حد عنده معلومات عن فلاتر المياه المنزليه

[احمد المصرى]

السلام عليكم


كلنا عارفين ال المياه عندنا ذى الفل وعلشان كدا قررت انى لازم اركب فلتر فى البيت علشان تنقيه المياه من اى شوائب مش كويسه بس كنت عايز اعرف انواعه ايه وتكلفه كل نوع وايهم احسن واسعار قطع الغيار بتاعته واهم من دا كله اجيبه منين علشان ميتحكش عليا



والف شكر ليكم




ولو حد مجربه يقلنا ايه النتيجه هل هو كويس ولا ايه

[r0xer]

اولا خلينا نتفق ان كل المياه في كل دول العالم غير صالحة للشرب مش مصر بس عشان الناس واخدة فكرة عن مصر انها أسوأ بلد عندها مية.

فلاتر المياه كلها بلا إستثناء مضروبة طالما لم يتعدى سعرها ال3 الالاف جنيه.

لان اي جهاز او فلتر مش مصنوع من البوليبروبلين، مضر جدا للصحة واي حاجة معمولة من البوليبروبلين تمنها هيكون غالي لانه بالفعل غالي...

انصحك متشتريش حاجة من مصر لان كل اللي في مصر مضروب و هتلاقي شركات من عينة pure water و clear water الخ الخ كل دول نصابين وحرامية واجهزتهم مضروبة.

عليك وعلى مصانع العربي و أسألهم عن جهاز يكون معمول من البوليبروبلين...واعتقد تمنه هيعدي ال5 الاف جنيه.

غير كدا انا مثقش في حد لان فعلا اغلب الشركات نصابين في المجال دا وطالما هتشتري يبقى تشتري حاجة نضيفة ومرة واحدة.

ملاحظات ونصائح ومعلومات عامة اقولها لوجه الله :

ملاحظة : الحاجات اللي بالسعر دا مش مجرد فلتر ولكن جهاز كامل متكامل لتنقية المياه بيتركب في المطبخ غالبا.

ملاحظة 2: جميع مياه مصر بها صرف صحي و صداء و كلور و رصاص.

ملاحظة 3: ازازة المياه المعدنية الصغيرة، الواحدة يتعدى ثمنها ال60 جنيه.

ملاحظة 4: اياك ثم اياك ثم اياك الشرب في الازايز البلاستك حتى لو كانت المياه فيها كل بلاوي الدنيا انت هتزود المشكلة والكارثة لو شربت في الازايز البلاستك لانها سبب كل المصايب اللي ملت العالم وملت البلد . القلة "الاواني الفخارية" و الازايز الزجاجية هما أحسن وسيلة تشرب منها

ملاحظة 5: الجسم بيحتاج املاح كتيرة جدا والمياه ماهي إلا املاح فحاول لما تجيب جهاز ميكنش مستوى الاملاح فيه اقل من 100per million

ملاحظة 6: مياه النيل أنضف مياه في العالم ولكن المشكلة في شبكة المياه القديمة المتهالكة + مخالفات المصانع اللي بتترمي في النيل

طبعا انا عارف اني صدعتلك دماغك ولكن الموضوع دا حساس جدا لانه بيسبب في امراض خطيرة الله يعافينا جميعا منها..

[احمد المصرى]

جزاك الله كل خير بس كدا الموضوع كبير بس الواحد علشان يجيب فلتر ب 5000 جنيه طبعا مش كتير على صحه الواحد بس حاليا مش متوفر المبالغ دى علشان نحطها فى فلتر


امال ايه الفلاتر الغريبه ال بى 250 و 300 جنيه فى كارفور وهايبر دى


والله ربنا يرحمنا من المايه والاكل وكل حاجه اصبحت غريبه



والف شكر على مجهودك

[احمد المصرى]

uppppppppppppppppppppppppppppppppppppp

[heshamzaky]

أنا شجصيا مركب فلتر أنجليزى معروف جدا أسمة british berkefeld دة ماركة معروفة جدا جدا و صناعة انجليزية و كان بحوالى 380 بس من 6 سنين تقريبا و الشمعة الى داخلة لما بتغرها تمنها 70 جنية الاصلية و فية منها مضروب ب 30 جنية و دة كويس جدا من وجهت نظرى بس نزول المياة منة مش سريع قوى زى باقى الفلاتر بس فلتر كويس جدا

[amigooo]

وأنا عندى نفس الفلتر .. من عشر سنين واشهد لة بالكفاءة ... ولكن غسيل القلب الفخارى لابد كل اسبوع ..ولما تشوف البلاوى والطحالب اللى علية وكان مفروض تكون دخلت جسم حضرتك واولادك حتؤ من بضرورة الفلتر وأكيد لن تشرب كوب ماء واحد من خارج الفلتر .... ملحوظة مهمة الشمعة (قلب الفلتر ) لازم تتغير كل ستة شهور .

[heshamzaky]

وأنا عندى نفس الفلتر .. من عشر سنين واشهد لة بالكفاءة ... ولكن غسيل القلب الفخارى لابد كل اسبوع ..ولما تشوف البلاوى والطحالب اللى علية وكان مفروض تكون دخلت جسم حضرتك واولادك حتؤ من بضرورة الفلتر وأكيد لن تشرب كوب ماء واحد من خارج الفلتر .... ملحوظة مهمة الشمعة (قلب الفلتر ) لازم تتغير كل ستة شهور .

تمام كدة و نصيحة أغسل الشمعة بشوية ملح مش ب الليفة علشان ما تتجرحش دى نصيحة مضمونة

[احمد المصرى]

طيب ودا اجيبه منين يا شباب

[heshamzaky]

طيب ودا اجيبه منين يا شباب

أنا كنت جايبة من مصر الجديدة محل أسمة مركز التخفيضات بس حا تلاقية فى المحلات الكبيرة شوف عند السلاب ممكن تلاقية و بعض محلات السباكة الكبيرة بيبقى عندهم