حيرة المدارس

[aliabutaleb]

بما إن رقية إن شاء الله قربت أوي على موضوع المدرسة ده
عندي كام سؤال كدة ياريت تساعدوني في إجابتهم

أولاً فين منارة الفاروق دي؟
ثانياً تنصحوني بمدرسة معينة في المهندسين بس تكون ادارة حازمة وبتهتم بالدين ومستوى الانجليزي فيها كويس؟
ثالثاُ والأهم
أنا جالي استبحس خلاص من مدارس أكتوبر خلاص
كل ما أسأل حد عن مدرسة "س" يقوللي كلام شكل
ناس تقوللك كويسة وناس مش بطالة وناس زفففففففففت
والمصروفات نفس الشئ
تاخد من كل واحد رقم شكل لمصروفاتها
نفسي أعرف اللي باقابلهم وبيفتوا ويقولوا على مدرسة كويسة أو مش كويسة بيبنوا كلامهم على ايه؟
كل ما أسأل يقولوا مفيش بس هي مش كويسة كإنها أسرار
حاسس إن كله كلام قهاوي

تعرفوا فعلاً مدرسة كويسة في أكتوبر؟؟

[د.أحمد سمير]

المدارس الكويسة في نطاق مدينة نصر والتجمع ( أسعار السنة دي للكي جي والسنة الجاية منعرفش هتغلى قد إيه في ظل هذا الغلاء الرهيب ) :
تعليم أجنبي دون اهتمام بالدين : طلائع المستقبل . المصاريف 5500 شاملة الباص
تعليم متميز واهتمام عادي بالدين (مش دولية ) : الرواد أمام بيتزا هت 2 مصطفى النحاس 5000
تعليم متميز (دولية ) واهتمام يعني أعلى من العادي شوية بالدين ، يعني احتفال بالمناسبات الدينية ومناسك للحج ...الخ القاهرة الدولية للغات أو Cis وهي جنب الرواد ومصاريفها 5000 بالباص . ودي اللي فيها بنتي أميرة

تعليم متميز نسبياً واهتمام متميز بالدين : منارة القاهرة للغات بين عباس العقاد ومكرم عبيد أول تقاطع شمال من عباس العقاد .. 4000 ، 800 باص .. وقائمة انتظار طويلة شوية .

تعليم متميز واهتمام عالي بالدين : منارة الفاروق الإسلامية للغات ( التجمع الأول بجوار أكاديمية مبارك للأمن ) عند الربوة للي حضر المقابلات .. 6500 بالباص ، وقائمة انتظار طويلة برضة .

غير كدة مستويات أعلى دون تميز حقيقي زي زوسر برنسز والبريطانية ومصر 2000 ، أو مستويات شبه الحكومية القديمة بالضبط زي العلا ، أو مستوى زفت زي الألسن وغيرها كتييير .

اللي عايز دين أكثر تعليم متميز فعليه بمدرسة الغد المشرق الأزهرية 5000 غير الباص ، والرحيق المختوم 4000 بدون الباص .

وده اللي أعرفه بناء على لف ودوران كتيييير وقت التقديم لأميرة .
وينبغي التقديم والتربيط والتظبيط مع بداية شهر مايو وإلا لن تجد مكاناً لأولادك ..

لأبو رقية : المدرسة الوحيدة في أكتوبر اللي أعرف إن مستواها كويس هي نيو مانور هاوس ومصاريفها 7000 جنيه بالباص .. واهتمامها بالدين عادي يعني .

ومن أفضل المدارس سمعة في مصر الجديدة مدارس العروبة قديمة ومحترمة .
ومن أفضل المدارس مستوى في التعليم عموماً المدرسة الألمانية في باب اللوق ، ومدرسة السفارة الفرنسية بوسط البلد ، ولكن الاهتمام بالدين منعدم إضافة إلى تشكيلة عجيبة من الطلاب الأجانب .
تقبلوا جميعاً خالص مودتي

[معاذ الشرباصى]

انا كنت فى عروبة المعادى, و بعد كده دخلت Igcse فى العروبة برده

الناس كانت محترمة جدا, و المدرسين على اعلى مستوى صراحة و التلاميذ كذلك

و كان فيه اهتمام جيد بالدين و تشجيع عليه

لكن فى السنين الاخيرة بدأ الحال يتبدل, المدرسين مستواهم نص نص, و الطلبة بقى مستواهم اوحش (اخلاقيا) و الواحد بقى مش عارف اخواته يكملوا فين

العائلة بتاعتنا فى العروبة من سنة 1987, يعنى من المؤسسين, و من اشهر العائلات فى مدرسة المعادى, علشان كده مش عارفين نغير, او نروح مكان و نبدأ من اول السلم تانى

لكن نصيحة, حاول تشوف مستوى الناس اللى فى المدرسة, هل لهم نفس او فكر مشابه لك, اتجاهاتهم ايه, و ده بيبان من حاجات كتير, علشان اولادك هيقضوا معظم اليوم هناك, فتبقى مطمئن للحاجت اللى بيسمعوها من زمايلهم او بيشوفوها او كده

على سبيل المثال, اهلى كانوا هيقدموا لى سواء فى كلية النصر فى المعادى او الليسيه الفرنسية, لكن اللى عرفوه من ناس فى المدارس دى عن الطلبة بتعمل ايه, و اولياء امورهم شكلهم ايه, استبعدوا الفكرة.(على سبيل المثال كان فى طلبة بتفتخر و بتكلم عادى ان اهلهم بيشربوا خمر, ووو الى اخره....)

[OlaOsman]

المدارس الكويسة في نطاق مدينة نصر والتجمع ( أسعار السنة دي للكي جي والسنة الجاية منعرفش هتغلى قد إيه في ظل هذا الغلاء الرهيب ) :
تعليم أجنبي دون اهتمام بالدين : طلائع المستقبل . المصاريف 5500 شاملة الباص
تعليم متميز واهتمام عادي بالدين (مش دولية ) : الرواد أمام بيتزا هت 2 مصطفى النحاس 5000
تعليم متميز (دولية ) واهتمام يعني أعلى من العادي شوية بالدين ، يعني احتفال بالمناسبات الدينية ومناسك للحج ...الخ القاهرة الدولية للغات أو Cis وهي جنب الرواد ومصاريفها 5000 بالباص . ودي اللي فيها بنتي أميرة

تعليم متميز نسبياً واهتمام متميز بالدين : منارة القاهرة للغات بين عباس العقاد ومكرم عبيد أول تقاطع شمال من عباس العقاد .. 4000 ، 800 باص .. وقائمة انتظار طويلة شوية .

تعليم متميز واهتمام عالي بالدين : منارة الفاروق الإسلامية للغات ( التجمع الأول بجوار أكاديمية مبارك للأمن ) عند الربوة للي حضر المقابلات .. 6500 بالباص ، وقائمة انتظار طويلة برضة .

غير كدة مستويات أعلى دون تميز حقيقي زي زوسر برنسز والبريطانية ومصر 2000 ، أو مستويات شبه الحكومية القديمة بالضبط زي العلا ، أو مستوى زفت زي الألسن وغيرها كتييير .

اللي عايز دين أكثر تعليم متميز فعليه بمدرسة الغد المشرق الأزهرية 5000 غير الباص ، والرحيق المختوم 4000 بدون الباص .

وده اللي أعرفه بناء على لف ودوران كتيييير وقت التقديم لأميرة .
وينبغي التقديم والتربيط والتظبيط مع بداية شهر مايو وإلا لن تجد مكاناً لأولادك ..

لأبو رقية : المدرسة الوحيدة في أكتوبر اللي أعرف إن مستواها كويس هي نيو مانور هاوس ومصاريفها 7000 جنيه بالباص .. واهتمامها بالدين عادي يعني .

ومن أفضل المدارس سمعة في مصر الجديدة مدارس العروبة قديمة ومحترمة .
ومن أفضل المدارس مستوى في التعليم عموماً المدرسة الألمانية في باب اللوق ، ومدرسة السفارة الفرنسية بوسط البلد ، ولكن الاهتمام بالدين منعدم إضافة إلى تشكيلة عجيبة من الطلاب الأجانب .
تقبلوا جميعاً خالص مودتي

يا سلام يا دكتور.. المشاركة دي تعتبر مرجع لكل اللي بيدور على مدارس :)

[aliabutaleb]

لأبو رقية : المدرسة الوحيدة في أكتوبر اللي أعرف إن مستواها كويس هي نيو مانور هاوس ومصاريفها 7000 جنيه بالباص .. واهتمامها بالدين عادي يعني .

تسلم ايدك يا دكتور على ردك الوافي
وانا في انتظار أي حد من الاخوة يدلني على حاجة كويسة في المهندسين لانها تعتبر نسبياً أقرب مكان لأكتوبر فبالباص مش هاتقعد ساعتين في الطريق يعني
لان كدة نيو مانور هاوس دي ميزانيتها عالية شوية عليا بالاضافة إني محتاج حاجة أعلى من العادي في الاهتمام بموضوع الدين

[د.أحمد سمير]

لا شكر على واجب .. أخجلتم تواضعي والله العظيم
تقبلوا جميعاً خالص مودتي وتقديري

لأبو رقية .. أنا مش عايز أخوفك ولا حاجة ، بس سواقين ميكروباصات المدارس في كثير منهم متهورين ، وأنا أنصحك أن تبحث في نطاق أكتوبر بدلاً من المهندسين وقرف المحور ، وعدم انتظام مواعيد الباصات ، وده غير تهور السائقين على المحور .
وربنا يوفقك

[alweaam]

السلام عليكم

أنا علا قالت لي ان في موضوع عن حيرة المدارس قلت أشارك بما عندي من معلومات

أولا لأبي رقية

في مدرسة جديدة جنب دندي مول اسمها Brilliance International تبدو انها كويسة وفيها تجويد وتحفيظ قرآن

وفي مدرسة أزهرية أظن ا.سمها الهدىمعرفش فين في 6 أكتوبر

أما ولاد عمي في مدرسة اسمها royal International language shool
بيشكر فيها جدا بس منهج الوزارة بس اللي بيدرس في الدين

وفي بايونير ودريم ايديل وده كل اللي أعرفه ناشونال في 6 أكتوبر

في واحده انترناشونال تحفة اسمها الرؤية الجديدة بأربعين ألف kg لأنها بتدرس الأنترناشونال باكالورية

أما النهارده واحدة برضه محتارة في المدرارس قالتلي على مدرسة اسمها الرسالة في مدينة العبور الحي التاني
قالت لي تحفة في كل حاجة دينيا متميزة جدا وأكاديميا ولغويا وبيدرسو English ,French من بيبي كلاس وبيرجعو يتكلمو انجليزي او فرنساوي في البيت وبيدو بناء شخصية منهج رؤية بصراحة وهي بتحكيلي خليتني عاوزة أروح أشوف ايه ده. غير كده بتقول الكلام ده كله من أوليء أمور قابلتهم هناك ومبسوطييين جدا وقالتلي كمان ان فيها حاجة مفيش ولا مدرسة بتعملها لما سألتها عن ثمن الأبليكيشن
قالت لي لأ انتي تروحي تعملي انترفيو الأول ولما البنت تقبل وتعرفي النظام والمنهج وقررتي تدخلي ساعتها تملي أبليكشن وتدفعي تمنه أنا احترمت الموضوع ده جدا في المدرسة.

أما منارة الفاروق مالهاش زي ممتزة بمعنى الكلمة وفيها نظام وبيحثو على التفكير والابداع بجد مش كلام زي مدارس تانية. يوم مقابلة بنتي هناك انبهرت بالاهتمام بالفصول والتعليم والولاد من كي جي بيرسمو فكرهم في حل مشاكل المجاعة في افريقيا
الحقيقة مدرسة بديعة بس الي يعرف يدخلها لأن الأقبال مش طبيعي بس يستاهلو ومش حرامية ولا هدفهم المكسب وبس.

Modern Education برضع سمعتها ممتازة تعليميا لكن دينيا لأ ودي شطبو بدري خلاص.

Maadi Narmer برضه تحفة تعليميا لكن دينيا لأ

أنا عن نفسي أميل للي في جانب ديني بس على شرط ان يكون المستوى الأكاديمي لائق جدا.

في بقى Bashaer British بدأت تاخد سمعة جامدة أوي والاسلامية الوحيدة british ب13 500

ولاستخارة في الآخر هي الفيصل والدعاء طبعا
ياريت لما اللي حيرانين يرسو على مدرسة يقولولي ايه الأخبار

[OlaOsman]

السلام عليكم

أنا علا قالت لي ان في موضوع عن حيرة المدارس قلت أشارك بما عندي من معلومات

أولا لأبي رقية

في مدرسة جديدة جنب دندي مول اسمها Brilliance International تبدو انها كويسة وفيها تجويد وتحفيظ قرآن

وفي مدرسة أزهرية أظن ا.سمها الهدىمعرفش فين في 6 أكتوبر

أما ولاد عمي في مدرسة اسمها royal International language shool
بيشكر فيها جدا بس منهج الوزارة بس اللي بيدرس في الدين

وفي بايونير ودريم ايديل وده كل اللي أعرفه ناشونال في 6 أكتوبر

في واحده انترناشونال تحفة اسمها الرؤية الجديدة بأربعين ألف kg لأنها بتدرس الأنترناشونال باكالورية

أما النهارده واحدة برضه محتارة في المدرارس قالتلي على مدرسة اسمها الرسالة في مدينة العبور الحي التاني
قالت لي تحفة في كل حاجة دينيا متميزة جدا وأكاديميا ولغويا وبيدرسو English ,French من بيبي كلاس وبيرجعو يتكلمو انجليزي او فرنساوي في البيت وبيدو بناء شخصية منهج رؤية بصراحة وهي بتحكيلي خليتني عاوزة أروح أشوف ايه ده. غير كده بتقول الكلام ده كله من أوليء أمور قابلتهم هناك ومبسوطييين جدا وقالتلي كمان ان فيها حاجة مفيش ولا مدرسة بتعملها لما سألتها عن ثمن الأبليكيشن
قالت لي لأ انتي تروحي تعملي انترفيو الأول ولما البنت تقبل وتعرفي النظام والمنهج وقررتي تدخلي ساعتها تملي أبليكشن وتدفعي تمنه أنا احترمت الموضوع ده جدا في المدرسة.

أما منارة الفاروق مالهاش زي ممتزة بمعنى الكلمة وفيها نظام وبيحثو على التفكير والابداع بجد مش كلام زي مدارس تانية. يوم مقابلة بنتي هناك انبهرت بالاهتمام بالفصول والتعليم والولاد من كي جي بيرسمو فكرهم في حل مشاكل المجاعة في افريقيا
الحقيقة مدرسة بديعة بس الي يعرف يدخلها لأن الأقبال مش طبيعي بس يستاهلو ومش حرامية ولا هدفهم المكسب وبس.

Modern Education برضع سمعتها ممتازة تعليميا لكن دينيا لأ ودي شطبو بدري خلاص.

Maadi Narmer برضه تحفة تعليميا لكن دينيا لأ

أنا عن نفسي أميل للي في جانب ديني بس على شرط ان يكون المستوى الأكاديمي لائق جدا.

في بقى Bashaer British بدأت تاخد سمعة جامدة أوي والاسلامية الوحيدة british ب13 500

ولاستخارة في الآخر هي الفيصل والدعاء طبعا
ياريت لما اللي حيرانين يرسو على مدرسة يقولولي ايه الأخبار

و آدي كمان مرجع :D

آي خدمة ;)

[HNaga]

انا فيه ناس رشحولى المصرية للغات فى التجمع الأول
ابنى حاليا فى مدرسة إسمها Roots
حد عنده فكرة عنهم؟

[Ahmed Selim]

السلام عليكم

معلش الموضوع قديم شوية بس أنا عندى أستفسار
مفيش حد من الناس اللى قالو رأيهم أو كانوا بيسألو عنده تحديث ؟؟؟

يعنى حد راح مدارس من اللى قولتوها وكان رأيه أيه ومصاريفهم أيه ؟

أنا بصراحة الموضوع ده عاملى قلق شوية....وخصوصاً أنى عاوز مدرسة لبنتى تكون متميزة دينياً و أكاديمياً برضه.....وبرضه تكون مصاريفها معقولة.

فى أنتظار أرائكم وتجاربكم.

[Ahmed Selim]

منارة الفاروق 7300 جم مصاريف العام السابق و لم يتم تحديد مصاريف العام المقبل حتى يوم السبت 28 فبراير + 1800 تقريباًُ الباص....برضه السعر مش محدد + حوالى 1000 الكتب و الزى

منارة الأيمان ( مدينة نصر ) 7500 مصاريف العام المقبل + 1800 باص


أى حد عنده معلومات تانى يا ريت يضيفها لو سمحتم.

[mohmd76]

سواء دفعت او لم تدفع فى مدرسة لغات او عربى او امريكى
طالما انت فى المحروسة فالنظام كله واحد + الدروس الخصوصية
ولا فرق فى المكان او نظام المدرسة لان المدرسين كلهم من نفس البلد وعلى نفس النظام

[Ahmed Selim]

سواء دفعت او لم تدفع فى مدرسة لغات او عربى او امريكى
طالما انت فى المحروسة فالنظام كله واحد + الدروس الخصوصية
ولا فرق فى المكان او نظام المدرسة لان المدرسين كلهم من نفس البلد وعلى نفس النظام

والله يا باشا أهو الواحد بيحاول يعمل اللى عليه و يسيب الباقى على الله....

الدروس أنا معتقدش أن هى دى المشكلة بالنسبالى دلوقتى بقدر ما تكمن المشكلة فى بيئة الدراسة والأهتمام بالدين.

ربنا يكرم أن شاء الله.

[Sharky]

أنا إبنى يا احمد فى مدرسة الرواد
دى مصاريفها حوالى 6000 الف بالباص و الزى

و مكانها مصطفى النحاس خلف العمارات إللى أمام التوحيد و النور إللى بعد مدرسة المنهل

[OlaOsman]

3 من أصحابي مدخلين ولادهم مدارس نور.. هي تربويا و دينيا كويسة جدا، انما تعليميا، نفس النظام العقيم بتاع إعموا العيال هوم ورك لحد ما يبان لهم اصحاب

فيه مدرسة تانية سمعت انها كويسة اوي اسمها تاجان Tajan و زي ما سمعت هي بترمز للتاجان (تاج العلم و تاج الإيمان). ممكن أجيب لكوا تفاصيل أكتر عنها لو حبيتوا.