بعد عناء وطول انتظار... أخيراً اشتريت تليفون

[kamalsalem]

أولاً احب اشكر كل الشباب اللي ساعدوني في الاختيار عشان انا كنت محتار فعلاً

وقد وقع الاختيار على الجثة دي... وبقول جثة لأنه تليفون ضخم فعلاً



ليه الاختيار؟ انا من الاول مش عايز اي فون عشان غالي... فكان الحل التاني هو الاندرويد بسلطاته وبابا غنوجه

طب التليفون ده ويندوز موبايل... هو الحقيقة هايل زي ما هو بس انا ان شاء الله هنزل اشتريله كارت ميموري 32 جيجا وارزعله اندرويد (واحد زميلي في الشغل عامله وماشاء الله عليه شغال معاه كويس جداً) وممكن يتعمل مالتي بوت.. يعني ويندوز مع اندرويد

الجهاز ماشاء الله باين عليه نعمة البروسيسور ال1 جيجا ومريحني جداً

لسه ملعبتش فيه جامد ومش عارف حتى اقرا سايتات بالعربي عليه عشان لما نزلت العربي الدنيا كلها قلبت عربي ف مستني اشوف الحوار ده تاني عشان المرة الاولانية اضطريت اعمله هارد ريسيت عشان يرجع انجليزي

[wael ahmed]

الف مبروك يا باشا .. وجبته على كام .؟

[kamalsalem]

هو في التوكيل ب4 بس انا جبته من راية ب 2999.... واديتهم 3000 مادونيش الجنيه ولاد الــ.....

[M.Yahia]

الف مبروك يا باشا وان شاء الله حيعجبك جدا لانه كويس و فيه امكانيات محترمة

[kamalsalem]

انا دلوقتي محتار مش لاقي برنامج gps محترم اعرف انزل عليه خرايط مصر عشان مش ناقصة جوجل مابس وادفع دم قلبي كل أول شهر

[ahmad--ezzat]

هو دة الكلاممممممممم ياباشا

وايه اخبار التتش بتاعه؟

وصوته حلو ولا سرسعه زى النوكيا اللى معايا :( (n86)

وضمانه قد ايه

وياترا ايه الاكسسوارات اللى معاه

[kamalsalem]

مش هقولك غير لو قلتلي انزل ايه على الجي بي اس

بهزر طبعاً

التاتش اكتر من رائع.. الشاشة capacitive وحساسة و multitouch وكل الحركات... جميلة فعلاً ما شاء الله.. غير طبعاً انها 4 انش وشوية.. يعني تنفع يافطة اعلانات على كوبري اكتوبر

صوته جميل... انا مطلعتش السماعات من العلبة حتى لسه... وان شاء الله بالليل هوصله في العربية واسمعه شويه... بس وهو كده انا شايف صوته جميل جداً جداً

الضمان سنة كما هو الحال دائماً

الاكسسوارات... شاحن زي بتاع الاي فون اللي هو عبارة عن فيشة في اخرها وصلة يو اس بي... يعني الشحن مبدأياً يو اس بي... معاه سماعة ستريو... وكارت 2 جيجا... وجراب جلد... وطبعاً كابل اليو اس بي

[ahmad--ezzat]

والله ياباشا مواضبع الجى بى اس دى مش من اختصاصى وبعدين انا بالنسبالى شايف انها ملهاش لازمه :).....هو حضرتك ليه مفكرتش فى الاومنيا 2

http://latestpriceindia.com/wp-......./uploads/2010/07/samsung-omnia.bmp

[د.محمود صلاح]

ادخل على المنتدى الكفي الشهير فيه كل ما تريده بالنسبة لجهازك

برامج الجي بي اس كثيرة جدا جدا وأحلاهم ال I go ( خريطة القاهرة واسكن\رية فقط عربي وبتوجيه عربي ) والجارمن ( خريطة مصر تفصيلية للمحافظات والمراكز الكبرى ولكن انجليزي بتوجيه صوتي انجليزي )

[rockana]

انا دلوقتي محتار مش لاقي برنامج gps محترم اعرف انزل عليه خرايط مصر عشان مش ناقصة جوجل مابس وادفع دم قلبي كل أول شهر

في garmin وهاتلاقيه معموله crack انتظر ليوم الاحد ان شاء الله و انا اجيبلك اللينك

[kamalsalem]

والله ياباشا مواضبع الجى بى اس دى مش من اختصاصى وبعدين انا بالنسبالى شايف انها ملهاش لازمه :).....هو حضرتك ليه مفكرتش فى الاومنيا 2
http://latestpriceindia.com/wp-........sung-omnia.bmp

الاومنيا جهاز جميل والله... مش عارف ليه مفكرتش فيه الحقيقة... انا كان همي في التليفون اللي اجيبه اني اعرف انزل عليه اندرويد

ادخل على المنتدى الكفي الشهير فيه كل ما تريده بالنسبة لجهازك

برامج الجي بي اس كثيرة جدا جدا وأحلاهم ال i go ( خريطة القاهرة واسكن\رية فقط عربي وبتوجيه عربي ) والجارمن ( خريطة مصر تفصيلية للمحافظات والمراكز الكبرى ولكن انجليزي بتوجيه صوتي انجليزي )

اذا فهو جارمن... هشوف المنتدى ده ايه نظامه

في garmin وهاتلاقيه معموله crack انتظر ليوم الاحد ان شاء الله و انا اجيبلك اللينك

ماشي يا باشا في انتظارك بس وحياتك متنسانيش احسن حاسس اني ماشي بتليفون لعبة.... اصل انا في الخصلة دي.. لو حاجة واحدة مش شغالة في الجهاز... يبقى كأنه كله كسر بالنسبالي

[VTEC]

مبروك يا باشا :)

احسن نافيجيشن هو الiGO وده اللى بستخدمه

اللغه فى الSettings خش على الSystem بعد كده Multilingual Support فى Tab تحت اسمه Control اختار منه English With Arabic Enabled ومبروك عليك الواجهه الانجليش بدعم العربى :)

[VTEC]

صحيح هو مش جاى معاه Copilot Navigation ؟

[kamalsalem]

مبروك يا باشا :)

احسن نافيجيشن هو الiGO وده اللى بستخدمه

اللغه فى الSettings خش على الSystem بعد كده Multilingual Support فى Tab تحت اسمه Control اختار منه English With Arabic Enabled ومبروك عليك الواجهه الانجليش بدعم العربى :)

الله عليك يا غالي.... انا فعلاً نزلت iGo بس حاسه كده مش أصلي وانا جوه البيت.. هجربة لما انزل... موضوع الانجليش بجربه اهه... لقيت ورقه صغيرة كده برشامة في العلبة تقوللي اعمل ايه قبل الخطوات اللي انت بتقول عليها دي

[VTEC]

الGPS مش لاقط اشاره صح؟

انا عندى نفس الموضوع فى البيت برده

اللى انا قلتهولك ده بعد لما تنزل العربى من الValueadded Installer (الخطوه اللى الموبايل بيقلب عربى بعدها)