حمدي زكي مش حمدي قنديل

[محمد ابراهيم 1]

أنا أتفق معاك يا سبعاوى فى كل حرف قلته
واتفق معاك يا استاذ مادا 121977 فى كل حرف قلته
وحتفق برضه فى كل حرف مع اللى حيتقال على اللى جه بعدهم

[محمد ابراهيم 1]

لكن اتفاقى مع الاستاذ مادا بشأن ما جاء فى أنور السادات وليس فى نفى ما جاء فى عبدالتاصر
الله يرحمهم جميعا والعوض على الله

[Chicco]

يظهر إن صحبة توت باشا حتكتر ياللا خلي سلومة يهيص :D
إسمحولي اشارك برائي: كل رئيس أو ملك أو فرعون حتى حكم مصر، بغض النظر عن دوافعه، حاول يعمل حاجة للبلد.... منهم من نجح و منهم من فشل إلا واحد مش لاقيله أي محاولة ...... سنوسرت الاول طبعا انتم إفتكرتم مين :p
فاروق و نجيب و ناصر و السادات و من قبلهم إسماعيل و محمد علي و غيرهم ألف مليون رحمة و نور عليكم جميعا و ربنا يستر على البلد و الناس

[Ahmed Anwer]

يظهر إن صحبة توت باشا حتكتر ياللا خلي سلومة يهيص :D
إسمحولي اشارك برائي: كل رئيس أو ملك أو فرعون حتى حكم مصر، بغض النظر عن دوافعه، حاول يعمل حاجة للبلد.... منهم من نجح و منهم من فشل إلا واحد مش لاقيله أي محاولة ...... سنوسرت الاول طبعا انتم إفتكرتم مين :p
فاروق و نجيب و ناصر و السادات و من قبلهم إسماعيل و محمد علي و غيرهم ألف مليون رحمة و نور عليكم جميعا و ربنا يستر على البلد و الناس

ايه لزمته العكننة يا دكتور ،،

لازم تفكرنا سنوسرت الأول ،،،،

إحنا مالنا و مال عبد الناصر و السادات الله يرحمهم بقه ،،

أنا مولود سنة 75 ،، يعني الأول انا مكنتش ساعتها في مصر و التاني فاكر طشاش لما كنت قاعد بتفجر علي التليفزيون مع ابويا

و بقوله هوا الإرسال قطع ليه

إنما سنوسرت ،،،،،،،،،،،،،،

بكره بكره بكره ،،،،،،

و سنوسرت ابن ال .............

حاطط العقدة في المنشار ،،،،

يعني أكيد نفسك يروح في ستين داهية ،،،

و في نفس الوقت فضي الساحة لو راح في ستين داهية البلد هتروح في مليون داهية ،،،

[Chicco]

و في نفس الوقت فضي الساحة لو راح في ستين داهية البلد هتروح في مليون داهية

جيت على الجرح يا باشمهندس .....ده الكابوس اللي بفكر فيه دايما و مش عارف ألاقي سيناريو آمن غير سنوسرت التاني و خلاص ......فين إدارة الموقع ما تشيلوا الكلام اللي احنا بنقولوا ده...... يلا خمسة رقابة تييت تيييييييت تيييييييييييت

[Noha.M]

احب فى المناسبة دى اقتبس كلام فنان الاجيال طلعت زكريا فى فيلم سيد العاطفى :

"" ماهى مباقتش فارقة ........ سينا من سونيا "" PPPPPPPPPP:

[Ahmed Anwer]

يا جماعة متقلقوش ،،،

في واحد قاللي سونسرت مش هيموت قبل التجديد اللي جاي ،،،

إحنا عندنا هرجلة في كل حاجة ماعادا الحاجات دي ،،،

[Chicco]

ههههههه
بجد هم يبكي و هم يضحك

[OlaOsman]

مهما اتناقشنا من هنا لحد 10 سنين قدام عمر ما محبي عبد الناصر هايقتنوا بوجهة نظر كارهيه و لا العكس.. انا عن نفسي مش من أنصار عبد الناصر خالص و باعتبر عصره من أكثر العصور اللي مرت على مصر ظلاما و ظلما من حيث الحريات و سياسة تكميم الأفواه اللي كانت سايدة ايامها و نظام تجمع اكتر من تلاتة يتقبض عليهم و إعدام سيد قطب و المعتقلات و اللي كان بيحصل فيها.. حاجة وجع بطن في وجع بطن.

انما ممكن يشفع له انه كان بيحاول يعمل حاجة.. مع ان فيه كتير رأيهم انه كان عايز يجمع العرب تحت رايته هو و يبقى زعيم عليهم مش عشان سواد عيون العرب يعني.. انما تظل النية محل القلب و ربنا وحده هو اللي مطلع عليها. بس عندي سؤال لكل مناصري ناصر.. هو محمد نجيب راح فين؟ مش هو برضه قائد الثورة و لا ايه؟.. صحيح هو خائن و عميل و مش متعاون و كلام كبير من ده؟؟

اما السادات فله مني ألف تحية.. زي ما مات و هو واقف شامخ بيرد التحية على الظباط.. فله مني مثلها.. و لا يوم من أيامك يا سوسو :(

طبعا كل منهم كانت له أخطاؤه.. انما أخطاء الحاكم تختلف عن جرائمه.. و ربنا يرحمهم جميعا.

[hamdy]

ميــــــــــــــــــة ميــــــــــــــــــــــــــــــــــة يا سبعاوى :)

اكيد حضرتك واستاذ سبعاوي حزب وطني :D:D:D:D
انا معاكوا قلبا وقالبا بس انا بكلم علي قيمة معينة في عبدالناصر ليس الا وهيي قيمة العزة والكرامة مهما كانت النتيجة

[hamdy]

انما ممكن يشفع له انه كان بيحاول يعمل حاجة.. مع ان فيه كتير رأيهم انه كان عايز يجمع العرب تحت رايته هو و يبقى زعيم عليهم مش عشان سواد عيون العرب يعني.. انما تظل النية محل القلب و ربنا وحده هو اللي مطلع عليها. بس عندي سؤال لكل مناصري ناصر.. هو محمد نجيب راح فين؟ مش هو برضه قائد الثورة و لا ايه؟.. صحيح هو خائن و عميل و مش متعاون و كلام كبير من ده؟؟
و :(

طبعا كل منهم كانت له أخطاؤه.. انما أخطاء الحاكم تختلف عن جرائمه.. و ربنا يرحمهم جميعا.

الله بنور عليكي يا علا تسلمي البقين دولا

[ehabradwan]

معلش ياباشمهندس اختلف معاك فى الكلام اللى قلته
امال الله يرحمه اللى جه بعده عمل اييه ؟؟؟
مات بعد ما عمل الانفتاح اللى ضيع البلد وافرز عن الحيتان والحراميه الكبار اللى نهبوا البلد وهربوا
مات بعد ماعمل معاهده السلام مع اليهود وخلى سيناء مفتوحه ليهم على البحرى من غير اى قوات
مات بعد ما قطع علاقات مصر مع العرب وراح ضرب ليبيا بالطائرات
مات بعد ما الفجوه بين الطبقات بدأت فى عهده ومازالت تتسع الى الان
فيه معلومه تاريخيه مهمه : خطه حرب اكتوبر بكل تفاصيلها وضعت فى عهد عبدالناصر وكانت تسمى (الخطه جرانيت ) وكان مقرر تنفيذ الحرب فى عام 71 الا ان وفاه عبدالناصر اجلت تنفيذ الحرب
استعير بقى كلمتك الاخيره
الله يجح .... اقصد يرحمه مطرح ماراح طبعا اقصد اللى بعد عبدالناصر

بقى يا راجل خليت اللي حارب و جاب سينا و عملنا كرامة زي التاني اللي جاب راسنا الارض و بعدين تفتكر بالوضع الهزيل بتاع الجيش بتاعنا في الوقت ده كانت خطة الحرب دي هتنجح؟؟؟!! ماعتقدش

متهيألي السادات احسن كتيييييييييير من عبد الناصر بس ده مش معناه انه اسطورة مثلا لا طبعا بس هو نسبيا احسن

[sab3aawy]

اما السادات فله مني ألف تحية.. زي ما مات و هو واقف شامخ بيرد التحية على الظباط.. فله مني مثلها.. و لا يوم من أيامك يا سوسو :(

رحم الله الرجل العظيم

اسمع من يقول ان السادات مات وسيناء مستباحة لليهود ، اذا كان السماح لهم بدخول سيناء للسياحة يعتبر استباحة

بس هسأل سؤال على قدى كدة

على اعتبار انه مات وسيناء مستباحة لليهود ، ماذا نسمى حال سيناء لما السادات مسك حكم مصر تناج مجهودات الجعجة العظيمة لمن كانوا قبله؟

ولا نسيتم "رقبتى يا ريس"

اما حكاية ان الخطة كانت موضوعة من قبل السادت والكلام دا كله، طيب ما يا ياما ناس حطوا خطط لتعلم اللغة السنسكريتة وخطط للتحول الى ملياديرات وخطط لصعود القمر ، لكن كم واحد استطاع تنفيذ خططه، ده على فرض ان فعلا الخطة اتحطت فى عصر عبد الناصر وهو شئ يخالف ما قرأته من كتب كتبها رجال اكتوبر حيث ان الخطة تغيرت مليون مرة لتوائم المخزون الإستراتيجى والتعبوى الذى تغير فى ظروف مختلفة، العبرة بمن نفذ

لا اقول ان السادات كان ملاكا، بل واسجل ان استراتيجيته فى ادارة امور البلاد فى الأعوام الثلاثة الأخيرة من حياته-رحمه الله- اتسمت بقدر كبير من الأنفصال عن ارادة الشعب والدكتاتورية الغير متوازنة، لكن فى النهاية فإن ذلك لم يترك فى حياه مصر اثرا لا ينمحى بعد رحيل السادات ، لكن سيبقى الأثر الذى تركه-رحمه الله- هو الإنجاز العسكرى الضخم والذى يوازى فى عظمته انجاز صلاح الدين فى معركة حطين وانجاز قطز فى عين جالوت

اما حكاية خاين وعميل فأنا نفسى اسأل سؤال، ما فعلة السادات هو نفس ما فعله صلاح الدين
حارب صلاح الدين من اجل بيت المقدس وحارب السادات من اجل سيناء
انتصر صلاح الدين فى حطين وانتصر السادات فى سيناء
وجد صلاح الدين نفسه بعد الإنتصار فى مواجهة اوروبا كلها ووجد السادات نفسه فى مواجهة امريكا
عقد صلاح الدين صلحا مع اوروبا بيقى القدس مدينة لكل الأديان يحق لكل شخص ارتيادها وعقد السادات صلحا مع اسرائيل يعيد سيناء للسيادة المصربة مع ابقائها مفتوحة-وليست مستباحة- للإسرائيليين للزيارات السياحية والسلمية

حتى فى مسألة معاملة المعارضين نجد ان السادات اعتقل معارضيه من مراكز القوى فى اول سنة من حكمة واعتقل معارضيه من الشيوعيين فى اخريات سنوات حكمه ، فى حين ان صلاح الدين قطع رؤوس الآلاف من معارضيه من الشيعة الفاطميين

وللعلم فإن صلاح الدين لم يقضى على الصليبيين كما يعتقد بعضنا ولكن القضاء على الصليبيين تم على مراحل طويلة جدا كان منها عصر الصالح ايوب بعد صلاح الدين ب 100 سنة تقريبا وكان منها مرحلة اخرى فى عهد الملك الأشرف قلاوون وقايتباى بعد صلاح الدين بحوالى 300 سنة

ورغم ذلك لا احد ينكر الدور التاريخى لصلاح الدين برغم ان انتصارة كان مرحليا اعقبته معاهدة سلام

إذن لماذا نعتبر صلاح الدين بطل قومى تاريخى ونعتبر السادات خائن وعميل؟

رحمه الله على من اعاد لنا الأرض والكرامة ومات ميتة الرجال شهيدا واقفا على قدميه فى زى القائد المنتصر

[Akram]

***الله يرحمهم جميعاً***
***و يرحمكوا جميعاً***

بس كنت عايز اسأل حبيب قلبي (كريم) على الاتفاق مع الدليفيري Dhl
علشان أجهز شوية حاجات لأخواننا اللي هنا :)
ربنا يستر عليكم و علينا :)
الحيطان ليها وداااااااااااااااااااااااااان :) :) :)

[Karim_Monir]

ااااااااااااايييييييي
ايه ده
كله ضرب ضرب مفيش شتيمة
انا هاقول بس ماحدش يضرب تاني :
حمدي
حسين
ميجو
توت
اوننا
سبعاوي
مادا
اكرم
علا
محمد ابراهيم
شيكو
احمد انور
ايهاب رضوان
هما دول يا بية
اسماء حركية اسماء وقفية معرفش بقي
لاء مفيش تاني محدش قال حاجة
ااااااااااييييييييييييييي
خلاص هاقول
سمعت بيتكلموا عن اتنين شكلهم زعماء التنظيم
بيدو وكنزي
ممكن اروح بقى
:p:p:p:p:p:p