الحمد لله رجعت بالسلامه واليكم التفاصيل . وشكرا محمد الشامى

[احمد المصرى]

السلام عليكم


ذى ما بعض الناس عارفه انى الايام الماضيه كنت فى الساحل فقلت اقولكم تجربه السفر يمكن حد يستفاد منها وقبل ما اسافر عملت صيانه 50 الف للسياره



المهم خرجت الساعه 6 يوم الاثنين واخد طريق اسكندريه الصحراوى

الطريق مفهوش ولا لمبه منوره حتى يعنى مفيش عماويد اساسا او مطفيه مخدش بالى بس الاهم ان مفيش ولا لمبه منوره وانا مركب لمت جان ( دا نوعها ) بس بجد اى كلام خالص فى السفر وكنت هركب اورسوم نايت بريكار بس مكنتش موجوده عند ابو الحسن ساعدها وقالى هتيجى يوم الجمعه


المهم كنت سايق على 150 والعربيه مش عايزه تجيب اكتر من كدا باى حال من الاحوال حتى لما اكبس بنزين على الاخر بس كنت مشغل التكييف طبعا 150 دى اول مره امشى كدا بس قلت اجرب العربيه بس للامانه كنت خايف جدا حاسس انها طايره مش ماشيه على الارض بس مش عارف هل كدا فى مشكله فى العربيه ولا 150 كويس انا اساسا الطبيعى بتاعى 120 او 130 بكتيره


وخلال الطريق خلى بالك من سواقسن النقل لان اغلبهم مبرشم اساسا يعنى تلاقى سائق فى اقصى الشمال وفى ثانيه عايز يجى يمين وتلاقى النص الامامى بتاعه فى الحاره ال فى النص والنص الخلفى فى الحاره ال على الشمال وانت بقا تروح فين مش عارف ... بس بجد سواقه بليل فى الطريق دا مرهقه جدا بس فى نفس الوقت مريحه علشان بليل والجو مش حر اوى بس مرهقه فى التركيز بسبب قله النور والعربيات ال مركبه زينون وراك ومشغله العالى وماشى ولا همه حد


لما وصلت الساحل بحط ايدى على الجنوط لقتها سخنه بسيط ودا بسبب ان الجو بليل والحو مش حر اوى


بس انا تانى يوم عملت حركه غبيه جدا انى غسلت الموتور بالمايه بنفسى مش فى بنزينه بس حركه غبيه بس الحمد لله عدد على خير


نزلت اسكندريه يوم الخميس وبجد اسكندريه دى رائعه بجد النور فى الشارع معقول جدا والمرور منظم جدا يعنى جيت اشف على كوبرى استانلى لقيت عربيه شرطه اول مره اشفها عربيه صغيره جدا بس عمليه لانها مش بتاخد مكان كبيروقعد ابص على محل الكماليات ال عند الكبرى ال عنده لمبات فيلبس رالى ال الناس فى المنتدى بتقول انه عنده فيلبس رالى بس ملقتش اى محل فى المكان دا خالص خالص بس بكل اسف وقت صف تانى ولما رجعت للعربيه لقاتها متكلبشه ورحت للظابط ودفعت 25 جنيه هى دى الحاجه الرخمه ال فى الموضوع


وانا راجع الطريق فى الرجوع احسن كتير لان الاسفلت نفسه لسه جديد تقريبا بس الرادارات كتير بس الحمد لله موقفتش فى الجنه ومش عارف اذاى مشفنيش الرادار بس الحمد لله ان الموضوع عدى على خير بس بجد الطريق مغرى جدا يعنى على الاقل 120 مش 100 لو مشيت 100 ممكن تنام بجد

انا كنت مغير ذيت فيسكو 3000 قبل ما اسافر وعملت بيه حاليا حوالى 750 كيلو هو لزوجته ممتازه بس لونه اتغير سنه بسيطه واعتقد ان دا طبيعى وان شاء الله بعد الف كيلو كمان هقولكم تقيمى للزيت


واحب انى اشكر محمد الشامى على اتصاله وبجد كنت سعيد جدا باتصاله وبجد انسان محترم جدااااااااا

http://www.nilemotors.net/Nile/183666-50.html

[محمد الشامي]

حمد لله على السلامه ياصديقي :-) والأطمئنان عليك وعلى اخبارك واجب ولا شكر على واجب :-)

[احمد المصرى]

حمد لله على السلامه ياصديقي :-) والأطمئنان عليك وعلى اخبارك واجب ولا شكر على واجب :-)

ربنا يخليك يا باشا وربنا يخلى الاخويه ال بينا دى يا باشا وان شاء الله نلتقى قريبا

[wlelw2003]

حمد لله على السلامه

[shalaby2001]

حمد لله على السلامه

[karimfahmy99]

الف حمد لله على السلامه مصر نورت تانى

موضوع السرعة دا طبعا مقلق و غلط و خصوصا زى ما قلت بالليل و النقل و مفيش نور فى الشارع و كمان اضائتك ضعيفة مش اد كدة . بس انت بتقول 150 طب ال 150 و العربية فاضية و لا محملة و لا نص نص ؟؟ لو 150 و نص نص اعتقد انة كويس جدا و خد بالك كمان و انت رايح بتكون عكس الهوا مما يعيق العربية . نورت المنتدى يا غالى

بخصوص محمد الشامى طبعا راجل جنتل جدا و اخلاق بس عمرة معملها معايا و اتصل هوة بيية ههههههههه

[khalid9411]

حمدا لله تعالى على سلامتك
ولابد فى القيادة الحواس الخمسه شغاله

[N.a.j.d]

الحمدلله ع السلامه ياباشا

[محمد الشامي]

بس انت بتقول 150 طب ال 150 و العربية فاضية و لا محملة و لا نص نص ؟؟ لو 150 و نص نص اعتقد انة كويس جدا

والله ياكريم باشا بخصوص النقطه دي فأنا شايف ان السرعه قليله على الحموله سواء فاضيه او نص نص او مليانه :-) لاني مجرب نفس ظروف السفر زي ما قولت لحضرتك قبل كده في طريقي لمرسى مطروح و كنت واخد معظم الطريق على 170 كم/ ساعه والعربيه بكامل حمولتها ( اربع افراد + شنط سفر ) , والحمد لله كانت ماشيه مرتاحه ومفيش مشاكل , بخلاف انها اكلت شويه بنزين زياده طبعا :-)

بخصوص محمد الشامى طبعا راجل جنتل جدا و اخلاق بس عمرة معملها معايا و اتصل هوة بيية ههههههههه

يا باشا انت في قلوبنا ودايما موجود معانا وشرف ليا اني اتصل بسعادتك بس خايف ازعجك بأتصالي :-) عالعموم بإذن الله يكون بينا مكالمه طويله عن قريب :-))

تقبل تحياتي يا استاذي :-)

[mhmdalsaadany]

حمد لله على سلامتك يا باشا
وبلاش السرعات دي خصوصا بالليل وربنا يسترها معانا جميعا

[mr_vampire]

حمد الله عالسلامة ويارب تكون رحلة موفقة. بخصوص الزيت بقي ياريت تقرير نفصل عنه لاني بحط زيبت موبيل xhpومش عاجبني خاااااااااااالص لزوجته فالضياع وبينقص بسرعة وبفكر في فيستو فكويس انه بتحطه فياريت تقولي رايك فيه ايه ؟؟؟؟؟؟؟؟؟؟ ولو انا عربيتي لانسر 2001 مانوال (مكوة ) تنصحني بايه فيستو 5000 ولا 3000 ولا 2000 ومعلش اخر حاجة لو تعرف الفرق بين الزيت المعدني والتخليقي والنص تخليقي لاني سمعت هنا ومش فاهم اوي بصراحة. اسف للاطالة

[kiroo]

وقعد ابص على محل الكماليات ال عند الكبرى ال عنده لمبات فيلبس رالى ال الناس فى المنتدى بتقول انه عنده فيلبس رالى بس ملقتش اى محل فى المكان دا خالص خالص بس بكل اسف وقت صف تانى

لو حضرتك تقصد اوتو ماركت (a.m) فا دة مش فى استنلى دة قدام شوية .. بس هل معقول انك تيجى من القاهرة تبص علية و لما ماتلاقيهوش تمشى؟!!! .. كنت تكلم اى حد من اسكندرية حتى عشان اللمض الجان دى بتقول انها وحشة و خطر و انت على الصحراوى مش جوة البلد.. عموما انت نورت اسكندرية و حمد الله على سلامتك و لما تيجى اسكندرية تانى ابقى كلمنى لو احتجت مساعدة انا نمرتى 0121218320

[pro_samir]

حمد الله علي السلامه بس عايزين تقرير عن الساحل نفسه :)

بخصوص اللمبات مش عارف بصراحه انتو بتغيرو بتاع الانوس ليه مع اني شايفها ممتازه وكان عندي اتنين مركبهم في الاستارليت ونورها ممتاز حتي في الطرق الضلمه والسفر ما شاء الله

والسرعه اكيد في حاجه عايزه تتظبط عندك أو انت اصلا مش معودها علي الجري لأن كان معايا لانوس 99 اخويا العبقري قفل بيها العداد أكيد ماتت بعد 190 بس عدتها ببطئ علي كلامه ، وطبعا مقاليش الكلام ده غير بعد ما اتباعت لكن انا عمري ما عديت بيها 170 علشان الثبات والفرامل بيبقو ضايعين كبيرها تمشي 140 حلو قوي عليها ، ممكن تسأل كبير الدايو هيقولك تشيك علي ايه

ومعروف ان الانوس برضو ثباتها مش حلو علي السرعه ده عادي لكن لو اتجنطت هيفرق كتير (بصراحه كنت مسميها الكارتونه الطائره)

[احمد المصرى]

حمد لله على السلامه

حمد لله على السلامه

[QUOTE=karimfahmy99;3873095125]الف حمد لله على السلامه مصر نورت تانى


الله يسلمكم يا رجاله


موضوع السرعة دا طبعا مقلق و غلط و خصوصا زى ما قلت بالليل و النقل و مفيش نور فى الشارع و كمان اضائتك ضعيفة مش اد كدة . بس انت بتقول 150 طب ال 150 و العربية فاضية و لا محملة و لا نص نص ؟؟ لو 150 و نص نص اعتقد انة كويس جدا و خد بالك كمان و انت رايح بتكون عكس الهوا مما يعيق العربية . نورت المنتدى يا غالى

بخصوص محمد الشامى طبعا راجل جنتل جدا و اخلاق بس عمرة معملها معايا و اتصل هوة بيية ههههههههه[/
QUOTE]


العربيه كانت محمله 3 ورا وفعلا السرعه غلط بس انا قلت اجرب العربيه وافوقها شويه

حمدا لله تعالى على سلامتك

الله يسلمك يا غالى

ولابد فى القيادة الحواس الخمسه شغاله

انا كنت مركز لدرجه انى تعبت من التركيز وخاصه فى السرعات العاليه علشان فعلا الطريق مش منور ومش تمام وخاصه بليل

الحمدلله ع السلامه ياباشا

الله يسلمك يا باشا

[احمد المصرى]

حمد لله على سلامتك يا باشا
وبلاش السرعات دي خصوصا بالليل وربنا يسترها معانا جميعا

الله يسلمك يا باشا وفعلا السرعات دى وحشه جدا بليل او الصبح بس انا مش كل الطريق 150 لا دى كانت نص ساعه بالكتير اوى مثلا وكان الطريق لحد ما فاضى

حمد الله عالسلامة ويارب تكون رحلة موفقة. بخصوص الزيت بقي ياريت تقرير نفصل عنه لاني بحط زيبت موبيل xhpومش عاجبني خاااااااااااالص لزوجته فالضياع وبينقص بسرعة وبفكر في فيستو فكويس انه بتحطه فياريت تقولي رايك فيه ايه ؟؟؟؟؟؟؟؟؟؟ ولو انا عربيتي لانسر 2001 مانوال (مكوة ) تنصحني بايه فيستو 5000 ولا 3000 ولا 2000 ومعلش اخر حاجة لو تعرف الفرق بين الزيت المعدني والتخليقي والنص تخليقي لاني سمعت هنا ومش فاهم اوي بصراحة. اسف للاطالة

والله انا لسه اول مره اجرب الذيت دا بس ناس كتير بتشكر فيه بس هو فعلا لزوجته كويسه جدا بس برضوا مقدرش احكم حكم نهائى لانى لسه مكملتش بيه الف كيلو انا شخصيا استخدمت فيسكو 3000 بس 115 جنيه وعلى كلام الراجل بيقعد 15 الف كيلو بس انا ناوى انزله على 8 ان شاء الله