صاحبتي عندها مشكله غريبه

[ASKAFRAWY]

خلاصة الكلام:
قوليله انا المش عاوزاك حتى لو بابا قال ايوة موافق عليك!!!

[fares2020]

انا بابا مقالش كده علي فكره ده بيعامله حلو اوي بس هو عايزه يخلص مش اكتر بس الولد غلط كتير في حقها واستحملت المفروض هو يستحمل زيها صح؟

انا مقلتش انه قالهاله في وشه بس ده معنى كلامه؟؟يعني ايه لما تخلص؟ يعني انا عيل صغير مش مالى عينك مثلا
انا متفق معاه ان مفيش جواز غير بعد مايخلص
لكن حتى الخطوبه او قرايه الفتحه ممنوعه؟؟طيب لو هو خايف عليه اوي كده وعايزه يخلص يقوله حاضر يابني هنعمل خطوبه بس لاقدر الله لو عدت السنه ده نعمل ايه؟؟ساعتها الولد هيرد عليه يقوله اعمل اللى انت عايزه ياعمي وهيكون حاسس انه لازم يخلص ومفيش مجال للخطأ ولو قعد بعدها يبقى باباها له حق انه يعمل اللى هو عايزه..صح كلامي؟؟

وبالنسبه للغلط انا شايف ان جمله او تعبير انا مفيش حد زيي عادي لو طلعت في وقت زعل وكلنا بنقولها وبعدين والله الولد بيحبها انت عارفه ياتوتا ده لو مش بيحبها كان قالها طظ ومكلمهاش تاني لان فعلا رفض باباها ده اهانه.. ايه يعني لما تكلمني حلو وتعاملني كويس وانت رافض تحط ايدك في ايدي يعني انا مش مالي عينك؟؟

ابدأي معاه صفحه جديده (سواء أكان الموضوع ده موضوعك او موضوعك واحده صاحبتك) وحاولى تضغطي على باباكي وتقوليله وايه المانع في الخطوبه وقراءة الفتحه؟؟ولو مانجحش السنه ده اعمل اللى انت عايزه وخليه هو يكلمه بنفسه ويديه الضمانات اللى هو عايزها (ده مجرد خطوبه)

لكن انك تفضلي ماسكه على كلامه على الواحده اللى هو بيقوله تحت تأثير انه مجروح وتقولي ده علط ده عمل ده اهانني يبقى انتي كده سوري مبتفكريش غير في نفسك..ومش عامله حساب ان الطرف الثاني مجروح وحاسس بالاهانه

[maka]

ياااه ده الدنيا اتبدل حالها


انا مش فاهم و لاحاجة

[mr_vampire]

وانا هقول نفس اللي قولته قبل كدة الولد ده ميعتمدش عليه خاااااااااااااااااااالص وحرام بجد البنت تعلق نفسها بيه ويبقي حرام اكتر عالاب لو وافق عالجوازة ده. ده لسة ميعرفش اصلاااااااااااااااا مباديء المعاملة كراجل داخل بيت يتقدم لبنت. هو عامل زي طفل شبطان في لعبة وعايزها دلوقتي حااااااااااااااااااااااالا وعمال يزن وكل مالناس تاجل هو يزن ويزداد زن وعند.
نصيحة لوجه الله: قولي لصحبتك ده تقوله انا اللي مش عوزاك قبل مايقولها انتو متلزمونيش ( المفروض تقولهاله اصلاااااااااااا بعد ماقال الكلمة ده). عيال اخر زمن عايزة تتجوز قبل مايخلصو تعليم.

[hamedo0]

انا عاوز اقول حاجه ان الولد لما بيكون بيحب بيتمني موافقه الاب
لاكن ده بيتلكك ولو الاب وافق وقاله علي شهر 12 مثلا برضه حيطلع حاجه غلط تسيبها منه احسن

[remomemo]

هى لسه ماسبتهوش ؟ بصراحة صاحبتك هى اللى غلطانة

[member]

هي دي الحلقة الكام؟؟!

[ASKAFRAWY]

ياااه ده الدنيا اتبدل حالها


انا مش فاهم و لاحاجة

هو انت دريان بحاجة!!!!
نايملى طول النهاااار و تصحى تقول مش فاهم حاجة!!!!!
ياعم الموضوع كبييييييييييييييييييييييييييييييير
http://www.nilemotors.net/Nile/186490-a.html

[azmeralda]

دلوقتى بقى اسبوع
لا والله كتر خيره انهم مش كام ساعة وجاى على نفسه كده ليه!

غير كل الكلام اللى الأعضاء الكرام قالوه
واضح انه مالى ايده منها مليون فى الميه و بدل ميقدر تعلقها بيه بيضغط عليها
انا رأيى انها تسيبه بكرامتها قبل مايبقى هو اللى سابها ولو بيحبها فعلا هيرجع واهو يبقى خد درس ولو مرجعش يبقى ربنا انقذها

[azmeralda]

الدين و الاصول بيقولوا ان ماينفعش بنت تكلم ولد و تعمل معاة علاقة و حب و الكلام دة قبل الزواج , انا عارف ان فى ناس هتزعل من الكلام دة لان ثقافتنا دلوقتى بناخدها من الافلام و الاغانى للاسف.المفروض لو واحد شاف واحدة و حبها يتقدم لاهلها يطلب ايدها و يستنى رأيهم اللى هيكون متضمن لرأى البنت طبعا .بس ان بنت تقول لولد انا بحبك دى اول درجات الانحدار اللى هتفضل بعدها تتنازل عن كرامتها الا اذا الولد عندة شوية اخلاق و عاوز الحلال فعلا
بالنسبة للحالة اللى بنتكلم فيها البنت دى لازم تبعد عن الولد دة تماما لانة واضح انة هيتعبها جداااا لو اتجوزو عشان هوة واضح من كلامة انة متدلع قوى و متأكد ان البنت دة خلاص الريموت كنترول بتاعها فى ايدة و بدل مايحاول يستغل دة استغلال كويس فى الحفاظ عليها و توجة العلاقة الى الاتجاة الصح قاعد يعذب فيها و يبتزها عاطفيا .. انا مش متخيل ان ممكن واحد يحب واحدة و يقولها كلام زى انا اى واحدة تتمنانى..اللى مش عارف اية ما يلزمنيش و الكلام الغريب دة ,دى لو كانت جارية و بيحبها مش هيقولها كدة , اما ابو البنت فمن حقة من جميع النواحى انة يطلب منة انة يخلص دراستة الاول بس بردة الراجل دة غلطان لو كان عارف ان بنتة بتكلم الولد دة لحد دلوقتى و ما بيفهمهاش ان الموضوع دة غلط
فنصيحة للبنت دى لازم تفرمل نفسها شوية و تحافظ على كرامتها و تقول للولد دة ان هى موافقة على رأى ابوها و تبطل تكلمة لحد ما ابوها يوافق على الخطوبة و لو هو متمسك بيها لازم هيستنى و لو ما وافقش على كدة يبقى تعرف اكيد ان هى كسبت نفسها و انقذت نفسها من حياة صعبة جدااا كانت هتعيشها مع واحد واضح انة عيل و سيكوباتى و لا يكن لها اى احترام
و من يتقى الله يجعل لة مخرجا

[tota_love]

كل كلامكو صح والله

[A.Saad]

الموضوع بقى مأساة
بدل قصة حب جميلة عاشت سنين

[fares2021]

أنا شايف انك عايزه تسيبيه.. صح؟؟

خلاص سيبيه لانك ادرى الناس بالحقيقه واللى بيحصل
(بس برده مصر ان باباكي بيتحمل جزء كبير من المسئوليه)

[tota_love]

لا والله انا بحبه اكتر من ما تتخيل بس كل يوم ينكد عليا ويسمعني كلام صعب اقوله لحد

[remomemo]

لا والله انا بحبه اكتر من ما تتخيل بس كل يوم ينكد عليا ويسمعني كلام صعب اقوله لحد

طالما بيسمعك كلام صعب من دلوقت هايسمعك كلام اصعب بعدين
انفدى بجلدك