موقف الازواج و الزوجات(الغير اعضاء) في وقوع المنتدي

[MNabeih]

السلام عليكم,
الحمد لله علي رجوع المنتدي,
انا اول مرة اعمل موضوع في الاجتماعي.

عاوزين نتكلم شوية علي موقف الازواج و الزوجات الغير اعضاء من وقوع للمنتدي.

انا عن نفسي زوجتي فرحت جدا و كان نفسها المنتدي يختفي.

انا من ساعة ما عرفت المنتدي و انا زي ما يكون لقيت ابني التايه مني و ببقي فاتح المنتدي علي طول
و زودت الميجا بايت مخصوص عشانه.

بس, هل فعلا المنتدي بياخد من وقتنا ازيد من اللازم, او هي حكاية تنظيم وقت؟؟؟؟

تحياتي.

[MNabeih]

هو مافيش حد عندة المشكلة دي غيري؟؟؟؟؟

[Hussein_Emara]

لأ, واضح ان الاعضاء متكتفين و اتاخدو رهاين لما المنتدى وقع

[hosamsief]

هسسس ايوة ... بصوت واطى جدا ... انا زيك بالظبط بس مستخبى ورا الباب ....اييييييييي اتقفشت ...

[gebreel]

ههههههههههههههه مستني اشوف الردود =)

[MNabeih]

يا جماعة انا فعلا بجد بقيت بدخل خلسة علي المنتدي,
استني مثلا لما مراتي تدخل تعمل الاكل, تنشر مثلا و هوب علي اللاب و هوب اليو اس بي في ثانية
و ترجع مثلا تجيب حاجة من الاوضة اركن اللاب كأني والا اعرفة,
المهم لو انا قاعد بتفرج علي التليفزيون بيبقي عادى, لكن نايل موتورز مراتي التالتة(بعد عربيتي)
بس بصراحة لما ساعات بحط نفسي مكانها بحس اني بزودها شوية

[A.Saad]

امال انا اعمل ايه

[sayed911]

الحمد لله على العزوبية اذا انا فاتحوا ليل ونهار ولسبب وبدون سبب ومعندناش حد يقولنا تلت التلاتة كام :-d ربنا يعينكم .. ولكن يا اخواني انا مش بقومكم على زوجاتكم ولكن فيييييييييييييين المواقف فيها ايه لما تقعد على نايل موتورز وتقولها هوة ده اللي عندي وعاجبكم ولا لأ هوة ده اللي عندي ( ملاحظة انا غير مسؤول عن اللي يجرب الطريقة دي ويجرالوا حاجة ) احنا جيين نهدي النفوس يا اخوانا ..

[MNabeih]

امال انا اعمل ايه

يا ريت تقولنا علي خبرتك في اموضوع دة, بما انك عضو بلاتيني و قديم

[heshamzaky]

هههههههههههه انا بقى عملت العكس تماما لما المنتدى أشتغل فى الساحة المؤقتة عملت عضوية للمدام هنا فى المنتدى

[A.Saad]

يا ريت تقولنا علي خبرتك في اموضوع دة, بما انك عضو بلاتيني و قديم

مانا مش مجوز
بس مقصر فى حق والدى ووالدتى طبعا

[misoalex]

انا تقريبا مراتى هى الى حرقت السرفر بتاع المنتدى ربنا يستر على الجديد

هشششششششش اوعو حد يقول لكريم

[nevozaky]

اعتقد من حق اى حد يعمل اللى هوه عايزه يقعد على المنتدى او اى حاجة تانية عايز يعملها بشرط انه ما يقصرش فى حق مراته.او واحدة تقصر فى حق جوزها .علشان ما يحسوش انهم مهملين ولازم الاهتمام بيهم.واعتقد التوازن فى كل شىْ كويس .وخير الامور الوسط الاعتدال مطلوب.سواء عند الراجل او الست.اى حاجة زيادة عن كده مش هتبقى العواقب كويسة.

[misoalex]

اعتقد من حق اى حد يعمل اللى هوه عايزه يقعد على المنتدى او اى حاجة تانية عايز يعملها بشرط انه ما يقصرش فى حق مراته.او واحدة تقصر فى حق جوزها .علشان ما يحسوش انهم مهملين ولازم الاهتمام بيهم.واعتقد التوازن فى كل شىْ كويس .وخير الامور الوسط الاعتدال مطلوب.سواء عند الراجل او الست.اى حاجة زيادة عن كده مش هتبقى العواقب كويسة.

اسف كتبت مشاركه بالخطأ

مخدتش بالى ان حضرتك انثى


اصل الكلام ده ميطلعش من واحد متجوز

[mahgary]

العزبيه تاج على رئوس العازب لا يراه الا المتزوجون ربنا معاكم