الحق بسرعة لقطة لقطة

[max666666]

عربية لقطة وفرصة العمر وحاجة خطيرة وملهاش حل وخرافة و رائعة و

جامدة جدا وشبابى جدا مواصفات خليجى و هى من اليابان وبلد الصنع كوريا
و تقفيل المانى

العربية دى يا سادة فعلا ملهاش حل وهى نادرة ولهواه الفخامة يعنى الفقرا
مايدخلوش هى فرصة لن تتكرر...


مواصفات السيارة الفارهة:-(انظر جيدا علشان تعرف قيمتها) بص كويس....

1- يوجد بيها ميزة ليست موجودة غير فى عربيات قليلة والفارهة (اربع ابوب)ايوه اربعة بحالهم وكمان فيهم اوكر فى كل باب ..شوفت بقى


2-و لاول مرة فى تاريخ السيارات السيارة تمشى على اربع كوتشات..علشان
توازن العربية ..يا سلام اهو ده الكلام يا بلاش

3- علشان الرؤيا الواضحة فى السواقة يوجد بيها 2مرايا جانبية..تحفة

4-وعلشان خاطر المدام تحط كيلو الطماطم وهى مستريحة .يوجد بالسيارة
شنطة واسعة اوى اوى... وممكن تحط فيها حماتك لما تيجى تقتلها .

5-و علشان الامان السيارة مزودة بنظام جديد يسمى (الفرامل) علشان
متلبيسش فى حد لا قدر الله

6-و للرفاهية والمتعة و الاحساس بالراحة فى القيادة السيارة بيها نظام تحكم
جديد اسمه(دريكسيون) )وليس هذا فحسب فانها طارة اسبور ايطالى ماركة
(غطاء حلى)

7-والسيارة بيها نظام (مرن جسمك) علشان الناس الى بدور على التخسيس
يعنى مافيهاش بور وزن (الدريكسيون) 3 طن صافى ...يلا ياعم انبسط وخس..

8-و بمناسبة الجو الحار والشمس الحارقة ولان السنة بقيت كلها صيف
السيارة مزودة بنظام تبريدنظام (هوى بنفسك) لان (التكيييف) بقى موضة
قديمة ....يعنى خلاص مافيش غير المروحة الورق الى بتهوى على بيها على وشك..

9-السيارة رائعة من الداخل (الدواخل فبريقة) ماعدة انها بيها كثير من بارومه
ومزيدمن صدأ و 50 حادثة قبل كدة بس ..يعنى عربية زيرو

10-الموتور اكثر من رائع قياس الكبس 0 من 100محتاح عمرة او يترمى فى
الزبالة(دى ترجع للمشترى هو حر

11-الخوارج سليمة 100/100 ماعدة انها مغيرة النص القدام والنص الى ورا
والسقف والشنطة وفيها لحامات كتير بس ..حتة حديدة

12- الكهربا ممتازة مش هتصدق لما اقولك انك ممكن تمشى بيها 10 متر من غير ماتوقف

13-الصالون فوق فوق فوق المذهل ولمزيد من الرفاهية بيها اتنين كرسى مطبخ حديد ممتازين

14- البطارية لسه جديدة من يومين نوعها( انرجايزر) 100000فولت ...يعنى
تشغل كهربا شارع بحالة مش عربية ...شوفت النزاهة

15-السيارة موفرة جدا فى البنزين فعلا الموتور 30000 سى سى الصفيحة بتعمل 50000كيلو جوا البلد..ياسلام على التوفير

16-العفشة مجددة بالكامل الا انها تحتاج لمساعدين وسوست ومقصات
وجلب بس عشر على عشرة

17-و علشان الاخوة المدخنين السيارة بيها ولاعة من ام 2 جنيه وينفع تتملى
كمان ......دخن وعيش

18-ولمزيد من الكماليات يوجد بيها ازاز (يدويتيكى)يعمل بايدك انت ...يا
سلام على الدلع

19- و لمزيد من الروشنة يوجد بيها اربع جنوط صينى من النوع البايظ الى
بتتكسر بسرعة ...يلا روش يا عم

20- وللمنظر الداخلى التابلوه لسه جديد الا انه لا يوجد بيه نور تماما ممكن
كشاف 5 جنيه يقضى الغرض وبيه كثير من الشقوق والتقطيع وممكن لو
قرفت من منظره ممكن تتف عليه براحتيك

................ملحوظة مهمة................*
علشان انا انسان عندى ضمير اوى لازم اقولك على عيوبها هى محتاجة ظبط
زوايا علشان ممكن تتقلب بيك لا قدر الله
و الفوانيس الى ورا والى قدام مش
شاغلين وبس

النوع : سمك لبن تمر هندى
السعر :مفاجاة مفاجاة مفاجاة 3 مليون جنية وبس
الموديل: سنة 2000 قبل الميلاد
ظروف البيع :لدواعى السفر (اصل انا مسافر السنبلاوين) وشكرا
الاتصال للجادين فقط التجار لا علشان بيفطسوا الحاجة
واحب اقول كلمة اخيرة : يا بخته الى هشتريه العربية اركب وانبسط يا
محظوظ


.................................................. .................................................. ................................
هههههههههههههههههههههههههههههههههههههههههههههههههه ههههههههههههههه

هههههههههههههههههههههههههههههههههههههههههههههههههه ههههههههههههههه

هههههههههههههههههههههههههههههههههههههههههههههههههه ههههههههههههههه

انا اسف بس انا حاسس ان دماغى لسعت او اتجننت من كتر الى شوفته فى

الاربع الشهور الى فاته اصل كنت بشترى عربيه وشوفت اشكال والوان
من الكدب والنصب والعربيات التعبانه الى يقولك الاتصال للجادين طيب مش

لما تبقى انت جدى الاول ومتضحاكش على الناس فى حالة العربية والى يقولك

دى لقطة وهى(ورطة) و انها حالة شاذة ليه يعنى اى حد يظبط العربية

هتقبى ممتازة بس مش هتبقى شاذة وانها على الشعرة وهى (قرعة) وتعبانة

وهو مش محتاجة مصروفات هى عاوزة الافات يعنى انا عملت الموضوع ده

علشان اصحابى واخواتى الى اتحرق دمهم مصاريف و مضيعة وقت على كشف

على العربيات على الفاضى فحاولت اضحكهم شوية واقولهم ربنا معاكم ومعانا

اهى احسن من نار المواصلات وجحيم التاكسى
((((((و طبعا)))))))مع كامل
احترامى للناس المحترمة الصادقة الامينة الى بتبيع عربيتها بزمة وضمير وبتقول
الحقيقة

وشكرااااااااااااااااا

[khalid_adel]

عندك حق واللي يدور في المستعمل حيلاقي مسخره وفكاهه اوي زي الكوليكشن الجامد اللي انت قولته ده

[max666666]

عندك حق واللي يدور في المستعمل حيلاقي مسخره وفكاهه اوي زي الكوليكشن الجامد اللي انت قولته ده

شكرا يا كبير على المرور بس الواحد والله بيشوف ويسمع حاجات تخنق اوى

[tutankhamoun]

مرة واحد صاحبي كان عايز يشتري عربية
شاف اعلان في الوسيط تقريبا عن عربية هيونداي أكسنت موديل 2000 على ما أعتقد و قالي تعالى معايا نروح نشوفها
أولا الاعلان كان بيقول
سيارة مش محتاجة مصاريف ... و فبريكة

و عينك ما تشوف الا النور أنها فبريكة ....... محدش لمسها قبل كدا في صيانات ..... يعني من من ساعة ما خرجت من المصنع محدش عمل فيها مسمار أو مفك ........ و لذلك هي فبريكة و كمان كان طالب فيها مبلغ و قدره

طبعا مشينا على طول أو ما شوفنا المنظر .........

و فيه حاجة كمان بتفقع ............ كله يعمل اعلان و يقول ....... لأعلى سعر ............. حاجة تفرس

[max666666]

هههههههههههههه ده العادى فى المستعمل

مرة واحد صاحبي كان عايز يشتري عربية
شاف اعلان في الوسيط تقريبا عن عربية هيونداي أكسنت موديل 2000 على ما أعتقد و قالي تعالى معايا نروح نشوفها
أولا الاعلان كان بيقول
سيارة مش محتاجة مصاريف ... و فبريكة

و عينك ما تشوف الا النور أنها فبريكة ....... محدش لمسها قبل كدا في صيانات ..... يعني من من ساعة ما خرجت من المصنع محدش عمل فيها مسمار أو مفك ........ و لذلك هي فبريكة و كمان كان طالب فيها مبلغ و قدره

طبعا مشينا على طول أو ما شوفنا المنظر .........

و فيه حاجة كمان بتفقع ............ كله يعمل اعلان و يقول ....... لأعلى سعر ............. حاجة تفرس

هههه المنظر اتهاريت منه المشكله الى بيبع فاكر انه كده هيبعها بسرعة طيب ماهو المشترى هشيوفها مش هيبقى مغمض يعنى

[Mostafa.Mahran]

كله كوم و حوار دواعى السفر كوم تانى

انا مش عارف الناس فى مصر مخلصوش ليه مع انهم كلهم باعو عربياتهم و سافرو

[aif]

استعمال طبيب ..... حتى السماعة بتاعته لسة في العربية

[max666666]

ههههههه فعلا الناس كلها سافرت

استعمال طبيب ..... حتى السماعة بتاعته لسة في العربية :c_laugh[1]:

هههه حلوة يا ريس وانا برضه مش فاهم ليه حكاية استعمال طبيب بتفرق فى تمن العربية

[tamertamer]

مرة رحت شفت عربية فرنا لواحد صحبى لدواعى السفر ببص على السقف لقيتة معوج اتريها مقلوبة بقلة اة دة قلى ابن الجران بيتنطط عليها

[max666666]

مرة رحت شفت عربية فرنا لواحد صحبى لدواعى السفر ببص على السقف لقيتة معوج اتريها مقلوبة بقلة اة دة قلى ابن الجران بيتنطط عليها

طبعا لازم يخترع عذر كويس انه مالكيش انه هو الى كان بينطط عليها

[beetleMOSH]

هههههههههههههههههههههههههههه
صباح الضحك والله

اهى هى دى عربيه المستقبل
هع هع هع هع

[bob12345]

YouTube - Hyundai Egypt resale value - Don't try to be a wise guy

[max666666]

هههههههههههههههههههههههههههه
صباح الضحك والله

اهى هى دى عربيه المستقبل
هع هع هع هع

شكر على مرورك يا باشا

youtube - hyundai egypt resale value - don't try to be a wise guy

هههههههه لا بس التانية فيها اوبشن اكتر

[beetleMOSH]

هههههههههههههههههه
ههههههههههههههههههههه
هههههههههههههههههههههههه
الفيديو ده جاااااااااااااااااااااااااااااااااااااحد
ههههههههههههههههههههههههههههههههههه
هههههههههههههههههههه

[bob12345]

هههههههه لا بس التانية فيها اوبشن اكتر

اكيد الهاي لاين بتعتها :b4_048: