غزو سكندري للقاهره (حننيمكم من المغرب)9-12-2010

[SHNORY]

خليهوا ليمزين كبيره وهتسعينا ونعد برحتنا وزى ماقال غزالى باشا قريب من كل الامكان سواء دائرى مدينه نصر مصر الجديده كده ها

بص يا باشا
احنا حنوصل باذن الله 7 نكون في المطعم 8 نمشي 9 علي ما نروح ليموزين تبقي 10 ونص
يعني ساعتين ونص قاعدين في عربيات
اظن اننا اولي نقعد مع بعض فيهم
بجانب انها في اخر البلد
يعني لسه علشان نرجع لعربياتنا محتاجين وقت كبير
اظن ان كده كتير اوي يعني واليوم حيضيع

[M.Mostafa80]

ياجماعه انا لسه مكلم اشرف وتم الأنتهاء على الأتى
التجمع على قهوه ليالى الحلميه فى ش بورسعيد
ومنها سيتم الأنطلاق الى بحه او اى مطعم المنطقه دى مليانه مطاعم وخصوصا ان فيها كذا فرع لبحه وهما حاليا بيبصو على حبايب السيده كمان
وهو هيدخل يحط الوصفه بعد الفاصل فاصل ونواصل مراسلكم من الهرم محمد ابو العافيه مصر

[Amro_ON]

يا حبيبي انتوا لسه متفأتوش على حاجه .... دا انا سبت الموضوع من ايام مكان الصفحه 11 و قلت ابأ ارجعلهم الاسبوع الجاي!!
لا شكلنا بأ وحش يا جماعه

[misoalex]

ياجماعه انا لسه مكلم اشرف وتم الأنتهاء على الأتى
التجمع على قهوه ليالى الحلميه فى ش بورسعيد
ومنها سيتم الأنطلاق الى بحه او اى مطعم المنطقه دى مليانه مطاعم وخصوصا ان فيها كذا فرع لبحه وهما حاليا بيبصو على حبايب السيده كمان
وهو هيدخل يحط الوصفه بعد الفاصل فاصل ونواصل مراسلكم من الهرم محمد ابو العافيه مصر

احمدك يارب


يعنى فيه امل ان الفرح مباظش

[الغزالى]

يا مسهل الحال يا رب

[mbx4e]

بجد انا عايز اقابلكم كلكم بعتبركم زي اخواتي مع اني ممكن ماعرفش حد فيكم ولا حد يعرفني بس بجد هاتشرف بمقابلتكم كلكم
بس بجد ياجماعة لو في جديه في الحوار يبقى لازم يبقى منظم ولو حتى في الاتفاق على الخطوط العريضة
1: الهدف من الزياره ( صيانة العربيات - لقاء الاصدقاء ...... الخ )
2 : الناس اللي هاتطلع من اسكندرية هايتجمعو فين وازاي وسيلة السفر ومع بعض ولا كل واحد مع نفسه .
3: مواعيد التجمع في اسكندريه ومواعيد السفر ومواعيد الرست ومواعيد التقابل في القاهرة والاماكن
والكلام دا برده بالنسبه للقاهرة والناس اللي في القاهرة والاماكن لازم يبقى في ناس تستقبل الوفد والغزو والجحافل السكندرية اللي هاينورو مصر
لازم يبقى فيه منظمين للناس اللي في القاهرة واللي في اسكندرية و نقسم بعض في مجموعات عشان نعرف نتقابل
وعشان نعرف نتقابل يبقى لازم نعرف نتفق
وعشان نتفق يبقى لازم ننظم ونصارح نفسنا
كل واحد مثلا يقول الوقت المتاح عنده يوم الخميس
وسبب الزياره او الهدف منها
والمكان اللي هايقدر يتواجد فيه
والوقت اللي هايسمح معاه
عشان كلنا نزبط هانعمل ايه هنتقابل فين
عشان نشوف حل وسط
ومكان تجمع سهل
اما بالنسبة للاكل والشرب والقهوة والشيشه فدا كله سلطات وباباغنوج القعده
اهم شيء الصحبه الحلوة والناس اللي زي العسل دي نعرف نقابلهم بدل ما انا مش فاهم حاجه خالص انتم استقريتم ولا لسه ولا ايه ؟
بدل ماتفوتنا المقابلة
حد يعطف عليه ويقولي هتتقابلوا فين والساعه وانا مايفرقش لا الزمان ولا الكلام ولا المكان

[الغزالى]

بجد انا عايز اقابلكم كلكم بعتبركم زي اخواتي مع اني ممكن ماعرفش حد فيكم ولا حد يعرفني بس بجد هاتشرف بمقابلتكم كلكم
بس بجد ياجماعة لو في جديه في الحوار يبقى لازم يبقى منظم ولو حتى في الاتفاق على الخطوط العريضة
1: الهدف من الزياره ( صيانة العربيات - لقاء الاصدقاء ...... الخ )
2 : الناس اللي هاتطلع من اسكندرية هايتجمعو فين وازاي وسيلة السفر ومع بعض ولا كل واحد مع نفسه .
3: مواعيد التجمع في اسكندريه ومواعيد السفر ومواعيد الرست ومواعيد التقابل في القاهرة والاماكن
والكلام دا برده بالنسبه للقاهرة والناس اللي في القاهرة والاماكن لازم يبقى في ناس تستقبل الوفد والغزو والجحافل السكندرية اللي هاينورو مصر
لازم يبقى فيه منظمين للناس اللي في القاهرة واللي في اسكندرية و نقسم بعض في مجموعات عشان نعرف نتقابل
وعشان نعرف نتقابل يبقى لازم نعرف نتفق
وعشان نتفق يبقى لازم ننظم ونصارح نفسنا
كل واحد مثلا يقول الوقت المتاح عنده يوم الخميس
وسبب الزياره او الهدف منها
والمكان اللي هايقدر يتواجد فيه
والوقت اللي هايسمح معاه
عشان كلنا نزبط هانعمل ايه هنتقابل فين
عشان نشوف حل وسط
ومكان تجمع سهل
اما بالنسبة للاكل والشرب والقهوة والشيشه فدا كله سلطات وباباغنوج القعده
اهم شيء الصحبه الحلوة والناس اللي زي العسل دي نعرف نقابلهم بدل ما انا مش فاهم حاجه خالص انتم استقريتم ولا لسه ولا ايه ؟
بدل ماتفوتنا المقابلة
حد يعطف عليه ويقولي هتتقابلوا فين والساعه وانا مايفرقش لا الزمان ولا الكلام ولا المكان

هوا انت مدرس ,,,, بهزر طبعا يا باشا
على فكرة احنا مش اول مرة بنتقابل الحمد لله وكل مرة الموضوع بيبئى منظم وفى ناس بتجيب الرجاله بتوع اسكندريه من عند البوبات وفى ناس بترجعهم هناك تانى متقلقش انت خالص ان شاء الله اليوم بيكون جميل جدا جدا

[kamalsalem]

يعني ماطلعش على البوابات؟ انا كده كده هكون ان شاء الله في منصور الصحراوي بعمل صيانة ال5000 واهو التقرير يبقى لايف

حد قال هات؟ حد قال تعالى قابلني يا عمو كمال يا جامد؟ حد قال عايز استخدم خدمة وصلني شكراً؟

[A7MED_PHARMA]

من غير زعل يارجالة ..
لما بنروح أليكس..كل حاجة بيكون معمول حسابها .. وأهل الإسكندرية بيكونوا متحمسين للمقابلة جدا
وبيجهزوا كل حاجة .. الأكل والمكان وكل حاااااااااااااجة
يعني ماينفعش المقابلة تكون بكره..ولسه مافيش إتفاق على المكان لحد دلوقتي

شئ مهم آخــــــــر
لازم تراعوا المكان مايكونش في مدينة نصر .. أو الأماكن البعيدة في القاهرة
علشان مانضيعش وقت كتيررررررر في اللف بالعربيات..مع مراعاة إن القاهرة الأيام دي فيها لجان مرور ومباحث في كل حتة
يعني كلما كانت أقرب لكورنيش النيل ...هتبقا أحلى .. وأروق .. وأسهل في الوصول

وياشباب..ليموزين غير مقبولة بالمرة لبعد المسافة

[pro_samir]

الاتفاق كما هو التجمع في الكافيه الساعه من 8 ل 9 وبعدين نروح بحه ونرجع للكافيه تاني وكلهم جنب بعض في شارع بورسعيد

التفاصيل بالكامل مع اشرف بالصور والأسعار هينزلها لما يدخل ان شاء الله

واللي هيجيب سيرة ليموزين تاني هنبيعه قطع غيار لـبحه ، مش لازم القعده تبقي جنب البيت يعني علشان تيجي وباقي الناس تاخد القاهره ذهابا وايابا

[أبو صلاح]

يا جماعة انتظروا تقرير اشرف فتحي وعلاء

الموضوع خلاص اتظبط

الناس هتدخل وتقول ايه اللي هيتم

[alaa74]

بعتذر لكل الأخوة عن التأخير فى الرد لأن كان عندى حاله وفاة أمس (خالتى توفت إلى رحمه الله ) وكنت طوال اليوم ما بين المستشفى والمدافن ثم قاعه العزاء .

وكنت قد كلمت خالد بك طلعت وشرحت له الظروف وإعتذرت إنى أشارك فى المهمه الإستطلاعيه مع أشرف بك فتحى .

وقد قام خالد بك مشكورا بمشاركه أشرف بك مهمه إستطلاع مكان المطعم والقهوة وخلافه .

وإنتظروا حالا التقرير المصور من الصديق العزيز خالدبك طلعت .....

وبلاش حد من الأخوة الاسكندرانيه الاعزاء يشمت فينا علشان إحنا قدها وقدود وان شاء الله رقبتنا مش هتقصر قدامكم .

علشان شنورى ميقولش هقضى المقابله على كبوت عربيتى .

وبعد تقرير خالد بك طلعت هنعمل تأكيد نهائى بالمواعيد سواء للقادم من القاهرة أو من خارجها للتسهيل على كل الأعضاء الاعزاء .


وإن شاء الله نشوفكم على خير وتكون مقابله مميزة بإذن الله .

[kh_talaat]

بسم الله الرحمن الرحميم
شكرا لعلاء بك

تمت المهمة الإستطلاعية بالأمس بقيادة اشرف بك فتحي والعبد لله وتم حصر لكل المسامط في حي السيدة زينب وقاهرة المعز (بحه - الركيب - حبايب السيدة - ام هاشم)

وتم الأستقرار على بحه بالناصرية وبعدها كافيتريا ليالي الحلمية

واتفقنا على الفرع القديم لأن المساحه هناك اكبر واوسع من الفرع الجديد وتساع الرجاله الأكيله رجالة نايل موتورز

ودي صورة للمكان

وان شاء الله بعد بحه هتبقى القعدة على كافيتريا ليالي الحلمية أمام بحه الجديد (ميني بحه)

بالنسبة للتنظيم انا عملت الوصفة للمكان بداية من ميدان التحرير وهو اشهر مكان يقدر يوصله اي حد

ودي الوصفه

وزي ماهو موضح في الصورة للقادم من ميدان التحرير

1- الدخول إلى شارع التحرير
2- ثم التفرع الى شارع محمد فريد
3- ومنه الى شارع الشيخ ريحان
4- وصولا لشارع بورسعيد
5- ثم يمينا الى مكان التجمع اما كافيتريا ليالي الحلمية امام بحه الجديد

هنركن عربياتنا امام الكافيتريا وده هيكون الساعة 8 مساء (ونحاول على قد ما نقدر نتجمع في اقل عربيات عشان المنطقة هناك زحمه والركن صعب شوية يوم الخميس )

وبعدين هنتجه سيرا على الأقدام لمطعم بحه الناصريه (لأن مفيش ركن هناك)

بعدها هنرجع لقعدتنا في ليالي الحلمية ودي صور للقعدة في ليالي الحلمية

ودي كانت القعدة المفضلة لسليم باشا البدري والحاج سليمان غانم وكل اهل الحلمية ههههههه

ولو حد عنده اي استفسار يتفضل

والله الموفق

الله - الوطن - نايل موتورز

[kh_talaat]

ودة فيديو للمحل وصاحبه الحاج ميمي بحه على قناة فتافيت

[youtube]http://www.youtube.com/watch?v=7kAakRPwLKg&feature=related[/youtube]

[FunnyMickey]

سؤال يارجاله بس
هوا بحه ده بيعمل اكل ايه بالظبط

انا ان شاء الله حخرج من الشغل عليكو
انا حبقي في رمسيس