بقيت اخاف على نفسي من المنتدى

[نور القمر]

طبعا كلكم ملاحظين كم الاخطاء الاملائية البشعة اللي ظاهرة في المنتدى هنا وفي النت عموما
بتلاقي الشخص مهندس ولا طبيب ولا لسه طالب جامعي او معهد وعنده اخطاء املائية
وانا بقول اخطاء املائية مش زلة كيبورد لان في فرق طبعا
تصدقوا بالله من وانا في ابتدائي معنديش اخطاء املائية والحمد لله وربنا يديمها نعمة
وتصدقوا بالله كمان مرة ان من كتر ما عيني اتعودت على الاخطاء الاملائية في المنتدى حسيت اني اتعديت
وبقيت اشك في كلمات كتير دي ياترى بالزين ولا الذال !!!!!!!!!!!
اقولكم على سر خطير.. انا بقيت احيانا اعمل سيرش عن الكلمة قبل ما اكتبها لو شكيت فيها ههههههههههههههههههه
والله بجد حاجة تضحك انا بقيت اخاف على نفسي من المنتدى ليجي يوم واكتب زهب بدل ذهب واكتب مدايقة بدل متضايقة واكتب ثوم بدل ثم واكتب استسمار بدل استثمار واكتب محظوف بدل محذوف واكتب لوغة بدل لغة واكتب مزيع بدل مذيع ..............
هو فعلا ملاحظة اني بقيت اغلط احيانا بس الحمد لله غالبا بلحق نفسي قبل مرور ال 10 دقايق للتعديل
بس احب اطمنكم على نفسي المدود الثلاثة لسه شغالة معايا تمام لحد دلوقت والفرق بين الهاء المربوطة والتاء المربوطة تمام عندي وكمان الالف اللينة اخر الكلمة (ى) والفرق بينها وبين الياء (ي) تمام وربنا يستر عليا في المستقبل
طيب الانجليزي عشان مش لغتنا ومفيش ممارسة ممكن نفوت الاخطاء الاملائية لكن العربي ازاي نفوتها

[M7amD_7amDy]

ماعليش بئه يا سيت الكول

صاوابعيك ميش ظى باعضاها

[ASKAFRAWY]

العربى مات فى 73 يانور
اخطاء املائية بس
دة فيه كلام غريب انا مش ببقى عارف دة عربى و لا ايه!

[mr_vampire]

اللي بيكتب بيبقي عايز يوصل فكرة معينة في دماغه وايده بتتحرك عالكيبورد بشكل عفوي وزي مابينطق وبسرعة ومبياخدش باله من الغلطات الاملائية لانه بيبقي عارف ان الناس يهمها المقصود من الكلام وليس شكل الكلام. (راي شخصي).

[mr_vampire]

ماعليش بئه يا سيت الكول

صاوابعيك ميش ظى باعضاها :c_laugh[1]:

مش قصدي حاجة والله خااااااااااااااالص بس لو تفقدنا الجملة اللي فوق ده هنلاقي كم الغلطات الاملائية اللي فيها بس انا متاكد ان اخونا محمد مخدش باله منها وكان كل قصده المعني اللي فيها. وانا كمان مخدتش بالي منها غير لما خرجت من الموضوع فرجعت تاني واقدم دليل علي مشاركتي الاولي ( بما ان محور الموضوع عن الغلطات الاملائية).

وبقول تاني والله العظيم ماقصدي حاجة ولو انتا عندك غلطات املائية انا عندي اكتر منك بس كل قصدي اوضح (لنور القمر) الفكرة بس. وانها مش بالشهادة انه مهندس او دكتور او اي وظيفة الفكرة كلها فاللهجة اللي الشخص متعود يعبر بيها بالاضافة الي الاهتمام اولا واخيرا بتوصيل المعني وليس بشكل الكلام اللي يوصل المعني.

[m_car]

لالالالالالالالالالا فى كم ناس رهيب بتكتب غلط

وعلى فكرة بتبقى باينه دى غلطة كى بورد ولا غلطة املائية وبتبان زى اللى يكتب

زابط شرطة _ اللة _
حاجات كتير ده بيدل انهم اشخاص جميلة ومتعلمة لحد ما وصلوا دكتور ومهندس وكل حاجة وبرضه فاشلين

[icehearted girl]

يا بنطي قبري الجي وروقي الضي

[mr_vampire]

يا بنطي قبري الجي وروقي الضي

هي الترجمة هتنزل امتا

[الغزالى]

هي الترجمة هتنزل امتا

استأذنك يا دكتورة اترجم ,, يا بنتى روقى الدى وكبرى الجى

[نور القمر]

ماعليش بئه يا سيت الكول

صاوابعيك ميش ظى باعضاها :c_laugh[1]:

مش قصدي حاجة والله خااااااااااااااالص بس لو تفقدنا الجملة اللي فوق ده هنلاقي كم الغلطات الاملائية اللي فيها بس انا متاكد ان اخونا محمد مخدش باله منها وكان كل قصده المعني اللي فيها. وانا كمان مخدتش بالي منها غير لما خرجت من الموضوع فرجعت تاني واقدم دليل علي مشاركتي الاولي ( بما ان محور الموضوع عن الغلطات الاملائية).

وبقول تاني والله العظيم ماقصدي حاجة ولو انتا عندك غلطات املائية انا عندي اكتر منك بس كل قصدي اوضح (لنور القمر) الفكرة بس. وانها مش بالشهادة انه مهندس او دكتور او اي وظيفة الفكرة كلها فاللهجة اللي الشخص متعود يعبر بيها بالاضافة الي الاهتمام اولا واخيرا بتوصيل المعني وليس بشكل الكلام اللي يوصل المعني.

على فكر يا فامبير محمد حمدي قاصد الاخطاء دي على سبيل الهزار ههههههههههه

[mr_vampire]

على فكر يا فامبير محمد حمدي قاصد الاخطاء دي على سبيل الهزار ههههههههههه

خلاص مادام هزار بقي يبقي بسحب الاعتذار مادام حصل توء سفاهم( مادام هزار بقي يبقي نغلط براحتنا واوكازيووووووووون بقي قبل مايخلص ويتعد علينا غلطاتنا بعد كدة)

بس برده ياريت تكوني فهمتي انا قصدي ايه ومبررات الغلطات الاملائية ممكن تبقي جاية منين.

[SHNORY]

اللي بيكتب بيبقي عايز يوصل فكرة معينة في دماغه وايده بتتحرك عالكيبورد بشكل عفوي وزي مابينطق وبسرعة ومبياخدش باله من الغلطات الاملائية لانه بيبقي عارف ان الناس يهمها المقصود من الكلام وليس شكل الكلام. (راي شخصي).

استحاله يكون كلام حضرتك صح
معني انه بيكتب زي ما بينطق يبقي استهتار باللغه والناس اللي بتقراها
الكتابه مش محتاجه مجهو في التفكير والتركيز
ممكن الواحد يعديها لو حد كتب الزال زين انما اكتر من كده مظنش انه عيب في التركيز بس

[Hany A Fattah]

استحاله يكون كلام حضرتك صح
معني انه بيكتب زي ما بينطق يبقي استهتار باللغه والناس اللي بتقراها
الكتابه مش محتاجه مجهو في التفكير والتركيز
ممكن الواحد يعديها لو حد كتب الزال زين انما اكتر من كده مظنش انه عيب في التركيز بس

السبب اننا بنكتب لغة عاميه ودا مش دفاع ده للاءيضاح فقط

[pro_samir]

و تلعط بالذين ولا بالزال

[SHNORY]

السبب اننا بنكتب لغة عاميه ودا مش دفاع ده للاءيضاح فقط

لا ده عيب كيبورد مش عيب تركيز ههههههههههههههههههههه
هاتولي كيبورد جديده وحكتبلكم بالفصحي وحرسملكم كمان