حول الأحكام الشرعية والتخبط...

[SkyBird]

هل يعقل يا جماعة ان معندناش فقيه حي يرزق يلم الناس حواليه بقوة حجته وعلمه؟!!!
هل يعقل ان كتب اصول الفقه توقفت من قرون بعيده
هل يعقل اننا في القرن الخامس عشر الهجري ولازلنا نلجأ لكتاب نيل الاوطار ؟؟؟

انا لما اسمع بعض الشيوخ في الفضائيات وحجتهم في استنباط الادلة ابقى عايز اشد في شعري

[ams]

نيتك حسنة أخي الكريم بالقطع .. ولكن
أنا أرى أن يكون لكل واحد منا مذهب حتى يخرج من هذا التخبط الكبير الذي يستشعره بالتضارب في الفتاوى ، وعدم قدرة الناس على معرفة من يعلم ومن لا يعلم .
فالتليفزيون والفضائيات بها الكثير من الغث .. وتقوم بإثارة الموضوعات أكثر من تقديم الإجابات والحلول ..

ولهذا فالبحث عن الحكم الشرعي في نطاق مذهب معين هو الحل .. لماذا ؟
لأن كل مذهب له مدرسة فكرية رئيسة هي التي تحدد أولويات الحكم الشرعي لكل منها ..
وإجماع الأمة على أن المذاهب الأربعة الحنفي والمالكي والشافعي والحنبلي
هذ مذاهب الأمة التي ارتضاها الجميع ، والتي لا يأثم أحد باتباع أي من أحكامها ..
وبهذا يتحقق الاتساق الفكري المطلوب من طالب الحكم الشرعي .
خاصة وأن كل مذهب له كتبه الأصيلة التي لا تتجاوز عشرة كتب من أحجام مختلفة .

ومصر دولة لها مذهبان على مستوى الشعب ، ومذهب على مستوى الحكم ..
فالمذهب الحنفي هو مذهب الدولة الرسمي .. وهو مذهب لا تجده منتشراً إلا بين أهالي القاهرة فقط .
واهل الدلتا مذهبهم شافعي
وأهل الصعيد مذهبهم مالكي
وعلى كل فرد أن يقرأ في المدرسة الفكرية لكل مذهب حتى يرتضي لنفسه مذهباً
أو على الأقل يتبع المذهب الذي ينتمي إليه أغلب أهله
وقتها سيطمئن ويفهم .
والله يوفق الجميع لما يحب ويرضى
تقبلوا خالص مودتي

ربنا يكرمك يا دكتور أحمد

جميل جدا الموضوع و جزاك الله عنو كل خير

و اكيد اللي محتار في مسالة دينية و عاوز يرضي ربنا فعلا مش هايستخسر وقتو و مجهوده في انو يبحث فيها عشان يوصل للقرار السليم اللي يرضي ربنا

و ياريت لو عندك مواضيع تانية من النوعية دي تفيدنا بيها و هاتخد دعاء كتييييييييييير من كل اللي هايستفيدو منها ان شاء الله و اللي اضمنلك ان هما كتير جدا

لان اللي بيحبو الله و رسوله و يهمهم انهم يعرفو الحلال من الحلرام كتيييير جدا ولا هايهمهم وقت ولا مجهود مادام حاجة في سبيل ارضاء الله عز و جل

أقولك ايه بس
ربنا يسامحك

[ams]

فالتليفزيون والفضائيات بها الكثير من الغث .. وتقوم بإثارة الموضوعات أكثر من تقديم الإجابات والحلول ..

عندى سؤال يا دكتور أحمد بعد اذنك
هو المسلم العادى المفروض يكون ايه موقفه من الفرق الاسلامية ؟

[M.Radwan]

هل يعقل يا جماعة ان معندناش فقيه حي يرزق يلم الناس حواليه بقوة حجته وعلمه؟!!!
هل يعقل ان كتب اصول الفقه توقفت من قرون بعيده
هل يعقل اننا في القرن الخامس عشر الهجري ولازلنا نلجأ لكتاب نيل الاوطار ؟؟؟

انا لما اسمع بعض الشيوخ في الفضائيات وحجتهم في استنباط الادلة ابقى عايز اشد في شعري

الحقيقة مش فاهم انت عايز ايه بالظبط؟
يعني نغير أحكام الفقة والشريعة يعني ولا نعمل ايه؟
فى أحكام فقهية ثابته أبد الدهر لن تتغير وفي قضايا بتطرأ على المجتمع الاسلامي سواء هنا او فى الغرب ودي هى اللى بيبقى فيها الاجتهاد.
وكتاب نيل الأوطار هنفضل نستفيد منه إلى يوم القيامة وكذلك كل كتب التراث.
بالنسبة لشيوخ الفضائيات، حضرتك تخصصك ايه عشان تحكم على استنباطهم للأدلة صح أو خطأ؟

وشكرا لمشاركتك.

[M.Radwan]

عندى سؤال يا دكتور أحمد بعد اذنك
هو المسلم العادى المفروض يكون ايه موقفه من الفرق الاسلامية ؟

الاجابة فى حديث النبي صلى الله عليه وسلم عندما قال لحذيفة بن اليمان: "... فاعتزل تلك الفرق كلها ولو أن تعض بأصل شجرة حتى يدركك الموت وأنت على ذلك"

[أبومعاذ]

الموضوع المقصود منه فايدة الناس وجزا الله خيراً صاحبه فبلاش بلااااااش نحول موضوع كويس زي كدا لجدال ونقاشات جانبية واسئلة خارج الموضوع ربنا يباركلكم

[M.Radwan]

الموضوع المقصود منه فايدة الناس وجزا الله خيراً صاحبه فبلاش بلااااااش نحول موضوع كويس زي كدا لجدال ونقاشات جانبية واسئلة خارج الموضوع ربنا يباركلكم

الله يبارك فيك بجد وياريت الناس تستفيد وتسأل فى صلب الموضوع،

[د.أحمد سمير]

عندى سؤال يا دكتور أحمد بعد اذنك
هو المسلم العادى المفروض يكون ايه موقفه من الفرق الاسلامية ؟

المسلم العادي يتبع قول الله تعالى : {يَا أَيُّهَا الَّذِينَ آَمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ}
واترك أمر جدالهم وحوارهم يا أحمد لمن يعلمهم جيداً من العلماء والفقهاء ..
والأصل هو التقريب بين هذه الفرق ، فلم شمل وجمع المسلمين هو من أجل وأسمى الأهداف .
وإذا كنا أمرنا أن نجادل الكفار بالتي هي أحسن ، فمن الأولى أن نجادل من يخالفنا من المسلمين على النسق ذاته ..

وتقبلوا جميعاً خالص مودتي

[SkyBird]

الحقيقة مش فاهم انت عايز ايه بالظبط؟
يعني نغير أحكام الفقة والشريعة يعني ولا نعمل ايه؟
فى أحكام فقهية ثابته أبد الدهر لن تتغير وفي قضايا بتطرأ على المجتمع الاسلامي سواء هنا او فى الغرب ودي هى اللى بيبقى فيها الاجتهاد.
وكتاب نيل الأوطار هنفضل نستفيد منه إلى يوم القيامة وكذلك كل كتب التراث.
بالنسبة لشيوخ الفضائيات، حضرتك تخصصك ايه عشان تحكم على استنباطهم للأدلة صح أو خطأ؟

وشكرا لمشاركتك.

اللي انا عايزه واضح جدا في كلامي مش محتاج شرح
وبعدين يعني ايه تخصص في الدين هو طب ولا هندسة
كل مسلم المفروض يكون عارف دينه كويس الاسلام مفيهوش كهانة
وانا "تخصصي" اني فاهم ديني كويس ولله الحمد فقه وحديث وتفسير وعقيدة

[M.Radwan]

اللي انا عايزه واضح جدا في كلامي مش محتاج شرح
وبعدين يعني ايه تخصص في الدين هو طب ولا هندسة
كل مسلم المفروض يكون عارف دينه كويس الاسلام مفيهوش كهانة
وانا "تخصصي" اني فاهم ديني كويس ولله الحمد فقه وحديث وتفسير وعقيدة

لا حضرتك الدين لا طب ولا هندسة
ده حاجة اعلى منهم بكتير ولا يقارن بالعلوم الدنيوية كلها، فهو أجل العلوم وأشرفها كما ذكر الامام الغزالي
وطبعا الدين فيه تخصصات مش مستباح لأى حد يفتى فيه إلا عن علم. والعلم والتخصص هما نقيد الكهانة اللى حضرتك ذكرتها.
وحضرتك لو فاهم الدين "كويس" كما ذكرت مكنتش سطرت الكلام ده ولا اللى قبله،

[SkyBird]

وطبعا الدين فيه تخصصات مش مستباح لأى حد يفتى فيه إلا عن علم. والعلم والتخصص هما نقيد الكهانة اللى حضرتك ذكرتها.
وحضرتك لو فاهم الدين "كويس" كما ذكرت مكنتش سطرت الكلام ده ولا اللى قبله،

شكرا

[alynubira]

لا حضرتك الدين لا طب ولا هندسة
ده حاجة اعلى منهم بكتير ولا يقارن بالعلوم الدنيوية كلها، فهو أجل العلوم وأشرفها كما ذكر الامام الغزالي
وطبعا الدين فيه تخصصات مش مستباح لأى حد يفتى فيه إلا عن علم. والعلم والتخصص هما نقيد الكهانة اللى حضرتك ذكرتها.
وحضرتك لو فاهم الدين "كويس" كما ذكرت مكنتش سطرت الكلام ده ولا اللى قبله،

ربنا يجزيك خير
الدين اهم حاجه فى حياتنا <دينك دينك لحمك دمك >
وتخصص الدين مثل علوم الحديث وفقه الواقع و ........
لا احد يقدر ان يقول فيها اى شىء بدون دراسه وعلم
ومع كل احترامى للاخوه فى المنتدى فالحلال بين والحرام بين
واللى متخبط هو اللى عايز يتخبط وما يوصلش للحقيقه

[ainshouka]

شكرا جزيلا على الكتابين

ويجعله فى ميزان حسناتك

[ams]

الاجابة فى حديث النبي صلى الله عليه وسلم عندما قال لحذيفة بن اليمان: "... فاعتزل تلك الفرق كلها ولو أن تعض بأصل شجرة حتى يدركك الموت وأنت على ذلك"

شكرا

المسلم العادي يتبع قول الله تعالى : {يَا أَيُّهَا الَّذِينَ آَمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ}
واترك أمر جدالهم وحوارهم يا أحمد لمن يعلمهم جيداً من العلماء والفقهاء ..
والأصل هو التقريب بين هذه الفرق ، فلم شمل وجمع المسلمين هو من أجل وأسمى الأهداف .
وإذا كنا أمرنا أن نجادل الكفار بالتي هي أحسن ، فمن الأولى أن نجادل من يخالفنا من المسلمين على النسق ذاته ..

وتقبلوا جميعاً خالص مودتي

كلام -كالعادة- فى منتهى الحكمة
ربنا يبارك لك

[otefa]

موضوع رائع جزاك الله خيرا