مش هشتري جرنان الدستور تاني !!

[factorialx]

بعد الحركه اللي عملها السيد البدوي رئيس حزب الوفد بإقالة إبراهيم عيسى مؤسس الجرنان و ده بعد إنتقال جريدة الدستور رسميا له بساعات !!

خلاص حاسس إن مافيش أمل و إنها مطبوخه مطبوخه
و كله عايز مصلحته و كل بيعمل صفقات مع الوطني

لا أحزاب و لا إخوان كلهم بتوع مصلحتهم

هي فعلا هدية السيد البدوي للحزب الوطني قبل الإنتخابات

و معروفه إن نسبة الثلثين للوطني و ال 80 مقعد الباقية بتوع الإخوان ( اللي كسبوهم بصفقه من النظام - عشان أمريكا تقتنع إن الإنتخابات هتجيب إسلاميين -)
هيرحوا أغلبهم للوفد و شوية للتجمع و حبه للناصري و 4 مثلا للإخوان

و فعلا مقاطعة الإنتخابات كانت هي الحل السليم و الأوقع لسحب الشرعية من الإنتخابات المزورة اللي من 58 سنة مزورة

أبسط حاجه تطعن في شرعية أي إنتخابات هي إن فيه 7 ملاييين مواطن مصري بالخارج يحملوا رقم قومي لا يحق لهم الإنتخاب

للاسف أنا إكتأبت و حاسس إن خلاص مافيش أمل البلد رايحه على اللي هما عايزينه و إحنا نعمل إيه

خلاص الدستور إنتهت و أنا عن نفسي مش هشتريها تاني و يشبع بيها البدوي و الوفد

و ربنا يستر من سنة الإنتخابات الجاية دي

اللي ينرفز إن إبراهيم عيسى عمل الدستور 96 و إتقفلت 98 و عملها 2004 و أخدها السيد البدوي عالجاهز 2010

[icehearted girl]

:(

totally depressed :S

[Ghamrawy]

فعلا ما فيش احزاب للمعارضة
و الصوت الحر يا بيتقتل يا بيتسجن

احنا فى بلد الاله الحاكم زى الفراعنة

[Moh.Abdelbaset]

[youtube]http://www.youtube.com/watch?v=Ly_-KLoa5AM&feature=player_embedded[/youtube]

[نور القمر]

بمناسبة الانتخابات
انا اكتشفت ان معمولي بطاقة انتخابية انا وزوجي في البلد في المنيا واحنا اخر من يعلم

[Abo_Lina]

كلامك صح factorialx
لما تلاقي واحد ~معارض~ صاعد بسرعة الصاروخ و الحكومة سايباه تعرف إنه مش معارض ولا حاجة بل هو حزب وطني يجلس في مقاعد المعارضة ..

[Dr Zezo]

اصلا الموضوع متزبط من زماااان

نفسي لوجه الله و لصالح مصر العباقرة - و باتكلم بجد - اللي بيديروا الحلبة في مصر يوجهوا ربع طاقتهم لصالح البلاد و العباد

كان زمنا بقينا شئ تاني


طوحوا نعمان جمعة من الوفد و جابوا السيد البدوي بانتخابات " نزيهة " عندما رأيت خلوها من صور البلطجية المعتاد رؤيتهم في مثل هذه المناسبات تأكدت انهم زرعوا الرجل من اجل دوره الهام و القادم في اللعبة


جئ بالبرادعي الي الساحة عبر تطمينات مؤسسات في الدولة تناهض التوريث كي يوقف قطار الوريث

و بالفعل - حتي هذه اللحظة - ادي الرجل دوره بنجاح و بكده ورقته اتحرقت و كل سنة و انت طيب يا برادعي

ايمن نور .. لا طعم و لا لون و لا رائحة

جرائد خاصة تدعي انها مستقلة و كلهم وجهات لمؤسسات في الدولة او رجال اعمال تعبر عن اراءهم بشكل او اخر - بما فيها الدستور -

ازمات طائفية مع تعمد اظهار وهن و ضعف تجاه طرف ما كي تزيد مشاعر الطائفية و صرف الانتباه

لا استقواء بخارج و لا بداخل يزعج هؤلاء القوم

هم لهم انياب و مخالب يبرزونها لمن في الداخل و الخارج عندما يريدون و يعلمون من اين تؤكل الكتف

مسرح كبير يدار من بعيد من قبل لاعبيين كبار و مؤسسات تستطيع التلاعب بدول و شعوب كاملة

تخصصت في صنع الازمات و الابطال و اختلاق رأي عام مؤيد و معارض

و عندما تصل الاحداث الي نهايتها المنشودة او عندما تفلت احدي خيوط اللعبة منهم يتم التدخل بقوة و حزم و بصرامة لتتم فرملة الامور مظهرة انياب وحش كاسر يظن الكثير انه وهن

الامور كلها تحت السيطرة

و الكل متواطئ بشكل ما و بنسب مختلفة سواء ادرك ذلك او لم يدرك

بما فيها مؤسسات اعلامية بالخارج ايضا نظن انها من معارضي النظام

هؤلاء قوم لا يعنيهم نباح قناة ما ليستفزوا و يردوا عليها

هم يعلمون قدرهم و قدر الخدمات التي يقدمونها سرا و جهرا لدول المنطقة و دول العالم المتقدم

لذا الجميع يهمه الحفاظ علي قناة اتصال مفتوحة معهم نظير خدمة قد يحتاجونها يوما منهم

لا يضيرهم التحدث عن تراجع الدور الاقليمي و الانكفاء

لأنهم غير مبالون بشعبهم او بشعوب المنطقة " وما ورقة الضغط لدي هؤلاء حتي يتم الالتفات اليهم ؟"

يعرفون ان كل صغير و كبير من مسئولي المنطقة و العالم يعرف امكاناتهم و قدراتهم

فالحقيقة تؤكد ان الدور لم يتراجع انما تغيرت اهداف هذا الدور " و بالطبع الاهداف ليست لوجه الله او في صالح الامة " و بالتالي صرنا كأناس عاديين لا نشعر به

فقط يشعر به من له الحكم و السلطة

و لا يسعني الا تذكر ما نقله الاستاذ فهمي هويدي من شهرين عن احد الكبار فيما معناه

" لقد تركنا الحبل بمزاجنا و لكن الوضع صار فوضويا لا يحتمل بالنسبة لنا تمتعوا بالحرية الشهور القليلة المتبقية قبل ان تعود الاوضاع الي ما كانت عليه من قبل "

لذا من كان مسموحا له بلعب دور ما في السابق - سواء كان يدري ام لا - يجب اسكاته و وضعه في مكانه الطبيعي

بعد ان كثرت الاحاديث و الاقوال بشكل غير مسبوق و اصبح واضحا ان خيوط اللعبة تفلت من بين انامل صانعها و بدأت تطال مؤسسات حكومية لتصيب بعضها بالوهن و الضعف و تصيب اخري بالتمرد و محاولة بسط الهيمنة و النفوذ لذا وجب اعادة الامور الي سيرتها الاولي

و لذا لا امل الا في شعب مصر

و تبقي امور كثيرة وراء الكواليس تحدث و لا ندري عنها شئ بسبب الرقابة المفروضة علي وسائل الاعلام الخارجية و الداخلية بالتنسيق مع اصحاب المصالح بالخارج و الداخل

لتؤكد ان نظرية الوهن نظرية اصبحت باطلة

و ان ما نقرأ و نسمع يحتاج الي نظرة من نوع اخر

[pro_samir]

Anmelden | Facebook

[remomemo]

انا برده وصلتنى بطاقة انتخابية مطبوع عليها دعاية للحزب الوطنى (فى الانتخابات اللى فاتت )ماعرفش المرة دى ما وصلنيش حاجة

[MaZaGAngeE]

أنا كمان مش هشتري الجرنال تاني

[Ghamrawy]

أنا كمان مش هشتري الجرنال تاني

انا برضه وقفته
يبقى كده الدستور+الاهرام+الاخبار+الجمهورية+المساء