الحمد لله نجوت من الموت

[amir]

انا لما عملت الموضوع ده كنت باحكي تجربه ممكن تفيد اي حد بعد كده لكن طبعا الموضوع خرج عن الطريق اللي كنت اتمناه
اما عن التزوير في الانتخابات طبعا شئ مرفوض وكنت اتمني ان لا يحدث في اي مكان في مصر لكن الانتخابات في مصر لعبه قذره اذا حبيت تدخل فيها يبقي تلعبها باحترافيه كامله لان منافسينك ايضا محترفين الحاجه التانيه اللي احب اوضحها ان التزوير ثابت باحكام قضائيه مش كلامي اللي هيثبته او هينفيه

يا فندم انا معرفكش معرفه شخصيه بس صدقني ازددت عندي احترام بموضوعك ده

[magyver]

طيب يااريت تحكلنا عن الحكااية دة اكتر
اهو نتعلم من حضرتك

[Car's Sniper]

اولا احييك علي اسلوبك في عرض وجهه نظرك دون الوقوع في الخطأالشهير بتاع علي صوتك و زعق زعق زعق

ثانيا
و الله العظيم انا مليش في الكوره لكن من صغري مغرم بالدبلوماسيه و السياسه و بدء حب الموضوع ده معايا بجريده العالم اليوم
كبرت و كبر معايا الاعجاب بالسبب اللي بيخلي مجموعه من البشر (دوله) ترضخ لمجموعه من البشر (دوله تانيه) و ممكن تكون مختلفه عنهم في اللغه و الدين و الموقع الجغرافي
قعدت مهتم بالموضوع و اقرا كل ما يمكن قرايته عن السياسه و الدبلوماسيه
عارف وصلت لأيه
وصلت اني ايام ثانويه عامه كنت بقتنص الفرصه اني اقعد مع حد عنده نفس الاهتمام (و غالبا مش في سني لأن اصحابي كانو ميعرفوش غير كوره ثم كوره و المزيد من الكوره) و من خلال القعده و الكلام مع من هم اكبر مني سنا وقتها تنامي عندي معلومات و احداث تاريخيه من ناس عاشو فترات مهمه غايه في الاهميه في تاريخ مصر الحديث و عرفت حاجات كان من الصعب اني اعرفها من خلال الكتب المطبوعه في مصر
و فضلت علي الوضع ده و مهتم جدا جدا و بتابع الاخبار المحليه و العالميه قدر المستطاع لدرجه ان قبل ما مجلس الامن الدولي يعلن عقوبات دوليه علي العراق كنت بتكلم وقتها ان اولي بيه انه يعاقب اسرائيل لنفس الاسباب و قياسا بذات المبدء و بعدها بفتره قصيره لقيت الكلام اللي كنت بقوله لمن حولي بيتكتب في الصحف و الناس في التلفزيون بتتكلم فيه
ياتري خدو مني الكلام اكيد لأ بس انا كنت بفكر بنفس الاسلوب و ان كان استنتاجي وقتها كان اسرع منهم
عارف
انا لما بكون مضايق من حاجه في البلد بقعد افكر و افكر ازاي ممكن يكون في حل للمشكله و بطلع بحاجات كتير منها ما هو خيال بحت و منها ما هو قابل للتحقيق علي ارض الواقع القريب و منها ما سيجني ثماره بعد ان يتوفاني الله

انا مش بقول اني زهقت او تعبت من الاهتمام بشئون البلد بس لما اليأس يتملك منك و تبص حواليك تلاقي ان منظومه محكمه بتتحكم في امورك و لا هروب منها و بقت عامله زي الدايره المغلقه و مطلوب منك البحث طول حياتك عن سبيل للخروج منها و عمرك ما هتوصل لبدايه او نهايه تبدء فيها

تحس انك عايش علي خشبه مسرح و الاحداث و ان اختلفت واحده و رتيبه و ممله و لا مناص من القعده و الفرجه سواء علي الكومبارس الصغيرين ولا علي النجوم الكبار
و مش هتلاقي سبيل غير دعوه ربنا ان ييجي بلطجيه من كباريه تاني و يسيطرو علي المكان و يديروه هما, و لو افتكرت الاوضاع بتاعت البلطجيه الانجليز و البلطجيه الفرنساويين هتلاقي انها كانت ارحم علي الاقل كان في نهضه علميه و ثقافيه و صناعيه و زراعيه و اقتصاديه

ولا الملك و ايام الملك فضها سيره بقي لأن صورته و عهده شوههم الاستعمار الداخلي تماما و اختزلهم في كام صوره في مخيلتنا الجمعيه , الكرباج و الفلاح الفقير المعدم او ابن الجنايني و بنت الباشا

فمش معني ان الكومبارس بيتغير ان السيناريو هيتغير ابدا ده بس منعا للملل و الرتابه و من ناحيه اخري علشان اي كومبارس يحلم بدور البطل ينسي احلامه دي تماما

لو عايز تاخد تخيل عن الوضع الحالي انصحك بقرايه روايه 1984 لجورج اورويل و ده لينك عنها في الويكيبيديا بالعربي بس حاول تقرا النسخه الاصليه او حاجه مترجمه طويله علشان تستمتع
http://ar.wikipedia.org/wiki/1984_(%d8%b1%d9%88%d8%a7%d9%8a%d8%a9)

و مزرعه الحيوان لنفس الكاتب و خد بالك ان الروايه دي بالذات استخدمتها الcia في حربها البارده ضد الروس عن طريق انتاج فيلم كرتوني عنها (انا لقيته اونلاين هو طبعا كرتون قديم بس الروايه مليانه رموز و تشفير منه البسيط و منه في منتهي العمق)
ظ…ط²ط±ط¹ط© ط§ظ„ط.ظٹظˆط§ظ† - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

و صدقني لو هنقعد نتكلم بصراحه و براحتنا حتي لو مسموح لينا و مباح مش هنوصل لحاجه الا اننا هنتعب عقولنا و تفكيرنا في ايجاد حل او مخرج تسبب فيه فئه قذره ممن سبقونا في الحياه علي الارض فنتايج اخطائهم محتاجه للاسف قرون من الزمن علشان تكون الثمره فسدت تماما و تقع لوحدها كما جرت الطبيعه نظرا لاستحاله قطعها دلوقتي لو ربطت بين الموضوع كفايده مقابل الدمار و الخراب اللي هينتج فورا لا محاله و العراق مثال واضح و صريح لكل ذو عقل و كفايه كده بقي بجد بالنسبه للموضوع كله

اما بخصوص معاتبتي للاعضاء اللي بيرجمو من اخطيء و اعترف

هو احنا خلاص بقينا ملايكه؟

بلاش دي

انهو الاحسن الواحد يغلط و يقر بغلطه اما الجميع

ولا الواحد يغلط و يداري غلطه و يقولك و بكل بجاحه لا مش غلطان

اكيد الاول احسن لكن بالاسلوب الثقافي و الاجتماعي و العرفي المنتشر بين المصريين سواء عن طريق المسلسلات او الافلام (المدير يغلط و يزعق في المرئوسين بكل بجاحه- لو حصل موقف غلط و صاحبه اعتذر لا يتم الاخذ بالاعتذار و مراجعه الاسباب اللي ادت لوقوع الخطأ لتلافيها مستقبلا بالعكس بيتبارو ازاي يسلخو و يرجمو المخطيء لدرجه تخلي اللي يغلط يفضل السكوت علي الغلط و التهرب منه بشتي السبل هربا من التنكيل بيه)
و كنت اتمني ان وجودنا في المنتدي و تفاعلنا فيه مع بعض يساعد علي رفع ثقافتنا و اسلوبنا و تفاعلنا مع بعض





الميزه في الفرص دي انها غير نادره بكره ان شاء الله يكون احسن و لغايه بكره ما ييجي مطلوب منا اننا نكون احسن من دلوقتي في شتي المجالات و ساعتها الاصلاح هييجي من تحت لفوق من من فوق لتحت
و

والله انا باكره الكورة جدا وعمرى ماتابعت ماتش لانى باعتبرها من تفاهات الشعب المصرى اللى مديها اكتر من حقها
وبمناسبة الموضوع دا عايز اعّرف الناس الفرق بين مشجعين بلدنا ومشجعين البلاد المتقدمة
الفرق اللى بننا وبينهم انهم عارفين قيمة اللاعب ومقداره لكن بردو عارفين قيمة العالِم ومقداره ويوم ماييجوا يقارنوا بين لاعب وعالم هايبقوا عارفين ان ده مجرد لاعب للتسلية ومايجيش حاجة جمب العالم
وده للاسف اللى مش موجود عندنا...عندنا ابو تريكة وعمرو زكى وكل اللاعيبة حاجة فظيعة جدا جمب دكتور جامعى مثلا ...مع انهم فى الحقيقة ولا حاجة جمبه...فى دكاترة اعرفهم مبهور بعلمهم ومش عارف دول ليه مش اتكرموا لحد دلوقتى

ومع احترامى لوجهة نظر حضرتك...الكلام دا فيه استسلام جامد جدا
يوم مايجيلى حرامى ويقولى انا حرامى ونفسى اتوب ...هاقف جمبه وادعيله ان الناس اللى سرقهم يسامحوه فى حتة الموبايل او الكام جنيه اللى سرقهم
لكن لما يجيلى واحد يقولى انا سرقت 80 مليون واحد ودمرت مستقبلهم وسبب فقرهم ومش مخليهم عارفين يلاقوا مأكل او ملبس او مأمن ....ماظنش انى ساعتها هاعرف امسك نفسى قصاده...ده فى حالة انى ماعرفتش الناس كلها عشان تيجى تاخد حقها منه بنفسهم

انا مابحبش اللى اسمه ابراهيم عيسى اللى يوم ييجى عامل فيها شيخ ويوم يعمل فيها البرنامج الزبالة حمرا..بس الراجل ده لسة شايفله فيديو من كام يوم ( للاسف مش عارف اجيبه تانى) كان بيقول فيه انه المفروض نتكلم ونقول اى حاجة والمفروض مانجيبش على لسانا جملة (ماهو دا المتوقع) فيما يخص تزوير الانتخابات لان ساعتها احنا بننشر شحنة السلبية جوانا وجوه اللى حوالينا كمان وبنقول للمزورين زورا كمان وكمان واحنا مش هانتكلم

و ساعتها الاصلاح هييجي من تحت لفوق من من فوق لتحت

اهو دا اللى معظم الناس بيقلوه وبيستشهدوا بان الهرم المفروض يتبنى من تحت لفوق وانا مش موافق على الكلام دا
وبما اننا فى منتدى سيارات فاهستشهد بسيستم العربية
كمبيوتر العربية هو دا الريس والسلوك هى باقية النظام والحساسات هى الشعب
لو عندنا الحساسات سليمة والكمبيوتر بايظ يبقى مالهش لازمة حتى لو كلها سليمة لكن لو عندنا الكمبيوتر سليم ممكن نمسك حساس حساس واحدة واحدة نصلحه وسقوم بوظيفته
اما بقى بخصوص باقى النظام فده حاله من حال الكمبيوتر
يارب اكون عرفت اوصل وجهة نظرى وآسف للاطالة

[amir]

والله انا باكره الكورة جدا وعمرى ماتابعت ماتش لانى باعتبرها من تفاهات الشعب المصرى اللى مديها اكتر من حقها
وبمناسبة الموضوع دا عايز اعّرف الناس الفرق بين مشجعين بلدنا ومشجعين البلاد المتقدمة
الفرق اللى بننا وبينهم انهم عارفين قيمة اللاعب ومقداره لكن بردو عارفين قيمة العالِم ومقداره ويوم ماييجوا يقارنوا بين لاعب وعالم هايبقوا عارفين ان ده مجرد لاعب للتسلية ومايجيش حاجة جمب العالم
وده للاسف اللى مش موجود عندنا...عندنا ابو تريكة وعمرو زكى وكل اللاعيبة حاجة فظيعة جدا جمب دكتور جامعى مثلا ...مع انهم فى الحقيقة ولا حاجة جمبه...فى دكاترة اعرفهم مبهور بعلمهم ومش عارف دول ليه مش اتكرموا لحد دلوقتى

ومع احترامى لوجهة نظر حضرتك...الكلام دا فيه استسلام جامد جدا
يوم مايجيلى حرامى ويقولى انا حرامى ونفسى اتوب ...هاقف جمبه وادعيله ان الناس اللى سرقهم يسامحوه فى حتة الموبايل او الكام جنيه اللى سرقهم
لكن لما يجيلى واحد يقولى انا سرقت 80 مليون واحد ودمرت مستقبلهم وسبب فقرهم ومش مخليهم عارفين يلاقوا مأكل او ملبس او مأمن ....ماظنش انى ساعتها هاعرف امسك نفسى قصاده...ده فى حالة انى ماعرفتش الناس كلها عشان تيجى تاخد حقها منه بنفسهم

انا مابحبش اللى اسمه ابراهيم عيسى اللى يوم ييجى عامل فيها شيخ ويوم يعمل فيها البرنامج الزبالة حمرا..بس الراجل ده لسة شايفله فيديو من كام يوم ( للاسف مش عارف اجيبه تانى) كان بيقول فيه انه المفروض نتكلم ونقول اى حاجة والمفروض مانجيبش على لسانا جملة (ماهو دا المتوقع) فيما يخص تزوير الانتخابات لان ساعتها احنا بننشر شحنة السلبية جوانا وجوه اللى حوالينا كمان وبنقول للمزورين زورا كمان وكمان واحنا مش هانتكلم

اهو دا اللى معظم الناس بيقلوه وبيستشهدوا بان الهرم المفروض يتبنى من تحت لفوق وانا مش موافق على الكلام دا
وبما اننا فى منتدى سيارات فاهستشهد بسيستم العربية
كمبيوتر العربية هو دا الريس والسلوك هى باقية النظام والحساسات هى الشعب
لو عندنا الحساسات سليمة والكمبيوتر بايظ يبقى مالهش لازمة حتى لو كلها سليمة لكن لو عندنا الكمبيوتر سليم ممكن نمسك حساس حساس واحدة واحدة نصلحه وسقوم بوظيفته
اما بقى بخصوص باقى النظام فده حاله من حال الكمبيوتر
يارب اكون عرفت اوصل وجهة نظرى وآسف للاطالة

ياتري قريت كلامي كويس بتمعن؟

فكر كده ايه اللي بيخلي الحله البريستو متنفجرش في البيت؟

حته صفاره بتنفس الضغط الداخلي علشان تمنع الانفجار, انا بقي رافض اكون مستسلم و في نفس الوقت مش عايز اخضع لفكر شيطاني يمكن ابليس نفسه مجاش علي باله و اشارك في حمايه الحله من الانفجار

السحر هينقلب علي الساحر لا محاله
و قواعد اللعبه مش في ايدك ولا ايدي
هل شفت و قريت المهازل بتاعت الانتخابات و البلطجه و الاجرام و خلافه؟
ده مثال بسيط للي ممكن يحصل لو فكرت انت بقي تنزل ترشح نفسك
و علشان ايه الا انك تكون من المشاركين الصامتين مطيعي الاوامر
يعني اقصي استفاده هتكون ايه من ورا كل ده لا عضو مجلس شعب هيغير قانون او دستور او نظام

انت بقي و انت قاعد علي الكيبورد و هتموت نفسك من الغيظ و الغضب بتفكر في مستوي اعلي بكتييييييير

لو تقدر يكون عندك قوه عسكريه شرسه و جهاز مخابرات علي مستوي عالي من الدهاء و الحنكه و امن دوله لا يغمض له عين
لو عندك كل الجهات دي ممكن ساعتها تقدر تتكلم في الوضع بس هتكون عندك مشكله رهيبه و اخطر من كل اللي فات
الدول الاجنبيه و العربيه و اسلوب تعاملها معاك و هل هترضي بيك ولا ساعتها هتدخل في حروب و نزاعات اقليميه و عالميه لا تنتهي متنساش ان ليهم مصالح و يضحو بكل شيء لحمايتها

فلو فعلا عايز التغيير كل اللي تقدر تعمله انك تحسن من نفسك في مجالك و لما كلنا ننضف بجد و نكون كويسين الوضع هيختلف
لكن كلام و كده مش هتاخد منه غير وجع الدماغ و من وجهه نظري ان الاستسهال هو ان الواحد يقعد يتكلم و يتكلم و يتكلم و فعل مفيش
و ما اصعب انك تحسن من نفسك

[Car's Sniper]

ياتري قريت كلامي كويس بتمعن؟

فكر كده ايه اللي بيخلي الحله البريستو متنفجرش في البيت؟

حته صفاره بتنفس الضغط الداخلي علشان تمنع الانفجار, انا بقي رافض اكون مستسلم و في نفس الوقت مش عايز اخضع لفكر شيطاني يمكن ابليس نفسه مجاش علي باله و اشارك في حمايه الحله من الانفجار

السحر هينقلب علي الساحر لا محاله
و قواعد اللعبه مش في ايدك ولا ايدي
هل شفت و قريت المهازل بتاعت الانتخابات و البلطجه و الاجرام و خلافه؟
ده مثال بسيط للي ممكن يحصل لو فكرت انت بقي تنزل ترشح نفسك
و علشان ايه الا انك تكون من المشاركين الصامتين مطيعي الاوامر
يعني اقصي استفاده هتكون ايه من ورا كل ده لا عضو مجلس شعب هيغير قانون او دستور او نظام

انت بقي و انت قاعد علي الكيبورد و هتموت نفسك من الغيظ و الغضب بتفكر في مستوي اعلي بكتييييييير

لو تقدر يكون عندك قوه عسكريه شرسه و جهاز مخابرات علي مستوي عالي من الدهاء و الحنكه و امن دوله لا يغمض له عين
لو عندك كل الجهات دي ممكن ساعتها تقدر تتكلم في الوضع بس هتكون عندك مشكله رهيبه و اخطر من كل اللي فات
الدول الاجنبيه و العربيه و اسلوب تعاملها معاك و هل هترضي بيك ولا ساعتها هتدخل في حروب و نزاعات اقليميه و عالميه لا تنتهي متنساش ان ليهم مصالح و يضحو بكل شيء لحمايتها

فلو فعلا عايز التغيير كل اللي تقدر تعمله انك تحسن من نفسك في مجالك و لما كلنا ننضف بجد و نكون كويسين الوضع هيختلف
لكن كلام و كده مش هتاخد منه غير وجع الدماغ و من وجهه نظري ان الاستسهال هو ان الواحد يقعد يتكلم و يتكلم و يتكلم و فعل مفيش
و ما اصعب انك تحسن من نفسك

بقضل الله احاول ان اجعل حياتى مثالية بلا اخطاء (ولكن من منا بدون اخطاء)....وعلى فكرة لما باقول الحق بزعل ناس كتير منى لكن طالما دا اللى يرضى ربنا مابيهمنيش حد
عشان كدة لما بكتب من ورا الكيبورد مابيبقاش كلام وخلاص وحماس زايد...بالعكس بتكون الافعال سابقة ويوم الانتخابات عملت مشكلة كبيرة لما لاقيتهم عايزين يقفلوا اللجان بدرى و اصريت انى انتخب واول ماخدت الورقة قطعتها قصاد عينهم بعد كل المشاكل اللى عملتها عشان اغيظهم وماقدروش يتكلموا و ماصوتش لانى عارف ان كل الصناديق دى هاتترمى فى الزبالة وهايتحط بدالها صناديق تانية...بس ماسكتش وخلاص

[amir]

بقضل الله احاول ان اجعل حياتى مثالية بلا اخطاء (ولكن من منا بدون اخطاء)....وعلى فكرة لما باقول الحق بزعل ناس كتير منى لكن طالما دا اللى يرضى ربنا مابيهمنيش حد
عشان كدة لما بكتب من ورا الكيبورد مابيبقاش كلام وخلاص وحماس زايد...بالعكس بتكون الافعال سابقة ويوم الانتخابات عملت مشكلة كبيرة لما لاقيتهم عايزين يقفلوا اللجان بدرى و اصريت انى انتخب واول ماخدت الورقة قطعتها قصاد عينهم بعد كل المشاكل اللى عملتها عشان اغيظهم وماقدروش يتكلموا و ماصوتش لانى عارف ان كل الصناديق دى هاتترمى فى الزبالة وهايتحط بدالها صناديق تانية...بس ماسكتش وخلاص

و الله انا مش قاصد اغلط فيك انا بس عايز اتكلم في نقطه بسيطه لو انت في حرب و ماسك بندقيه و قدامك العدو مش هتطلع تجري ناحيتهم و هما عددهم اكتر منك في العراء و تصرخ و تمطرهم بالطلقات
كده هتتنش طلقه من اي حد فيهم و هتموت قبل ما حتي تقدر تقف علي رجلك
لكن اللي في ايدينا حاليا اننا نحاول كل واحد يقف علي رجله
لو تاجر تبقي امين و تراعي ربنا لو مدرس تراعي ربنا لو مهندس تراعي ربنا و بالقياس هنوصل ليوم عدد الشرفاء و الملتزمين اخلاقيا و دينيا و اجتماعيا
لما ييجي اليوم ده الاوضاع هتختلف
هو مشوار طويل و يمكن ممل لكن مشوار الالف ميل بيبدء بخطوه ورا خطوه لحد ما ينتهي

[M.Mostafa80]

تحياتى لأرائك يأمير

[haneen83]

عادي يا جماعه ايه المشكله
فيه مثل بيقول
لما تروح بلد بيعبدوا فيها التور ...حش واديله
هي ماشيه كده
وعلشان تاخد حقك لازم كده
لما تبققي البلد كلها نضيفه نبقي نلوم اللي شذ عن عن القاعده
بس هي كلها ماشيه كده

:(
بجد يا استاذ شنورى انا اتصدمت فى رأى حضرتك جدا

[amir]

تحياتى لأرائك يأمير

شكرا للثناء بس صدقني انا مش اهل ليه قوي كده

:(
بجد يا استاذ شنورى انا اتصدمت فى رأى حضرتك جدا

ممممم
لما نشوف بكره ان شاء الله ابو الشنانيير هابقي انقل ليه تحفظك و تحفظي علي التعليق ده بس متنساش ان طول الرقود بيعلم الاستمتاع بيه خاصه ان المشكله بقت عويصه جدا جدا علي الحل و ربنا قال ان مع العسر يسرا ان مع العسر يسرا

[Car's Sniper]

و الله انا مش قاصد اغلط فيك انا بس عايز اتكلم في نقطه بسيطه لو انت في حرب و ماسك بندقيه و قدامك العدو مش هتطلع تجري ناحيتهم و هما عددهم اكتر منك في العراء و تصرخ و تمطرهم بالطلقات
كده هتتنش طلقه من اي حد فيهم و هتموت قبل ما حتي تقدر تقف علي رجلك
لكن اللي في ايدينا حاليا اننا نحاول كل واحد يقف علي رجله
لو تاجر تبقي امين و تراعي ربنا لو مدرس تراعي ربنا لو مهندس تراعي ربنا و بالقياس هنوصل ليوم عدد الشرفاء و الملتزمين اخلاقيا و دينيا و اجتماعيا
لما ييجي اليوم ده الاوضاع هتختلف
هو مشوار طويل و يمكن ممل لكن مشوار الالف ميل بيبدء بخطوه ورا خطوه لحد ما ينتهي

اسف لو كنت انفعلت..بس صدقنى لو 99% من الشعب ملتزم و1% غير ملتزم(النظام الحاكم)...يبقى وكأن شيئا لم يحدث لانهم مش هايدوا فرصة لغيرهم لاصلاح البلد...انا نفسى البلد دى تخرب وتجيب آخرها يمكن الشعب ساعتها يتحرك بجد(ثورة جياع)..

[alaa99991111]

3125854]الانتخابات دي كانت فريدة في إن في بعض الأحيان كان التزوير لمنافسين الوطني[/QUOTE]


مستحيل والف مستحيل

اولا الانتخابات هي كذبة وبيوهمونا بيها عشان نصدقها وان الديموقراطية واخده حقها في البلد

وانا لا انتمي لاي اتجاه ولا اشارك ابدا في الانتخابات والمرة الوحيدة كانت من 12 سنة وبحكم عملي في شركة مقاولات مشهورة جدا جدا صاحبها بيرشح نفسه علي طول وبيكسب طبعا لانه يتبع الحزب الوطني وكنت شاهد علي كيفية التزوير بالرغم من وجود وكيل نيابة مشرف علي اللجنة واشهد بانه لم يتم التزوير من داخل اللجنة ولكن من خارجها حيث كنت مندوب داخل اللجنة لاحد المرشحين المستقلين ولكنه تابع للمرشح الرئيسي ويعمل بشركته و ذلك لضمان ان جميع المندوبين تابعين للمرشح الرئيسي
ولو اتعمل موضوع عن كيفية التزوير ساشارك فيه

واستغفر الله العظيم واتوب اليه