مسابقة حفظ القرآن الكريم ... جزء عم

[زينة الله]

" و فى ذلك فليتنافس المتنافسون "

لنبدأ على بركة الله معا و نشجع بعضنا البعض على حفظ و مراجعة جزء عم


و قد بدأنا بسورة النبأ و حفظها البعض فلنستكمل سويا ما بدأنا


وهذا رابط للمصحف المعلم بصوت الشيخ محمود الحصرى


المصحف المعلم للقارئ :محمود خليل الحصري


فهلموا الى الذكر الحكيم و لنتدبر اياته و نفهمها


و فتح الله علينا جميعا


مع تحياتى و خالص امنياتى بالتوفيق

[زينة الله]

فين الناس اللى كانت متحفزة و مشتركة فى حفظ جزء عم قبل وقوع المنتدى

إين العزيمة ؟؟


أم تريدون جوائز و هو كذلك اقترحوا الجوائز

[زينة الله]

لما كبر خالد بن الوليد ..
أخذ المصحف .. وبكى وقال .. " شغلنا عنك الجهاد " ..
فكيف و نحن الآن .. مالذي شغلنا عنه ...
غير الدنيا وحطامها ..
فاللهم اجعلنا من أهل القرآن وخاصته يارب ..

[زينة الله]

و ذكر فإن الذكرى تنفع المؤمنين

[Islam_Shady]

انا معا كى

[زينة الله]

انا معا كى

و هو كذلك نحفظ النبأ و عندما ننتهى نبدأ فى النازعات

أنا الحقيقة راجعت على النبأ لكن سأنتظرك حتى تنتهى منها و تخبرنى

ربنا يزيد من المشاركين يا رب

و إن خفتم رياءا فأنا معرفش فيكم أحدا والله هههههههههه

وعلى الله قصد السبيل

[Islam_Shady]

انا و الحمد لله حافظ جزء عم بس محتاج مراجعة

هاراجعه كلو و بعدين ابلغك

ولا عندك خطة تانية؟؟

[esraatefa]

فكرة ممتازة جداا يا زينة. ربنا يجعلها فى ميزان حسناتك
وانا كمااان معاكى .انا حفظاة بس محتاج بردة شوية مراجعة

[زينة الله]

انا و الحمد لله حافظ جزء عم بس محتاج مراجعة

هاراجعه كلو و بعدين ابلغك

ولا عندك خطة تانية؟؟

مش خطة ولا حاجة بس كل فترة قصيرة نشوف وصيلنا فين و مين سبق عشان نتحمس

فكرة ممتازة جداا يا زينة. ربنا يجعلها فى ميزان حسناتك
وانا كمااان معاكى .انا حفظاة بس محتاج بردة شوية مراجعة

أهلا بك معنا يا إسراء مختفية فين بقى لك فترة ؟

سعيدة بمشاركتك معنا ... . .. راجعى وقولى لنا وصيلتى فين ؟؟ و نشوف مين هيسبق

[mesaharaty]

طيب يا جماعة هو الحفظ كده يعنى من غير تسميع
يعنى أحفظ واقول أنا حفظت خلاص أبقى كده حفظت ولا إيه
أنا عاوز شرح شوية للفكرة

[azmeralda]

ازيك شفتى التفسير ولا مقريتهوش؟

[mikho83]

أنا معاكم
أنا حافظو بردوا بس نراجع سوا وربنا يجمعنا جميعا في مستقر رحمته

[esraatefa]

أهلا بك معنا يا إسراء مختفية فين بقى لك فترة ؟

سعيدة بمشاركتك معنا ... . .. راجعى وقولى لنا وصيلتى فين ؟؟ و نشوف مين هيسبق

انا فعلا بقالى فترة مش بشارك علشان الكلية انا لسه فى سورة النازعات شكلك هتسبقينى يا زينة

[زينة الله]

طيب يا جماعة هو الحفظ كده يعنى من غير تسميع
يعنى أحفظ واقول أنا حفظت خلاص أبقى كده حفظت ولا إيه
أنا عاوز شرح شوية للفكرة

هو الصراحة الفكرة إننا نشجع بعض على استعادة حفظ ومراجعة ما تيسر من القرءان الكريم و لو حتى الأجزاء والسور التى كنا نحفظها من قبل و نحن صغار
و مسألة التسميع أعتقد أن الطريقة المتاحة لنا هى بالكتابة فى المشاركات وتصحيح الأخطاء و لكنها صعبه على بعض الزملاء

لذلك ممكن زوجتك أو أحد أولادك يسمعلك أو أى من زملاءك الحقيقين و ليس الإلكترونين مثلنا
و تبلغنا بأنك حفظت كذا و لنرى من الأسبق
و نحن سنصدقك لأن الموضوع ليس وراءه الا الدافع الشخصى للحفظ و المراجعة ابتغاءا لوجه الله

ازيك شفتى التفسير ولا مقريتهوش؟

ازيك يا ازميرالدا لعلك بخير الحقيقة شوفت و قرأت التفسير أثناء فترة توعك المنتدى فى الموضوع الأول لكن ما شفتش غيره أنت حتعملى لكل سورة موضوع تفسير
والا تشاركى معانا هنا فى تفسير كل سور جزء عم لتعم الفائدة على المشاركين بالحفظ معنا هنا و لو حتى بلينك لموضوعاتك
و جزاك الله كل خير عنا

أنا معاكم
أنا حافظو بردوا بس نراجع سوا وربنا يجمعنا جميعا في مستقر رحمته

أهلا بك معنا

"قال رسول الله صلى الله عليه وسلم : ( ما أجتمع قوم في بيت من بيوت الله يتلون كتاب الله و يتدراسونه بينهم إلا نزلت عليهم السكينة و غشيتهم الرحمة خفتهم الملائكة ذكرهم الله فيمن عنده ) "

فإذا كان لا يسعنا التجمع فى بيت من بيوت الله فلنتجمع فى هذا الموضوع و لنعتبره كتٌاب المنتدى

انا فعلا بقالى فترة مش بشارك علشان الكلية انا لسه فى سورة النازعات شكلك هتسبقينى يا زينة

لأ ما تقلقيش أنا بردا لسه فى النازعات
لأنى للأسف مشغولة اليومين دول لكنى سأحاول أن أتفرغ أكثر للحفظ إن شاء الله

[azmeralda]

ولكم مثله
لأ انا عملته تانى كامل لأن الأولانى اتمسح مع موضوعك ومتفرقش هنا او بره انا ساعتها ملقيتش موضوعك فحبيت انفذ وعدى اللى وعدته

http://www.nilemotors.net/nile/188256-a.html

وان اعمل التفسير ؟ انا شايفة الناس مش مهتمة تدخل تقراه يعنى 30 واحد تقريبا اللى فكروا يبصوا اصلا فمش عارفة بصراحة ايه السبب