هنا
هناك الناس مش بتسكن في مكان مدى الحياه
بيتنقلوا حسب احتياجاتهم في اماكن اوسع

[sara2001]

طالب في مدرسه..!!!!!!!!!!!!!!!!!!!!!! ازاي..!!!!!!!!!!!

انا كمان مستغربه جدا بس عاجبني اسلوب الدراسه

ده مشروعين التخرج بتوعي ايام الكليه مافيهومش كل التفاصيل و الطلبات دي..!!!

عموماً بما ان الموضوع لطالب في المدرسه... يبقى الافضل يكون الموضوع بسيط
و مافيهوش اي تعقيدات ولا تفاصيل كتييير, لان ده مش مشروع تخرج, و كل التعب
اللي هتتعبوه هيكون في مقابل 7-8 درجات مثلاً في الاخر...!!! يبقى حرااااااام بجد

اعتقد نتيجة تقييمه اختيار مجموعه للسفر للخارج
مش مجرد درجات

ممكن تكون النقاط الاساسيه في البحث كالاتي...

1- مقدمه عامه عن المشروع
2- الهدف من المشروع
3- مراحل المشروع
4- اجراءات تمهيديه للتنفيذ
5- خطوات التنفيذ مع رسومات او صور بسيطه لكل مرحله
6- النتيجه النهائيه مع صوره للمشروع بعد الانتهاء من التنفيذ
7- ملخص عام لكل ما سبق

كل اللي قلته ده يكون نقاط عامه و سريعه و بايجاز تام, لان اللي هيستلم البحث
و اللي هيقرأ (ده لو قرأ اصلاً) مش متخصص او فاهم فعلاً الخطوات دي بالتفصيل ولا لأ..؟؟

اللوحات تكون بسطه, و اشبه للكروكي, و بدون تفاصيل كتييير...

اللوحات دي خلاص انا اتدبست فيها
هو عادي انه يكتب في البحث مين ساعده
سواء مكتب هندسي او افراد
الموضوع اشبه بالرسائل العلميه بطريقه مبسطه

و ربنا يوفقه و يقدره على شئ هو في الاساس اكبر من سنه و تفكيره في رأي...

و انا موجود لاي استفسار...

تحياتي...

متشكره جدا لتعبك يا بشمهندس