جزمة أوباما و «جزمة» أحمد عز

[hugan]

المشكله مش في احمد عز
المشكله فينا احنا
الجين متوارث مش الجين 2
من ايام النحاس والملك
حرام تقارنا باوباما
احنا اقل منهم بكتير

[m_car]

مين قال انه راجل اصلا يعمل الحركة دى ويمسك حزمة لواحد

ده عاوز يتقاله كلمة واحدة حمراااااااااااااااااااااااا

[Medo007]

على اساس انه معوق مثلا ومش قادر يوطى معندوش ايدين؟؟

ربنا يشفي

[smsmxxxxxx]

شفتوا اوباما ابن الايه

لبس الجزمة ازاى واقف على رجل واحدة ولا ساند على حاجة ولا حد سانده

مع ان سنه مش صغير

بس الرياضة ليها مفعول برضه

-----------------------

محمد سالم

[pesso]

بلاش بس تفهمه غلط ده ياجماعه أن دل بيدل على محبه الشعب لهذا الرجل وهذا تصرف طبيعى لرجل محبوب من الناس ..لكن أوباما قولولى مين بيحبه من شعبه علشان كده سابوه يلبس جزمته لوحده ويتعذب ...بلاش افترى على الناس الطيبيين

[زهير فكري]

والله يا جماعه , انا مؤمن بالمقوله اللي بتقول ( ايه فرعنك يا فرعون قال ما لقتش حد يردني), يعني اللي بيصنع الطاغيه و المتسلط هو الناس اللي حواليه من منافقين و منتفعين و نصابين و مساحين جوخ ...الخ , بالاضافه الي طبيعه الشخص نفسه الذي في السلطه فهو الذي يحدد ان كان يقبل النفاق و الزيف و الغش او لا يقبل ذلك .

و طبعا تعليقي علي الصوره التي اهنئ المصور الذكي الذي التقطها و التي تكشف قمه التناقض و هي كيف اكون منذ لحظات اقف بين ايدي العظيم المتعالي , و اخرج و انا علي باب بيته و اتصرف هذا التصرف !!!؟؟؟ و بعدين ارجع اقول للناس صدقوني و ثقوا فيا تيجي ازاي دي ؟!!!!! , اعتقد في اختراع من زمان اسمه ( لبيسه الحذاء ) و بتتحط في الجيب عادي !! و لو مش عايز اخرج وسط الناس عشان عدم الاحتكاك او المضايقات افضل جوا الجامع لحد ما الناس تمشي يا اما اصللي في آخر الصف او في الساحه الخلفيه و اطلع اول واحد ! , اعتقد من وجهه نظري ان اللقطه دي
هتخسره من الناحيه السياسيه الكثير . و رحم الله سيدنا عمر بن الخطاب .

[rouzy]

عجبنى اوووووى كومنت جزمة فعلااااا
لانها فعلا جزمة وحلوة اوى ومتورنشة وبتلمع

[kh_talaat]

بس يبقي هما دول الجزمتين اللى رفيق كان عامل عنهم موضوع لكن لم يضع صور الجزم والناس فضلت 3 صفحات تعلق على جزم هيمش شايفاها
وشوف بقة المصريين لما يعلقوا على حاجة هما مش عارفين هي ايه ولا شايفينها كان فيه اراء كوميدية رهيبة

افسر ... أوضح .. أفطن .. يا دكتور محمد

[zaza_lanos]

انسان ليه كرامة
يعمل فيه كده

ساب ايه للحيوانات
حسبى الله ونعم الوكيل
فى انتظار الغضب الالهى