سميتوا ولادكوا كده ليه؟

[ehabradwan]

ايهاب باشا
هى الصورة دى جت مفاجئه كدا الباشا كان بيتمشى تحت الطرابيزة وانا دايخ عليه وقاتل الشقه بحثا عنه
وبعدين لقيته تحت طرابيزة الانتريه قمت مصورة زى ما هو كدا علشا لما يكبر ابقى ازله بيها وقوله
يا ابو ال............. الى انت شوفتها دى ( طبا ده مش هيحصل )
لو ممكن اسئل سؤال هو حضرتك عندك اولاد
اصل عارف قبل ما اتجوز كنت بقرف جدا من الاطفال ولو طفل شرب من او اكل مش ممكن المس اى حاجه هو مد ايده فيها وكمان مكنتش بشيلهم ولا المسهم اصلا بس بعد ما اتجوزة وخلف اختلف النظرة تماما زى ما golden باشا قال دى اجمل حاجه فيهم ومفيش اب او ام ممكن يقرف من ابنه
انا اسف لو طولت عليكم
بس ياباشا ولا يهمك خالص انا شيلت الصورة من التوقيع خالص

يا باشا انا كنت بهزر معاك طبعا ال..... احلى حاجة فالصورة .
انا الحمد لله عندي عبد الله هو في سن محمد كده ( سنتين تقريبا ) و عمري طبعا ماقرف منه زي مانت قلت بالظبط

وبعدين انت زعلتني بجد لما شيلت الصورة انا كنت بهزر والله .أوعى تكون زعلت

[analyzer]

ايهاب باشا مفيش زعل ولا حاجه ابد
انا شيلت الصورة لانها كبيرة شوية ومش متظبطه فى الحجم وجالى ميل انى اظبطها لانها عاملة مشكلة
وبصراحه انا مليش فى الجرافيك خالص
وانا ماشى بمبدء الباب الى يجيلك منه الريح سده واية ..............

[mido777]

انا سميت جودى

كنت مره قابلت نادر السيد فى بلجيكا ايام ما كان بيلعب فى نادى بروج وكان معاه بنته وماشاء الله عليها كانت زى القمر .... فقررت انا اسمى الأسم ده لما ربنا يرزقنى وقد كان....

ومعناه : اسم الجبل اللى استوت عليه سفية سيدنا نوح

ومذكور فى القرأن فى سورة هود.. الأية 44

بسم الله الرحمن الرحيم

وَقِيلَ يَا أَرْضُ ابْلَعِي مَاءكِ وَيَا سَمَاء أَقْلِعِي وَغِيضَ الْمَاء وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ

صدق الله العظيم

[hazem_khidr]

رغم اني لسه مش متجوز و مفشكل خطوبتي قريب لكن حقول علي اسامي في دماغي :)
ولد : محمد او ضياء
بنت :نادين

[mshamy]

و الله انا سميت أحمد لسببين 1- كنت عايز اسميه على اسم الرسول صلى الله عليه و سلم و بعدين اتحطيت في خانة ايك علشان ابويا سماني محمد لنفس السبب و برضه ابويا اسمه محمد قولت حرام الواد كمان يبقى محمد "العيال في المدرسة مش حتعتقه":o و تذكرت قوله تعالى على لسان سيدنا عيسى " ومبشرا برسول يأتي من بعدي أسمه أحمد" على حسب ما أنا فاكر الأيه
2- مراتي حلمت بانها حتجيب و لد أسمه احمد حتى قبل ما نعرف نوع الجنين ايه

اتكلنا على الله و أحمد ماشاء الله دلوقتي عنده سنه و 3 شهور

[mohamed_88sk]

أنا لسه ماخطبطش ...بس من وانا صغير نفسي أسمي يوســف تأسيا بنبي الله يوسف لجماله وخلقه العالي .. حتى كل اللي يعرفني يسميني أبو يوسف كمان نفسي أسمي عبدالرحمن وبالنسبة للبنات تسنيم .. بس يارب الاقي بنت الحلال في الزمن ده !!مش حخبي عليكو لأنكم زي أهلي أنا كنت لقيت أم يوسف بس ضيعتها من أيدي حتى أن أهلي كان ناوين يقرولي فاتحه معاها ... أدعولي بالله عليكم إن ربنا يكرمني بيها تاني ويحصل خير لأني بموت فيها وبحبها من وانا في أعدادي حوالي 9 سنين ...

معلش طولت عليكو بس قلبي اتفتحلكو في الكلام ...معلش ..

[gade2]

انا بحب اسم مى