من غيــــر عـنوان احسن.....!!!!!

[دموع الثلج]

السلام عليكم
من فتره وانا حاسه بتغير سريع فى المجتمع المصرى وفى سلوك المصريين
من الاخير عنــــــــــدى احبــــــــــــاط من احوال الناس ومن تعاملاتهم ومن اوضاع وسلوكيات الناس فى الشارع وفى الشغل وفى كل مكان

وفقدت الامل فى ان البلد هتتصلح فى يوم او ترجع حتى مكان نشعر فيه بالامان

كل شى حوالينا اصبح محبط وكئيب وكله سلبيات
حوادث طرق زحمه غلاء معيشه رشوه اهمال فى كل مكان سرقه نصب واحتيال على الغلابه وغيرهم اهانه لكرامه المصرى فى الداخل وفى الخارج قمع وقهر لو فكرت تطالب بحق ليك
لو نزلت الشارع لازم تتسرق
او تتخانق
او تتخنق من حد
او تزهق وتقرف من الزحمه ومن الناس
او تستغل وتجبر على دفع اتاوه مش رشوه كمان لا احنا اتطورنا ورجعنا لعصر الفتونه وبقينا بندفع الاتاوه بمزاجنا وبالغصب كمان
الناس بتدور على اى شى عشان تتخانق مع بعض وخلاص
شكل الشباب والبنات بقى يخوف البنات لبسهم بقى زفت ومقزز و غير اخلاقى والشباب ذيهم بالظبط لبسهم اصبح اكثر سؤء وفى الاخر يقولوا موضه خصوصا فى الصيف:o
فقدنا القدوووه وفقدنا الرقابه فى البيوت واصبح التمسك بالدين ااقل


فيه حد عنده نفس الاحساس ولا انا متشائمه بس
احنا ليه بقينا كده .................. لو حد يعرف يجاوبنى !!!!

[Dr_Mido]

عندى اكتر منه لاحكتاكى افى السوق والماعاملات التجاريه بمبداء ان مكنتش معايا تبقى عليا

والاجبار مش فى كدة وبس لا بتوصل لرفع الاسعار والاجبار على رفع السعر والا مش هتبيع تانى
وكله يرفع السعر والمريض مش مهم عادى

ولو الوحد كبر شويه لازم يدخله شريك بالعافيه او لو رفضت الوضع معرف مضاربات لحد متخسر فالافضل هتساير

شغل علشان ياخد موافقات ويدخل بدفع نص سعرة هدايا و شاى وسجاير وقهوة وكل الاصناف

وبالتالى بحمل سعر اللى اتدفع دة على اللى بوردلهم المنتجات

وهما بالتالى بيرفعو على المريض فى الاخر

بيبقى فى المخازن بتاعه المصانع مواد خام تكفيه سنه وبرضه لو سعرها يعلى برة بيعلى سعر اللى متخزن عندة

السوق فى مصر جشع استغلال بلطجه احتكار وكل الكلام الكبير دة موجود برضه

الواحد من ساعه مبيصحى يابيستغل حد ياحد بيستغله

ولو ليا حق مع حد ثقى تمام الثقه ان لو معاكى حكم محكمه برضه مش هيتنفذ

عندنا ارض كانت متاخدة وضع يد وخدنا حكم بانها بتاعتنا

ومتنفذش الا اما اجرت بلطجه وعملنا مجزرة وطلعنا اللى كانو فيها

للاسف قانون الغاب سايد ويتبقى اسد يتبقى ارنب

انا عملت موضوع قبل كدة كان اسمه انت مش انت بتكلم فيه على لو انك فكرتى من سنتين فى نص اللى بتعمليه دة كنت هترفضى مجرد التفكير فيه دلوقتى مش بس بتفكرىى فيه لا بتحاولى تقنعى نفسك انه صح مع انك مقتنعه ان غلط

وردا على سؤال احنا ليه كدة

احنا بقينا كدة لاننا بقينا جشعين توكيل العربيه عايز لو طال يركب فيها قطع غيار بلاستك هيعمل كدة وطظ فينا وفى سلامتنا

وافران العيش بتاخد الدقيق المدعم وتبيعه

والاناابيب كذلك

معظم القرى مفيهاش مياة شرب واحنا بنصر الغاز الطبيعى لدول ملوش لازمه ذكر اسمها

السماح بشكل غير رسمى بالاحتكار لكافه السلع فى السوق المصرى مع دفع( رسوم السماح بالاحتكار)

التفنن فى القانون لاستنزاف الملاليم من جيوب الناس و المقابل العكس ابتكار الاف الطرق لسرقه الحكومه والضحك عليها وهكذا وهكذا
نختصر كل دة فى الكلمتين دول
العمل بمبداء الشعب لابد ان يكون فقيرا الفقراء يدخلون الجنه

[دموع الثلج]

يا دكتوووور ميدو انا شفت موضوعك السابق فعلا وشاركت معاكم

لكن كل يوم الوضع يزداد سسسوء ويزداد عتامه

انا نفسى اعرف احنا رايحين على فين ومصر رايحه على فين

مستحيل تكون رايحه لنقطه تحول عشان تصبح ذى اى دوله متقدمه

ممكن تكون رايحه للاتجاه العراق ولا لبنان ولا السودان ولا فيين ......!!؟

طيب واحنا هنعمل ايه
طب احنا بيتفرض علينا نشارك فى النصب وندفع الرشوه ونقهر
طيب هل ربنا هيحاسبنا على اللى بيحصل فينا......
الحقيقه انا مبقتش فاهمه اى شى ونفسى افهم اووو القى حد فاهم

[Dr_Mido]

مصر رايحه فين
مصر رايحه لطريق ثورة الجياع زى بتاع السادات
ودى غالبا هيحصل قريب او بداء على نطاق ضيق من قتل على رغيف عيش ومعركه بالبشوم للاختلاف على طابور الجمعيه او المنطر اللى ميرضيش ربنا اللى اقسم بالله بشوفه
وكان شتاء ودرجه الحرارة االقل من 8
وراجع البيت الساعه 4.30 الفجر والجو ميتوصفش وقافل القزاز ومشغل التكيف سخن وما لايقل عن 20 ست و اولادهم مستنين الفرن يفتح فى الجو دة
منظر بجد يحرق دم اى كائن حى لو بيفهم مش هقلك بنى ادم

لاعلانات الشركات عن شقق بمقدم بسيط لمحدودى الدخل وتبصى تلاقى السعر واصل ل 350 الف واعلانات حمامات السباحه و كل دة
بيتخزن بس بجد لو طلع محدش هيقدر يتخيل الموقف هيبقى ازاى

انا دكتور صيدلى لسه مخلتصتش شغل وعندى شركتين يغاليين فى مجاليين مختلفين بس اول مخلص دراسه هصفى الانشطه هنا واسافر اى بلد تانى او اسيبهم هنا يبقو فروع والمقر الرئيسى فى اى ماكن تانى غير هنا

[أبو عبدالله]

قال صلى الله عليه وسلم

((( الخير فيَّ وفي أمتي إلى يوم القيامة )))


مهما رأيت في الشارع والناس ولكن ربي أعلم بنا

[Karim_Monir]

والله انا قلبي بيوجعني على ولادي وعلى مستقبلهم
كلامكم صح 100% بس البلد مش هايحصل فيها ثورة جياع
لان نسبة التواجد لافراد الامن اصبح فرد امن لكل 5 افراد
يعني سدس الشعب يا بيشتغل في جهة امنية يا سلطة يا تبعهم
يعني هناك سيطرة بيد من حديد بارد على الشعب
والناس استنزفت كل قواها ومابقاش فيها حيل انها تقوم لا بثورات ولا مظاهرات جماعية
انتم نسيتم قانون الطوائ
نسيتم المعتقلات
نسيتم ال .......
يوووووة
شكلى انا اللي هاستعمل استوك الحلاوة الطحينية خليتو الواحد يتفتح ليه

[Dr_Mido]

;)وانت برضه افتكر الضغط المفرط على الشعب المصرى على مر العصور وعلى جبروت الحكام زمان و النهايه المعروفه

:dالا صحيح هو مبيدخلوش حاجه غير الحلاوة اصلى مبحبهاش

[ahmed1981]

السماح بشكل غير رسمى بالاحتكار لكافه السلع فى السوق المصرى مع دفع( رسوم السماح بالاحتكار)

دولة حماية الإحتكار والمحتكرين

يقول النبي صلى الله عليه وسلم:
حَدَّثَنَا مَحْمُودُ بْنُ خَالِدٍ الدِّمَشْقِيُّ، حَدَّثَنَا سُلَيْمَانُ بْنُ عَبْدِ الرَّحْمَنِ أَبُو أَيُّوبَ، عَنِ ابْنِ أَبِي مَالِكٍ، عَنْ أَبِيهِ، عَنْ عَطَاءِ بْنِ أَبِي رَبَاحٍ، عَنْ عَبْدِ اللَّهِ بْنِ عُمَرَ، قَالَ أَقْبَلَ عَلَيْنَا رَسُولُ اللَّهِ ـ صلى الله عليه وسلم ـ فَقَالَ " يَا مَعْشَرَ الْمُهَاجِرِينَ خَمْسٌ إِذَا ابْتُلِيتُمْ بِهِنَّ وَأَعُوذُ بِاللَّهِ أَنْ تُدْرِكُوهُنَّ لَمْ تَظْهَرِ الْفَاحِشَةُ فِي قَوْمٍ قَطُّ حَتَّىيُعْلِنُوابِهَا إِلاَّ فَشَا فِيهِمُ الطَّاعُونُ وَالأَوْجَاعُ الَّتِي لَمْ تَكُنْ مَضَتْ فِي أَسْلاَفِهِمُ الَّذِينَ مَضَوْا . وَلَمْ يَنْقُصُوا الْمِكْيَالَ وَالْمِيزَانَ إِلاَّ أُخِذُوا بِالسِّنِينَ وَشِدَّةِ الْمَؤُنَةِ وَجَوْرِ السُّلْطَانِ عَلَيْهِمْ . وَلَمْ يَمْنَعُوا زَكَاةَ أَمْوَالِهِمْ إِلاَّ مُنِعُوا الْقَطْرَ مِنَ السَّمَاءِ وَلَوْلاَ الْبَهَائِمُ لَمْ يُمْطَرُوا وَلَمْ يَنْقُضُوا عَهْدَ اللَّهِ وَعَهْدَ رَسُولِهِ إِلاَّ سَلَّطَ اللَّهُ عَلَيْهِمْ عَدُوًّا مِنْ غَيْرِهِمْ فَأَخَذُوا بَعْضَ مَا فِي أَيْدِيهِمْ . وَمَا لَمْ تَحْكُمْ أَئِمَّتُهُمْ بِكِتَابِ اللَّهِ وَيَتَخَيَّرُوا مِمَّا أَنْزَلَ اللَّهُ إِلاَّ جَعَلَ اللَّهُ بَأْسَهُمْ بَيْنَهُمْ " . صحيح رواه بن ماجه

وَحَدَّثَنِي عَنْ مَالِكٍ، عَنْ يَحْيَى بْنِ سَعِيدٍ، اَنَّهُ بَلَغَهُ عَنْ عَبْدِ اللَّهِ بْنِ عَبَّاسٍ، اَنَّهُ قَالَ مَا ظَهَرَ الْغُلُولُ فِي قَوْمٍ قَطُّ اِلاَّ اُلْقِيَ فِي قُلُوبِهِمُ الرُّعْبُ وَلاَ فَشَا الزِّنَا فِي قَوْمٍ قَطُّ اِلاَّ كَثُرَ فِيهِمُ الْمَوْتُ وَلاَ نَقَصَ قَوْمٌ الْمِكْيَالَ وَالْمِيزَانَ اِلاَّ قُطِعَ عَنْهُمُ الرِّزْقُ وَلاَ حَكَمَ قَوْمٌ بِغَيْرِ الْحَقِّ اِلاَّ فَشَا فِيهِمُ الدَّمُ وَلاَ خَتَرَ قَوْمٌ بِالْعَهْدِ اِلاَّ سَلَّطَ اللَّهُ عَلَيْهِمُ الْعَدُوَّ . موطأ الإمام مالك

حَدَّثَنَا مَالِكُ بْنُ اِسْمَاعِيلَ، حَدَّثَنَا ابْنُ عُيَيْنَةَ، اَنَّهُ سَمِعَ الزُّهْرِيَّ، عَنْ عُرْوَةَ، عَنْ زَيْنَبَ بِنْتِ اُمِّ سَلَمَةَ، عَنْ اُمِّ حَبِيبَةَ، عَنْ زَيْنَبَ ابْنَةِ جَحْشٍ ـ رضى الله عنهن ـ اَنَّهَا قَالَتِ اسْتَيْقَظَ النَّبِيُّ صلى الله عليه وسلم مِنَ النَّوْمِ مُحْمَرًّا وَجْهُهُ يَقُولُ " لاَ اِلَهَ اِلاَّ اللَّهُ، وَيْلٌ لِلْعَرَبِ مِنْ شَرٍّ قَدِ اقْتَرَبَ، فُتِحَ الْيَوْمَ مِنْ رَدْمِ يَاجُوجَ وَمَاجُوجَ مِثْلُ هَذِهِ ". وَعَقَدَ سُفْيَانُ تِسْعِينَ اَوْ مِائَةً. قِيلَ اَنَهْلِكُ وَفِينَا الصَّالِحُونَ قَالَ " نَعَمْ، اِذَاكَثُرَ الْخَبَثُ ". رواه البخاري

من أعمالنا سلط علينا ولا حول ولا قوة إلا بالله
نسأل الله العافية لنا ولأهالينا ولكل المسلمين

[analyzer]

كريم باشا
خلى بالك سلومة الاقرع ميعرفش ابوة وكف ايده زى المطرقه

[OlaOsman]

يا جماعة كده الدنيا اسودت اوي اكتر ماهي.. بس لسه فيه امل.. انا لسه راجعة من زيارة لدار مسنين.. ده اكتر يوم مجتاجين فيه يشوفوا وشوش جديدة و يغيروا جو.. خدناهم و وديناهم يتغدوا ع النيل في نادي نقابة المهندسين.. الحمد لله قدرنا نسري عنهم و لو يوم.. شفت النهاردة شباب و بنات نازلين من بيوتهم بس عشان يسعدوا الناس دي.. كل واحد فيهم ليه مشاغله و متاعبه.. انما عند اللزوم همه تحت امر اي عمل خير.. و الله انا شفت شاب من الشباب دول النهاردة حاول ينزل راجل مسن منهم السلم.. و لما لقى الراجل ده مش قادر ينزل قام شايله على إيده زي الطفل و نزل بيه السلم.. الله عليك يا محمود.. يسلم دراعك و يا رب يبارك لك في صحتك :)

فيه امل يا جماعة طول ما احنا موجودين.. امال احنا بنعمل ايه في الدنيا دي؟

[Dr_Mido]

All this is right but see how many is good and how is bad it is like 30% good to 70% bad 70% pepole dont know what to do our media lovd and admire dancer only now only sorry for english i am writing from my phone

[OlaOsman]

All this is right but see how many is good and how is bad it is like 30% good to 70% bad 70% pepole dont know what to do our media lovd and admire dancer only now only sorry for english i am writing from my phone

طيب و انت يا دكتور ميدو شايف نفسك بتنتمي لفئة انهي نسبة من دول؟ ال30% و لا ال 70%؟

[Abonora]

فيه امل يا جماعة طول ما احنا موجودين.. امال احنا بنعمل ايه في الدنيا دي؟

ان معاكى يا علا ما ينفعش نعيش من غير امل:):)

[Noha.M]

يا جماعة تفاءلو خيرا تجدوه

مهما الدنيا اسودت مقدرش انكر ان لسة فى حاجات كويسة ..احنا بذات كمصريين شعب طيب و عاطفى و مظنش ان

الشر ممكن يستفحل للدرجة اللى تخليكو خايفين اوى كدة من بكره

اة فى ازمة اقتصادية خلت الطبقة المتوسطة دى اختفت لأ و نزلت لتحت خط الفقر بس مهما كان انا بحس ان ربنا

مبينساش حد و مهماكان فى لسة ناس بتخاف ربنا و بتحاول على قد ما تقدر تساعد و تجلعك سبب

لمساعدة ناس تانية كمان مهما ساعدت الى حواليك او تصدقت او زكيت متقولش خلاص كدة كفاية

او اديت كتير بالعكس حاول على قد ما تقدر تكون سبب فك كرب مسلم لانه بجد هيجي علينا زمن

هنبقي نفسنا ندي كل حاجة عندنا للمحتاجين بس هيكون فات الاوان .. تعالو نبتدي بنفسنا و نحاول

نبقى كويسين ... ابقي كويس مع البواب و الشغالة و مع السايس و مع الساعى اللى عندك فى

شغل .حسسه ان الدنيا لسه بخير بجد والله انت ممكن تبقي سبب فى ان واحد يرفع ايده كدة لربنا و

يقول الحمد لله ..انت فكرته بربنا و فكرته بان الخير دة من عند ربنا ..ممهما الدنيا اسودت قاوم

الاحساس دة لانه ربنا فى الاخر هيجازيك خير لمجرد المحاولة


احنا بس محتاجين نرجع لدينا و محتاجين نغير ما بأنفسنا عشان ربنا يغير حالنا

[OlaOsman]

احنا بس محتاجين نرجع لدينا و محتاجين نغير ما بأنفسنا عشان ربنا يغير حالنا

الله عليكي يا نهى.. جبتي المفيد بكل بساطة :)