للمصورين و محبى التصوير

[MoMohsen]

انا عامل الموضوع دة كبديل للموضوع السابق اللى للاسف اتمسح وقت ما النتدى وقع .بس مش مشكله المهم ان الناس موجودة و ان شاء الله هنعمل الموضوع تانى.
هو الموضوع بشكل عام دعوة للمشاركة بالصور و طبعا الاهم تبادل الخبرات و اساليب التصوير و المعلومات عن الكاميرات و امكانياتها و اسعارها.
وكبدايه يا ريت كل واحد يحط الفليكر بتاعه. وانا هبدأ و مستنى رأيكم
Flickr: MoMohsen's Photostream

[Ahmed R08]

موضوع جميل يا ا محمد
وخساره الموضوع اللى فات

انا لسه اول مرة اشترى كاميرا واول مره اقرأ عن التصوير

واشتريت canon powershot sx210 is

والفليكر بتاعى فى التوقيع ودى كل التجارب اللى جربتها بالكاميرا

يا ريت تقولولى رأيكو ايه ولو فى اى نصائح

[Ahmed R08]

انا عامل الموضوع دة كبديل للموضوع السابق اللى للاسف اتمسح وقت ما النتدى وقع .بس مش مشكله المهم ان الناس موجودة و ان شاء الله هنعمل الموضوع تانى.
هو الموضوع بشكل عام دعوة للمشاركة بالصور و طبعا الاهم تبادل الخبرات و اساليب التصوير و المعلومات عن الكاميرات و امكانياتها و اسعارها.
وكبدايه يا ريت كل واحد يحط الفليكر بتاعه. وانا هبدأ و مستنى رأيكم
Flickr: MoMohsen's Photostream

صور الفليكر بتاعك ما شاء الله جامدين جدا
اعذرنى انا مش مصور محترف عشان انتقد الصور واقدر افيدك بفنيات بس من وجهه نظرى فى صور كتير حلوة اوى وعاجبنى ال exposure فى صورة حمام السباحه

وبالتوفيق

[beetleMOSH]

جميله اوى الصور بتاعتكوا ما شاء الله
بس انا ليا سؤال
هى الكاميرا هى اللى بتعمل ايفيكتات كده
ولا انتوا بعد ما بتصوروا بتظبطوا الصوره ببرامج معينه ؟؟

و لو كده مثلا ايه كاميرا ممكن ابداء بيها تصوير
( بحب الموضوع ده جدا )

[moonish_galaxy]

ايه الجمال ده كله بجد صور تحفه

كنت عاوز اسال نفس السؤال الي ساله beetleMOSH التاثيرات دي بتتضاف من الكاميرا
ساعه التصوير و لا بيتم اضافتها فيها بعد .... و علي فكره انا بحب التصوير جدا بس للاسف
بكاميرا الموبايل و نفسي ربنا يتوب عليا بقي و اشتري كاميرا نضيفه فكنت عاوز اعرف ايه افضل نوع متوفر
و هايعمل في حدود كام ................. متشكر

[MoMohsen]

صور الفليكر بتاعك ما شاء الله جامدين جدا
اعذرنى انا مش مصور محترف عشان انتقد الصور واقدر افيدك بفنيات بس من وجهه نظرى فى صور كتير حلوة اوى وعاجبنى ال exposure فى صورة حمام السباحه

وبالتوفيق

على فكرة انا زى حضرتك مش محترف و هتلاحظ الكلام دة فى الصور القديمه انا بس بدأت من فترة قريبه انى اخدة بأحتراف شويه
وبعدين يا راجا انت ما شاء الله صورك تحفه و عجبتنى اوى صور راس البر تحس اكنها HDR

جميله اوى الصور بتاعتكوا ما شاء الله
بس انا ليا سؤال
هى الكاميرا هى اللى بتعمل ايفيكتات كده
ولا انتوا بعد ما بتصوروا بتظبطوا الصوره ببرامج معينه ؟؟

و لو كده مثلا ايه كاميرا ممكن ابداء بيها تصوير
( بحب الموضوع ده جدا )

ايه الجمال ده كله بجد صور تحفه

كنت عاوز اسال نفس السؤال الي ساله beetleMOSH التاثيرات دي بتتضاف من الكاميرا
ساعه التصوير و لا بيتم اضافتها فيها بعد .... و علي فكره انا بحب التصوير جدا بس للاسف
بكاميرا الموبايل و نفسي ربنا يتوب عليا بقي و اشتري كاميرا نضيفه فكنت عاوز اعرف ايه افضل نوع متوفر
و هايعمل في حدود كام ................. متشكر

هو طبعا عشان الصور تطلع كدة معتمدة على الجزئين بمعنى تظبيط وضع التصوير و الاعدادات و بعدين تعدل على الصور بالطريقه اللى تشفها مناسبه.
كمثال على كدة نفترض انى عاوز اصور صورة لشلال ميه. فمن الاعدادات هظبط الـShutter Speed على السرعه اللى عاوز الميه تظهر بيها يعنى لو سرعته عاليه يبقى الميه هتبان بالتفاصيل كامله و حتى نقط الميه المتناثرة من اندفاع الميه هتبان كل تقطه منفصله. لكن لو خليت السرعة بطيئه هتلاقى الميه نازله اكنها شال حرير كله متصل ببعضه.
للتوضيح ممكن تشوف الصورة اللى تحت و تشوف الفرق

طبعا بعد ما اخدت الصورة هبدأ اعل عليها و اشهر برامج التعديل Adobe PhotoShop , Adobe Light room
بس لو lightroom اسهل لان فيه Presets اللى هى اعدادات جاهزة و بالتالى هتكون كويسه لو واحد بيبدأ فى موضوع التعديل و ممكن تدخل Ddevelopment اللى هو تعديل يدوى مش مجرد اعدادات جاهزة

[Abdo_Eldesokey]

بجد معلومة الـ Shutter Speed دي جامدة .. كانت محيراني أوي

ألف ألف شكر يا باشا

إيه بقى معنى Exposure

والـ ISO Speed

[Ahmed R08]

صورة lonley boat جامده جدا ما شاء الله

وكنت عايز اعرف من حضرتك صورة w2ater drop 2 صورتها ازاى كأعدادات و كا تجهيزات الاستوديو فى البيت عشان انا طلع عينى ومش عارف اظبطها ابدا

صور راس البر انا عاملها على ال photo matix ب 3 exposure بس للاسف الاصل ملف واحد بس ولاعب فى ال exposure ب الlightroom عشان الكاميرا مفيهاش AEB ولما بصور يدوى الصور بتطلع مهزوزة عشان لسه مجبتش ترايبود

[MoMohsen]

بجد معلومة الـ Shutter Speed دي جامدة .. كانت محيراني أوي

ألف ألف شكر يا باشا

إيه بقى معنى Exposure

والـ ISO Speed

انا هحاول اشرح معنى الExposure ببساطه و معلش لو شرحى مش واضح.
الـExposure هو مجموع تلاث اشياء مجتمعه وهى ISO + Shutter Speed + Aperture
ISO :
ببساطه هو حساسيه السنسور للضؤ بمعنى انك تتحكم تعرف امتى تستخدم ISO عالى ودة فى حالات زى الاضاءة الضعيفه او لو بتستخدم زووم و عاوز فى نفس الوقت تحافظ على التفاصيل بس طبعا لو ISO عالى اكتر من اللازم بيظهر Noise عاليه فى الصورة و لو اقل من اللازم بتقل التفاصيل.
Shutter Speed:
و هو التحكم فى مدة فتح الـShutter لان كل ما المدة تزيد بتسمح لكميه اضاءة اكتر انه تدخل ودة زى الNight Shots او لالتقاط صور زى اللى فى المشاركة السابقه
Aperture:
وهو حجم فتح العدسه عند التقاط الصورة بمعنى ان لو الفتحه كانت كبيرة هتسمح بكميه ضؤ اكثر انها تدخل للسنسور
والتحكم فى الثلاث عوامل هو ما يعطى الـExposure

يعنى لو افترضنا ان عيتك هى الكاميرا و طلبت منك تبص على ضؤ جامد زى الزينون هتلاقى طبيعى انت بتتحم فى التلاث اشياء عشان تقدر تشوف يعنى مثلا هتقفل الجفن شويه عشان تقدر تشوف و هو ما يقابل لـAperture.
وهتقدر تبص قد ايه قبل ما تقفل جفنك و هو ما يقابل الـShutter Speed .
و فى الاخر لو لابس نظارة شمس او لأ و دة ما يعادل هنا الـ ISO

[Kareem_A]

للأسف الموضوع الفات كان ممتاز , بس مش مشكلة ان شاء الله دة يكون احسن منه

و دة الflickr بتاعي

Flickr: kareem_A's Photostream

[fouady]

صوركو ما شاء الله كله حلوين سواء إن كان kareem A - MoMohsen -

[M7amD_7amDy]

ايه ده هو الموضوع راااااااااااااااح؟؟

أنا زعلت بجد :(

[sayed911]

والله يا اخي انا هشارك بإني لسة معملتش حساب ولسة مبدأتش برفع اي صور ولكن انا عايز افيد اني جبت كام جديدة الـ cannon D450 وهية تقريبا جبتها من عند الكينج بـ 3900 جنيه وان شاء الله في اقرب فرصة ها اضيف المزيد من المعلومات عن الكام دي اللي تعتبر الى حد ما مش معروفة ...

[MoMohsen]

صوركو ما شاء الله كله حلوين سواء إن كان kareem A - MoMohsen -

الله يخليك يا فودى باشا دة من ذوقك انت بس

والله يا اخي انا هشارك بإني لسة معملتش حساب ولسة مبدأتش برفع اي صور ولكن انا عايز افيد اني جبت كام جديدة الـ cannon D450 وهية تقريبا جبتها من عند الكينج بـ 3900 جنيه وان شاء الله في اقرب فرصة ها اضيف المزيد من المعلومات عن الكام دي اللي تعتبر الى حد ما مش معروفة ...

اخيرا يا عم سيد . طب الحمد لله و هدعيلك زى العربيات و اقولك ربنا يديك خيرها و يكفيك شرها
المهم انك جبت الكاميرا و الباقى بعد كدة كله هييجى بالتدريج
ودة على العموم الجاليرى بتاعى على Divanart لانى بحس انه احسن من Flickr
momohsen's deviantART gallery

[Abdo_Eldesokey]

انا هحاول اشرح معنى الExposure ببساطه و معلش لو شرحى مش واضح.
الـExposure هو مجموع تلاث اشياء مجتمعه وهى ISO + Shutter Speed + Aperture
ISO :
ببساطه هو حساسيه السنسور للضؤ بمعنى انك تتحكم تعرف امتى تستخدم ISO عالى ودة فى حالات زى الاضاءة الضعيفه او لو بتستخدم زووم و عاوز فى نفس الوقت تحافظ على التفاصيل بس طبعا لو ISO عالى اكتر من اللازم بيظهر Noise عاليه فى الصورة و لو اقل من اللازم بتقل التفاصيل.
Shutter Speed:
و هو التحكم فى مدة فتح الـShutter لان كل ما المدة تزيد بتسمح لكميه اضاءة اكتر انه تدخل ودة زى الNight Shots او لالتقاط صور زى اللى فى المشاركة السابقه
Aperture:
وهو حجم فتح العدسه عند التقاط الصورة بمعنى ان لو الفتحه كانت كبيرة هتسمح بكميه ضؤ اكثر انها تدخل للسنسور
والتحكم فى الثلاث عوامل هو ما يعطى الـExposure

يعنى لو افترضنا ان عيتك هى الكاميرا و طلبت منك تبص على ضؤ جامد زى الزينون هتلاقى طبيعى انت بتتحم فى التلاث اشياء عشان تقدر تشوف يعنى مثلا هتقفل الجفن شويه عشان تقدر تشوف و هو ما يقابل لـAperture.
وهتقدر تبص قد ايه قبل ما تقفل جفنك و هو ما يقابل الـShutter Speed .
و فى الاخر لو لابس نظارة شمس او لأ و دة ما يعادل هنا الـ ISO

المثال الي في الآخر ده جاب الخلاصة
ألف شكر يا باشا