لبست

[inspiron]

الحمد لله علي كل شئ.أنا دخلت جيش يا جدعان.حاجة كده ولا كانت علي البال ولا علي الخاطر.سمعت الإرجا النهاردة و هسلم نفسي في 16-1 إن شاء الله.

شوفوا النصيب.كنت عامل موضوع من فترة عن بنت كنت عاوز أخطبها وحصلت مشاكل جامدة مع والدتي عشان كانت عاوزاني لواحدة تانية.

كده خلاااااص.ولا فيه دي.ولا فيه دي.ولا في سفر للشغل.ولا في شغل من أساسه.ومكتوب علي الواحد يبدأ حياته متأخر.
وحسبي الله ونعم الوكيل

[احمد ابراهيم]

الله المستعان و لعله خير باذن الله

[chicobon]

ان شاء الله تعديها بخير و تتعرف علي ناس حلوة هناك
هو انت جيشك كام سنة ؟

[mahmoud_magdy]

لله الامر من قبل ومن بعد
انت تريد وانا اريد والله يفعل ما يريد
ربنا يستر على اللي بعد منك
وحياتك مش هتبدأ متأخر بالعكس اكيد ربك ليه حكمه في كدا

[otefa]

وعسي أن تكرهوا شيئا وهو خير لكم
أحلي نصيحة للجيش من أقدم العصور
حب الجيش يكرهك أكره الجيش يحبك ..........مجربها سنة 1992 ما أعرفش لسه بتجيب مفعول مع جيش اليومين دول ولا الدنيا أتغيرت

[kh_talaat]

قدر الله وما شاء فعل ... تذكر دائما ان الله لا يريد لك الا الخير

ولعله خير باذن الله

[shaddadfalcon1]

ان شاء الله خير ويمكن تكون فتره تستقر فيها عاطفيا وتشوف الدنيا من منظور تاني

[M.Elgergawy]

ان شاء الله خير انا كنت زيك زعلان جدا لما عرفت اني داخل الجيش ولكن اتعرفت على ناس كتير بحكم جيشي في دار القوات البحرية وربنا كرمني بشغل كويس والحمد لله عن طريق الجيش مش عايزك تزعل وربنا هيوفقك ان شاء الله

[Moh.Abdelbaset]

لعله خير بإذن الله

[hugan]

الجيش فتره جميله في حياتك
سيئه في وقتها بس
دخلت سلاح ايه

[hassaan2266]

طيب يا دفعه نتقابل هناك انا لبست ظابط كنت هناك النهارده بسمع الارجاء برده
بس هل اشوف واسطه تنزل عسكرى ولا بلاش انا مهندس ميكانيكا

[mrwho1982]

هاتتعلم حاجات لو اتعلمتها برة هاتقعد كتير

وهايطلع مواهب وقدرات فيك انت نفسك مش عارفها

ماتعرفش الخير فين وقول الحمد لله

[KHALED AYMAN]

ان شاء الله خير ...عسى ان تكرهوا شئيا و هو خير لكم

[رزق]

لبست معاك يا زميل
يلا الحمدلله على كل شيء

[otefa]

طيب يا دفعه نتقابل هناك انا لبست ظابط كنت هناك النهارده بسمع الارجاء برده
بس هل اشوف واسطه تنزل عسكرى ولا بلاش انا مهندس ميكانيكا

مبدأيا شوف واسطة أحسن ماجابتش نتيجة
الخيرة فيما أختاره الله