دهاليز موبينيل

[amir]

موبينيل

اسم كبير لعالم سري مليء بالدهاليز و الخداع من الراس الكبيره الي كل شيء متعلق بالشركه دي

للاسف بقالي معاهم اكتر من 10 سنين تقريبا

الخدمه اللي عايز اعرفها منكم كالتالي

انا حاليا ستار بريميم 400 اشتراك شهري 100 جنيه 400 دقيقه مجانيه و المفروض في 5000 دقيقه (حوالي 80 ساعه) شهريا لنمرتين موبينيل بتحددهم و ليك انك تغيرهم بس بعد مرور شهر علي الاقل

بحكم عملي و دراستي احتياجي لعمل و تلقي مكالمات بيكون ساعات كتير جدا جدا جدا

لكن كان الطبيعي الفاتوره بتيجي 150-200

عدت فتره الفواتير خدت منحني متوحش و تعدت ال 500 جنيه و لمده شهرين كانت جت 450 و 370 جنيه

مسئول خدمه العملا و انا بدفع الفاتوره بتاعتي كان مندهش من قيمتها و طلب مني افكر اعلي الباكيدج بتاعتي لكن لعلمي المسبق ان العادي بيكون تحت ال 200 جنيه تمسكت بنظام اشتراكي

جربت الفاتوره اللي فاتت و كانت حوالي 300 و حاجه اطلب تفصيل ليها من فرع عباس العقاد لقيت موظفه خدمه عملا بارده و مش متعاونه معايا و اتصدمت لما عرفت اني المفروض ادفع مبلغ (حوالي 20 او 30 مش فاكر) و بعد مرور 48 ساعه ابقي اروح اخد فاتوره تفصيليه

المشكله اني شاكك ان في خلال حساب ال 5000 دقيقه مجانيه للرقمين بتوع موبينيل بيحصل غلطه ما و لا يتم خصم قيمه الدقايق المجانيه للرقمين دول

ما انا نسيت اقولكم ان نظامهم ان الفاتوره بتتحسب عادي من غير احتساب اي انظمه او عروض محدده و بعد ما بتخلص فتره المحاسبه الشهريه بتروح المركز الرئيسي و يتم خصم اي عروض او دقائق مجانيه

فأنا كنت شاكك ان الغلط بييجي خلال المرحله دي, لكن بسبب اسلوب تطويح العملا و ان الواحد بيفضي وقت علشان يروح يدفع اصلا!! و عدم تعاون مسئوله خدمه العملا في فرع موبينيل مش مهتم بتتبع المشكله دي خلاص

انا لما بتجيني بنود الفاتوره علي البريد في البيت اتصدمت من حاجه تانيه لما ركزت فيها و ده اللي مخليني اشتكي ليكم و اطلب المساعده

في الوقت اللي مشتركي الكروت مسبقه الدفع بيتمتعو ب 14 قرش للدقيقه او 8 قروش في المصري او اسلوب المحاسبه بالثانيه (الثانيه ب 8 مليم او 5 مليم علي حسب اوقات ذروه من عدمه)
بيتم احتساب سعر الدقيقه ب 30 قرش لمشتركي الخطوط !! غير طبعا خانه ظريفه بيضيفو فيها 15% ضريبه مبيعات

يعني و انا باشا كبير مشترك الخط معاهم بدفع اغلي سعر للدقيقه علي شبكتهم!!!

مع العلم انهم في حملات اعلانيه مكثفه قبل كده كانو بيعلنو عن مدي اهتمامهم بعميل استار (اشتراك الخط)

عايز نصايح بخصوص الموضوع ده من ذوي الخبره

لما كنت سألت مسئوله خدمه العملاء عن اسلوب التحويل من خط و الرجوع الي كارت لقيت ان في 50 جنيه المفروض ادفعها و كأني برضو بشتري خط جديد بنفس نمرتي مع العلم ان تمن الخط الكارت جديد اسمع انه ب 10 جنيه تقريبا او ارخص كمان حاليا!!!

يعني اسلوب لي الاذرع موجود موجود و ده مع انه مبلغ مش كبير الا اني مضايق جدا من الاسلوب الصهيوني ده في التعامل

ارجو سماع اقتراحات بس تكون مشاركات ايجابيه مثمره عن كيفيه التعامل مع الموضوع ده و اي من الانظمه المتاحه احسن لي

[memo_p910]

عليك بالاشتراك في شركة الاتصالات انا ليا تجارب سيئه مع فودافون ايضا وكانت اخرتها انهم صادروا الخط بتاعي اللي كان معايا بقاله 9 سنين لكن اتصالات الاماراتيه شركه محترمه

[ahmedabutaleb]

نصيحة سيب موبينيل خالص وحول اتصالات بنفس رقمك

[sayed911]

بص يا اخي انا مع موبينيل لحد ما بقيت جولدن ستار لأني مشترك من اول ما فيه حاجة اسمها موبينيل جت مصر ومعايا sim card والله لو شفتوا ها تدحك المهم ها ابسطها لحضرتك انا كنت مشترك معهم من فترة في عرض الـ 300 ادفع 300 جنيه واتكلم مع اي تلفون في مصر طول الشهر ولكن طبعا طبعا لسياسة الإستخدام العادل .....المهم جت فترة ولقيتبدفع فوق 300 وانا واثق انه مدة مكالماتي بتتسحب بطريقة مش طبيعية وده للأسف مكتشفتوش غير بعد فترة لأني مش انا اللي بدفع انا بديهم رقم حسابي في البنك وهمة بيسحبوا وبتجيني فاتورة من البنك بأنه موبينيل عملت كذى وكذى .. بعد اكتشاف الغلطة بكل بساطة ارفع السماعة على خدمة العملاء ومتكلمش موظف عادي قوله من فضلك انا عايز اكلم الـ super manger ها يقولك خير يا فندم والكلام ده قولوا من فضلك ..اديهولي و حولني عليه احكيلوا مشكلتك وقولو عليها وقول انا عايز حضرتك تسجل مكالمتي معاك (وده الطبيعي ) وهمة في العادة بيقولولك احنا ها نكلمك وقت كذى مثلا يعني تقولوا انا عايزك تحليلي المشكلة دي قبل 24 ساعة لأنو حضرتك من حقك تمتنع عن السداد في حالة الإرتياب من الفاتورة لأنه والله انا لما حصل معايا كده وعملت مشكلة ووصلت لمدير فرع بتاع ارض الجولف وصلت لحد التراضي ورجعولي المبالغ المسحوبة وكمان هدايا حضرتك لن تتخيلها شهرين مكالمات مجانية وي وي ولكن كل ده لا يغفر غلطة بالطريقة دي + انا عارف فرع عباس العقاد سئ الى ابعد الحدود فعلا مع حضرتك حق ولكن انا بفضل خدمة العملاء اللي مع حضرتك على التلفون دول بتعرف تاخد حقك منهم ولو متحلتش سجل مشكلة وتانية وثلاثة وهكذا الى ان يأتي لك حل ... وصدقني كل شئ قابل للحل ودي بسيطة ان شاء الله يا اخي وتحياتي لك ...

[ehab]

د. امير
الدقائق المجانية لموبتيل عددها مش 5000 لا عددها 500 بس
شوف اللينك دا بتاع ستار في سياسة الاستخدام العادل لارقام موبينيل المجانية هتلاقيه 500 بس
ط£ظ†ط¸ظ…ط© ط§ظ„طھظˆظپظٹط±

[أحمد كمال]

حول خطك بنفس العشر ارقام لاتصالات ...... يعني هتفضل
012xxxxxxx
بس اتصالات ......

[ah-gawad]

غير اتصالات بنفس الرقم ده احسن حل و مش هتندم ان شاء الله. انا عندي خط موبينيل من زمان اوي و خنقوني بس مش راضي ارمي الخط علشان ميبيعهوش تاني و بستخدمة كل 3 شهور مكالمة ب 20 قرش بس . شوية الواحد يفش غله في الحرامية دول ده انا كنت بشتري الكارت ب 120 جنيه يدخل ب 80 جنيه و الدقيقة ب 175 قرش ربنا ينتقم منهم والله علي السرقة دي اللي عيني عينك

[bedo13]

والله انا شايف ترمي الخط خااالص وتجيب خطين..
واحد فودافون فرندز وواحد اتصالات كل الناس او كل الناس بلس..

انا اضحك عليا في فودافون وموبينيل في نظام الفاتورة وفي الاخر الكروت احسن بكتييييير...

[M.Elsheikh]

انا كنت على نظام بريمو السنوي
ولما طلبت احول لنظام الكارت المدفوع مقدما ( ألو ) قالوا لي ما ينفعش
و كان الحل اني احول الى نظام ستار لمدة 3 شهور على الاقل وبعدين حولت لنظام ألو
وكان التحويل مجانا بدون مصاريف

[د.أحمد السعيد]

حول خطك بنفس العشر ارقام لاتصالات ...... يعني هتفضل
012xxxxxxx
بس اتصالات ......

+1111111111111111
و ب 70 جنيه و تخلص من الابتزاز دا

[hugan]

يا باشا حول اتصالات بنفس الرقم
انا حولت بعد 9 سنين اشتراك معاهم
في فرق رهيب في الحساب بين موبينيل واتصالات

[medo_2060]

حول اتصالات واشترى دماغك

[Egyzizo]

ليه فيه اجماع على ان اتصالات أحسن من موبينيل وفودافون؟؟
أحسن فى ايه بالظبط؟

[amir]

اولا انا اسف اني مشفتش الموضوع انا كنت داخل دلوقتي اكتبه تاني لأني امبارح باليل حاولت ادور عليه بكل السبل و مكنش موجود, يارب موضوع السيرفر يخلص علي خير قريب ان شاء الله

ثانيا متشكر لكل الاهتمام و الردود دي كلها

د. امير
الدقائق المجانية لموبتيل عددها مش 5000 لا عددها 500 بس
شوف اللينك دا بتاع ستار في سياسة الاستخدام العادل لارقام موبينيل المجانية هتلاقيه 500 بس
ط£ظ†ط¸ظ…ط© ط§ظ„طھظˆظپظٹط±

ماهو ده المكتوب لكن للاسف كل ما اسئل يقولو 5000 مش 500 و انا حاسس ان الفاتوره لما بتضرب بتكون بسبب غلطه في حساب الدقائق المجانيه

انا كنت بشتري الكارت ب 120 جنيه يدخل ب 80 جنيه و الدقيقة ب 175 قرش ربنا ينتقم منهم والله علي السرقة دي اللي عيني عينك

كلنا للاسف مرينا بالفتره الحقيره دي من الاستغلال بتاع الشبكتين, انا بحاول امني نفسي ان في مؤتمر الاتصالات القادم سعر الدقيقه ينزل ل 5 قروش و الموبيلات تكون مجانيه او بمبلغ رمزي مع عقود اشتراك لسنه او اتنين زي الناس بره
بس بالنسبه لموبينيل فبيعملو حركه حقيره شويه
لو انت علي نظام و ليكن الو خزعبلات مثلا حيث الدقيقه ب 20 قرش "مثلا"
لو عمل نظام جديد الو برضو اسمه شمهورش و دقيقته ب 10 قروش حضرتك لازم انت اللي تحول علشان تستفاد من العرض, بمعني انك لازم تكون مقطوع بقي وراهم تتابع و كأنك بتشوف نتايج الثانويه العامه

والله انا شايف ترمي الخط خااالص وتجيب خطين..
واحد فودافون فرندز وواحد اتصالات كل الناس او كل الناس بلس..

تفاصيل يا باشا تفاصيل
مش عايز ادخل علي مواقعهم علي النت و اخد الكلام المكتوب و شكرا انا عايز شرح من الواقع العملي لأني بقيت مش بثق فيما هو مكتوب في مواقعهم و بيغيروه كل ما احتاجو لكده و عقود اشتراكنا معاهم عقود اذعان للاسف و ساعتها احنا الغلطانين

انا اضحك عليا في فودافون وموبينيل في نظام الفاتورة وفي الاخر الكروت احسن بكتييييير...

معاك حق تماما في النقطه دي
ماهو لما الكارت يكون حسابه اقل من الخط يبقي فين مميزات الخط؟!!!
لو علي امكانيه عمل المكالمات يبقي اشتري ب 200 جنيه كروت و يكون معايا رصيد متواجد و كبير علشان لو اتزنقت "و كأن مفيش كروت شحن بتتباع كل 10 متر"
بس الكارثه لو السرقه ساعتها تكون من رصيد الشحن!!!

انا كنت على نظام بريمو السنوي
ولما طلبت احول لنظام الكارت المدفوع مقدما ( ألو ) قالوا لي ما ينفعش
و كان الحل اني احول الى نظام ستار لمدة 3 شهور على الاقل وبعدين حولت لنظام ألو
وكان التحويل مجانا بدون مصاريف

ماهي مشكلتي كلها بدأت لما كنت بريمو زي حضرتك و قلت طب ما المصري ده بيتحاسب 8 قروش ادفع انا 30 و 20 قرش ليه بقي و فعلا قالولي مينفعش تحول دايركت من بريمو و لازم تعمل اشتراك شهري ستار 3 شهور علي الاقل
اللي يضحك اني بعد ما اذعنت ليهم و وافقت لقيت انهم بعد شهر تقريبا فتحو التحويل عادي!!!

فعلا تصرفات ساويريس

+1111111111111111
و ب 70 جنيه و تخلص من الابتزاز دا

ممكن الخطوات تفصيلا اروح فين و ابدء ازاي و هل في مده الخدمه هتنقطع؟

يا باشا حول اتصالات بنفس الرقم
انا حولت بعد 9 سنين اشتراك معاهم
في فرق رهيب في الحساب بين موبينيل واتصالات

تفاصيل تفاصيل و الموقع بتاع اتصالات مش بيفهمني حاجه و بتوه فيه , يمكن انا من عصر الديناصورات

ليه فيه اجماع على ان اتصالات أحسن من موبينيل وفودافون؟؟
أحسن فى ايه بالظبط؟

اقولك انا موبينيل اوحش في ايه

طبعا حوار عدم الاهتمام بمصلحه العميل لو عرض نزل بسعر احسن يسيبك انت و حظك اخدت بالك و حولت يبقي فلت مكنش يبقي اديك بتدفع اغلي من الباقي و شكرا

خاصيه الانترنت مش شغاله معايا في كل حته و لما بتشتغل بتعلمني الادب تماما من حيث السرعه

[amir]

sayed911

بص يا اخي انا مع موبينيل لحد ما بقيت جولدن ستار لأني مشترك من اول ما فيه حاجة اسمها موبينيل جت مصر ومعايا sim card والله لو شفتوا ها تدحك المهم ها ابسطها لحضرتك انا كنت مشترك معهم من فترة في عرض الـ 300 ادفع 300 جنيه واتكلم مع اي تلفون في مصر طول الشهر ولكن طبعا طبعا لسياسة الإستخدام العادل .....المهم جت فترة ولقيتبدفع فوق 300 وانا واثق انه مدة مكالماتي بتتسحب بطريقة مش طبيعية وده للأسف مكتشفتوش غير بعد فترة لأني مش انا اللي بدفع انا بديهم رقم حسابي في البنك وهمة بيسحبوا وبتجيني فاتورة من البنك بأنه موبينيل عملت كذى وكذى .. بعد اكتشاف الغلطة بكل بساطة ارفع السماعة على خدمة العملاء ومتكلمش موظف عادي قوله من فضلك انا عايز اكلم الـ super manger ها يقولك خير يا فندم والكلام ده قولوا من فضلك ..اديهولي و حولني عليه احكيلوا مشكلتك وقولو عليها وقول انا عايز حضرتك تسجل مكالمتي معاك (وده الطبيعي ) وهمة في العادة بيقولولك احنا ها نكلمك وقت كذى مثلا يعني تقولوا انا عايزك تحليلي المشكلة دي قبل 24 ساعة لأنو حضرتك من حقك تمتنع عن السداد في حالة الإرتياب من الفاتورة لأنه والله انا لما حصل معايا كده وعملت مشكلة ووصلت لمدير فرع بتاع ارض الجولف وصلت لحد التراضي ورجعولي المبالغ المسحوبة وكمان هدايا حضرتك لن تتخيلها شهرين مكالمات مجانية وي وي ولكن كل ده لا يغفر غلطة بالطريقة دي + انا عارف فرع عباس العقاد سئ الى ابعد الحدود فعلا مع حضرتك حق ولكن انا بفضل خدمة العملاء اللي مع حضرتك على التلفون دول بتعرف تاخد حقك منهم ولو متحلتش سجل مشكلة وتانية وثلاثة وهكذا الى ان يأتي لك حل ... وصدقني كل شئ قابل للحل ودي بسيطة ان شاء الله يا اخي وتحياتي لك ...

----------
اقتباس

--------

هل ممكن التدقيق في الفواتير بأثر رجعي؟

انا ميعاد الفاتوره 15 الشهر ده