لون عربيتك ايه

[Abonora]

طبعا كتير منكم كان نفسه فى لون معين لعربيته
لكن لظروف ما بنجيب عربيه مش راضين عن لونها
والظروف دى مثلا زى انك بتشترى عربيه مستعمله طبعا مش هتحدد اللون
او مستعجل على شراء العربيه واللون ال عجبك هيتاخر 3او4 شهور اواكتر
او نفسك فى عربيه لونها اسود اوكحلى والالوان دى بعد سنتين تلاته لونها بيغير خصوصا مع التراب والجو بتاعنا الجميل
سؤالى دلوقتى ايه هو لون عربيتك وهو ده اللون ال عجبك والا كان نفسك فى لون تانى؟

[OlaOsman]

زرقا.. مستعملة فهي كده.. لقيتها كده و جبتها كده :)

اما التالية بإذن الله فهاتكون سيريون 1300 اوتوماتيك و لونها سماوي او احمر او نبيتي بترتيب الأفضلية.

على فكرة انا أصلا العربية اللي معايا لسه اول ليها معايا و ما ركبتهاش حتى.. بس من دلوقتي حاطة مواصفات اللي بعدها ما تسألينيش ازاي :p

[Abonora]

زرقا.. مستعملة فهي كده.. لقيتها كده و جبتها كده :)

اما التالية بإذن الله فهاتكون سيريون 1300 اوتوماتيك و لونها سماوي او احمر او نبيتي بترتيب الأفضلية.

على فكرة انا أصلا العربية اللي معايا لسه اول ليها معايا و ما ركبتهاش حتى.. بس من دلوقتي حاطة مواصفات اللي بعدها ما تسألينيش ازاي :p

ان شاء الله تجيبى اللون ال نفسك فى

[knightmido]

تعرف موضوع حضرتك فعلا لذيذ اوى .. عن نفسى انا اشتريت عربية مستعملة ..الحمد اللون كنت بحبه وهو الاسود فى الانوس 2 .. وده توفيق من ربنا وبس

[theking2690]

نبيتى و انا اللى مختار اللون لأنى جايبها زيرو

[abdelaziz-waleed]

موضوع ظريف جداً يا ام مالك بس كنت افضل انك تعمليه على هيئة استطلاع وتحطي فيه اشهر 10 الوان بدرجاتهم زي مثلاً الابيض والاحمر (وتحته النبيتي ودم الغزال) والازرق (وتحته الكحلي والزهري والبتنجاني) والرمادي وتحته (الفيراني) والاخضر (الزيتي) والاسود والاصفر (الكناري) وهكذا بحيث نعرف اكتر لون بيهتم بيه اعضاء المنتدي.

عموماً انا اشتريت عربيتي مستعملة بس ربنا وفقني وكان لونها كحلي. في الأول مكانشي عاجبني اوي بس كان عاجب زوجتي جداً ومع الوقت بدأت احب اللون ده جداً. انا عن نفسي بموت في لون دم الغزال.

[Moh.Fahmy]

انا بيغلب علي اختياراتي في اللون العملية شوية
يعني مافيش شك ان الغوامق في العربيات اشيك بكتير انما مش عملية في مصر بسبب فنانينا المنتشرين في الشوارع مستخدمين مسامير بدل الفرش و الخدوش ايضا في الغوامق بتظهر قوي
لذلك كان اختياري الشامبين و هو لون عملي قوي و فيه حركات كتير يعني بالنهار تلاقيه لون و بالليل لون تاني خالص و التراب ما بيظهرش فيها قوي


محمد فهمي

[Hossam.Hamdy]

الاسود ملك الالوان و بحب اللون ده جدا والحمد لله عربيتى سوداء...وموبايلى اسود كمان

[hazem_khidr]

السويفت لونها فيراني
الياريس لونها رمادي
و الاتنين انا اللي مختار لونهم و مكنتش حتنازل عن اللون اللي في بالي رغم اني جايب واحده جديده و التانيه مستعمله بس برضه اخترت
بالنسبه للمستعمل كنت منقي يا الفيراني يا الاحمر مارلبورو بس دي جات قولت عل البركه .
و عن نفسي ما اعرفش اركب عربيه لونها مش عاجبني

[FLYINGPEUGEOT]

بقولك ياحسام افندى
مفيش احسن من الازرق
والا مافيش عدادات :D:D:D:D:D
عامل ايه يا جميل واحشنى والله
وخلصت عربيتك ولا لسه

.....
والاسود كمان جامد عشان انت حبيبى ;)

[analyzer]

الفيرنا فضى وكنت حادزها سوداء بس كانت هتتاخر كتير عند غبور
الانسر نبيتى زى ما اخترت
لانوس سماوى ومكانش يفرق معايا الون وده الى كان موجود فجبتها
النوبيرا سوداء وده كان اخيارى
الالنترا نبيتى وبردو اختيارى
وان شاء الله هحدد قريبا لون الانسر الى جايه قريبا لانى لسه مددتوش

الون بيفرق كتير يعنى مثلا الفيرنا الفضى ممكن يعدى اسبوعين من غير غسيل امل النبيتى والاسود لازم قبل ما تخرج كل مرة

[Hossam.Hamdy]

بقولك ياحسام افندى
مفيش احسن من الازرق
والا مافيش عدادات :D:D:D:D:D
عامل ايه يا جميل واحشنى والله
وخلصت عربيتك ولا لسه

.....
والاسود كمان جامد عشان انت حبيبى ;)

ياباش الازرق برضه حلو...ولون عربيتك جميل جدا,,العربيه فاضل الفوانيس لسه مخلصتش...بس غالبا لما تخلص مش هعرف ارفع صور ولا اركبهم عشانعندى مشكله فركبتى اليمين وممنوع من الحركه الكثير...دعواتك يارايس

[Noha.M]

عربيتي سودا و متطلعة عيني اصلا فى التراب و كل شوية اقول لسايس الجراج لاااا يا عم ابراهيم منضفتش بيبقي

نفسه يجيب جردل المية يدلقو على نافوخي :D

هههههههههههههههههه

[FLYINGPEUGEOT]

تخلص على خير ياباشا ان شاء الله
والف الف الف سلامه عليك
وياريت تبقى تطمنى عليك وعلى العربية وعلى ركبتك :D

[Karim_Monir]

انا بحب اللوان الاساسية مش الالوان الفرعية
بحب الابيض الاسود الاحمر وكدة
بحب الالوان السماوي جدا بس لما شوفت الكرولا السماوي ماعجبتنيش خالص حسيتها مبعجرة مالهاش تضاريس
لما جيت اشتري الريو ال 2006 نقيت الازرق ولما جيت استلمها كان في مشكلة في التابلوة مارضيت استلمها وكانت اخر واحدة والتانية تيجي بعد شهرين
قاللي شوف الحمراء لما شوفتها بالبكتيتات السوداء وقعت في غرامها وقولت هيا دي
احمر مش فاقع احمر كاتم ودرجة حلوة كانت بتنزل في بي ام والنترا 2005
لما جيت اجيب الكرولا كان نفسي في اسود لانه من اشيك الالوان عليها هو والابيض
بس الابيض حسيتها ليموزين بصراحة
والاسود مع واحد موسوس بالنضافة وشكل عربيتة زيي كنت هاحط البواب في الشنطة ينزل ينضفها في كل اشارة
قولت يا سماوي يا فضي
السماوي معجبتنيش خالص وخاصة لما شوفت المستعمل بتاعها لونها تحسة مغير
لكن الفضي تحسة ليه رونقة رغم انتشارة الفظيع
وقولت اللعب اني اخلي شكل عربيت مختلف بطريقتي
بس اكتر عيوبة ان اقل نقرة خفيفة بتبان فيه واقل تجريحة خفيفة في بوية الاكصدام يظهر البلاستيك الاسود
بس اهم ميزة لما البواب يكون في البلد ممكن امشي بيها متربة ما يبانش قوي
او امسحها كوليشن كان وتبقي حلوة