تقوية الاعصاب .................

[midoabdeen]

ازيكم ياجماعة عاملين اية
انا كنت عامل موضوع قبل كدة عن المكملات الغذائية وخيرا قررت انى امشى فى السليم احسنلى وخلينى فى الاكل الطبيعى
بس دلوقتى انا لاحظت ان ذراعى الشمال اضعف من اليمين والموضوع دا عامليى مشكلة فى التمرين
ياريت اللى يعرف اى حاجة لتقوية الاعصاب بس طبعا حاجات طبيعة يدلنا عليها
هو انا عارف ان الموضوع دا هايختفى مع التمرين
بس انا عايز اشتغل باردوا على العصب علشان ماجيبش ورا اول باول

[A7MED_PHARMA]

على فكرة الكل كده
الدراع الشمال دايما أضعف من اليمين..
علشان اليمين بيستخدم أكتر من الشمال في الاعمال اليومية
فإنت ممكن تزود عليه العدات في التمرين أكتر من اليمين
وهتظبط مع الوقت

[zago]

ده الطبيعي
الا لو انت اشول
ساعتها اليمين حتكون اضعف من الشمال

[midoabdeen]

طيب ياريت لو حد بعرف اعشاب او اطعمة لتقوية الاعصاب لتعم الفايدة مش انا بس الموضوع عام علشان كلة يستفيد

[midoabdeen]

والله يا جماعة حاجة غريبة جدا ان يبقى المشاهدات 31 ومافيش غير 3 مشاركات بس ؟؟؟؟؟؟؟
لفظ الجلالة يكتب الله

[نور القمر]

اضعف ولا بيوجعك بسرعة من المجهود
انا عندي اليمين اضعف مع اني مش شولة ولوعملت بيه مجهود او شيلت حاجة تقيلة بيوجعني ومعرفش اشيل بيه طفل مثلا
الدكتور قالي ضعف اعصاب وعلاجة حقن ب 12

[A7MED_PHARMA]

اضعف ولا بيوجعك بسرعة من المجهود
انا عندي اليمين اضعف مع اني مش شولة ولوعملت بيه مجهود او شيلت حاجة تقيلة بيوجعني ومعرفش اشيل بيه طفل مثلا
الدكتور قالي ضعف اعصاب وعلاجة حقن ب 12

ديوفيت بي 12 (10.5 جنيه)+ 3 سرنجات(1.5)
يبقا الحساب كله 12 جنيه

[otefa]

أحسن قرار أخدته التغذية الطبيعية
ركز تمرينك أكتر علي الشمال
بس أنت ماقولتش عضلات الأيد الشمال كلها أضعف (باي وتراي وريست)!

[midoabdeen]

أحسن قرار أخدته التغذية الطبيعية
ركز تمرينك أكتر علي الشمال
بس أنت ماقولتش عضلات الأيد الشمال كلها أضعف (باي وتراي وريست)!

الدراع كلة فى اى تمرينة بيبقى اضعف من اليمين هو دا شىء طبيعى انا عامل الموضوع اصلا علشان مقويات الاعصاب علشان الكل يستفاد

[E30power]

ديوفيت بي 12 (10.5 جنيه)+ 3 سرنجات(1.5)
يبقا الحساب كله 12 جنيه

الفيتامين بيتاخد على تلت مرات يا دوك ولا اية نظامة ... وبتكون وريد ..؟؟؟

ولية اضرار

[A7MED_PHARMA]

الفيتامين بيتاخد على تلت مرات يا دوك ولا اية نظامة ... وبتكون وريد ..؟؟؟

ولية اضرار

لا
العلبة فيها 3 أمبولات...
بتتاخد عضل كل تالت يوم في الغالب

[micromoud]

فيتامين ب مركب اقراص

[E30power]

لا
العلبة فيها 3 أمبولات...
بتتاخد عضل كل تالت يوم في الغالب

والى عندة مشاكل من الحقن يعمل فى نفسيتة اية يا احمد ....اريد حلالالالا تكسب ثواب كان الكابتن قايلى علية انو حل بس مكنتش مهتم لكلامة اووى ولسة نطة الفكرة دلوقتى فى دماغى

[ahmad--ezzat]

[QUOTE=midoabdeen;3873126015]والله يا جماعة حاجة غريبة جدا ان يبقى المشاهدات 31 ومافيش غير 3 مشاركات بس ؟؟؟؟؟؟؟
لفظ الجلالة يكتب الله[/
QUOTE]
.
.
.
.
.
براحه بس :)
مش اى حد بيدخل الموضوع بيكون عنده رد يا ميدو

بص يا سيدى اولا متحكمش دلوقتى...استنى شويه...مش اقل من شهر فى التمرين...دى الحاجه

الحاجه التانيه...لما تلعب باى مثلا...ابتدى بالشمال وهات اللى تقدر عليه فى العدات...وبعد كده هات زيهم فى اليمين...ولما تلعب بنش ارفع بالشمال زى اليمين (اقصد تركز فى الشمال متميلش منك)

الموضوع عايز اهتمام بالشمال بس مش اكتر...انا كنت زيك بس ظبط الدنيا

ولو الشمال تعبت معاك فى تمرين الباى مثلا....قلل الوزن....ومتمشيش بمبدأ( اليمين بتشيل خلاص يبقى اشيل)
لا شيل اللى تقدر عليه الشمال

وانصحك تاخد حقنه (بــتــلـــوفكس) دى ب 7 جنيه من الصيدليه فيتامن b ودى خدها كل اسبوع ودى فى العضل

واستمر عليها 4 اسابيع او 5 دى بتقلل الرعشه جامد....وزود من البروتينات...زى اللبن والفراخ والبيض...وطبعا تبعد عن ال..........

عشان تعرف ترفع اوزان بدون رعش....ومتستعجلش...شهر بالكتير وهتبقى حلو اوى

[beetleMOSH]

.وطبعا تبعد عن ال..........



انا كنت كاتب رد معرفش راح فين
بس الرجاله قامت بالواجب

بص انا عن نفسى ايام التمرين كنت باخد اقراص اسمها بيوروبيون او نيوروبيين
مش فاكر
هى فيتامين ب 6 و ب 12
و كان فى حقن بس مش فاكر اسمها بصراحه
بس هى كان فيها حرف ب

المهم زى مااتقالك كده ركز فى التمرين مع الشمال شويتين تلاته
و حاول تلعب بوزن كويس و العب براحه
على بال ما الشمال تبتدى تشد نفسها شويه بس
و اى حد كده
انا مكنتش بعرف ارفع دمبل 10 بالشمال فى الباى
ولا حتى دمبل 5 فى لاتراى ( فرنش فردى )
بس بعد كده بقت الاوزان تعلى بس واحده واحده

و ابقى زود شويه فى لعب الريست خصوصا فى الشمال
هاتفرق معاك اوى اوى
و دى عن تجربه يعنى
انا فضلت ورا الشمال دى لحد ما خلتها قريبه ل قوه اليمين
بس طبعا مش نفس التحكم

و ربنا معاك