بجد ضحكتنـــى مووت ..ادخل و شوف الهم اللى يضحك و يبكي مع بعض !!!

[Noha.M]

أخبار

الأخبار السياسية

قرر السيد اللواء الوزير مدير الأمن المحافظ أمين الحزب أحمد عز الاتجاه إلى الثروة الزراعية وشراء كل محصول السبانخ من البلد واحتكاره.. وقد أقدم على هذه الخطوة بعد انتشار إشاعات مغرضة بأن السبانخ مليانه حديد
ــــــــــــــــــــــــــــــــــــــــــــــــــ ـــــــــ

بعد أن تزوج السيد اللواء الوزير مدير الأمن المحافظ أمين الحزب الملياردير أحمد عز بالسيدة صاحبة المليارات وعضوة مجلس الشعب شاهيناز النجار فيما عرف بزواج (المال والسلطة) مع (المال والسلطة).. قرر عم فتحى البواب الزواج من (أم عبده بتاعة اللبن .. فيما عرف بزواج ( الفقر والهمّ) مع (الفقر والغــمّ
ــــــــــــــــــــــــــــــــــ
قررت الحكومة بعد انتشار ظاهرة التعذيب في السجون أن تقوم بجلد وصعق وضرب وسحل مواطن مسلم.. وفى الزنزانة المجاورة نفس الأفعال مع مواطن مسيحى.. تطبيقا لشعار ثورة سعد زغلول..
يموت الهلال مع الصليب
ــــــــــــــــــــــــــــــــــــــــــــــــــ ـــــــــــــ

بعد إلغاء دعم الخبز وغلاء السكر والأرز والزيت والسمن وباقى ضروريات المعيشة قررت الحكومة استيراد أحبال جيدة الصنع تصلح للشنق،مع استيراد أطنان من سم الفئران. وهذا لزيادة الطلب على الأصناف المذكورة!!على أن يكون مكتوبا على كل حبل وعلى كل علبة سم.... الحكومة تضر بالصحة وتسبب الوفاة
ــــــــــــــــــــــــــــــــــــــــ
قررت وزارات التعليم والتضامن الاجتماعى والداخلية والرى التنسيق فيما بينهم.. حيث يذهب الفرد للتعلم في وزارات التربية والتعليم والتعليم العالى.. ثم يتخرج فيشحت فيذهب إلى وزارة التضامن الاجتماعى.. وعندما يواجه البطالة يتحول إلى إرهابى فتتلقفه وزارة الداخلية..وعندما يتم تظبيطه جوه أمن الدولة يخرج عشان يشرب من البحر عند وزارة الرى

الأخبار الفنية
بعد أن تسببت الراقصة دينا في أحداث التحرش في وسط البلد أثناء وصلة رقص حبا للجمهور في الشارع العمومى أمام سينما مترو.. قررت دينا أن تدعو الجمهور نفر نفر إلى بيتها لمواصلة الوصلة الراقصة..مع تحذير من عدم دخول أى موبايلات أو كاميرات فيديو.. أو أى حد اسمه حسام
ـــــــــــــــــــــــــــــــــــــــ
بدأ تصوير المشاهد الخارجية من الفيلم الجديد للزعيم عادل إمام والوجه الجديد سوسو 13 سنة..والقصة تدور حول عادل إمام الذى يحب سوسو ويطلب منها بوسه فترفض.. فيبوس واحدة غيرها..وتتوالى الأحداث والأبواس.. إلى أن يستطيع الزعيم أن يأخذ بوسة من سوسو 13 سنة.. ويتزوجها.. وصرح عادل إمام قائلا أن الفيلم يتناول برمزية قضية الشباب الغرقى المهاجرين إلى إيطاليا
ـــــــــــــــــــــــــــــــــــــ

بعد اقتناع هانى شاكر أن الغناء الحقيقى لم يعد موجودا.. قرر الاتجاه إلى الأغانى الشعبية والتافهة.. وقرر أن يغنى أغنية العنب مرة أخرى بتوزيع جديد.. ولأنه مطرب من جيل العمالقة .. قرر أن يغنى عنب من بتاع الصوبة أبو أربعة جنيه
ـــــــــــــــــــــــــــــــــــــــ
حادثة رهيبة شنيعة حدثت للمطرب المحبوب تامر حسنى.. حيث اكتشف بمحض الصدفة غياب شعرة من شعر صدره.. وقد أجَّل الفنان المحبوب تصوير بوستر الألبوم القادم إلى أن يتم العثور على شعرته المحبوبة بعد أن قرر التجديد والتطوير في البوستر بحيث أن تكون صورة البوستر عبارة عن شعر صدره بس من غير وِشُّه
ـــــــــــــــــــــــــــــــــــــ
بعد أن سمعت نجمة الجماهير الشابة نادية الجندى آراء الناس في مسلسلها السابق عندما قالوا إنها لا تستحى وإنها (يندب ف عينها رصاصة.. أكدت استهزاءها بآرائهم قائلة أنها لا تخاف من الناس ..( لأن العين عليها حارس

الأخبار الرياضية
خسر النادى الأهلى للمرة التاسعة على التوالى في الدورى العام.. ومن المعروف أن النادى الأهلى رغم خسارته مازال يتصدر الدورى بفارق 97 نقطة عن أقرب منافسيه وهو نادى ........... مش فاكر اسمه .. هوه نادى بيلبس أبيض
ـــــــــــــــــــــــــــــــــــــــ
بعد خروج مرتضى منصور من الحبس.. أنباء سرية عن أنه سوف يعلن في مؤتمر صحفى كبير عن وجود مستندات مهمة بحوزته تكشف اختلاسات وفساد في النادى الأبيض أثناء حكم محمد على باشا
ـــــــــــــــــــــــــــــــــــــــــ

نفى اللاعب حسام حسن شائعة اعتزاله معلنا أنه في قمة عطائه الكروى.. وأعلن أنه قد وقع عقدا مع نادى صفط اللبن لمدة خمسة وعشرين سنة
ــــــــــــــــــــــــــــــــــــــــ
بعد أن أصبح أحمد شوبير هو المعلق والمذيع والمعد وعضو مجلس الشعب ووكيل لجنة الرياضة ونائب رئيس الاتحاد لكرة القدم.. قررت القيادة أن تعطى له كرة قدم في يده .. وهوه يلعب اللى عايز يلعبه بقى
ـــــــــــــــــــــــــــــــــــــــــ

بعد إعجاب الرئيس باللاعب حازم إمام اثناء مشاهدته من المقصورة لمباراة مهمة.. أخبره أحد الجالسين أن حازم إمام لاعب الزمالك هو ابن حمادة إمام لاعب الزمالك السابق أيضا.. فأبدى الرئيس اعتراضه على التوريث داخل النادى

إعلانات
مطلوب شاب جامعى حاصل على بكالوريوس الطب والجراحة تقدير جيد جدا..حسن السير والسلوك..يجيد الفوتوشوب والجرافيك..يفضل ذوو الخبرة.. لتصليح ساعة يد لثرى عربى
ـــــــــــــــــــــــــــــــــــــ

تعلن شركة مصر للطيران عن تنظيم رحلات سياحية فاخرة إلى لندن بشكل منتظم للسادة رجال الأعمال أصحاب القروض والهاربين..على أن تخصص الدرجة الأولى إلى السادة فوق المليار جنيه.. والدرجة الثانية للسادة فوق المائة مليون جنيه.. أما السادة المكافحين الذين نهبوا أقل من مائة مليون جنيه.. فتنظم الشركة لهم رحلات على أتوبيسات غبور إلى ليبيا
وياتهدى يا تعدى
تنبيه: الاشتراك بأسبقية الحجز نظرا للضغط الشديد
ـــــــــــــــــــــــــــــــــــــــ
تعلن جمعية الرفق بالكلاب الدولية المشهرة تحت اسم

ليه تهوهو بعيد..تعالى هوهو معاناعن حاجتها لمُرَبـِّى كلاب له خبرة.. على أن يكون شبعانا ومستورا عشان مايبصش للكلب ف لقمته..

اتبعتلى على الميل بتاعى و قلت لازم تشوفوها :D بجد مسخرة:D

معلش لو قديمة:p

[Moh.Fahmy]

تحفة و الله
هم يضحك و هم يبكي
يعني انا بموت من الضحك و في نفس الوقت حزين جدا للانحدار اللي احنا وصلنا له

الله ينور عليكي


محمد فهمي

[Noha.M]

تحفة و الله
هم يضحك و هم يبكي
يعني انا بموت من الضحك و في نفس الوقت حزين جدا للانحدار اللي احنا وصلنا له

الله ينور عليكي


محمد فهمي

ميرسي يا فهمي على ردك

بس بجد مسخرة اوى الحتة بتاعة السبانخ اللى هيحتكرو سيادة اللواء مدير الامن امين التنظيم:D

[Moh.Fahmy]

ده بجد و حقيقي ان عز حيحيشتري محصول السبانخ عشان فيها حديد و عشان كمان السبانخ ارخص من التفاح
حيبقي اسم الشركة الجديدة سبانخ عز

[engamrnour80]

بجد تسلم على الهدية دى
شوف الكام سطر دول وصفوا حال البلد بجد
صحيح هم يضحك و هم يبكى
والف شكر يا باشا

[Abonora]

مووتينى من الضحك يا نهى:p:p:p
وفعلا هم يبكى وهم يضحك
بث انا عايزه الحق اشيل كام كيلو سبانخ للعيال قبل ما تتباع السبانخ باليورو
((يا سنه سوده يا ولاد)):D:D:D:D

[douha_wise]

جمييييلة بجد انا كنت قرأتها من فترة بس برضة كل ما اقرأها اضحك
جزاكى الله كل خير
و ربنا يفرج كربنا و يزيح عنا همنا

[محمد عز]

الراجل اللى كاتب الكلام ده مضايق جدا لان عامل مدونة وكاتب فيه افكاره وللاسف كل حاجة عاملها اتسرقت وحتى مش بيقولوا المصدر وفيه ناس بتنسب حتى مقالاته لنفسها
فانا قلت اعرفكم ان اللى كتب الكلام ده واحد اسمه أشرف توفيق
وموقع المدونة بتاعه فى اللينك ده

http://akhafdamm.blogspot.com/

[Noha.M]

ده بجد و حقيقي ان عز حيحيشتري محصول السبانخ عشان فيها حديد و عشان كمان السبانخ ارخص من التفاح
حيبقي اسم الشركة الجديدة سبانخ عز

حتى السبانخ يا جدعان !!!:D

دة انا حتي مبحبهااااااااش:p

عارف فكرتني بالنكتة بتاعة : امانة عليك يا نظيف توكيا الزلط لعلاء:D

بجد تسلم على الهدية دى
شوف الكام سطر دول وصفوا حال البلد بجد
صحيح هم يضحك و هم يبكى
والف شكر يا باشا

الف شكر يا عمرو انا قلت لازم تعيطو قصدي تضحكو معايا;)

مووتينى من الضحك يا نهى:p:p:p
وفعلا هم يبكى وهم يضحك
بث انا عايزه الحق اشيل كام كيلو سبانخ للعيال قبل ما تتباع السبانخ باليورو
((يا سنه سوده يا ولاد)):D:D:D:D

و لسة يا ام مالك والله الناس بقت بتموت فى طوابير العيش !!

فى اكتر من كدة ؟

ربنا يستر علينا

جمييييلة بجد انا كنت قرأتها من فترة بس برضة كل ما اقرأها اضحك
جزاكى الله كل خير
و ربنا يفرج كربنا و يزيح عنا همنا

امين يا رب

الراجل اللى كاتب الكلام ده مضايق جدا لان عامل مدونة وكاتب فيه افكاره وللاسف كل حاجة عاملها اتسرقت وحتى مش بيقولوا المصدر وفيه ناس بتنسب حتى مقالاته لنفسها
فانا قلت اعرفكم ان اللى كتب الكلام ده واحد اسمه أشرف توفيق
وموقع المدونة بتاعه فى اللينك ده
http://akhafdamm.blogspot.com/

ميرسي يا كاسبر انك عرفتنا بس يمكن ناس كتير مش متابعة المدونات فعلى الاقل ادينا بنوصل و ننشر المعلومة و يا ريت لو الادارة تقدر تشير لصاحب المدونة عشان نبقي حافظنا على حقوق الملكية

[Chicco]

"كم ذا في مصر من مضحكات... ولكنه ضحك كالبكاء"

تفتكروا بيت الشعر ده إتكتب امتى و لسة برضه شغال
قالوا المتنبي من أكتر من ألف سنة

[HESHAM AMIN]

شر البلية ما يضحك